土耳其小城 (德範大廈) (已結業)

前幾日屋企人生日，可惜公事繁忙，慶祝唔到生日，所以得登係今日揀咗依間香港極少見嘅中東菜館去家庭聚會，幾特別。首先叫咗個蒜油烤餅，價錢幾實惠下，24蚊就有3大塊，但係唔會因為便宜就唔理品質，相反烤餅食落去香口得嚟又唔會話好重嘅油膉味，同埋份量都幾大下，3個人每人一塊，加埋小小其他野食就夠飽😚之後上臺嘅係印度雞皇($92)份量幾大下，有成6-7件咁多，而且每一件烤制嘅時間都啱啱好，唔會有燶皮嘅情況出現😋😋😋最後上嚟嘅就係土城羊膝燴水稻飯（$108）同埋咖喱地皇雞（$98），飯係香港比較少見嘅印度香米，所以食落去幾有新意下，醬汁同羊膝亦都唔會話太過酸甜，啱翻香港人口味。至於咖喱個邊，本生係諗住攞嚟配搭蒜油烤餅一齊食嘅，但係估唔到就算單食都唔會覺得膩，而且份量又係好大，夠我地3個人食🤤總結而言，今餐飯我同屋企人都食得開心，下次家庭聚會個陣，會再食依間❤️❤️

早幾年冇疫情個陣去過中東個邊玩，一直對個邊嘅菜念念不忘，前幾日終於係網上面見到荃灣依邊有間主打中東菜嘅餐廳，啱啱好又近我屋企，就同男朋友一齊走嚟試下。先叫咗鬆化咖喱角($39)，一咬落去，先feel到嘅係鬆脆嘅外層，之後就係裏面一陣濃香嘅咖喱，我同男朋友都覺得依道菜整得好好🤤然後就係土城羊膝燴水稻飯($108)，份量好足，唔馬虎，我同男朋友分咗幾碟都仲有剩，羊膝啲香料有蕃茄同彩椒，一啲都唔羶，只有酸甜味，開胃兼好食，搭配埋餐廳裝修風格，我差啲以為自己出咗去旅行😝而嚟到中東菜餐廳，又點可以唔試下烤餅同埋咖喱，所以我就叫咗蒜油烤餅($24)同埋咖喱地皇雞($98)，我將咖喱塗係烤餅上面，再一次過塞入口，既有蒜油香，又有咖哩濃香，可以享受到最佳嘅食用體驗，唔單止唔會油膩，相反烤餅嘅蒜香味可以為咖喱再添色唔小，依個食法真心推薦👍🏻👍🏻依間餐廳值得再次光顧，下次一定帶埋啲老友過嚟試埋😋

呢間餐廳位置喺德華街，好近千色店，所以都幾方便。環境乾淨企理，服務都唔錯。點咗一份異地烤羊肉捲餅，份量都唔少，一個人食應該夠飽。羊肉醃得香，辣度3/10左右，同d菜balance 得幾好，唔會太膩，個人幾鍾意。見到個menu 有咖喱腰果球，從來未食過，所以想試吓新嘢，結果試到好嘢! 個咖喱汁好香腰果味，好似食緊腰果露咁! 不過個球裡面反而唔似有腰果，主要係薯仔、洋蔥，同埋少少提子乾，口感幾結實，味道同個汁都襯。不過好飽肚，想加個naan 點下汁都唔駛 lolOverall 對呢間餐廳感覺唔錯，會再返嚟試其他嘢!

行行下發現呢間主打中東菜嘅小店，突然醒起自己對上一次食中東菜已經係幾年前嘅事情，所以就行咗入去食😋由於得我一個人，費事浪費嗮啲野食，又唔想打包攞翻去屋企咁狼狽，所以咁叫咗印度雞皇（$92）同埋香烤野雞土耳其水稻飯（$60），諗住可以飽肚就算🙈等咗冇幾耐，兩道菜就已經分別咁送咗上嚟，先講下個飯，啲飯粒食落去唔會硬身，而且口感係可以做到彈牙😝有一股清淡嘅米香，即刻提高咗我嘅食慾，即刻就送咗跟住碗飯嘅雞肉入口，雞皮香脆可口💓肉質鮮嫩多汁，乃上乘之作😋之後再試埋個印度雞皇，原本我對依道菜嘅期望並唔算大，畢竟香港嘅餐廳大多只有咖喱雞咁款，但係間舖真係估佢唔到🫣醬汁只係恰到好處咁依附係雞肉嘅表面上，搭配埋洋蔥咁樣一啖食落去，滿足感爆棚🥰🥰近年係疫情底下，冇辦法去中東旅遊，所以若要食下中東美食，我相信依度會係一個唔錯嘅選擇🤩

完sem前就知道呢間隱世小店，但因為太忙一直冇去，依家完咗一定要去！必點嘅菜就係木桶烤雞(半隻)（$92），店家應該選用幾個月大嘅春雞，烤雞嘅外皮金黃，又有焦黑嘅斑點點綴係上面，送入口裏面輕輕咬上幾啖😍，肉質細膩又略有嚼頭，口齒留香，吸盡香料嘅味道😎第二個想推薦嘅菜就係蒜油烤餅（$24），未上枱離遠已經聞到好重油香，再抹上店家特製嘅蒜香醬汁，外酥内軟，令人食指大動❤️另外一道要推薦嘅菜就係咖喱地皇雞（$98），香料醃製嘅雞肉，再將雞肉浸入咖喱裏面焗燜，同埋彩椒同埋香草作裝飾，食落身雞肉嫩滑，咖喱濃香而唔黏口，好食👍🏻最後就梗係要講下主食，主食裏面最啱我心水嘅就係香烤野雞土耳其水稻飯（$60），店家將燒製好嘅雞肉分成數件，再用酸奶製成嘅醬汁淋係表面，食起身就唔會覺得好油膩， 加上飯一齊食落去，滿足！🥰

中東菜可謂係香港美食地圖嘅失落之地，所以前幾日難得見到係荃灣有一間專做中東菜嘅餐廳，就即刻走咗去食😙首先上嚟嘅菜係南印度馬薩拉雞，92蚊就可以有一大兜馬薩拉醬汁，再附以店家慢火炮製嘅燒雞，雞皮下嘅油脂隨住肉與骨之間嘅縫隙，滲入咗係肉裏面，令到雞肉食落去唔會乾柴，而係汁水充盈🤤跟住上嚟嘅菜就係土城羊膝($148)，聽店家所講，依道餸依照土耳其做法所烹飪，羊肉係香料嘅加持下，不但唔會遜色，失去本味，相反仲帶出出羊肉自身嘅鮮味出嚟❤️最後上嚟嘅菜就係主食叫做香烤野雞土耳其水稻飯($60)，店家唔單止慷慨咁將大半隻燒雞砍件放係碟上😝更加淋上一啲加入咗酸奶嘅醬汁，令到成塊燒雞食落去絕對唔會有半分黏膩之感，而一旁嘅水稻飯同樣唔肯輸蝕，飯粒飽滿潔白，未食落口就已經有米香衝上嚟😍而本身應當作為裝飾嘅蔬菜竟然同樣都超出意料，食落都好新鮮，價錢仲唔貴。

久有聽聞荃灣開咗間專攻中東菜同埋南亞菜嘅餐廳，可惜一直忙於工作，而今日終於嚟到依間餐廳食飯。一出荃灣地鐵站，再行多幾分鐘就到😚第一道菜、第二道菜係同時上嘅，分別係土耳其燒羊架($128)同埋印度雞皇($92)。兩道菜皆有一個共同點，咁就係都係肉菜嚟嘅，原本我同友人都心諗依鋪死火，咁食法實會覺得好滯😝，但係點知出乎意料，羊架油亮，不膩不羶，外酥里嫩，肉質鮮美，雞肉細嫩，兩道菜唔單止有傳統香料嘅濃郁香味，更加有些微沁人嘅冷香，本應存在嘅油膩感都冇埋。可見香料嘅作用👍🏻👍🏻👍🏻仲叫咗鬆化咖喱角($39)，再加多個山雞沙律做配菜，內餡係選用咗素菜，但係千其唔好以為咁樣就唔飽肚，相反係油炸過後嘅脆皮夾雜下，正係食咗半個咖喱角就已經開始有飽腹之感😚。山雞沙律($60)裏面嘅雞塊鋪滿咗一層酸香嘅醬汁，食慾又被勾起🤤簡簡單單咁嚟食飯，體驗卻唔簡單😍

前幾日胃並唔係好舒服，今日終於好咗，想食翻啲好野，就揀在早係幾個月前，係網上種草已久嘅土耳其小城嚟一探異域風情。入座後先叫咗個印度雞皇。菜式送到臺之後，撲面而來嘅就係一股濃厚嘅香料味，再將檸檬汁滴上去雞肉到，我即刻將一細啖雞肉送入口中，雞肉嫩滑，筋膜去除得一乾二淨，92蚊可以有依個享受😎之後上臺嘅係咖喱地皇雞，香料夾雜住彩椒，飄浮係咖喱面上，下底係雞肉，估唔到店家咁實誠🫣份量極大，放落口裏面，雞肉本身嘅香味，輔以香料稱得上係味覺享受🤤最後上嚟嘅係浮雲沙律同埋蒜油烤餅，一個52蚊，一個24蚊，沙律食落去好輕盈，對得上個名，烤餅面皮香口有嚼勁，包裹上咖喱送入口，可謂係絕配👍🏻

行經荃灣附近想覓下食，見到呢間，對中東菜有啲好奇嘅我就入咗呢間土耳其小城🙈🙈一入到去就直接打開餐牌，結果竟然出乎意料咁抵😎先上臺嘅係鬆化咖喱角($39)，作為一道開胃小食，可謂極其出色，表皮香脆可口，內餡係香濃嘅素菜薯仔咖喱😝之後接手嘅許土耳其燒羊架($128)同埋山雞沙律($60)，我地撈完山雞沙律之後，將佢地鋪置係燒羊架身上，一大啖送入口裏面，先湧入口腔嘅係羊架嘅油脂香味😙，但係之後沙律醬汁嘅清香味就即刻衝散咗隨之而來嘅油膩感😍最後嘅菜係土城羊膝($148)羊膝算係香港比較少見嘅部位，所以估唔到依間餐廳可以將佢處理得咁好，唔單止冇羊騷味，香料味早已滲入肉入面🤤🤤

事緣我琴日中午去荃灣做野，放lunch個陣啱啱好經過德華街，見到依度有一間專做中東菜同埋南亞菜嘅餐廳。心諗自己冇咩食過中東餸，就行咗入去試食。一入到去餐廳裏面，就已經聞到極其濃郁嘅香料味，就即刻捉住咗企係我隔離嘅店員問有咩推薦菜式，店員好有禮貌咁推薦咗我叫南印度馬薩拉雞、芝士烤餅同埋土耳其燒羊架，正係店員嘅服務態度就已經值得加分。👍👍👍第一道上嚟嘅菜式就係芝士烤餅，一上臺就已經聽到滋滋嘅油炸聲傳過嚟，開翻眼一望，就見到餅皮上略帶些微嘅焦點，單論視覺便已係一大享受。緩緩撕下一小塊放入口中，芝士味濃郁🤤第二道菜式就係南印度馬薩拉雞，調味料需要乾身又啱啱好黏附係食材表面，先至有資格被稱為「馬薩拉」🤔而店家顯然係依方面處理得極好，唔會將馬薩拉整到好似咖喱咁，又忠於傳統，係馬薩拉內加入番茄，食起身會有一種酸甜味隱隱約約透現係馬薩拉裏面。🥰最後一道菜式就係土耳其燒羊架，表面依附住店家秘製香料，再佐以檸檬嘅幽香，輕撕下一啖，入口嘅係油脂嘅濃香，但又唔會過於肥膩，仲有洋蔥帶嚟嘅辛辣味，更加抹除咗我食羊架嘅罪惡感😌搞到我一啖又一啖，唔使好耐時間，就一個人ko嗮成道菜了。❤️

今日係附近同朋友揼骨，就腳揾間餐廳食飯，見呢間個名叫 ”土耳其小城”，試下土耳其菜，因為係香港好少見🙈叫咗個香烤野雞土耳其水稻飯 ($60)第一次聽水稻飲🤔個烤雞外焦裏嫩，肉質細嫩但有嚼頭。仲叫咗土城羊膝($148)😝平時好少食羊肉，因為成日聽人講羊處理得唔好會有臊味，但今日個朋友好想食，就陪佢食下。估唔到好出色，洋蔥、香菜、蕃茄起到好好癖味嘅作用😚咖哩角試得多，咁大隻未試過，鬆化咖喱角($39)入面係蔬菜薯仔嚟，好新奇，食素嘅人都啱👍🏻👍🏻最後推薦南印度馬薩拉雞($92)❤️入面係蕃茄咖喱同燒雞，蕃茄咖喱比較少見，而燒雞就好入味，味道微辣中帶著鮮香，肉嫩可口🤤。

餐廳裝修好特別，猶如置身土耳其🇹🇷兩邊都係卡位，仲要係梳化，都幾好坐👍🏻張枱夠大，就算擺滿食物都唔會逼夾🙈浮雲沙律（$52）呢個名好有詩意，其實就係雜菜沙律，有齊青瓜、橄欖同生菜絲等多種新鮮蔬果🥗口感爽脆，拌勻特製醬汁，食落零舍refreshing，值得一試！土城羊膝（$148）脂肪含量低，肉質較鮮美😍而且毫無腥味，連平時唔多鍾意食羊嘅家姐都話好味🙈睇返原來土耳其嘅羊因為伊斯蘭教嘅關係，所有肉都會經過放血嘅程序，可能唔腥就係因為呢個原因🤔咖喱克勒雞肉炒飯（$70）佢哋嘅飯粒比較長身，亦都較腍。雞肉juicy，香料味重，入晒味好正🤤

裝修富有特色，用上彩繪玻璃同土耳其燈作裝飾，神秘色彩令人目不暇給😍環境乾淨，枱面企理，點餐方面係自助order (scan QR code)，毋須擔心溝通問題👍🏻印度雞皇 $92醬香四溢，令人食指大動🤤雞肉柔軟，肉汁豐富，香料風味濃厚。唧上檸檬汁中和油膩，食完齒頰留香🤤🤤令人難以忘懷嘅美味！南印度馬薩拉雞 $92雞肉燒完依然嫩滑，咬落鬆化👏🏻蕃茄同燈籠椒酸甜醒胃🙆🏻‍♀️配烤餅食一流！調味比例適中，唔會有搶味嘅情況出現👍🏻整體微辣，易入口～蒜油烤餅 $24少少燶邊我最愛😍外皮焦香脆口，餅面煙韌有咬勁👍🏻大家記得善用枱面三色醬💁🏻‍♀️唧上綠色薄荷醬後出奇地夾😳比配上馬薩拉雞更清新，別有一番風味！

🐔木炭烤雞（半隻）$92春雞呢種體型碩小但肉質鮮美嘅佳餚，略加香料調味後以木炭烤熟，更能突顯其鮮嫩多汁嘅風味👍🏻經師傅細心炭烤嘅春雞外皮焦香酥脆，但唔嚡口，肉質仍保持濕潤，非常出色👏🏻🫓蒜油烤餅 $24即叫即烤，熱辣辣超治癒🥰蒜蓉味十足，帶牛油香🧈同咖喱雞超夾！$24大件夾抵食😆🍛土城羊膝燴水稻飯 $108羊小腿末端有錫紙包住，方便食客大口咬🥰肉質鮮嫩有咬口，而且越嚼越香！飯粒飽滿有彈性，上晒色咁😍吸收晒秘製香料嘅濃香🧽更有蕃茄同彩椒，口感豐富超滿足🙆🏻‍♀️🥘南印度馬薩拉雞 $92屬香草咖喱，唔會太辣👍🏻落咗唔少蕃茄因此比一般咖喱酸甜😋雞件嫩滑無比，有驚喜！

❣️烤野雞肉卷餅 $60（含雞肉、生菜、蕃茄、洋蔥）生菜夠fresh，雞肉鮮嫩唔會攝牙罅👍🏻醬汁完全唔油膩之餘仲好醒胃，口感超澎湃🙆🏻‍♀️我想講其實食一舊都夠飽🙈CP值高🌟❣️土耳其燒羊架 $128（含羊架、香料、香草）食土耳其菜點少得食羊肉！有成四件🙈唔辣唔騷，非常嫩口😳香料芳香，羊味持久～❣️土城羊膝燴水稻飯 $108（含羊小腿、蕃茄、彩椒）成座山咁高🙈食完飽到上心口！呢度嘅羊水準非常之高😱羊肉好滑，醃料香濃🤤醬汁夠多，點naan定餸飯都係絕配！總括嚟講，呢間餐廳價錢平民化，口味大眾化👏🏻性價比非常之高🤑燒羊架令我好驚艷😳誠意推薦羊肉料理‼️