圓圓 (已結業)

食完 lunch 諗住搭車返公司咁啱經過呢間新店，聽講珍珠好正，我就叫左個圓圓珍珠炭培烏龍奶茶黎試～我叫左無糖少冰，諗住佢細細杯少d冰會多d 茶🤣好彩我叫無糖咋，咬過d 珍珠先發現原來珍珠本身帶甜，所以無糖一樣有微微甜味，呢個程度反而唔錯，唔會喧賓奪主，而且珍珠有兩款，所以味道同口感都有分別～至於烏龍茶底因為炭培過，味道會留香d 同醇d ，因為珍珠多烏龍茶香濃，我建議可以直接走冰，咁就唔驚變淡啦。

珍珠烘培烏龍奶茶($26)開到成行成市嘅奶茶鋪間間都係咁嘅味，但呢間飲落就有啲唔同。茶味非常濃郁，唔似平時啲奶茶一味得個甜字，俾啲奶蓋過晒啲茶味。二珍珠就唔係淡茂茂，咬落個心度係有啲黑糖味。

果晚準備搭巴士回家了，行到長沙灣政府合署，見到圓圓，聽聞又好似幾出名台式珍珠奶茶，於是，我就買了杯飲奶茶三重奏試下飲下，點知，真係好失望，一飲落去奶茶俾糖精沖的，呢個其次，重點係珍珠，d珍珠硬到好似冇煮過咁，好硬😖，咬了幾粒，真係想成杯掉落垃圾桶，真係好無言，問題俾了錢，價錢又不是便宜，硬住飲d奶茶解下渴，邊飲邊吐d珍珠出來，飲到一半頂唔順掉了，真係失望😵。反正真係冇下次了，真係試一次都嫌多了。

今日難得到深水埗，專登搵依間由台灣人妻開的台茶店，其實都係睇動新聞先知到嫁咋!主打手炒黑糖珍珠，當然要試下啦！雖然報導話黑糖和日本鮮奶好夾，但唔想飲到咁飽，所以都係叫茶算了。因為黑糖珍珠供應有限，所以都只可以叫中杯。我今次選擇了「黑糖珍珠炭焙烏龍茶」$22成杯野全部都係黑色，完全睇唔到珍珠😅我叫了「走冰走甜」，因為天氣有啲涼，加上本身黑糖已經有甜味。當日大約1點半，都要排十幾個號碼。無輪買飛、拎茶都要等。排排下落order，要叫你等陣，因為拎茶位置，係同一個員工，跟本冇可能同步進行。茶到手，底部係微溫可能我忘記搞勻，第一啖有啲甘，飲唔到黑糖味。可能因為走甜關係，烏龍茶有啲甘濃。但為左呃自己健康dd，走甜都要嫁啦珍珠好Q，入味，全部珍珠食晒冇難道下次有機會想試下「圓圓系列」（黑糖珍珠+黃金珍珠）

好普通既珍珠奶茶珍珠好硬，太甜。奶茶同貢茶個啲味一樣。。 $18真係寧願飲天仁得個甜字同無茶香味見好多人試黑糖個隻款但寧願飲其他鋪頭仲好過總括而言，唔好再去光顧。

平時經過見圓圓好多人捧場，聽聞口碑亦好好，但我最怕就係有排等，所以之前都冇機會幫襯到。今日經過見到人少少，就即管試吓啦！諗來諗去，最後都係決定買咗黑糖珍珠鮮奶。飲過好多間飲料店嘅珍珠奶茶或鮮奶，都未試過一間係覺得非常好食嘅，圓圓嘅珍珠充滿住黑糖味，超級香，口感又好Q，甜甜的好好食，可以話係我食過之中最正嘅珍珠呀。此外，整杯黑糖及鮮奶比例適中，搖勻後唔會太甜，飲落真係非常滿意！不過呢間等待時間就耐少少喇，大家要有啲耐性呢～

又黎黑糖乜乜乜，你唔攰我都攰呀，真係飲到感知疲勞🤣但呢間又真係專登去飲既，點解？人人都讚好，咁都要試下先知嫁🤨黑糖珍珠鮮奶 $28佢呢度勝在大部分飲品都可以做熱飲，無懼寒冬呀🥶🥶呢杯黑糖都無令人失望，特別愛佢黑糖珍珠既味道同口感，有黑糖香唔會過稔😚給了一個Encore的理由圓圓炭焙烏龍奶茶 $23鍾意炭焙香既朋友仔會愛❤️一入口就好香，烏龍茶味都好出，珍珠都好食👍🏻無出現中心過硬或太稔既問題綠豆牛奶沙冰 $35呢杯野就係綠豆沙雪到起冰咁🤭綠豆沙囉！同埋啲冰可以做返細粒啲，令杯野可以再滑啲就好好味指數（5粒最高）：

黎開深水埗呢頭食飯 食完飯口渴就醒起呢間近期人氣急升既珍珠奶茶店 之前黎過一次 但個陣無晒珍珠 今日黎就有齊 人唔算多 大約等左十分鐘左右有得飲我叫既係圓圓炭焙烏龍奶茶 走冰 店員提示走冰會較稠 所以會再加奶粉 26蚊有一大杯 比其他鋪頭平少少 即使走冰都唔會特登俾少d 呢樣抵讚 味道方便有少少過甜 其實走冰應該要叫少甜 今次係自己失策 一杯入面已經有晒兩種珍珠 分別係黑糖珍珠同黃金珍珠 黃金珍珠感覺比黑糖珍珠軟熟少少 但兩隻珍珠都煮得岩岩好 好煙靭

近年又興番台灣野飲間間都黑糖珍奶今次終於試到都幾多好評既1間。門口都多人等買完要等11個我揀左唔算系熱門既凍珍珠奶綠微甜少冰 m size 奶色好重加上珍珠系淡啡色心諗 可能會好甜 重奶味 同啲珍珠會1patpat但好驚喜地……佢地茶味幾濃甜到適中 又唔會好漏重點系珍珠佢依款叫黃金珍珠淡淡地既甜味 同好煙un 小妹系珍珠控 所以極愛私心推介 珍珠奶綠出單幾快 5洗等好耐

深水埗開左間人氣小店長期都有人龍因為近日飲得太多黑糖鮮奶今次想試下飲返珍珠奶茶飲落都個茶底都幾香，半糖後甜度適中珍珠有咬口，唔會煮得太爛。店員手腳都好快，即使前面有成12個號碼，都只係等左8分鐘度！

早排深水埗開左間茶飲店，好hit好受歡迎，吾洗講我既天職使命就自然而然會去造訪一次。嘩，去到已經體會到呢排黑糖珍珠+珍珠奶茶興番既熱潮威力。仲要係盛夏，更加吾洗問啦。我吾係特別好中意黑糖陣味，總覺得有點奇怪。坊間仲有好多蔗糖等混水摸魚成黑糖（雖則是黑糖一種，但味道是不同的）但都想試下黑糖珍珠鮮奶係咪真係咁好飲。但其實我發現好多都吾係。今次係圓圓都係試左黑糖珍珠鮮奶。店鋪位置都算方便，但太細，都冇地方等，今次盛夏好多人買，真係等好耐同好多人係同一個地方擠擁，好彩店鋪都準備大太陽遮，但始終感覺都係不大舒服。其實店細，主要成本已經大大降低，變相其他成本如時間成本等就轉架到消費者身上，但價錢仲要貴，而且只是在深水埗地區，價錢應該實際一點才更貼地。而家閒閒地買杯台式飲品，冇三十蚊都落吾到台，價錢已經大不如前，作為一杯真係「消閒」飲品。其實廣播系統都非常不清晰，冇聲多人。我同朋友等，等左至少20分鐘，但都未見有，就走去問問，點知原來已經有，仲放左一陣，只因現場太多人，又冇人疏導，更應設立取貨系統，如電子叫號/顯示等客人知，店員叫咪等，總之叫人知道取貨時間，既清晰又可疏導人流，是必要！到味道先算最失

唔知呢解香港突然有一股黑糖珍珠同埋黑糖珍珠鮮奶既風 四為唔同地方都開始賣 平時旺角尖沙咀銅鑼灣就一定排長龍啦......😭幾個月前去深水埗個陣見到呢間黑糖珍珠鮮奶就想試下係咪真係咁好飲啦.... 但條龍... 同旺角個啲都係有得揮.... 咁就放棄左無排😔第次再去深水埗經過諗住睇下會唔會少啲人 點知都係好多人... 可能真係星期六日. 咁去問下要排幾耐 店員話20-30分鐘...😓到第三次 見到條龍貌似少啲人 我就排啦 都問下佢幾耐 佢話等5分鐘就得 咁心諗正啦！ 就買左.. 點知最後都係等左15分鐘😂😂不過黑糖珍珠鮮奶 影相係唔錯既 珍珠既軟硬情度很好 好有咬口！ 黑糖呢就都真心幾特別 配鮮奶（佢地係用日本鮮奶） 都幾好 不過個人就覺得整體係偏甜 因為佢地唔建議少糖/其他...Overall其實係值得一試既 但如果要排半個鐘/45分鐘 值唔值得呢就見仁見智啦😂😂 早啲去係會少人啲... 到6 7點又開始多人番...

雖然市面嘅飲料店仍然開過不停，但最近從台灣旅遊回來，對手搖杯慾望大減，特別係黑糖類。圓圓係我曾經飲過覺得相當對味嘅黑糖珍珠鮮奶，但我個人對黑糖嘅熱情已消退。週末下午茶時間，深水埗四圍水滯不通，路過再訪考慮只係買杯普通茶類，但見有新品上市，即管一試。新品係綠豆沙牛奶雪沙，分中/大杯裝，定價$28/35，圖片賣相就幾吸引。茶飲店唔算好多人，等候約十分鐘，飲料就到手。點選中杯，喺完全未攪拌嘅情況下，可以見到鮮奶喺底，而綠豆沙喺面頭；友人同一日到訪，成品卻同我相反，綠豆沙喺底，鮮奶喺面。綠豆牛奶雪沙 $28/M飲品到手，唔講以為係芋頭鮮奶，色水相近，預期綠豆味都唔會好重。綠豆煮熟冷藏成冰，荳蓉打得順滑，口感細緻，並不濃稠，絲毫碎冰感都冇，只係欠綠豆沙香氣，甜度偏低，豆味唔夠濃。同鮮奶比例接近一比一，雖然係明治奶，但奶味唔重，屬於清爽消暑嘅飲料。裡面一粒綠豆都冇，我亦無追加配料，飲落有點單調，可能我鐘意有野噍下啦。香港租貴大家都明，不過28蚊飲杯綠豆沙奶，性價比偏低

圓圓係台灣人妻因太想念台灣飲品而開佢沖製飲品既功力吾錯味道完全有種意想不到的驚喜佢主打黑糖珍珠鮮奶同黃金珍珠以前有飲過珍珠口感幾好，黑糖味都夠而我呢杯係烏龍鮮奶茶不妨試試~

黑糖珍珠鮮奶🍼.早前睇過媒體報導過台灣女士落黎香港開既黑糖厚奶店，看到有心動💓最近行經深水埗就決定試試！趁厚奶季節仲未過，又未轉冷嘛🤪佢無亮麗既外表，無整什麼紋咁，但味道卻取勝❣️黑糖同厚奶調配比例剛剛好，黑糖係真正既黑糖啊😍，唔會太甜，鮮奶滑得黎卻唔會飲完全杯之後覺得勁膩。珍珠都係好欣賞既地方，黑糖夠入味，唔會過稔軟硬度剛剛好，非常好𡁻🤤真心覺得小店既出品係最用心，用料最講究的👍🏻💪🏻