圓圓 (已結業)

呢排真係非常流行飲黑糖珍珠鮮奶😃咁啱有日去到深水埗，食咗文記之後咁啱經過一間台式飲品店！佢哋都係主打黑糖珍珠鮮奶，咁說買番杯試下啦！呢間都一樣，呢款飲品只有中杯提供😂😂😂中杯$26 （冇得揀甜度，好似可以小冰）等左大概10分鐘左右先有得拎，其實我都唔明點解要等咁耐，佢又冇掛杯，而且黑糖珍珠都整好放係度，佢只需要加冰同鮮奶😂😂😂應該可以好快出到架嘛（我前面果d都係同一款飲品都搞咁耐🙈🙈🙈） 有冇人話我知點解？歡迎comment🤪🤪正題！ 第一啖入口有小小甜（冇大卡司咁甜）可接受！唔錯唔錯🤭🤭而珍珠係有咬口彈牙，唔係淋啤啤既！👏🏻總括黎講，佢唔係咩咩大牌子過江龍！但都唔錯，好飲！ 呢期真係太多太多太多黑糖珍珠鮮奶喇！下次再試下其他先（會補上大卡司既食評，證明我有飲過！）

每次經過這家珍珠奶茶店，都是有一堆人在門口在等珍奶。 某個晚上經過竟然無咩人，不用點等，當然要試杯黑糖珍奶，試下正宗台灣味。黑糖珍珠鮮奶茶($28)珍珠份量好多，黑糖味好重，真材實料，珍珠很Q …用的是明治鮮奶，整體都略甜，不能少糖。但整體是好飲的。

深水埗又開咗間新嘅手搖飲料店，我當然要來試一試！離遠已經見到人潮洶湧！排隊唔算耐，只排咗10分鐘度，但原來等飲品佢話要30分鐘😱有冇咁誇張，我只好過對面西九龍中心逛下。我點嘅係黑糖珍珠鮮奶，＄28價錢正常，重點係好唔好飲，鮮奶正常有奶味，唔會似飲奶水，珍珠煮得夠林身，咬落亦夠煙韌！黑糖味非常足夠，不會和珍珠分隔開，愈咬珍珠味道愈出，甜度亦都正常👍整杯黑糖珍珠鮮奶嘅比例同埋甜度我都算滿意！難怪開張短短時間已經成為網紅店！值得一試😝______________________________店名: 圓圓 環境：7/10服務：7/10 價錢：7/10食物質素： 8/10 整體：7.5/10 地址:深水埗欽州街74A號地下3號舖

長沙灣政府合署對面細街開咗間台式飲料店，身為珍珠奶茶控，今日經過SSP 食飯梗係順便去試下。最近黑糖咁hit, 所以就點左杯「黑糖珍珠鮮奶」。因為lunchtime過去買，列日當空 🤧🤧🤧🤦🏻‍♀️🤦🏻‍♀️，等十秒都似等一分鐘咁耐，最後等左一分鐘先拎到野飲，真係熱死，製作效率可能需要改善。整體黎講係好味嘅，甜度適中，珍珠有咬口。不過如果要挑剔個杯size，只可以揀中size，等咁耐都係得細細杯，唔夠喉。

朋友說他很想試試圓圓的黑糖珍珠奶茶，所以我陪他去買杯試試看。原本我打算不買的，因為這個星期已喝了兩杯台式飲品，不過朋友蠻想我陪他喝，好吧，我也買一杯，怎料今次失望而回。今次的人手比上次充沛，只需15分鐘就就可以拿取飲品，較上次快了5分鐘。今晚我所試的中杯炭焙烏龍鮮奶茶選了微糖少冰，結果店員下錯單變了買大杯裝，這個問題尚可以接受，她們太忙吧。最大問題出自於炭焙烏龍鮮奶茶的味道，正常少冰的話茶味應很香濃，奈個整杯炭焙烏龍鮮奶茶水汪汪的，不太嚐到烏龍茶獨有的芳香，更何況炭焙香味。我知道我要求微糖，但未至於接近喝水般吧，所以最後喝不到半杯就掉了。

黎開深水埗，好想飲鮮奶黑糖珍珠，見呢間評語不錯，試下先啦梗係，一去到往後行排，人不算太多，約八至十個，排左十五分鐘，之後就要再等二十五分鐘先有得攞(店員稱等二十分鐘)，幸好，味道與尖沙咀那間相似，黑糖珍珠一樣味濃QQ, 冰有點多，鮮奶一樣用明治，但味道都不錯的，很喜歡鮮奶珍珠，有時唔想飲太多奶茶，鮮奶呢個配搭十分好，排左幾間唔同鋪頭，現在基本都要等成四十分鐘，而家天氣咁熱排得好辛苦呢，飲杯野啫。～～

見到個post特登過來深水埗預左多人排排好耐隊先到收銀同店員講要黑糖珍珠鮮奶佢話要排另一條隊黑人問號？？？？咁我咪白排？？？點解唔預先貼張紙寫明黑糖珍珠要排另一條隊？

向西九龍方向邁進的時候見到有間小店，前面有不少人圍住，八掛的心態一定要睇睇👀原來又係黑糖珍珠奶茶🥤❣️❣️❣️最近大愛丫❣️款式好多，而且個樣都很不錯👍🏻樣樣都想試😋都係專一啲，試黑糖珍珠❤️落單之後等左大概十分鐘就拿到，職員算幾快手無得選甜度冰量一拿上手，啲珍珠重係暖的👍🏻所以店家用比較大粒的冰箱，減慢溶的速度，唔怕飲得慢會變得太淡而且門口放左好幾盒日本🇯🇵鮮奶，證明佢地唔係用奶精嫁，真心，奶味好濃好重，又香又滑搞一搞，個虎紋重靚👍🏻黑糖個種焦香味不錯👍🏻只係偏左少少，即使搖埋啲奶都係有少少甜（我係淡味人），不過天氣熱，啲冰慢慢溶下溶下，飲到尾都唔會無味😋珍珠煙煙un un ，有輕微粘牙，overall 都不錯，下次經過會再試其他口味

間唔中都喺深水埗尋到寶，呢間位於西九對面嘅飲料店圓圓係近期試過印象較深刻嘅黑糖珍珠鮮奶，可以一試。店面很小，加上當日落狗屎，門外開左個小帳篷供等候飲品之用，所以唔係好見到招牌。唔知有冇曾經有排隊潮，當日未見，可能近日比較好彩掛，用餐感受更好餐牌供應原茶、奶茶、鮮奶茶、果茶、黑糖系列等，定價$13-33。黑糖系列分紅茶、烏龍茶、鮮奶配搭，珍珠每日限量熬煮。店員唔多，一個收銀、一個沖泡、一個加配料，挺有效率，唔需要等候太耐。黑糖珍珠鮮奶 $28黑糖紋路尚算清晰，飲品到手時杯底非常熱，珍珠一直保溫，加上杯本身較薄，係我暫時飲過最熱嘅黑糖飲料。當然啦，知道有啲朋友唔喜歡啲珍珠熱的。個人啱啱相反，本身飲料有一定嘅冰度，只要搖勻，珍珠自然變番常溫。鮮奶用明治厚奶，夠香滑，係我杯奶。直接飲會甜啲，搞勻後剛好，黑糖味道濃郁珍珠粒粒有黑糖甜味，名副其實；唯一係珍珠可能因保溫而口感軟糯，接近一芳嘅粉圓。如果好似我咁鐘意噍野的話，要靠冰塊融化令珍珠降溫再食，就會有番少少噍頭對鮮奶滿意，對黑糖濃度亦滿意，希望再訪仍有相同質素。

天陰陰，還是叫杯熱的黑糖珍珠鮮奶，暖手又暖胃，讓女生不管方不方便都可以點來喝。雖然點的是熱飲，但是熱度能剛好入口的程度，而熱飲杯子設計唯美風，不答fb還是ig都能擺得上枱面。重點喝的部分呢，由於本人喜歡牛奶，所以這杯重奶味飲料就迎合我口味，而增添奶蓋還喝得出層次感，不過略嫌珍珠有點過甜。

起西九商場對面 我搵到我top one嘅珍珠奶茶。話說某日帶完我女去通州街游戲室玩完行番屋企，途中發現一家新開嘅台式飲品店。這圓圓不像銅鑼灣和荃灣那兩間台灣過江龍一樣在fb瘋狂洗板，但卻已出現人潮，我只好掏出銀包買一杯試試。我叫左圓圓烘焙烏龍奶茶 少冰少甜。冰量和甜度合格，而令人出乎意料的是它的黑糖珍珠和烏龍茶香都好outstanding! 奶茶造好後一拿上手，便摸到珍珠是溫熱的，這可以令珍珠柔軟煙韌的口感保持在最長狀態，且黑糖珍珠甜度足夠，每咬一下都品嚐到黑糖的甜美，另烏龍奶茶也不是蓋的，反之茶香縈繞在口腔內久久不散，更有回甘效果，是我嚐過眾多台式飲品店中唯一一間如此正視茶底品質的店。唯美中不足的有二：一是黑糖珍珠每日準備的量有限，黑糖珍珠飲料只限中杯size, 想要大杯size的我就只可以選購黑糖珍珠+黃金珍珠的「圓圓」系列，黑糖珍珠好味，但黃金珍珠卻味淡，相比之下更為失色，就算要求店員走黃金珍珠也被拒絕，甚是可惜。二是等待時間長，每次都不下二十分鐘。這記於店家的出品系統甚為奇怪:-/ 就算你的次序有幾前都好，店員也會優先處理黑糖珍珠鮮奶的order，使得買了烏龍奶茶的我係咁被眾多

最近自從老虎堂開左黎香港之後～真係周街都有黑糖珍珠奶茶🙄飲都飲唔切呀😣今次又到深水埗呢間珍奶～👉🏿✨黑糖珍珠鮮奶 Hkd 28 💸📌落單個陣因為珍珠冇晒，所以都要等成15分鐘左右😣不過有時間～等下有咩所謂🤣老實講佢呢個真係普通到不能再普通...外表諗住有啲黑糖既紋理，點知冇😭冇外表都算，其實佢只係將黑糖珍珠加落鮮奶到，真係普通，甜度唔會死甜，經過試下就夠～👉🏿✨圓圓炭焙烏龍奶茶 Hkd 24 💸📌入口第一啖真係好濃郁既茶味，之後啲死甜出黎了，我已經小甜左😞但都好甜呀...飲到一半真係頂唔順。而且珍珠冇特別q彈呢，不用抱太大期望🤢

一直覺得深水埗冇乜新意，食黎食去都係連鎖餐廳或雲南米線，難得今次居然跟上最近嘅潮流，開左間台式飲料，主推黑糖珍珠鮮奶。相信佢係街坊度都有一定人氣，雖然冇乜見到佢嘅宣傳，但都有小小嘅人龍。我平時嗌野飲，都會習慣少糖少冰，但呢度唔得。因為糖係同珍珠一齊煮，冇得分開，而因為珍珠係熱嘅，本身已經會溶左大量冰，所以少冰會令到杯野唔夠凍。等左15分鐘，飲之前要搖勻。珍珠分量岩岩好，飲到最後一啖都仲有。黑糖嘅味好厚好純，唔係平時糖漿嘅味，甜得黎，食得多都覺得ok，唔覺膩。夾埋鮮奶係正嘅！👍雖然$28有啲少貴，但因為用左鮮奶嘅關係，呢個價錢都可以理解嘅。會回頭再飲。

第二次幫襯都係飲黑糖珍珠鮮奶今次去買 多左好多人等20分鐘左右係值得等 雖然多人左但水準無變 連朋友都話真係好飲 又係成杯飲哂 食哂d珍珠正👍🏻👍🏻👍🏻會繼續支持

第一次試黑糖珍珠鮮奶諗住叫少冰少糖但店員話吾建議小冰 因為珍珠好熱飲前shake10下 冰都可能融得7788而黑糖鮮奶佢set左一個甜度等左10分鐘左右已經到手Shake完第一啖 覺得好好飲黑糖同鮮奶好夾 黑糖味好出 但又飲到陣奶香珍珠又有陣黑糖味 qq彈彈好好食！而且珍珠分量吾少 基本上啖啖都食到唯獨覺得細杯左d 係會令人飲完一啖接一啖已往飲珍珠奶茶都吾會食哂d珍珠因為好頂胃 但呢間既珍珠 係會令你想食哂而且無頂胃情況會再幫親 希望可以keep住水準