落完單就有個牌仔等佢響，坐遠少少都收到嘅，畢竟個food court咁多人好難搵到張近嘅枱。
野食好快就做好，點左老壇酸菜牛肉麵同香菇肉末炸醬麵。
先講下自己點呢個酸菜麵先，上面見到一大堆酸菜，仲有大量芫荽同蔥，賣相幾吸引喎。
湯底鮮甜，要左小辣啱啱好，大啖飲湯都唔會嗆喉。
麵條揀左粗麵，咬落有口感，即叫即拉果然係唔同啲。
牛肉有好多片，半肥瘦，食落有牛油嘅甘香，好有牛味喎。
朋友碗拌麵都幾靚仔，炸醬下得很多。
有肉末，香菇同豆腐乾等混合成，調味鹹香，朋友都係叫左小辣但完全唔辣，下次可以用手啲叫個中辣，哈哈。
麵條是幼麵，同樣有咬口，但個人就喜歡粗麵多啲了。
拌麵送湯一碗。
仲加左飲品，一支烏龍茶同雀巢咖啡。
飲品都幾多得揀，平時通常得汽水嘛，連保礦力同巢啡都有真係幾出奇，哈哈。
深水埗西九龍中心嘅美食廣場一向都係美食集中地🍽🥢，除咗近來超高人氣嘅海南雞之外，仲有一間新開嘅小店都好值得推介，佢就係「在蘭州」。綠底白字嘅門面好耀眼，再加上廚房乾淨，令人大大提升想幫襯嘅意欲。
甘肅蘭州最出名就係牛肉麵，小店當然亦係賣呢味。🍜麵食選擇唔多，五款之中有四款都係牛肉麵，不過口味唔同。我認為最重要係好食，貴精不貴多。呢度定價好平，每碗都只係賣$36至$42不等，份量又夠多。
唔係睇佢店舖細細，又得兩個人開工，小店其實運作得好有條理，準備功夫做到足，所以先能夠喺短時間內煮出一碗牛肉麵。留意返，煮食嘅過程係由師傅從麵團拉成麵條開始👨🏻🍳。
唔使幾耐，幾碗牛肉麵就經已就緒。由於Food Court太多人，所以我哋決定外賣拎返Office食🥡。小店重視食物質素，因為佢哋會主動分湯，用膠袋裝住啲麵另上，以免麵條浸泡變淋。題外話，我諗起當年喺紅磡買外賣牛肉麵嘅慘痛經歷，麵條浸咗十分鐘就爛晒，完全夾唔起😭。
先講麵條，我不得不佩服師傅嘅好手勢👍，同一嚿麵團，佢可以拉出唔同粗度嘅麵條，由幼至粗分別係幼麵、粗麵、韭葉、薄寬以及皮帶。而我同同事們就試咗幼麵、韭葉同埋皮帶，三款拼埋一齊能夠見到粗度有明顯唔同。估唔到麵條除咗闊度不一，口感亦各異，下面再詳細講述。不過佢哋嘅共通點係厚薄均勻、寬窄一致同埋唔易斷唔黐笠笠，勁！
牛肉麵有幾款選擇，湯底分別應該不太大，反而牛肉就有唔同特式🐮。另外，湯底可揀辣度，我哋要咗微辣，果然真係好輕微，不過感覺惹味咗🌶，好過食清湯。
總括嚟講，蘭州牛肉麵真係好好食😋，係深水埗呢位高手令到我愛上依款中國美食🇨🇳，無論牛肉定麵條都好出色。價錢大眾化，街坊都能一嚐地道菜式。我強烈推介呢間小店，嚟幫襯食好西之外，記住唔好忘記欣賞師傅拉麵嘅英姿啊🌟！
原來呢度選擇唔太多，暫時只有五款蘭州拉麵，勝在價錢非常相宜，真係糧尾恩物。
仲可以選擇幼麵、粗麵、韭葉、薄寬同皮帶麵。
另外加錢可以配埋飲品，雖然只係罐裝飲品，但選擇都多。
而且仲喺落單位置大大隻字寫住「支持多麵」，大胃王請留意！不過千其唔好做大嘥鬼，真係食得晒先好嗌。
原來呢度嘅拉麵全部都係即場製作，眼見師傅非常熟手，佢就係用一個麵團，製作出唔同形狀嘅拉麵，有粗有幼、厚薄不同，真係千變萬化，雖然看似複雜，但師傅三兩下手勢就已經製作出各款拉麵來。
外賣包裝仲好細心，麵同湯係分開上，呢個價錢仲有咁嘅服務真係值得感動！
先來一個最簡單嘅傳統牛肉麵配幼麵，清湯底配上大量蔥花令湯底變得清香，牛肉夠林身，仲有幾片蘿蔔，我覺得最驚喜嘅係佢嘅拉麵帶點煙韌嘅口感，由於係全人手製作嘅拉麵，所以粗幼唔會完全一致，正因如此就令拉麵口感更加豐富。
第二款我哋揀咗五香牛𦟌麵配韭葉，牛𦟌經醃製過夠晒入味，而麵條就正如佢嘅名稱咁，薄薄長長，十足一條完整的韭菜咁，鍾意食闊麵就推介揀呢款。
真係冇諗過喺Food Court以大概$40嘅價錢可以食到咁有水準嘅蘭州拉麵，所以我已經即時向我嘅同事推介呢間絕對值得一試再試嘅「在蘭州」！
影片
