在 (已結業)

星期五通宵唱完k，返屋企嗰陣見到呢間新開嘅舖頭，見有啲肚餓就入咗去睇吓有咩食。～見佢有沙嗲牛肉、卡邦尼餐肉炒一丁嗰啲，不過見好耐冇食泰式嘢就嗌咗打拋豬肉碎太陽蛋炒一丁，48蚊都唔算太貴。有隻煎得勁靚仔嘅太陽蛋喺上邊。第一步梗係咭穿隻蛋將啲蛋汁撈落啲麵到，簡直係將公仔麵提升到另一個層次！豬肉唔會好鞋好難咬開，食落仲要辣辣哋好惹味，食完淨係想講句也太好吃了吧！～慣咗食嘢一定要飲嘢，所以嗌多咗杯檸檬水。清清哋都幾解喝！