圓苑 (裝修中)

今日行經尖沙咀，於是去咗「圓苑」度嘆茶食午餐。黎得飲茶梗係必嗌杞子蒸燒賣，送上黎既時候熱辣辣，每隻燒賣都好大粒吓，咬落去仲食到大大粒既蝦，真係十分足料。之後我地仲叫咗沙律蝦春卷，沙律餡底既春卷出面好少見，食落去啖啖都脆口，加配埋沙律醬真係好開胃。另外個煎饟雙寶都好出色，青椒同茄子上鯪魚份量唔少，配埋豆豉汁都好夾。個蜆芥鯪魚球係有啲驚喜既，個外層炸得好脆口，食得出鯪魚味好重，魚既比例佔好多，仲有少少陳皮香味，值得一試。而我最鍾意既係冰燒三層肉，其實即係燒腩仔，個皮燒得好脆，啲肉偏瘦，岩哂唔鐘意食咁肥既我，個芥辣亦都做得好出色，一食落鼓辣味就出黎。

今晚收工試新餐廳，地點係尖沙咀山林道既圓苑，食中菜！圓苑主餐牌有餐前小食，燒烤，明爐燒味，燕窩湯羹，鮑魚海味，海鮮，巧手小菜，豬牛類，煲仔菜，家禽，豆腐蔬菜，粥粉麵飯。另外有是日廚師推介，同是日海鮮推介。今日第一次黎，叫左兩味廚師推介同一味燒烤菜式試吓。餐前小食$15一份餐前小食係酸蕎頭，爽脆又酸甜，好開胃。千島明蝦球 $218 另加一千島明蝦球一客六大件，每隻蝦球都好爽脆，啖啖肉，千島醬甜甜哋，好好味，上面仲加左脆脆紫薯幼條，增加口感。中間仲有西蘭花，沙律菜，紅黃燈籠椒粒再加上白芝麻粒，可以清埋個千島醬。呢道菜嘅顏色配搭好養眼。烤燒河鮮活鰻魚 $228 另加一烤燒河鮮活鰻魚一條切開7件，燒得皮脆肉嫩，肉質彈牙，味道帶好濃嘅鰻魚汁味，正。仲有鰻魚汁同芥末醬另上，不過我覺得唔洗沾醬都夠好味。芥蘭炒臘味 $148 另加一炒臘味可以揀荷芹或者芥蘭，我哋揀左芥蘭，其他配菜有少量紅黃燈籠椒，洋蔥同薑一齊炒。臘味有臘腸，膶腸同臘肉共7至8片，油脂豐富，炒完菜唔算太鹹，反而令啲菜更好食。雖然我平時唔多好臘味，不過呢道菜食落都可以接受。海帶綠豆沙食完仲有糖水送，係一人一碗海帶綠豆沙。海帶綠豆沙好足料，

朋友介紹佐敦有間酒樓圓苑，生意興隆，呢日過來飲茶。韭黃鮮蝦腸：腸粉晶瑩剔透，鮮蝦甘甜可口，配上特製醬油，味鮮、爽滑、口感獨特。柴魚花生粥：粥底又綿又香，綿滑黏連的質感，濃而不膩，味道鮮美，口感俱佳。山竹牛肉球：三粒牛肉球都好大舊，入口有淡淡果皮陳香，肉質爽滑，咀嚼時亦更添爽脆。底部腐竹可以避免牛肉黏碟，也能吸索蒸煮時流出的肉汁，一舉兩得。鮮蝦腐皮卷：腐皮包住蝦仁炸至香脆，入口非常鬆脆美味 ! 紅棗椰汁千層糕：棗香及椰香完美融和，清甜煙韌不黏牙。

當晚我哋四個人去咗圓苑，叫咗一碟叉燒、芝麻雞、炸蠔、濃雞湯海皇泡飯及菜。叉燒確實好食，唔會好乾身，又濕濕地、又軟身。芝麻雞味道也不錯，食得出有雞味。當晚我最鍾意炸蠔同濃雞湯海皇泡飯，炸蠔好入味，啲蠔亦好大隻，好有口感。濃雞湯海皇泡飯比我想像中好，之前成日覺得啲泡飯冇乜味道，淡淡地。但依一鍋濃雞湯海皇泡飯味道又OK喎，果然真係濃雞湯。今晚我哋去食飯嘅時候，都算多人，好彩我哋之前book定位。枱與枱之間唔算太窄，我同朋友都覺得啲空間感不錯。嗰日我哋四人，佢俾咗張大枱我哋，感覺好闊落。

位於佐敦山林道既呢間圓苑，門口裝修好華麗，有用心設計，佢個魚缸係出面連到入面，都幾有氣派。今日帶媽媽黎飲茶，兩個人食量唔多，叫左五款。個流沙包一定要趁熱食，要小心佢入面熱辣辣既流沙。個得意腸係必點，原理有啲炸兩，不過係腸粉包住炸既皮，入面係蝦，沾少少醬油食好好食。另外，佢個鮮竹卷幾特別，係用龍蝦湯一齊蒸，個湯好鮮甜，令到個鮮竹卷更加出味。兩個人食五碟其實好夠飽，好難得午市最後仲送左糖水，係紅豆沙。

圓苑位於山林道嘅圓苑，隱藏幾位隱世高手，將傳統嘅中菜重新演繹，原來食中菜都可以好有驚喜❤️🌀美極煎海中蝦好耐冇食過美極煎海中蝦，已經唔係好多地方食到呢道菜喇😋廚師細心地將蝦開邊，蝦肉更吸收醬汁味道，蝦殼炸得香脆，可以連殼食㗎，更加食到醬汁嘅鮮味❤️🌀 欖菜四秊豆炒鮑魚平時同肉鬆係絕配嘅四季豆，今次換咗拍檔，配上矜貴嘅配鮑魚，新鮮感🆙🆙🆙欖菜調味相當突出，十分惹味，鮑魚有咬口，為呢道菜帶嚟不同口感🌀 芝麻鹽焗雞芝麻鹽焗雞外皮沾滿芝麻，結合芝麻雞同鹽焗雞嘅優點，皮香而肉嫩，必食👍🏽雞皮部份香脆得嚟充滿油香，放耐咗依然咁脆口，高質😋雞肉嫩滑火喉適中，食嘅時候加上芝麻沙薑醬，香味更提昇

有天和男友傾開，已好耐冇去過山林道食野果條街都好多食肆行咗一陣，見到呢間又光鮮我地從未去過嘅中菜酒家, 唔知係咪新開呢?!平日晚市時段暫唔算人多望過餐牌後, 落咗幾款食物, 侍應仲遞上炆花生比我地頂下肚先花生大大粒, 唔會炆到太淋, 仲有少少爽口嘅質感先來一份前菜涼拌椒香鮑魚嘩....好似仙女散花咁靚呀, 用咗好多唔同顏色嘅食用花作伴碟裝飾未食睇到都開心和期待雖然加了很多青紅辣椒粒, 但都唔會勁辣, 竟然是小辣口味少辣多滋味, 大辣壞肚皮鮑片切到厚薄適中, 彈牙爽口又有麻香跟著其餘菜式都陸續送上乾隆生菜包, 多數食開係泰式口味嘅生菜包轉咗中式又睇下佢點乾隆法?!粒粒分明的肉鬆, 松子, 和脆粉絲, 咬下佢原來仲有馬蹄粒添用爽脆多汁的生菜包著肉碎, 2層質感肉碎唔會炒到好乾身, 而且又不會過咸, 味道是我和男友都覺得剛好的看似簡單, 但呢道都是心機菜嚟架天氣凍特別想吃點熱辣辣的食物暖和肚仔薑蔥生蠔煲 好正!生蠔係煎至兩面金黃色再加入薑蔥煮, 超惹味上檯時仲"bi le ba la", 每隻蠔都脹卜卜很肥美, 食落鮮香無腥味而且煮過的蔥段我係超愛吃的呢個餸用嚟送白飯係一流!炸子雞（半隻）未

第一次嚟呢間酒樓飲茶，門口位置有個好大嘅魚缸，裏面啲海鮮好生猛，感覺多熟客仔，因為聽到店員同好幾枱嘅客人好似好熟咁，我諗食物質素要有返咁上下先留到啲熟客!! 🔘水晶蝦餃皇有四件蝦餃，皮薄餡靚，蝦餃真係要趁熱食，所以好快清晒!! 😆🔘七味脆豆腐豆腐切到好細粒但又好工整，都幾考功夫，外脆裏面軟滑，再灑上七味粉，鍾意食豆腐嘅我覺得好食!! 🔘泰式炸蝦餅好足料，好大塊蝦餅裏面全是蝦肉而且好彈牙!! 🔘米網得意腸腸粉皮好薄裏面包住蝦春卷，唔覺意叫咗好多有蝦嘅點心，全部都幾好味喎!! 🔘蠔皇叉燒包發揮正常，麵包鬆軟，叉燒餡料亦做得唔錯!! 最後仲有木瓜雪耳糖水送，非常清甜!!

今晚去左圓苑食中菜😋圓苑環境乾淨光猛，幾舒服👍🏻好適合聚餐、傾計我地2個人order左2個海鮮菜式、1個蔬菜，最後有甜品送添😋👍🏻1.薑蔥魚雲煲一打開蓋已經好香！份量都唔少、魚雲好滑。味道好，唔會過咸。🤤2.蟶子皇（金銀蒜粉絲蒸）蟶子幾新鮮彈牙😋3.鮮蘆筍黑木耳炒鮮淮山用料好新鮮爽口☺️4.大菜糕好清爽、清新5.綠豆沙非常足料起沙，又唔會太甜。另外，服務員既態度都好好客，抵讚！😀

今日下午帶媽媽來到尖沙咀喝茶，畢竟很久都沒有跟家人上茶樓。這次來到較高檔的茶館，希望媽媽吃得舒服和開心。位置：佐敦地鐵站D出口，走到梔子咖啡店的那邊街道，往前走就到了，不用五分鐘就到，很方便。環境：門口旁有個巨大的魚缸，養了不少海鮮。室內空間大，枱與枱之間保持一定的距離，所以不用隔板， 大部分座位是圓枱，所以坐得舒服和寬鬆。近街口那一邊是落地玻璃窗，但景觀一般。還有樓梯上一層，未知是否提供包間。整體裝潢走現代化路線，舖木地板配白色天花板，簡單而大方。服務：坐下後便提供一壺熱水洗杯具和普洱茶，上菜速度快。午市：糖心皮蛋酸薑$45上菜時配一碟白糖，這三種組合，真的是第一次吃，味道意想不到的驚喜。皮蛋的蛋黃仍處於流心狀，配微辣的子薑和甜白糖，各種滋味湧上味蕾！姬松茸瑤柱灌湯餃$68每人一碗灌湯餃，湯餃差不多是佔碗的面積七成，湯匙都裝不下，餡料主要是蝦和蟹柳絲，很鮮甜，皮薄餡料足，再配清香的菇湯，好吃又飽肚。北菇綿花雞$58有魚肚、冬菇、雞件、薑蔥等材料，這就菜是吃雞肉的鮮嫩，軟綿的魚肚吸收雞汁，是一道可口的家常小菜。豉汁蒸排骨$48平常的酒樓是用蘿蔔或香芋，今次茶館用腸粉，真是第一次見，腸粉

今日同妹妹去尖沙咀山林道圓苑吃午餐。圓苑的點心小食都做得出色用心，嫓美高級酒店出品。店整潔光猛，座位舒適，服務好，交通方便，價格物有所值，推介。圓苑的生滾泥鯭粥(每碗$58)必食。粥底綿滑夠火喉，泥鯭拆了骨易食，魚肉結實鮮甜，好好味。隨粥的花生，炸菜和葱增加粥的風味。泥鯭粥的最佳拍檔是金沙脆魚皮($68)。魚皮炸得香脆，沾滿咸蛋黃，咸香有風味，好食到停不了口。水晶蝦餃皇($52)好食。大大隻無欺場，皮彈牙有咬口，餡的蝦仁鮮甜。杞子蒸燒賣($52)也美味，大大粒餡料豐富，有手切豬肉，蝦肉和冬菇。蘿蔔絲酥餅($48)也出色。酥皮鬆化入口不肥膩，裏面的蘿蔔絲鮮甜。美味的海帶綠豆沙夠火喉，滋潤，甜度適中，為這餐劃上完美句號。吃得滿意，忍不住外賣冰燒三層肉($118)和蜜汁叉燒皇($108)回家孝敬爸媽。他們都讚好食。下次有空帶他們來吃。

朋友介紹去左呢間位於山林道嘅粵菜餐廳 裝修好新 坐得好舒服👍🏻 晚市有多款特色巧手小菜選擇 價錢唔係特別平 不過質素真係又高 食過番唔到轉頭😋我哋今晚就試左3道小菜 分別係千島明蝦球 紅燒妙齡乳鴿同欖菜四季豆炒鮑魚🤤 千島明蝦球真係近來食過最高質 炸醬厚薄適中香脆 蝦球彈牙 千島醬酸酸甜甜非常開胃惹味👅 紅燒妙齡乳鴿外皮鬆化香脆 肉質嫩滑入味 厚肉既地方沾上少少淮鹽食超正🤩 欖菜四季豆炒鮑魚份量十足 有好多鮑魚 彈牙夠味👍🏻 夠哂獲氣 3碟都好正 食飽仲有綠豆沙送架🌟

位於尖沙咀山林道有家正宗粵式灑家叫圓苑。一進門給人闊落舒適的感覺，分上下兩層。掃描安心出行、量體溫做足防疫措施。先要盅例湯：龍骨胡羅卜鴨腎煲西洋菜湯，中規中矩，夠健康。色香味俱全的百花炸釀蟹柑：大大個滿是蟹肉，皮脆肉鮮，好香口。家鄉小炒皇：有蝦、蝦乾魷魚乾、腰果、韮芽、菜莆等好多料，蝦新鮮彈牙，蝦乾魷魚乾鮮而有咬勁。 三杯汁銀雪魚煲：熱辣辣夠鍋氣，濃郁醬汁沈透到銀雪魚，魚肉非常入味而有層次感。最後經理還送我們糖水，紅豆沙裡面有蓮子陳皮等，甜度適中，恰到好處，美味可口。這裡的服務熱情周到，是喜歡粵菜朋友的好選擇！

圓苑 (尖沙咀)📍尖沙咀山林道14-16號達榮大廈地舖有時想搵間好食嘅中餐都好難😗今次朋友帶咗我嚟呢間位於山林道嘅中菜館裝修得幾光猛 而且食嘢都係手工菜 唔怪得知咁多人一坐低首先飲番杯熱茶暖胃☕️餐前小食係蕎頭 比平時嗰啲大粒而且好爽脆 唔會過酸 幾好食😛🐦紅燒妙齡鴿即係紅燒乳鴿 但係竟然做得唔錯一撕開乳鴿嘅時候 啲肉汁就流晒出嚟皮脆肉嫩 燒得啱啱好而且仲會俾埋手套我哋 食食得好乾淨伴碟嘅係炸番薯片都好好食👍🏻🐟枝竹炆龍躉扣自己都係第一次食龍躉扣有啲似豬肚加花膠骨 膠原滿滿而且炆得好入味 枝竹份量都好多用煲仔上可以保持熱力🔥🐟烤燒河鮮活鰻魚上咗新鮮鰻魚去燒魚肉 好大塊而且油脂咁好重 好難得食到燒到個皮都好脆點埋個鰻魚醬更加正食飽之後餐廳送上是日糖水海帶綠豆沙連送嘅糖水都煮得唔錯 煲到起晒沙而且用料十足 食完之後飽到上心口🤰🏻

圓苑 - 酒樓設計好時尚，感覺高貴但價錢不貴，招呼非常好👍點了一些傳統懷舊點心：-蠔皇叉燒包 $48，傳統嘅味道，上枱時熱騰騰，外皮咬落軟綿綿，蠔油味加上蜜汁叉燒，甜甜蜜蜜🥰龍蝦湯鮮竹卷 $58，鮮竹卷索滿龍蝦湯的味道，好入味，好香濃，好多彈牙蝦蝦🦐蘿蔔絲酥餅 $48，賣相精緻，酥皮鬆脆唔油膩，餡料蘿蔔絲味道鮮甜😋北菇綿花雞 $58，好足料，有冬菇、魚肚、蟹柳和雞，最入味當然係舊“綿花”🤭豉汁蒸排骨 $48，又腍又滑，味道不錯。大菜糕（懷舊甜品），甜度適中，童年回憶返晒嚟👧