坐忘 (已搬遷) 新店位置

星期五OT夜晚同同事去camper坐忘食個健康晚餐。因為一行有7人，等左頗耐，坐低都差唔多9點鐘。 7小時煮豬軟骨咖哩烏冬（轉烏冬加$10）食過好多次呢間既豬軟骨，真係好出色！肉質煮得相當軟身，軟骨部分好重膠質且入口即溶！分量絕不欺場，有兩大件，一般女仔食完其實都7/8成飽。香濃咖哩配上幼身彈牙既稻庭烏冬，食完一啖又一啖，再加埋一堆健康四色野菜，有翠玉瓜、豆角、薯仔條、蘿蔔條、椰菜花，個肚皮非常滿足！ 一日野菜咖哩飯（加$5溏心蛋同$3粟米）有350g既野菜量，即係一個成年人一日應該攝取既蔬菜量，入面有年藕、南瓜片、菇片、薯仔條、蘿蔔條、紫洋蔥片、豆角、三色椒、翠玉瓜、車厘茄、西蘭花同椰菜花。好多，真係平時出街食飯好少食到咁多款式同分量既野菜，南瓜粟米飯我試過係開胃既，唔會太重南瓜味，比一般白飯入口較軟身同帶甜味。溏心蛋只有半隻，同好細隻，味道正常，住家水準，可以唔洗加。$3粟米，挺身爽甜，感覺唔似罐頭野，配咖哩好好味。 牛油炒什菇野菜沙律烏冬呢個係我強迫同事點既，之前食過，已經成為左呢間店既my favourite！牛沙炒過既菇片非常非常非常入味（重要既事情係要講3次）！

唔好講笑啲牛肉嘅食材非常新鮮嫩滑一口咬落去不但可以品嘗到本身肉嘅鮮味而且仲可以享受啲咖喱汁從啲肉到嗶出嚟巨大享受 非常入味撈飯食簡直一流另外雜菜飯見到=零罪惡感呢間餐廳主打健康少油食完之後飽腹感十足素材嘅食材都喺非常之新鮮例如話啲翠玉瓜好爽口蓮藕帶一絲絲甜味加上環境好舒服真係唔錯 會再嚟關顧

lunch時間，3人到此店用膳，2人先行取位，一名疑似收銀員的中年男職員用其態度惡劣的聲線大大聲話「人唔齊唔比入」，但當時店內大把位，而店外亦冇其他人排隊。後來，話比佢知第3人嚟緊，先至好唔情願口up up啱比我哋入。坐落後，等第3人ge短短幾分鐘，佢就一直黑住面咁怒啤住我哋，確在趕客。除咗咁，最深印象係d飯竟然凍ge, 確實令人失望。

去行年宵前去左呢間餐廳度食飯聽講佢呢度既湯烏冬係用左7小時黎整既所以好想試下龍與鳳點知一入到去餐廳 就嗅到好香好香既咖哩味搞到好掙扎叫烏冬定咖哩飯好最後都係簡左個豬軟骨胡麻湯烏冬豬軟骨好正好好味好林但係好入味仲要有個溏心蛋 正！烏冬係我鐘意既類型煙煙unun咁！不過個湯稍嫌有啲咸 搞到飲左好多水😂😂😂

這頓飯比以往花上千元的聖誕大餐更令人滿足，原因有三：食物好，氣氛好，平。一日野菜烏冬加雞胸(下圖)：補充一日蔬菜量，有抗癌的薯仔，降低血壓的紅蘿蔔，解毒的紅蒽頭，南瓜，蓮藕，翠玉瓜等等，都是既好吃又健康的好選擇。材料看起來食起來都十分新鮮，味道很好，調味適中，不會蓋過食物本身。食物有口感，不會過腍，而食物都被窩心地切成容易入口容易咀嚼的大小。本來加雞胸沒有甚麼期待，只是為了補充蛋白質，但雞胸亦焗得滑嫩，絕不馬虎。慢煮豬軟骨咖哩飯(下圖)：豬軟骨是經過慢煮7小時的，腍滑之極致，軟骨部分基本不用咀嚼便直接滑進了肚子，惹味的咖哩令人更加開胃，它是沒有味精的，所以更是多吃無妨，令人不禁把咖哩飯大口大口地送進口裏。此菜亦附上約1/3日野菜。對於這樣細小的店鋪面積，所以桌椅算是寬敞了。服務員不持勞苦地添水，臉上都掛上親切的笑容，令整頓飯十分舒服。不用滿店的聖誕裝飾，這店殷勤的款待，美味的食物，更能暖人心，給人窩心的平安夜。

期待很久終於有機會去 天后新店都係細細間一直見不算十分便宜就未有去想不到今次用餐的確有驚喜午餐選擇多 但不包餐飲 用手寫感覺親切 ✨日式炸雞野菜咖喱飯 ($65)✨ 叫咗一份炸雞想試埋烤雞就加左份 份量好大好足😍炸雞尺寸幾乎好似豪大大炸雞扒咁大 烤雞有一整塊!! 炸雞表皮香脆有台式炸雞嘅感覺 食落又唔會乾爭爭🐔如果怕單調乏味可點咖喱汁 不過份量唔多未夠撈飯😤 另外野菜亦有半份15種嘅菜咁多 款款唔同口感不一例如薯仔粉腍🌬西蘭花爽脆 翠玉瓜爽口 而毛豆乾脆👉🏻醬汁溏心蛋(+$5)只有半隻 入口半融 純粹的蛋味 感覺比較淡味 不過見到碟飯咁colourful已經滿足翻Rating💁🏻(7.3*/10*)<🍛誠意丼飯🍖>✨七小時豬軟骨丼 ($49+$3轉蕃薯飯)✨ 一至五限定的丼 沒有跟餐飲而不用加一 份量很足同定食分別係丼飯只有一塊豬軟骨 白飯 少咗咖喱汁不過重點係佢係非常大嘅一塊 連骨連肥膏非常足料豬軟骨燉得軟綿綿 肉質入口溶化 配上醬汁撈飯無得頂 米飯粒粒分明 煙韌彈牙 配粟米蕃薯飯未見太大分別如果咖喱飯開

見佢新開，又好似好多人去食所以自己一支公就去左食啦咁講真 個鋪位又真係細細地所以坐得都逼逼地呢方面就扣左d分咁我就叫左個豬軟骨咖喱飯加一隻溫泉蛋其實黎到已經聞到勁香2塊大大塊ge豬軟骨真係搞到我流曬口水一d都唔un，仲要勁霖個咖喱好香好惹味不過原來係無加味精真係抵讚唯一我覺得要改善係可以加多d菜因為都sell得健康就唔差在啦不過整體都好有驚喜哈哈一定會再幫襯其實我仲加左幾蚊要多杯袖子蜜唔算太甜沖得幾好飲

平日食晏試過去呢度食，但係可以選擇嘅款式少啲。今日周末去食，食物價錢和平日差唔多，但係款式就多好多，今次食咗一個暖嘅沙律烏冬，沙律醬和烏冬的汁係唔同嘅，出嚟嘅時候沙律和烏冬都仲熱到出晒煙，好味！另外叫咗一個廣島蠔咖喱飯，都好好味，不過份量少點，男士覺得唔夠飽。

見屋企附近新開左一間日本咖喱出面又寫住無味精 所以就問吓有冇外賣點知有ge仲要15分鐘就有真係好快咁我就叫左豬軟骨咖喱飯我未見過咁大塊豬軟骨仲要係2塊d豬軟骨好淋 好易咬 好正d咖喱好好食 不過因為無味精可能會覺得有d淡個飯入面加左蛋黃 好香口 其實豬軟骨下面仲有d野菜食落都新鮮唔霉 仲索左d咖喱汁好香個份量好足夠 我都食唔曬d飯 絕對大件夾抵食！！！

Seat and forget .....the name of the shop gives a feeling of travelling ~😎 😳The very veggie choice for curry rice , the nice combination of mixed vegetable & healthy choice of rice cooked with pumpkin & corn . 👍🏻👍🏻 The 9 hour soft cook pork stew was great , 😙always appreciate the slow cook method ,can't believe it's in such a spot that people barely notice !!! A wonderful comfy place for Japanese curry other than SAMA!!!❤ — at Camper's 坐忘.

第一次入這間餐廳就係被門口寫住“No MSG”這句話所吸引。食少啲味精, 點都健康啲啦! 今日病病地就想食坐忘, 想健康啲快啲好番~今日有這個新的冬日限定餐牌我被廣島蠔雜菇咖喱飯吸引住呀!! 也一如以往咁追加左1份野菜(+$12)!! 這裡的咖喱係日式咖喱, 有日式咖哩的香但不辣帶甜味, 唔係杰身, 但係用來撈菜或是撈飯味道係一流, 也就是我追加野菜的原因, 可撈盡所有咖哩汁食。廣島蠔可從相中見到得肥美, 煮得剛好, 好嫩好好味!! 咖喱飯的飯係栗米南瓜飯, 其實我不太吃得出栗米和南瓜味, 但就覺得是健康的! 健康無味精, 都可以好好味道!!

常聽人說坐忘的蔬菜好吃,也有人交代,份量較少。道聽途說,不能為準,自己試試去。很可愛的小煎鍋寫著“營業中”。第一道咖哩雞飯,也打破傳說中的小份量,好吃,真好吃!炸雞,真不知道怎麼可以做到這麼鬆脆,而且也是超大塊。黑椒汁牛肋飯,我都有懷疑他們家的菜不用錢的?伴菜都可以這麼多!牛肋一口一粒，幾乎不用用力去咬,汁多肉嫩濃濃的黑椒味兒。三人吃,買單$195。真是物超所值，大大的滿足!

其實嚟食咗好多次，而家先出食評，之前都係睇openrice先知有哩間舖。佢哋啲食材好fresh, 日式咖哩好好味，飯都唔係白飯咁簡單。烏冬好煙韌，炸雞外面炸得香口裏面嫩滑。Staff好願幫你加水，水有淡淡檸檬味。

坐而忘返，不但是因為跟好友聊個不停，也是因為廚師用心烹調美食。我吃的這個好像叫一日野菜咖哩飯，$62有15種蔬菜，完全令不想吃肉的我心心眼。它那些南瓜片真的好吃得難以用筆墨形容，還有那些蓮藕片有點煎過的香脆，而且咖哩不會太鹹或太辣，味道適中。最impressed的是那個飯融入了甜甜的南瓜粒，絕對可以體現到廚師的認真和細心。

於早年已經吃過鰂魚涌首店的烏冬，其實不差，但當然比不上某些號稱手打烏冬好。是次約了日本料理老師去試分店的日本家庭料理，"踏場"??食物方面: 15種野菜定食菜類真的很多很豐富，汁醬偏甜味濃，配日本飯很好。不過因為雜菜超多，完成了餸菜飯都吃不下了。雜菜中有: 煮薯仔條、南瓜片，藕片、翠玉瓜片、青椒絲、茄子條、生菜沙拉等另外料理老師都大讚她點的 - 慢煮豚肉定食豚肉的確炆很軟身，入口不需用力咬，十分入味。老師都說如果下次在天后有工作都必定丙去喔。。。PS: 沒有電話訂位，老闆會回答:「7點多一定有位子啦，放心WALKIN !」加上店員很有善，店內麻雀雖小五臓具全。