在

营业中

休息中

呢間叫「在」既小店係V Walk地鋪，唔太大間但好多款式既外賣店，要支持下！三眼仔餐肉炒一丁$48出前一丁真係香港人回憶，加埋餐肉炒蛋，經典茶餐廳菜式，呢度整得勁好食🤫總共有三隻煎得好靚既荷包蛋，蛋香十足，餐肉都煎丁好香脆，篤穿啲蛋黃再撈勻啲麵黎食，勁正😚打拋豬肉碎太陽蛋炒一丁$48呢個係比較泰式風味，打拋豬肉係辣炒豬肉，豬肉碎辣辣地，但係肉質好好，唔會好鞋口😌加埋太陽蛋煎得好靚，撈埋一齊同啲麵嚟食，好香好好味😙檸檬茶$17呢度既檸檬茶好香，檸檬好新鮮😁啲茶唔會濃到有苦澀味，成杯麵好好飲，好有水準呀😗

前幾日喺深水埗嗰邊做完嘢，咁啱見到v walk地下開咗一間主打港式小食嘅舖頭叫「在」嘅外賣店。見佢餐牌推介咗幾款特色三文治，我就嗌咗五丁花生友🥪嚟試吓，因為自己本身都幾鍾意食花生醬。點知食落都幾有驚喜！本身有啲驚五香肉丁同花生醬呢個組合會好奇怪，點知佢哋係出奇地夾。本身以為會食唔出花生醬嘅味，點知食得出之餘，佢甜甜哋仲要中和咗五香肉丁嘅辣，食落仲要冇乜遺和感。配埋炒得好滑嘅炒蛋真係幾好食。下次會想試埋佢個門士鯪魚炒蛋三文治，睇吓呢個組合會擦出啲咩新火花🔥

(˶ᐢωᐢ˶)🌈下次一定會再嚟㗎 ！因為呢度餐廳嘅員工真係對我個仔好好！呢一間餐廳員工嘅服務態度非常之好同我哋講解產品嘅時候都好有耐性。(˶ᐢωᐢ˶) 🌈沙嗲牛肉炒蛋三文治沙嗲牛肉公仔麵，我成日都食唔晒㗎，而家轉咗沙嗲牛肉炒蛋三文治真係好好多！唔知係唔係太過好味，所以我個仔都爭住食！(˶ᐢωᐢ˶) 🌈五丁花生友三文治五香肉丁加埋花生醬再配落個三文治到真係夠晒特別。五香肉丁粒味道較細濃郁，所以成個三文治唔使再加其他嘅調味料已經覺得好夠味！(˶ᐢωᐢ˶) 🌈門士鯪魚炒蛋三文治真係好特別嘅配搭！我老公話佢自己由細到大都好鍾意食豆豉鯪魚，所以佢覺得個味道超級正！(˶ᐢωᐢ˶) 🌈勁蔥咸牛肉炒蛋三文治工人姐姐竟然揀咗呢一個鹹牛肉炒蛋三文治，因為佢話佢好鍾意食蔥。

朝早時間又係時候要食早餐啊😍食完早餐成日先有精神做嘢！👍🏻卡邦尼餐肉出前一丁 卡邦尼意粉就食得多，卡邦尼出前一丁真係第一次！不過佢完全冇令我失望😍醬汁好creamy。仲要好掛汁，食落一啲都唔乾！餐肉切到一粒粒咁好易入口，食曬成個都唔會好漏🫶🏻佢仲有啲蔥喺上邊，不過自己麻麻哋鍾意食就挑走曬🤣👍🏻港式香滑奶茶 唔好睇佢個賣相麻麻，其實佢同個名一樣。飲落好香滑，而且唔會死甜👏🏻👍🏻Latte 美好嘅一日由一杯咖啡開始☀️所以跟餐嗌咗杯咖啡，飲落好香濃！上面仲有個好靚嘅心形拉花，真係好有心思🤍

估唔到想食個早餐都可以食得咁滿足，呢一間餐廳設計較為簡約用咗綠色白色為主作設計，整體感覺乾淨企理。•¨•.¸¸♡•¨•.¸¸♡•¨•.¸¸♡•¨•.¸¸♡▪️ 勁蔥咸牛肉炒蛋三文治 💰32之前已經喺網上見過人哋推介呢啲比較厚身嘅三文治，不過我就仲未食過。而家終於可以朝聖！三文治真係好大舊，比我想像中大份😳三文治入邊嘅鹹牛肉唔會太過鹹，我自己覺得係適中。同炒蛋、葱好夾🤭食落去嘅味道好豐富我自己都幾鍾意。▪️ 熱拿鐵 💰27 ( 跟餐  💰18 )一定一定要飲！感覺佢哋嘅latte好似比出邊香濃得多！整體嚟講我覺得呢一間餐廳食物質素唔錯，下次可以再試。

剛剛落車見到poster ! 就搵下間餐廳！經途人指點終於找到在戶外「尚算隱敞」叫了一份厚餐肉抄蛋三文治烘底及一杯給咖啡$47！三文治非常足料，（多到漏哂出嚟😂😀👍🏻）咖啡一般但價錢公道😊小妺妺好直率同我講仲有半個鐘頭就收工，如果你選擇堂食可能會比較急、介意嗎？！食物很快送到我面前，但是忘記了烘底。可愛的小妹妹非常驚青話死嘞、不如我退番$2比妳！我未回覆她又問定係想我再做過。我带着微笑：「不緊要、下次再試烘底、不阻妳收工！」她報以感恩笑容萬分不好意思😂今晚很愉快！簡單沒太多選擇、但同樣地沒太多打擾，很𡨴靜很舒服的香港，現在很難找到、我會再來的！

V Walk地下有間「在」，簡單一個字，賣既卻絕對唔簡單，好有特色有心思既菜式，好正。先黎一個$39沙嗲牛肉炒蛋三文治🐮🥪沙嗲牛肉都好香，牛肉肉質又夠好，肉汁好多亦都有好濃既沙嗲汁，全部晒落啲蛋度，啲蛋好香又夠晒滑，成個三文治都充滿香濃嘅沙嗲味，而麵包亦都好夠脆，所以係外脆內軟，好正(>^ω^<)之後就係$32勁蔥咸牛肉炒蛋三文治🐄🥪呢個相對沙嗲牛肉會淡味啲，但係同樣都係好香，只係冇咁重口味，啲鹹牛肉好滑好林身，炒蛋亦都係啱啱熟，所以勁滑，同鹹牛肉一齊好夾，又有蔥嘅香味，成個餡料都係好濕潤嘅，好好食(｡･ω･｡)最後就係$48卡邦尼餐肉炒一丁🐷🍝一個平民貼地板嘅卡邦尼意粉，呢個係炒出前一丁，出前一丁麵質好好，好爽彈，吸收到晒卡邦尼嘅汁，餐肉亦都好香，淡淡嘅豬肉香滲晒出黎，成個汁都好濃稠，好豐富既口感，好好味（＾ν＾）

$39五丁花生友✅✅呢個完全係因為佢個名而吸引去叫，估唔到原來咁有驚喜，係五香肉丁加上花生醬再加埋炒蛋，又辣又鹹嘅五香肉丁同甜嘅花生醬好夾，五香肉丁嘅豬肉好腍身好嫩，而炒蛋亦都好滑，好多汁好濕潤，完全唔會覺得好硬好難食，顛覆咗我對三文治嘅睇法，仲要係好大份，一定夠晒飽。$48三眼仔餐肉炒一丁✅✅✅呢個係一個本身係茶餐廳好傳統好基本嘅一個主食，呢度係將佢嘅味道更加提升，三眼仔係三隻太陽蛋，超級豐富，每一隻都係用日本嘅靚蛋，蛋香十足，餐肉都係煎香佐嘅午餐肉，所以好濃味，又夠脆，出前一丁炒得啱啱好，唔會過林，好彈牙，成個味道都好香，好味丁到不行了！呢間鋪頭真係估唔到細細間整到咁多出色既食物！

⋆⸜♡⸝‍⋆ 勁蔥咸牛肉炒蛋三文治😆鹹牛肉相對上真係比較普通少少，但係仍然係好高質！因為我好怕出邊食嘅鹹牛肉唔夠味！但係呢度剛剛好，而且好大份好飽肚。⋆⸜♡⸝‍⋆門士鯪魚炒蛋三文治🤩我的天呀，原來就是豆豉鯪魚都可以做三文治，唔知道在座有冇人係豆豉鯪魚嘅忠實粉絲呢？豆豉鯪魚真係對我細個嘅時候有一種特別嘅回憶！記得我阿媽以前唔得閒煮飯嘅時候就會開一個罐頭出嚟撈飯食，人大咗真係好少再食到啦。估唔到拎豆豉鯪魚再炒蛋夾係三文治中間有一個咁特別嘅味道。⋆⸜♡⸝‍⋆檸檬水🍋呢度運用嘅檸檬好似都幾新鮮，酸得黎有一種甜味！⋆⸜♡⸝‍⋆檸檬茶🍹佢哋用嘅茶底都幾香。

🤤今日妹妹早起身返學校考試，放咗學之後仲趕得切幫我買午餐🥣！有啲咁好嘅妹妹都唔知喺邊度搵🤭佢話呢間餐廳係佢啲同學推介佢話佢哋有陣時會買早餐返去學校飯都係食呢一間㗎！✿卡邦尼餐肉炒一丁$48💛卡邦尼汁比平時少咗一份鹹味，我自己覺得好似好味少少。識落嘅感覺唔會太肥膩！味道就真係剛剛好👍🏻我自己又將午餐肉壓碎，然後攪拌均勻，令到每一啖都可以食到卡邦尼汁、出前一丁同埋午餐肉🤭頓時之間覺得自己食咗一頓非常奢華嘅午餐🤭✿檸檬水 $17💛妹妹知道我每一朝起身都要飲一杯檸檬水，所以佢都幫我買咗✌🏻太叻了！

星期五通宵唱完k，返屋企嗰陣見到呢間新開嘅舖頭，見有啲肚餓就入咗去睇吓有咩食。～見佢有沙嗲牛肉、卡邦尼餐肉炒一丁嗰啲，不過見好耐冇食泰式嘢就嗌咗打拋豬肉碎太陽蛋炒一丁，48蚊都唔算太貴。有隻煎得勁靚仔嘅太陽蛋喺上邊。第一步梗係咭穿隻蛋將啲蛋汁撈落啲麵到，簡直係將公仔麵提升到另一個層次！豬肉唔會好鞋好難咬開，食落仲要辣辣哋好惹味，食完淨係想講句也太好吃了吧！～慣咗食嘢一定要飲嘢，所以嗌多咗杯檸檬水。清清哋都幾解喝！

🤎呢一間CP值咁高嘅餐廳其實係我同事介紹我嘅，因為呢一間餐廳好近佢屋企，有一日返工嘅時候見到佢外賣一份勁厚嘅三文治就吸引咗我，聽完佢介紹之後我今日就同老公嚟到南昌一齊試吓呢一間餐廳。🤎我自己就叫咗一份芫荽厚切餐肉炒蛋三文治，因為本身我自己好鍾意食芫荽同埋午餐肉，但係從來都冇試過將佢哋夾埋一齊，感覺好似好新穎。所以先諗住試吓㗎咋！好彩冇令我失望真係好好味呀佢哋啲三文治真係大到一啖唔晒！🤎老公就叫咗三眼仔餐肉炒一丁，初頭我哋以為係三隻雞蛋煎埋一齊，點知原來係分開啲煎！咁就唔怕整爛個蛋黃，可以分開啜晒啲蛋汁！🤎飲品我哋就叫咗檸檬茶&檸檬水，佢哋嘅檸檬都好香。整體感覺不錯。

「在」係V Walk地下，細既鋪頭好易搵，店員好親切，野食又唔貴，good！老公食佐沙嗲牛肉炒蛋三文治（$39）🥪一份好夠飽既三文治🤐牛肉又林身又香，充滿沙嗲味，炒得好好，炒蛋亦都沾到啲牛肉嘅沙嗲味，呢個係有少少花生粒嘅沙嗲醬，所以好鹹香，炒蛋亦都係好滑，係好靚嘅炒蛋，三文治包都有啲烘過🫣所以夠晒脆，成份都好好味！我就食佐勁蔥咸牛肉炒蛋三文治（$32）🥪雖然呢個價錢平啲，但係感覺都係好豐富，食晒一份係會超飽🤣因為蛋嘅份量好多，炒蛋入邊已經夾雜好啲鹹牛肉，鹹牛肉好香，肉質好林好好味😋加埋落足香蔥嘅炒蛋，又係好滑，成份都係軟林林好綿密🤩同脆口嘅麵包有一個對比，好好食！

唔知大家鍾唔鍾意食三文治？我自己就好鍾意😍，特別係而家啲三文治有好多唔同嘅配搭。今次想同大家分享呢一間就係深水埗嘅「在」。呢排搬咗去男朋友同居，放假佢都瞓到好晏先起身，但啱啱一起身又唔想食太多嘢，通常我就會買兩個三文治返屋企等佢起身就有得食😍👦🏻SET:沙嗲牛肉炒蛋三文治&咖啡👧🏻SET:門士鯪魚炒蛋三文治&港式香滑奶茶 兩個三文治嘅炒蛋都係好滑，蛋味好香濃，而且加咗香蔥落去就更加香。男朋友個沙嗲牛肉幾嫩滑，沙嗲味好重。我個個門士鯪魚都好有香港特色。重點係真係好大份同好飽肚😂飲品方面都唔錯，咖啡香濃，奶茶都好香滑！

呢間「在」係V Walk地下，對住海傍，細細間鋪頭，買個外賣就可以出去海傍行下，夠晒chill。我同朋友都中意食牛，所以我就叫佐沙嗲牛肉炒蛋三文治，$39一份，但絕對係抵食。牛肉份量好多，沙嗲味激濃，仲食到有啲花生粒去炒出黎既牛肉，牛肉好嫩，炒得岩岩好，炒蛋就勁滑，真係炒滑蛋🤓包皮又夠脆，超好食囉！而朋友就叫佐勁蔥咸牛肉炒蛋三文治，$32一份，相對平啲，但同樣高質，咸牛肉綿滑香濃，同加佐勁量香蔥既炒蛋好配合，都係好滑好腍既口感，咸牛肉唔會過咸，好入味，同啲蛋一齊食口感真係好好，滿滿既香滑口感🥸配合番脆脆既包皮，出色！我叫埋檸檬水，$17一杯，大大杯唔會太多冰，檸檬好新鮮，夠晒酸🤪夠晒健康解渴！