圓圓 (已結業)

黑糖珍珠鮮奶 $28.珍珠奶茶熱潮開始減退 曾經要大排長龍深水埗必試既圓圓都已經唔使排隊lu.賣相麻麻 冇乜黑糖紋 摸上手珍珠係暖既 店員再三叫一定要搖幾下先好飲☺️本身想叫少冰 但原來個冰唔少得係因為要溝淡黑糖甜味 但我覺得似係溝淡奶味😂.所以奶味真係淡 冇乜奶味 反而黑糖珍珠就幾正 有少少烤過既黑糖香 味道獨特 珍珠彈牙有咬口 只可惜個奶真心好淡味 未能同我心目中既頭3位比較..圓圓 (深水埗)深水埗欽州街74A號地下3號舖..

試過唔同鋪嘅黑糖珍珠鮮奶 覺得無咩特別 唔明點解咁多人排隊 直至我試左呢間第一次飲嘅時候 我覺得佢係我飲過最好飲嘅黑糖珍珠鮮奶但..... 第二次飲就.... 超失望囉 已經無左好香嘅炒黑糖味 變成一杯甜奶水.....

平常做完GYM搭車返屋企 都會經過深水埗呢一帶 係巴士經過都望到呢一間台式飲品店隔離兩個鋪位有另一間 往往呢間都係較多人等候 加上有住呢一區既朋友都推介呢間圓圓好飲所以趁今日難得係呢區食完飯 時間尚早 可以買杯飲下當甜品第一次當然要試下傳統正常飲 先知同其他相比 呢間台飲功力如何同朋友分享一杯黑糖珍珠鮮奶 女仔始終怕肥呀未搖之前都感覺到底啲珍珠係熱既 所以要靠冰面整返凍佢 而冰係大大粒係面既黑糖虎紋做得無熱門果幾間台飲咁靚之後搖混佢啦 先似黑糖奶 發現黑糖味唔夠濃 只係飲到奶味 而奶味都只係好甜既奶味 無鮮牛奶果種鮮咩再啜多啖加埋珍珠 咁就有返黑糖味珍珠咬落偏淋但就好重黑糖味飲到最後冰係未溶晒既 可能兩個人飲 飲得快可以叫少冰下次雖然呢間無兩間動物台飲店咁好飲但相比連鎖台飲店已略勝一籌 係SSP無咩選擇黎講 都值得行去買既

食完飯見有啲口渴，走左去飲我最愛既台灣野飲😍行過呢頭發覺未飲過呢間，朋友又有講過呢間都唔錯。本住一試無妨就去買啦。餐牌睇落無啲出名店咁貴，就試下個黑糖珍珠鮮奶啦！睇下佢好啲定鹿角巷好味啲！等緊既時候發覺，側面冷巷油左幅幾可愛既獨角馬。打咭都可以對住個背景來影。黎到飲品啦，飲落都幾好味既。不過係飲落黑糖味唔夠重，啲珍珠獨立既黑糖味就夠。珍珠較軟身。奶味都重，但又個奶唔係好Cream果隻🤔。總括來講，未夠鹿角巷好味。不過朋友話好味過老虎堂。

朋友一直係圓圓既fans，成日聽到佢提有幾好味，今日終於到我去試喇！圓圓炭焙烏龍奶茶(微甜小冰)珍珠Q度適中，最驚喜係一杯茶兩款味道既珍珠！以為深淺色珍珠只係gimmick，估唔到淺色珠帶有陣陣茶香味另一杯係呢期好hit既黑糖珍珠鮮奶同其他鋪頭一樣，甜度冰度都係定左，飲開微甜既我就覺得偏甜，蓋過左奶香味，值得一讚係珍珠食得出黑糖味，咬咬下好香口！朋友果然無介紹錯啊！

小編時不時都會路過深水埗 今日咁啱去開深水埗做嘢 就靈機一觸醒起「圓圓」就二話不說向Double Bubble出發٩(˃̶͈̀௰˂̶͈́)و深水埗地鐵站c1出口向左直行到長沙灣政府合署方向 係馬路口左手邊 隔離仲有間sharetea 平時去都要等10至20分鐘 今日去可能啱啱好放完晏又未夠鐘放學放工 所以唔駛等好耐 由落柯打到拎上手 都只不過係大約5分鐘時間👍🏻 嚟到圓圓其實都係一如以往買黑糖珍珠鮮奶😂 有分熱同凍 但就無分size都係中杯 熱$29 凍$28 （通常凍飲貴過熱飲 佢就調返轉🤔）甜度無得改 而冰度就有得要少冰走冰 但個份量亦會因為無冰墊底而相對少7成（店員都會事先講明）我就order原汁原味正常冰🤞🏻等咗3 4個就到我 店員一如以往細心提醒返 要倒勻先飲用 ！飲！咗！4！次！依然keep得住個水準 果然好野 真係飲到黑糖味 而唔係庶糖唔係死甜唔係焦糖味 你要知道依家出面好多所謂嘅黑糖珍珠鮮奶 就係庶糖珍珠鮮奶 又或者係焦糖珍珠鮮奶 但係個名就用黑糖珍珠鮮奶 完全係違反商品說明條例🙄🙄 啲珍珠都好好咬 煙煙韌韌 不過有幾粒未熟透 之但係整體而言已經夠攞99分(˶‾᷄ ⁻̫ ‾᷅˵) 有下次

前排好多黑糖珍珠店出沒，深水埗都開咗間，見咁多人排隊我都排左陣，果然呢個熱潮炒得熱烘烘。排咗15分鐘終於攞得，咬落啲珍珠到，充滿黑糖味而且非常煙韌，單講珍珠着真係幾好食。同老虎堂比較，老虎堂既黑糖味較重，而圓圓珍珠較煙韌。但佢嘅炭焙烏龍奶茶味道非常淡，似係比好多水溝淡左咁，冇乜茶味。建議大家試嘅話就唔好試呢款香精奶茶，試其他例如鮮奶茶或鮮奶，應該好飲好多，有機會經過我會試返鮮奶😛。味道指數：🌝🌝🌝🌜上樓指數：🌝🌝🌝🌜回頭指數：🌝🌝🌝⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️ 💡是日嗌咗： （免加一）黑糖珍珠炭培烏龍奶茶 💡餐廳資料：圓圓 (深水埗)深水埗欽州街74A號地下3號舖

有朋友介紹呢間嘅珍珠奶茶，間鋪喺西九龍商場斜對面，行開呢頭見唔係好多人排隊就試一試間鋪側面有幅牆畫好易認到朋友推介珍珠奶茶，我又想試一試黑糖，所以就叫咗黑糖珍珠奶茶等咗幾分鐘就有得拎，比起其他幾間人氣台式飲品店算好快，因為驚黑糖太甜，所以揀咗半糖。杯嘢賣相一般，d黑糖同珍珠一齊喺杯底，杯身完全冇黑糖，睇落同普通珍珠奶茶分別不大。因為叫咗半糖，飲落去都未算好甜，可以接受。珍珠彈牙而且多咗陣黑糖嘅甜味比起一般珍珠好味，但奶茶飲唔到黑糖味，有d失望

放假係深水埗shopping 到有d 口渴，見到呢間叫圓圓既台式飲品店大排長龍，應該無伏，就決定排埋一份試下！叫左杯店鋪既人氣飲品圓圓炭焙烏龍奶茶，d 珍珠偏軟身，好有咬口，烏龍茶底香淳，同奶既比例啱啱好，唔錯值得推介。

曾說過，台飲店雖多，好一點點卻很少。尤其本地自家小店，雖說要支持本地製作，但真心品質參差，要人難受。所以為免舌頭受損，試前都會聽聽Foodie朋友sss的推介先。（當然你要確定你朋友味蕾是一切安好先）最近我有位奄尖食友向我推介那間隱藏於深水埗的小台飲店，更說驚喜萬分，咁今日放工特意走訪一下。店子小小，又唔算方便，人潮卻不少，點了1杯黑糖珍珠鮮奶，等了10分鐘到手。眼見黑糖紋不明顯，簡單的分兩層，好似好不融合般，不過都係試左先講。搖勻左10幾下，色水睇落似奶茶咁，完全不像外界的紋理強烈，而飲落去！有驚喜！黑糖味道突出，同鮮奶好夾，珍珠煮得煙韌好咬口，奶滑厚身，作為一杯黑糖珍奶，性價比高！老實說真是要給那本地薑讚一下！

自從之前幫襯左旺角小茶堂後,我簡直係完全愛上左黑糖珍珠鮮奶深水埗呢間"圓圓"早係之前已經在facebook有介紹,當時就已經好想一試,可惜每次經過都大排長龍,今次終於有機會買到!細細個鋪位入面企左4,5個人個個忙住沖調飲品,拎到飲品後,店員好細心提我地記得要搖勻飲黑糖珍珠一開始仲係偏熱的,可能因為呢個緣故,D冰融得幾快,奶味唔算濃,冰融左之後令到覺得有D過淡,但係佢既黑糖珍珠味道唔錯,都值得一試的!

有唔少報道都講過呢間飲品店係由台灣人妻主理，評語都唔差！晏奏經過就黎trytry😋😋唔算多人排隊等候，買完等叫飛都係10分鐘內既事🤩主打飲品: 黑糖珍珠鮮奶☝🏻$28杯微暖，黑糖明顯地有炒過，味重而味香，奶味香濃，應該係用左明治牛奶🤔珍珠偏軟身，但可惜有時食到有幾粒好硬，應該係未煮熟，扣左少少分😓😓但整體而言都係一杯高質既黑糖珍珠鮮奶👍🏻👍🏻👅而且地點方便，西九龍中心對面就係！黎深水埗唔可以錯過！

飲過好多間黑糖鮮奶珍珠，呢間係最好味嘅，平時行過見到好多人都冇機會試，今日見到人少少我就試吓！聽職員講呢杯黑糖鮮奶係用咗日本明治奶，所以啲奶味特別香濃，而且有好香嘅黑糖味，黑糖聽聞是炒過的，鮮奶嘅甜度剛剛好，珍珠軟硬適中，飲過咁多間黑糖珍珠鮮奶暫時呢間係最好味😬拎上手時都有少少暖，但要搖勻幾下就會見到啲黑糖紋出現，呢杯買$28價錢都算合理分量十足，細杯只是平兩蚊🤣今日人流不多，全程5分鐘就已經有得飲😂

最近嚟得深水埗多聽講呢間圓圓嘅質素唔錯可惜！去咗四次都買唔到有三次都係因為珍珠唔夠、煮緊要等好耐好耐先開放落單而放棄呢次俾我撞啱時間買到黑糖珍珠鮮奶可能因為需求實在太大所以到我手嘅時候底部嘅珍珠係好熱，燙手的不過亦可能因為太多人買所以好明顯睇到杯飲品係無黑糖嘅虎紋當然唔影響味道啦到手之後充份搖勻首先食到珍珠，係我飲過咁多間最重黑糖味係好味嘅，我都有食晒啲珍珠不過佢嘅珍珠幾冧無乜咬口其次到鮮奶嗰部份唔會好甜，但好可惜無乜奶味鮮奶本身味道唔強，黑糖味混和唔到落奶入面亦有可能因為冰粒溶得快導致溝淡咗杯飲品

之前係ig見到有foodie介紹過呢間既黑糖奶珠鮮奶，呢排咁hit都一直未試，咁啱有日平日放假要去深水埗，諗住少啲人就順便試下，點之嚟到都係好多放暑假既學生哥買。聽講而家每一間有賣黑糖奶珠鮮奶($28)既舖頭都會好多人排隊，果然無錯。本身想要微甜，但原來無得揀甜度，就照叫原味試下。等咗十分鐘之後終於有得飲！搖前：搖後：自己覺奶味都幾重幾鐘意，不過甜度對我嚟講就甜咗啲，因為黑糖本身已經比一般飲品已經偏甜，而平時都飲開少甜或者微甜，對我嚟講都係有啲唔慣。