坂奈 (已結業)

去左銅鑼灣二期後面條食街揾野食，食左間近街頭位置開左呢間叫坂奈既日式小店。前菜有個刺身幾正~帶子厚厚軟綿綿海膽醬魷魚鮮味十足三文魚籽晶瑩剔透粒粒分明 麵豉蜆湯，蜆肉夠哂鮮~麵豉濃濃的，唔會被溝到好稀！生燒鰻魚慢慢由生燒到熟，原汁原味地燒到焦香樸鼻真係第一次食到樣層係燒到脆卜卜既鰻魚實在燒得太美妙啦這款食法唔使多加勁濃味既鰻魚汁已經夠哂吸引真係做到外脆內軟既效果初時會覺得價錢有dd貴，但當食完之後就覺得值回票價

我和友人的生日很近, 大家各為對方安排生日飯慶祝。我倆非常愛吃魚, 所以要諗吃什麼並不困難, 因為有魚必歡, 哈! 友人先帶了我去灣仔碼頭浜燒, 當晚全魚宴, 吃了汁煮吞拿魚眼、鹽燒原條池魚和燒吞拿魚尾, 款式雖特別, 但吃後有點失望, 未能吃得滿意…..那我便決意帶友人去一間主打燒魚的小店吃她的生日飯, 不知這裏能否令兩位魚痴吃得滿意嗎?店子門面設計具和風的色彩, 門外鑲了日式燈箱, 掛了寫上多款魚類名稱的木牌, 亦貼上有關店子的報導和餐牌。拉門而入, 店子以泥黃色為主調, 地方小小, 只設有十多個吧枱位, 但樓底相當高, 店頂掛了一排日式的布簾, 牆上只貼了一些相關報導, 佈置簡約平實, 感覺挺舒適。細閱兩份餐牌, 設計雖簡單, 但非常清晰, 最欣賞是印上各種魚類的簡介, 用心逐一閱讀, 大大提升了我的魚類知識, 太棒啦! 小店主打燒魚, 故有一份餐牌全是燒魚系列, 足足有十一款, 很多選擇。除燒魚外, 還有一款燒安格斯肉眼扒, 亦有多款小吃和飲料供應。***************先點兩樽冰凍的信州蘋果梳打($36)為即將出場的燒魚作好準備。啜一口, 冰涼透心, 馬上降火, 啖啖

今日一條友行完銅鑼灣買嘢，加上屋企無飯開，就去咗搵食呢到應該係新開不久，加上都係以燒魚做賣點，香港又好似好少日式燒魚專門店，決定一試先來啤酒爽一下餐廳環境唔算大，但就好有日本小店feel，侍應仲介紹當日有嘅魚類但最後點咗吞拿魚額頂柳 $288聽店員講吞拿魚額頂柳即係魚頭頂果塊肉部位，都算幾特別又份量少當師父即場燒時已聞到好香魚油味+30蚊仲可點餐會有麵豉湯刺身漬飯粉色嘅額頂充滿油香，油脂勁豐富而肉質超級嫩滑，用來配飯真係不得了

朋友之前去銅鑼灣食咗間燒魚嘅日式料理, 佢覺得非常之好食, 就介紹咗我去食啦!加30蚊可以有一個套餐提供, 裏面有關東煮, 關東煮嘅湯汁好鮮甜, 食物有口感之餘, 吸收曬湯汁精華, 特別滋味另外就有帶子再加魷魚, 魷魚用嘅特別嘅醬汁去烹調, 超彈牙, 帶子好新鮮, 另外再有青瓜加酸蘿蔔 , 再加啲海帶, 微微炒過, 有咬口另外仲有個麵豉湯, 麵豉湯裏面有唔少蜆, 十分足料!主菜就係喜知次, 因為坐BAR 枱嘅關係, 大家望住廚師去烹調, 鮮魚一條一條咁樣插在烤爐上面等佢慢慢燒, 好期待!上菜個時十分之興奮, 賣相黎講喜之次不嬲都唔靚, 嘅但係個口感一流! 皮燒得非常之焦香, 脆口, 內里異常地滑, 送飯簡直一流白飯非常之大碗, 夠曬熱辣辣 ,食喜之次再食一啖飯, 大滿足!

之前留意到豊勝手丼旁開佐一間日式燒魚店，感覺幾得意，呢晚就去佐同朋友試下。小店地方不大，吧枱位置約十個，可以睇到師傳燒魚。原先想試燒腦天，點知竟然賣曬，師傳話最好打電話查詢。師傳推薦鯧魚（$198）。鯧魚係時令魚，來自高知県，既然咁新鮮，就試下啦。師傳俾我地睇下燒之前係點，跟住就喺我地面前燒。師傳只係簡簡單單用鹽去調味，果然魚如果新鮮嘅話，食原味就已經最好。鯧魚口感紥實，魚脂不多，但魚味較突出。另加$30要一set，有埋刺身、前菜、飯同湯。吞拿魚漬調味剛好，底下墊有山芋蓉，健康之餘仲令口感更滑順，幾粒三文魚點綴，令到整體味道多佐鹹鮮！煮物係日式牛腩，炆得好腍，蘿蔔亦香甜。至於麵豉湯都用料好足，比較impressed嘅係仲落佐好多蜆，難怪特別鮮甜！！！食燒魚其實配啤酒一流，但我見到有柚子檸檬酒又好想試試，柚子同檸檬兩者嘅味道都好突出平均，酸酸甜甜帶酒香，亦好有驚喜！

在居酒屋，不難吃到日式燒魚，但專吃日式燒魚的店卻聞所未聞。這天逛街經過銅鑼灣這間坂奈御膳，它正是主打燒魚的日式小店，入面獨沽一味--只吃魚，全部都是時令，而且有8成都是日本直送，確保新鮮。「大部分香港人都是貪多款的，只賣魚否非很寡悶？」我第一次聽到有燒魚專門店，立即泛起這個念頭。店員告訴我原來此魚不同彼魚，這兒有不少較少見的魚，例如北海道的喜之次、沖繩竹籤魚，還有腦天(即是吞拿魚的額頂肉)! 如此有趣，今晚就一於試試。原先想吃燒腦天，但這晚店員告知有青森直送的赤鯥魚，off menu但十分推介，因其矜貴程度與喜之次不相上下。燒魚之前，師傳先給我們看看赤鯥魚的真身，原來都頗大條呢！師傳只簡單用鹽調味，帶岀魚的鮮味。魚皮烤得微脆，內裡魚肉嫩滑非常，肉質保持濕潤軟滑，還夾雜魚油脂香，好吃！我還加$30 配御膳，有飯、刺身漬、煮物以及麵豉湯，十分豐富。當晚刺身漬為北海道帶子刺身，鮮味突出，加上三文魚子的點綴，更添鹹香。煮物牛腩炆得軟腍入味，份量不少。麵豉湯加入大量蜆，誠意十足。

You are right, this shop is a specialising in Grill Fish dishes, and mainly in Japanese style.  And offering was nice too, as every one of the dinner set will come with a seafood soup, 1-2 starters before getting your choice of Grilled Fish !!  This Scallop starter is yummy, fresh and tasty... which can easily bring up your appetite ... While I like this one better, the slow cooked beef, very much tender and mild in taste.  I even bottom up the whole thing... including the soup... Yum... Not onl

連監獄都玩轉o既迷你兵團正式襲港一天，原本諗住同甜心兒去睇好戲，無奈佳人因工作繁忙未能相伴，XO仔唯有去戲院前獨自搵食。細佬有意簡單食個拉麵速戰速決，但當見到條長長o既人龍時，就即轉移目標去咗隔離幾間小店。喺「坂奈」門前o既餐牌發現餐店有「吞拿魚額頂柳」食喎，因為之前喺「磯野XX」食過覺得超好味，所以唔洗多諗就入咗去搵位。小店只有對住開放式廚房o既一排吧位，六點幾已差不多滿座。小肥對正個大型燒爐，可清楚望到燒緊o既魚隻條條都開大個口，兇猛得好似想咬人咁。天口咁㷫，埋位當然係要先啤一啤佢啦！餐牌雖有三頁之多，但細佬一早已立心要食「吞拿魚額頂柳」。點好主菜，友善o既姐姐仔仲溫馨提示到如果加$30就可以配埋有齊刺身漬、煮物、白飯及麵豉湯o既「御膳」。御膳（另加$30）：御膳中o既麵豉湯內含兩隻蜆，飲落更為鮮甜。煮物為牛肉薯菜，不過細佬食咗件紅蘿蔔已覺得辣得滯，所以冇食哂。刺身漬仲有三文魚籽伴兩件帶子，加$30有咁多野食都幾抵。吞拿魚額頂柳（$288）：吞拿魚額頂柳由師傅以火槍慢慢燒煮。菜式上枱時仍發出吱吱聲，夠哂新鮮熱辣辣，姐姐仔更不忘提及到吞拿魚額要盡快襯熱食，細心非常。吞拿魚額頂柳燒熟咗

日本菜除了魚生，烤魚也很讚！吃日本料理，提及魚的部份，總會聯想到「魚生/刺身」，其實「日式烤魚」是日式家庭料理的常客，香脆鮮甜，做法多達47種，絕對能征服家人的胃口。想不到在銅鑼灣竟然開了一間以日式烤魚作主打的餐廳，店家小小的，一開門便聞到一陣烤魚的香味。老闆說最近新菜式：酒煮白貝 ($98/3個）新鮮空運鮮味有保證，肉質不算肥滿但甚具水感，酒味香濃，沒有食到沙，加檸檬汁更正！再來到主角：BB 喜知次 $198，因為喜歡在餐廳吃出在家的味道，所以 +$30 叫了套餐（刺身漬、煮物、御飯、味噌湯），再小酌一杯梅酒😘烤的時候，師傅落足架勢，坐在 bar 枱的各位客人睇到哇哇聲。到了我面前，拍一張照就馬上吃了，烤的食物凍了可真不行啊嘛！吃了口脆魚皮皮，超脆，而且夾雜了咸味，開胃！外皮+魚肉一起食，魚肉鮮甜，不乾身，油脂湧出，佳品！p.s. 特別喜歡飯素拌飯的味道👍🏻很想再加飯！對於我來說，只要吃得快樂到要添飯了，就是有家的味道😊

超級推介好味既呑拿魚額頭柳🤗🤗。聽個名都知夠曬稀有，原來每條呑拿魚🐟只有兩舊肉，佔整條魚重量既2%，實在超珍貴。燒到外面微脆，𥚃面半生熟，呈粉紅色🌸。入口真係不得了，魚油脂超豐富，充滿油香🤘🏻🤘🏻，我覺得好似食緊拖羅咁，OMG!!講真，食刺身飯都要兩三舊水，不如食幾舊拖羅既燒魚生飯🐟原來係師傅用火槍燒到皮脆！好正喜知次亦都係佢地另一個招牌，SIZE 無係鳥居食咁大，岩曬當一人定食咁食，喜知次嫩滑可口，魚肉細膩，皮脆，伴飯食真係係得輸！！亦都有唔少酒類，例如梅酒

係銅鑼灣鬧市的背面， 竟然有一間燒魚食堂，與日本劇集深宵食堂的佈局有點似，也有傳統居酒屋的feel。 走進去 …… 座位10多個， 一字排開， 面對廚房、師傅，每次坐這種位置， 都覺得與師傅的距離變得好近 : 我看著他們準備食物，是否用心專注，一目了然; 他看著食客慢嚐用餐，味道是否滿足?! 大家都感受到看得見。餐牌中，都是以不同的燒魚為主加30元可變成套餐， 有湯有小食有飯最有趣的是， 可以實物揀魚我還是喜歡紅紅的喜之次幾條中揀選一條合眼緣的然後經師傅處理一番放到爐上燒等待之中要了一個炸小魚作為小食說是小魚，每條都有半隻手指大小頭頭尾尾看得非常清楚小魚炸得酥脆酥脆灑上檸檬汁變得酸酸微微 一碟其實可以吃很久 朋友用來送酒，吃得非常滋味 我看上了波子汽水，已經有好幾十年沒有喝過，再次見到非常懷念。 喜之次燒好上碟擺盤美美的整條魚雖小，但一人份量又剛好魚骨燒得很透， 咬下去聽到骨擦骨擦的聲音; 魚肉細滑嫩口， 香味滿腔。 整條魚基本沒有不能吃的地方，除了中間的大骨之外， 全部都吃掉， 頗滋味。一想到燒魚， 就會掂記這條喜之次。

同朋友去銅鑼灣行街，又想食燒魚，朋友提議試呢間新嘢，望住個餐牌，好多嘢都想食，最後試咗燒明太子伴青瓜片、吞拿魚額頂柳同BB喜之次 燒明太子伴青瓜片 ($88)賣相好靚，燒好的明太子切成一片片，外脆內軟，青瓜作拌碟，和明太子一起吃，好特別，出奇哋夾加咗$30變套餐，包刺身漬、煮物、飯及味噌湯。煮物係薯仔蘿蔔牛腩，蘿蔔入味，牛腩很淋，味噌湯有蜆、蘿蔔、海帶等，好濃郁，十分鮮甜吞拿魚額頂柳 ($288+30)吞拿魚額頂柳一碟有四片，厚切，每件都層次分明，一層肉，一層油，望個樣已經好想食，輕輕燒過，外層微焦，入口嫩滑，仲感受到十分豐富嘅油脂BB喜之次 ($198+30)BB喜之次，原條燒成S型咁上碟，外皮香脆，魚油响燒嘅過程都迫晒出嚟，肉質結實清甜去到餐廳時只剩下門口位，所以未能夠望住條魚燒，下次去，一定要訂枱，睇住燒

我同媽咪都鍾意食魚，一知道有日式燒魚嘅專門店，梗係要試試！店嘅座位得好少，好彩事先book左，黎到就有位。我地叫御膳，即係有湯、刺身同前菜。前菜係紅蘿蔔薯仔煮牛肉，蘿蔔同薯仔都煮到好腍，食起黎甜甜地，吸左牛肉嘅香味，係屋企嘅味道呀。刺身就有鹽麴帶子，帶子都幾厚身，撈左鹽麴多左分鹹鮮，都幾好味。至於麵豉湯就加左沙白，而且種麵豉唔係濃味嘅，飲落幾清甜。呢度嘅前菜都幾多選擇，螢光魷魚好大隻呀，咬落去勁鮮，不過我覺得調味上甜左少少。吞拿魚山芋蓉撈落d飯度，加埋三文魚子，大啖大啖食好滿足！我覺得用呢個黎做丼物已經好正！生燒鰻魚燒到好香脆，唧d檸檬汁，唔會好似蒲燒咁濃，較清新嘅口味都幾適合夏天呀！燒過嘅吞拿魚額頂柳油分特別豐腴，加埋上面嘅柚子胡椒中和下，擺喺飯上面一齊食，對於鍾意食魚嘅人真係一大享受！雖然價錢都唔平，但食材新鮮味道又好，會再黎呀~

成日係銅鑼灣出沒既我，已經食左好多間餐廳為醫肚又有為享受又有。今次發現之前食過既拉麵店變左一間烤魚店，真係吾行經吾知道！甘岩係晚飯時間就同朋友一齊入左去食！香港真係無乜專食燒魚既店，所以都幾驚喜到我！餐牌上既價錢都係港島區晚餐甘上下啦，試下新食店都接受到既我地想點餐時，店員有向我地介紹當日既魚類。而我對餐牌其中一款都好感興趣！聽店員講先知係店裡既一大賣點，係好矜貴既！原來係吞拿魚頭頂既一塊肉～亦叫做腦天！吞拿魚額頂柳 $288一路燒已經聞到好香既魚油味，而睇落就見到佢係燒得剛好，仲好嫩既感覺其實係朋友點既餐，但我地一齊開心share！一咬落去見到中間好粉嫩！平時食toro已經好有幸福既感覺，但依個腦天係更昇華！而我點既係生燒鰻魚 $188平時食開蒲燒鰻魚，所以係店員提議下揀左鹽燒！我覺得甘樣更可食到鰻魚既原味！好新鮮同埋香脆！面頭焦焦的金黃色～唧啲檸檬汁便可～晚餐齋食魚當然吾得，所以+$30配埋御膳，即定食，含刺身漬、煮物、御飯、麵豉湯。湯仲有蜆係入面呢～飯仲可以拌以飯素一齊，日本風味，好下飯！整體真係不錯～

Last minute idea to eat out with 2 small children in Causeway Bay, the boys wanted to have Japanese Food. After all, I spotted this tiny Restaurant in the hidden street. It's quite small, literally had one row, around 12 seats, and that's  all. The restaurant served mainly Fish, different type of fish from Japan or around the region, one or two meat choice in the menu though.We sat near the front entrance and no space for your belongings, a little like those ramen restaurant in Japan, aimed to e