坐忘 (已搬遷) 新店位置

約了蝦子餅去睇傢俬，看後經過一間門面簡單，但內裡坐滿客人的餐廳，翻開門口的菜牌看看，原來是間曰式食堂，有定食等等…………於是我倆便推門入內食晚餐因為趕時間，我倆匆匆食完便再去睇傢俬，待下次有時間先試埋其它定食，簡單；快趣；可口又衛生是這間餐廳的特色吧！

經朋友推介，決定來「坐忘」一試，全店以木裝修，給人一種很悠閒的感覺，舒適寧靜，很適合三五知己相聚聊天，服務員態度亦很好，最特別的是這間餐廳著重「無添加、無味精、多蔬菜、少油」的烹飪理念，讓大家可以吃得健康一點，這點非常值得支持。可是對於我這個愛濃味的食肉獸來說卻會有點猶豫，因為我總覺得吃得健康＝唔好味，不過既然一場來到，吃了再算吧！雜菇茄子牛肋咖哩飯(HK$69)，一上枱，香噴噴，只看賣相已覺非常吸引，立即夾一塊牛肉試試，超腍超好吃，這個飯還配上很多雜菇和茄子，真的令人很滿足！而且吃了一堆蔬菜後內心總會好過一點，覺得自己有吃得比較健康，哈哈！咖哩汁甜而不辣，如果可以選擇辣度會更好，個人比較喜歡吃辣咖哩。必食指數：4粒星豬軟骨七小時煮胡麻湯烏冬(HK$73)掛住食一時忘了拍照，不知道是否吃了咖哩飯的關係，這個烏冬完全無味，質感還可以，豬軟骨肉質超腍，不過真的不夠味，溏心蛋也可再濃味一點，這個沒有必食指數了。其實很想試溏心蛋吞拿魚沙律(HK$74)，都唔平O架！可惜我們胃口太細，只吃這個飯和烏冬已經飽到不得了，下次再來試沙律吧！題外話，天后真的很多食店，出地鐵站後一直沿電氣道走，中西日韓越

店面其貌不揚, 見是區內新食店便走近看一下菜牌, 單是看到"一日野菜"我便二話不說拉老公入門坐下!Go green的念頭常在心裏燃燒, 雖然坊間多了素食店, 有時要配合要吃肉的朋友就要找尋多元化的食店。"一日野菜"自稱代表了人一日所需的蔬菜量, 我點了"一日野菜"定食。是碟頭飯!但Green既!裏面大概用了10多款蔬菜, 每款兩三塊, 邊食邊數, 有紅椒青椒黃椒翠玉瓜蓮藕洋蔥南瓜西蘭花茄子西芹甘筍蕃茄椰菜花, 我希望你不揀食咁你就能夠吸收哂豐富既營養喇!菜的口感也有驚喜, 如蓮藕有先炸, 後加燒汁炒, 出品就惹味又脆喇!我想green但不用減肥所以不用少鹽少糖少油, 呢個碟頭飯本來很好可惜落鹽重手左, 鹹過頭了.......六七十蚊有菜,飯,湯, 夫復何求呢!後記: 偷吃了老公的牛肋肉, 很難忘, 軟腍入口溶化得來表面脆, 牛香滿溢, 罪過罪過.........但真係好食, 推介!

「座る。  そして、忘れられる。」― 這是最初我對小店的印象。對我來說，療愁的最佳方法是睡覺。睡一頓好覺，醒來後會發現之前煩惱的事情好像沒想像中嚴重，惱怒的心情減輕不少。當然，找一間好的咖啡店，喝杯好東西亦有幫助，但香港並沒有一推門就有位子的咖啡店，怕到時只會越等越愁。記得很久以前已經知道坐忘這間店，一見到店名，已經僞文青病發作，不過因為工作太忙，把此事擱著，一直等到上星期才有機會去試。天后那間其實是分店，總店在鰂魚涌，是由藤田夫婦所開，主打健康日本家庭菜。晚上19:00左右來到，沒什麼人，難怪打電話訂位時店員說不用訂位。個人很喜歡店內装潢，除了周圍掛上日文menu板和放有村上春樹的小說，令小店增添幾分日本味外，又多採用原木擡櫈，佈置亦很有山系風格，這個在牆上掛著的背包、煤油燈、馬克杯等露營用具，以及「Camper's」這個英文店名中均可以一一體現出來。先點溏心呑拿魚沙律（$74），因為瞄過隣桌，所以知道沙律相當有份量，我們便囑咐店員等我們通知後才上主食。沙律帶濃濃的芝麻醬味，又帶點麵豉的味道。這個沙律用料非常豐富，店方採用生菜、沙律菜、紅蘿蔔絲、吞拿魚、白芝麻、車厘茄，還有開邊溏心蛋

有時出去食晏下下食茶餐廳真係幾悶, 所以都會間唔中去搵下D特別少少的餐廳試下坐忘CAMPER'S係正我公司斜對面, 貪佢夠方便, 野食都算多款揀先上既係黑椒燒汁牛肋飯, 牛肋(冇骨)應該有炆過, 因為好淋好入味, 黑椒味唔會好重, 唔會蓋過牛肉本身既香味. 個汁可以撈飯, 食落唔會話好膩/ 好咸之後到我揀既溏心蛋吞拿魚沙律烏冬, 賣相幾靚, 不過同我想像中有少少分別, 因為我本身以為個烏冬係冷烏冬, 原來係暖既, 我自己就覺得如果係冷烏冬既話會夾D吞拿魚肉比較大, 食落普通, 有D似雞肉味我有D係為左個溏心蛋而叫, 唔錯, 唔會話好膠, 蛋黃唔係熟晒100%, 食落有少少黏黏地既感覺總括係唔錯, 值得一試既餐廳! 

Camper's 主廚Fujita Kenta 在日本經營坐忘多年，將無添加、無味精、每道菜都多菜少油的煮法帶來香港，令人食得健康。打開餐單，食品種類不少，咖哩飯、湯麵、烏冬和小吃應有盡有。坐忘的咖哩飯比較出名，就點了咖哩飯一試，同一般日式咖哩飯一樣（唔辣）牛肋切粒，煮得軟淋淋的唔會韌，配菜份量多之外種類也多，有西蘭花、翠玉瓜、薯仔、蘿蔔等等……好少可在外面食飯可以食到如此多份量的蔬菜，想食得健康的可以一試。

很久前增光顧坐忘位於側漁涌的本店，得悉在天后開了分店，一直想試，今天便來了！天氣時雨時晴，本來想打消到訪的念頭。怎料，完成工作前又灑了一場大雨。但相信天會造美，便決定起行到係位於天后的坐忘。時時都為三餐而思前顧後，想抓緊每次善待胃部的機會。慢慢到了偏執的地步，連自己也感到可怕。愈執著的人，愈易受到挫敗。是時候放過自己，讓自己有喘息的空間。坐忘。田園裝潢，簡單舒適。店主也擺放了數本日本的書籍。也有寫滿日文的黑板，看似是在介紹烹煮方法。過了午膳時間，但也有頗多食客。用餐期間也不斷有食客進內。一坐下，店員便細心地在我旁放下一個布盒，讓我放置背包，很讚！一張餐牌，食物選擇頗多。其實都是那幾種食材，不過有不同的搭配。最下面三款是午餐，其他的可加錢點飲品。值得留意的是，部份餐點可轉為素食。但有些本來已是素食，可能是會轉素醬汁和走蛋走奶吧。我當然點素的，加了一杯熱的原味乳酸。原味乳酸(熱)：一直以為是乳酪酸奶類，也奇怪為何有熱的。原來誤會了，哈哈，是乳酸。類似100億乳酸飲品，但沒有很甜！本來很擔心喝擺會惹痰，怎料完全沒有，糖份不太高，值得一試！野菜溫沙律烏冬(走醬)：顏色很美！很吸引！一看便知道野

前排約左幾個鐘意食咖喱既朋友一齊去左天后呢間坐忘食飯我同朋友都好鐘意呢度既環境，入到去坐低就覺得好舒服店鋪以木裝修，好有氣氛，好適合同朋友傾計野食方面，賣相非常之好，但就略嫌份量差咁D出名係健康餐廳既坐忘食物當然係多菜少肉我自己就中意食得健康朋友們都對食物幾滿意，可能因為大家都鐘意咖喱!除此之外，侍應既服務態度都好好而且價錢都幾合理值得鐘意咖喱既人一試!

在香港，推廣健康飲食的食肆越來越多，現在，要找一家多菜少肉的餐廳，素食 friendly 的餐廳，絕對不是一件困難的事。是次我要介紹的，是一家健康兼素食 friendly 的日本餐廳《Camper's》(坐忘)。之前去了鰂魚涌的總店，隔了幾星期，同外父外母及孩子一家五日過來港島區閒遊，到了晚上的時候，我同太太又想起了《Camper's》。這一次，我們來到位於天后的新分店。分店有一個半 open 的 kitchen，可以看到年青的廚師細心地為大家準備既健康又美味的多菜少肉食品。這一次來，我們再叫溫沙律定食，不過這次醒目了，一早要求了走蔥蒜。味道是一樣的，一樣地是以蔬菜的原味為主，味道不用再多說，是清新可口。十八種野菜咖喱，同溫沙律定食的菜基本上是一樣的，不過汁就變成日式咖喱汁而已。這兒的咖喱汁，不會像一般日式咖喱屋的那麼濃味道，輕輕的咖喱粉香，輕輕帶有香味，很容易令人滿足。牛肉泡菜咖喱，配肉，用的咖喱汁比較濃，加有泡菜亦令此咖喱相對來說比較辣，色澤也比較紅。牛肉同蔬菜的比例一半一半，多了泡菜，多了香辣的味道，牛肉是爽口的，喜愛辣一點的朋友，這一個泡菜咖喱會是剛剛好令人滿足的辣度。豬軟骨咖

近排忙得發瘋，但lunch time 點都要俾自己抖抖氣，開開心心去食個飯。金鐘食野的確幾貴，其實就算搭程車去食飯，食到既野可能更好、更平。今日見幾好天，於是搭地鐵去天后食坐忘（其實都只係10分鐘車程，快過行去灣仔！）。聽過朋友說坐忘，大多是關於它的咖喱飯；但午餐還是不想吃得太重口味，就試試它的沙律烏冬吧。一點正到達時，不用排隊，店內有幾個空位。穿格子衫的店員很快便帶我就座。Menu分幾部分，主要是：- Bowl of Rice: $49 - 53- Curry with Mixed Rice: $58 - 65, +$8 可轉烏冬- Udon (in soup or salad): $59 - 69- Meal set: $63 - 65這店的食物份量都頗足夠，所以價錢尚算合理。我點了溏心蛋吞拿魚沙律烏冬，還說要「少汁」（只是令良心好過點而矣）。5分鐘後，沙律烏冬到了！份量真的是頗足夠的說 - 有大大隻的溏心蛋（雖然不太溏心，好像凝固了）、吞拿魚碎、車厘茄、生菜、紫生菜、芝麻等，幾乎把整個碗面密鋪了（看不到鳥冬吧）。在中間挖個洞，才能把烏冬弄上來 - 啊，是熱呼呼的。最好吃的是烏冬的

男友最愛咖喱，今日試過坐忘，更是一試難忘，已經說好了要encore星期日的lunch hour，都算多人lahris選了冬日限定，韓流牛肉泡菜咖喱飯混和泡菜的咖喱明顯較日式香辣，多一個層次，還以為是配以肥牛，原來是牛腩粒，而且不太肥，令lahris大為驚喜的是白飯撈咗粟米粒、蕃薯蓉和南瓜蓉，口感蠻豐富，而且感覺超健康lahris媽一向唔鍾意出外食咖喱，傳統智慧話佢知，咖喱味濃，可以將唔新鮮的食材煮得好好味，不過這間小店卻推翻了這種說法唔新鮮的食材，就算用上最正的咖喱，都煮唔出鮮味，相反，聽說這裡店主每日都自行選購新鮮蔬菜，所以這裡的伴碟蔬菜都超好味，超爽口，水份無流失，正男友選了豬軟骨七小時煮野菜咖喱飯，這裡的咖喱是一份一份煮這個用上七小時煮稔的豬軟骨，也真的名不虛傳，那條軟骨，竟然稔到好似一pat肥膏一樣，omg，好震撼舌頭。男友吃得津津有味的樣子，才吃了幾搭，就話要encore，連下次叫乜都諗埋，也太誇張了吧!p.s.這裡冷氣好大，咖喱好快就攤涼了

星期日的晚上, 見時間尚早, 於是我地係天后四處行下, 睇下有咩野好吃, 都行左幾耐下, 發覺天后真是有好多食店, 唔同國家, 唔同種類, 形形式式, 大大小小, 應有盡有, 真是睇到我地花多眼亂, 無意中發現呢間有格調的健康日式料理店入到店內環境以黑色和木為主, 形造一種型格得來又有田園風, 好舒服乾淨的感覺; 佢地的menu 選擇唔會太多, 感覺上佢地的主打好似係健康蔬菜, 咖哩為主, 而蔬菜就有15種咁多, 店員話蔬菜種類未必次次一樣, 要視乎季節, 入貨等因素....  我就幾鍾意啦, 有變化, 又可以吃到時令的蔬菜瓜果!由於佢地係無咩dinner set嘅, 只有幾款飯係可以跟set, but 都只係多一碗湯而已, 無drink, 無前菜, 無甜點; 而且選擇又真是唔多, 係無睇過食評下order, 就真是有d 煩惱Anyway, 我地order左:七小時豬軟骨咖喱飯: 個賣相唔得, 唔吸引, but豬軟骨好淋好入味, 咖喱汁甜甜地咁唔辣, 配埋個飯好夾, 而蔬菜就有紅蘿蔔, 白蘿蔔, 南瓜, 西蘭花, 椰菜花, 四季豆, 翠玉瓜等彩菜炒蛋飯: 賣相好正, 好靚好日式, 類似

得知只有鰂魚涌一店的坐忘於天后設下分店，這天便找來了好友下班後一同前行去一探究竟。以蔬菜做賣點的食店除了素食外幾乎少之又少，這家以蔬菜配上日式咖哩，重口味中的小清新。食物款式都頗多，最喜歡是它全是人手親自寫上，配上牛皮紙，簡單中帶精緻美感。白灼15種一日野菜咖哩飯 $62 (6/10)這個野菜咖哩飯包括15種不同蔬菜：藕片、薯條、翠玉瓜、洋蔥、西蘭花、椰菜花、紅蘿蔔、車厘茄、南瓜、豆角、三色甜椒等等非常豐富。白飯加添番薯南瓜碎，吃著味道不出，而咖哩當然是日式辛甜咖哩，可惜同樣沒特別，不過卻像家常便飯。所幸的是它定價不高，平常在街外大魚大肉近乎零節制，絕對是愛健康的你的飯堂！

第一次寫食評去天后食街好似每次都係食個d，原來行遠D，有一間主張多菜少肉既健康餐廳。見到價位都係六十幾，近來又喜歡健康飲食，就狗衝左入去鋪頭唔大，全部都係用木裝修，好warm好有日本feel。我叫左個15種蔬菜定食，老豆就叫左牛肋蔬菜飯。雖然我個個只係得蔬菜，但佢真係抄得好好味（個個醬係有得揀既而我係揀左白味噌）好大碟，我最後係食唔哂D飯既/_\ 下次要叫少飯～老豆個個牛肋蔬菜飯其實就係多左幾塊牛肋，我試左塊，嘩，真係好好食唷！／0＼～佢仲有個湯，係個普通既蘿蔔湯，但飲完之後又係嘩左聲，好清好鮮甜，真係無添加唔係講笑。下次一定會再去食 

之前行過天后炮台山已經留意到依間日本餐廳,今次咁啱到附近有野做,就決定去試下啦!!!我地兩個人,大約兩點左右,唔洗等就有位啦!大爆叫左黑芝麻牛肋咖哩飯,爆鴨就叫左七小時豬軟骨咖喱飯。等左大約十幾分鐘就上菜啦!!嘩兩個飯既外表都好精緻好吸引!黑芝麻牛肋咖哩飯:將黑芝麻溝落咖哩汁度,溝既份量比例剛剛好,咖哩既味滲出好香既黑芝麻味,以大爆既形容:「好似芝麻糊味既咖哩!!!」鍾意黑芝麻既朋友一定鍾意依個飯呀! 牛肋肉炆到好腍,但牛味就唔算好多! 但整體黎講係好味架!!!!七小時豬軟骨咖喱飯:個七小時豬軟骨整得好腍好入味,好好味! 係成舊都好腍架!不過就冇左有時豬軟骨有咬口硬硬地既軟骨感覺,爆鴨表示其實好鍾意食果種chopchop聲咬得開舊軟骨既感覺!! 雖然係咁,但佢個豬軟骨都係好出色既! 人地話明煮左七小時而爆鴨係用十五分鐘就KO晒😂😂!!!咖哩汁方面,幾好味,一貫日式咖哩既偏甜同唔辣。兩個飯都好有心思,唔係一般既白飯,而係混入左南瓜同粟米,好特別! 咖哩汁既分量亦都啱啱好,爆鴨表示最驚食有汁既飯但啲汁又得少少,叫佢多汁又驚佢玩野加到汁浸住啲飯咁多😂佢係唔多唔少,個份量我地兩個都好滿意!蔬菜