圓苑 (裝修中)

位於佐敦山林道既呢間圓苑，門口裝修好華麗，有用心設計，佢個魚缸係出面連到入面，都幾有氣派。今日帶媽媽黎飲茶，兩個人食量唔多，叫左五款。個流沙包一定要趁熱食，要小心佢入面熱辣辣既流沙。個得意腸係必點，原理有啲炸兩，不過係腸粉包住炸既皮，入面係蝦，沾少少醬油食好好食。另外，佢個鮮竹卷幾特別，係用龍蝦湯一齊蒸，個湯好鮮甜，令到個鮮竹卷更加出味。兩個人食五碟其實好夠飽，好難得午市最後仲送左糖水，係紅豆沙。