土耳其小城 (德範大廈) (已結業)

前幾日胃並唔係好舒服，今日終於好咗，想食翻啲好野，就揀在早係幾個月前，係網上種草已久嘅土耳其小城嚟一探異域風情。入座後先叫咗個印度雞皇。菜式送到臺之後，撲面而來嘅就係一股濃厚嘅香料味，再將檸檬汁滴上去雞肉到，我即刻將一細啖雞肉送入口中，雞肉嫩滑，筋膜去除得一乾二淨，92蚊可以有依個享受😎之後上臺嘅係咖喱地皇雞，香料夾雜住彩椒，飄浮係咖喱面上，下底係雞肉，估唔到店家咁實誠🫣份量極大，放落口裏面，雞肉本身嘅香味，輔以香料稱得上係味覺享受🤤最後上嚟嘅係浮雲沙律同埋蒜油烤餅，一個52蚊，一個24蚊，沙律食落去好輕盈，對得上個名，烤餅面皮香口有嚼勁，包裹上咖喱送入口，可謂係絕配👍🏻