4號烤吧 (已結業)

滾啊滾啊滾的快樂 是晚烤魚夜～～～難得三日連假，而且夜晚又放寬咗食飯時間，即刻約咗好友過嚟堅尼地城呢邊食烤魚，喺星期二返工之前度過一個快樂嘅晚上。～～～呢間餐廳嘅選擇頗多，主要食烤魚為主，但係除咗烤魚之外，佢哋亦有雞煲火鍋等等嘅選擇。～～～睇過餐牌之後我哋揀咗✨重慶豆花烤魚（凌波魚）✨啤酒煮蜆(份）✨百威啤酒（樽）✨炭燒魷魚～～～佢哋一下單全部都係經QR code下單，好方便，而且可以選擇小辣/小油/小咸等調節食物嘅口味，幾貼心，白飯同醬料就係任裝，冇額外收費。～～～大大條烤魚肉質嫩滑非常，帶芫荽香氣。豆花經炸過，外實內軟，唔會容易洽爛。烤魚兩個人食份量好夠，而且味道好下飯，配搭啤酒都非常合適。～～～啤酒煮蜆：大大粒蜆肉脹卜卜，香香甜甜，而且帶少許辣香，味道調配恰到好處。而簡簡單單嘅炭燒魷魚乾，上枱嘅時候已經聞到陣陣嘅炭燒香氣，不過質感比較實身，個人牙力一般，所以更推薦啤酒煮蜆。～～～4號烤吧 (西環)西環卑路乍街116-122號聯康新樓1樓A號舖

44號烤吧西環店香港堅尼地城卑路乍街116-122號聯康新樓一樓A號舖一人一個餐, 要米線或者飯都得, LUNCH 真係好抵食, 自己一個鍋打邊爐。$68 雲吞雞煲, 連小食同飲品。$68 韓國泡菜白肉，鍾意泡菜酸酸辣辣架滋味，豬腩肉片口感一流，個泡菜湯好飲。加了蕃茄令湯架酸味更有層次。$25 加小食青瓜雲耳同七味椒鹽豆腐。好大碟，一定要加點。叫煲系列就係連埋一個GAS 爐, 一路食就一路熱住。雞煲惹味, 個湯汁同雞件確是送飯一流無得頂。 飲品要烏龍茶 而特飲+$就轉到啦自己一個都享受到雞煲, 獨自打邊爐無難度。問左店家呢個LUNCH SET 係星期六日都有供應架!

太耐冇食到咁好食嘅烤魚😋抱著嘗試心態(利申非打手)🧐兩公婆撐枱腳地方寬敞乾淨企理👩‍❤️‍💋‍👨多種類烤魚選擇凌波魚真係好好味🤩重點價錢非常合理🤫味道同上深圳探魚冇分別唔使舟車勞動😅

超好食烤魚😻😻😻咁好食都真係第一次連朋友都邊食邊讚🤤呢間烤魚係西環，位置偏左少少，不過非常值得過黎食番餐🤩我地兩個人，叫左新菜式，青花椒酸菜烤魚😜因為我就唔食得太辣，呢款就岩晒我，我係食脆辣雞翼都覺得辣，但會照食個種，今次揀左小辣，我反而覺得可以再辣少少😆所以你哋自己衡量個辣到我地揀左平啲嘅$238/條凌波魚，第一次聽，超好食，又勁大條，兩個人好夠飽！仲要呢隻魚魚肉勁厚身，咬落啖啖肉😋同埋佢隻肉肉感比較實，但實得黎好嫩，唔係乾身個種😚條魚超驚喜，呢個價錢呢個質素，有讚冇彈！重點配白飯任裝，老細好有心思，白飯都精挑細選，用左日本珍珠米，配個酸菜湯一流！好食得黎唔怕唔夠飽。另外我地仲嗌多左幾款配菜，其中個鮮蝦雲吞，隻蝦大大隻😙應該改名大隻鮮蝦雲吞🤪大隻得黎鮮味十足！食落似自家製，勁有料到。野飲叫左杯白桃柚子梳打，原本好怕個種藥水味🥺但呢杯超乎意料，冇添加化學成份嘅感覺，好fresh，淡淡的，唔會太甜太假，岩岩好🥰朋友食晒全部仲讚多樣，就係冇味精😝兒家良心餐廳真係買少見少，仲要環境正，食物正，服務正😇4號烤吧

2022年1月5日 晴今日我生日, 夜晚同屋企人一齊去屋企附近新間ge 餐廳食烤魚湖南椒風味烤魚（小辣）因為屋企人同男朋友唔食得辣所以叫左個小辣, 但食落都唔係好辣, 耐左會出多少少辣味烤魚大大條, 叫左凌波魚, 冇咩細骨啖啖肉, 好食唯一有樣要改善ge 係佢地用固體燃料, 變左隔一陣就要叫店員入黎加火, 有d 唔方便呢原味雞煲雞煲食落似沙薑雞味, 第一次食唔辣ge 雞煲估唔到又幾好食喎, 有驚喜蟹籽鬼馬墨魚原來係釀左墨魚ge 油炸鬼, 脆卜卜又幾好食酥炸忘不了食完真係忘不了, 因為好好食炸到好香口, d 骨脆到食埋都冇問題, 正燒粟米大大條, 唔錯燒菠蘿有dd 酸, 但都好食打邊爐又點可以冇肥牛呢鴨血大大件, 又滑又好食萵荀至愛響鈴都好食千頁紙幾得意牛丸蝦膠都好食菜就正常牛栢葉覺得有d 腥但屋企人又覺得ok珊瑚蚌同桂花蚌都好食餐廳環境幾好, 位置闊落, 生日仲有優惠, 唔錯

👯‍♀️食烤魚食雞煲嘅地方平嘅環境麻麻，環境好嘅價錢貴。呢度驚喜地寬敞舒適/食物好味，仲有好多優惠烤魚雞煲組合。🍚🥢午市套餐$78（煲仔熱菜＋飯/米線＋泡菜）🥢以煲仔形式上菜，仲會加埋gas爐畀你熱住啲食物。happysis揀左雞煲同魚片窩。🐥東莞佬雞煲一個唔辣嘅雞煲，加入爆香左嘅芫茜/紫洋蔥/蔥/醬汁，非常惹味。雞件肉質嫩滑，份量多。🐟龍湯豆腐魚片窩魚湯作底，豆腐 嫩滑，魚片爽脆，薄薄一片，份量都唔少。🍜跟餐米線米線控嘅happyhksis表示滿意，米線份量超足料，麵質唔會過林。💕食完飯冇口渴感，應該冇落味精，可以ncall🍢🍡如果唔夠飽，仲可以加啲串燒添。😍餐廳優惠套餐：午市套餐/ 午市烤魚雞煲8折/外賣自取8折/外賣4人套餐$368起

西環最近開咗間餐廳主打烤魚、雞煲同串燒，成個場好大好光猛，新開張做緊好多優惠，例如4號、14號同24號有全日烤魚/雞煲半價，又有得抽獎，獎品有現金券同美食換領券毛血旺烤魚(凌波魚) $248好多人都唔知，毛血旺其實係一道著名嘅傳統菜式，係以鴨血為主將佢燙熟，再配埋一啲毛肚雜碎，例如午餐肉、鴨血、牛柏葉等等而得名，所以呢個毛血旺烤魚可以話係CP值極高！成個湯好鮮紅光亮，淨係睇已經流晒口水🤤，凌波魚肉質嫩滑肥美，食落更加係麻辣得嚟又不失鮮嫩，辣味濃厚，真係勁開胃，自助吧仲有白飯任裝，真係一個唔覺意都食左兩碗飯呀😂麻辣肥腸雞煲 $78午市套餐都有招牌雞煲，仲送泡菜、飯/米線同飲品，麻辣雞煲個汁濃得嚟唔會死鹹，肥腸洗得好乾淨，完全冇異味，雞件夠入味，肉質啱啱好唔會老，份量又多，呢個價錢真係好抵食👍🏻

烤魚真系愈黎愈流行，就喺西環原來有一間新開嘅烤魚店，烤魚店話多吾多話少吾少，所以一開都吸引到吾少人幫襯啊。環境十分寬敞，裝修好似大自然咁，幾有心思。叫得烤吧但原來餐廳吾系得烤魚可以食，仲有打邊爐同埋雞煲，都好多元化，一家大細，親朋戚友都啱食。鹹蛋黃魚皮做小食頂吓肚先，魚皮都幾脆卜卜嘅，鹹蛋黃魚皮都系呢家好多度都有嘅小食，鹹蛋黃整得吾系好夠乾身，好似帶點濕立立咁🙈🙊平時都有得食雞煲同埋火鍋，黎得呢度當然要試試烤魚啦。叫咗吾辣嘅欖豉烤魚，冬天凍凍哋食打邊爐或者烤魚真系一流😍每款烤魚都可以揀凌波魚或者沙巴龍躉，好少食烤魚所以揀咗靚啲嘅沙巴龍躉。魚肉口感好嫩滑，吾會話好易碎，有埋吾少欖豉味道好香口！鮑魚有蒜香鮑魚同埋冰鎮鮑魚，叫咗蒜香鮑魚，好中意蒜蓉味濃嘅野食😆鮑魚唔算好大隻但都幾爽口喎。好多火鍋店同埋串燒店都有台灣腸，呢度都吾例外，台灣腸燒得好香，爽甜有口感。燒白鱔其實同平時居酒屋食嘅燒鰻魚好相似，分別在於燒鰻魚就好軟稔，燒白鱔口感香脆，兩者同樣美味。牛舌同之前食嘅吾太一樣？之前食開嘅相對爽口，呢種系一片片好大片，口感偏淋。

大埔大熱餐廳開到嚟堅尼地城😳 港島西又有一間新選擇🤩 今次我哋叫咗「肥腸麻辣雞煲」同「重慶豆花烤魚」肥腸麻辣雞煲：麻辣汁勁香口 材料都入晒味 注意比較容易痴底 記住開細火食🔥 值得一讚嘅係雞塊好大粒 啖啖肉👍🏻 肥腸更係一絕 清得乾淨 但香味不減 配上惹味醬汁 食到停唔到口😛 口感較軟身 本人最愛😎 重點係份量好多 比起普通雞煲都係貴$10 $168超抵‼️必叫‼️重慶豆花烤魚：舖頭嘅招牌菜👏🏻 先講魚嘅質素 首先條魚係超。大。條🤯 仲驚喜嘅係冇骨 肉質爽滑得嚟 味道仲要好鮮甜 同重慶麻辣湯底相得益彰 $238呢個價錢 食到呢個水平 真心感動🥲 豆花口感接近豆腐 同其他配料一樣入晒味 好好食😋喺港島 唔係咁容易食到呢啲屬於新界嘅味道 4號烤吧嘅川菜好有質素 而且裝修夠晒grand 超大電視勁搶眼 睇得出有心搞呢間分店 近地鐵站值得一試😁 而家仲搞好多gimmick 食完可以抽獎 最後勁好彩抽中咗$50 coupon🙏🏻🙏🏻😌

冬天最啱就係食麻辣烤魚，今日嚟到西環呢間4號烤吧，地方非常寬敞，通風都做得唔錯。重慶豆花烤魚(凌波魚) $238 烤魚有4個辣度可以揀，我同朋友唔係好食得辣，揀辣度最低嘅BB辣就剛剛好。條烤魚夠曬大條，好厚肉又無咩骨，拌少少湯同配菜一齊食就最惹味。鍋中豆腐留到最後食入曬味,正呀！由於食到一半加湯之後成個鍋嘅辣度會下降，下次可以挑戰一下小辣。羅非魚片$68 一份有好多片，落鍋淥一淥就食得，魚肉滑一滑。米通陵魚球$48普通嘅鯪魚球就食得多，呢個鯪魚球粘滿米通，入口香脆無比。

上次係度買咗呢個肥腸雞煲飯重點係飯，食食下就見到個雞煲入面有米粉，係一截截，斷開噻。我原意係覺得有間新開試試味道，味道係好味，如果你哋唔介意叫雞煲跟飯雞煲入面有粉，呢間係值得一試，都幾好味道，雖然我見到後我就沒繼續食落去。

烤魚一聲除舊歲 增添節日快樂氣氛的堅尼地城好去處～～～除夕夜來了堅尼地城這邊吃晚餐，聖誕節吃了西餐，除夕就想來一點不一樣的。這間烤魚店之前吃過之後一試難忘，就選了它做我除夕夜的晚餐之選。～～～一條豆花烤魚再加一條烤茄子，叫上數款火鍋料配菜，還有一支啤酒🍺，簡簡單單把酒聊天，看着前面滾動滾動着的烤魚，一個美好的晚上就是這麼簡單。～～～烤魚裏面的豆腐，非常滑溜，加入了我們自己叫的萵筍和山藥，濃味中又多了一分清新感覺，魚肉嫩而滑，鮮而實，啖啖入味，一口烤魚一啖啤酒，除夕夜的快樂在腦袋中留下深深的烙印。～～～而烤茄子🍆亦是令人滿足滿足的，輕輕用筷子一夾就輕易拉起絲絲茄子，伴隨著濃濃蒜蓉香氣，無論係嗅覺還是味覺都得到滿足。～～～2021年，結。

星期六去西環探朋友，順便一齊食餐午飯。朋友帶左我去佢屋企附近嗰間新開嘅「4號烤吧」，餐廳佔地甚廣，環境寬敞闊落，用餐空間開揚舒適。睇左門外嘅餐牌，原來呢度係間主打烤魚、雞煲同串燒嘅餐廳，不過午市亦有套餐供應，有涼菜、暖菜、熱菜，另外亦有車仔麵、淨餸等 ，選擇好豐富。我哋點左酸菜魚片窩 ($78) 同 東莞佬雞煲 ($78)，一個配魚湯米線，而另一個就配菜飯，每個套餐都會包泡菜一碟及飲品一杯，如果想轉特飲則需另 +$8。點完菜後，店員隨即送上兩個 Gas 爐，待魚窩滾熱後，立即一嚐，湯頭濃香夠熱，酸味撲鼻，油潤但又不會很膩。魚片新鮮嫩滑，切至厚薄適中，入口完全冇細骨，令人食得放心。酸菜同魚片嘅比例亦啱啱好，加上吸盡湯味，吃起來爽脆酸醒。至於另一客雞煲，亦同樣叫人回味，雞件份量十足，肉質很滑溜，既入味又軟腍，加上秘製醬汁，非常惹味，食完好暖胃。飲品點左水蜜桃 QQ (+$8) 同 黑加侖子 QQ (+$8)，兩杯都好好飲，酸甜醒胃、果香怡人，內有不少蒟蒻啫喱粒，色彩繽紛，令人賞心悅目。

天氣轉涼，想食下啲暖野令自己Warm d，烤魚就係吾錯嘅選擇~翟家欖豉烤魚醬汁應該係獨門秘製，好夠豆鼓，香氣撲鼻，但不會太鹹。唯一可做得更好嘅地方，就係可以令條魚更加入味啲，但如果吾鍾意太濃味嘅朋友應該會好鍾意呢條魚嘅味道~條魚好大條，好多肉，啲魚好軟嫩，就算白飯仼添，我地只食魚已好足夠！配料就不算好多，有數片雲耳、蓮藕、薯仔等，所以我就加左羊肉片，估唔到幾有驚喜。好有羊肉嘅羶味，淥完啲肉冇散開，仲可以一塊完整無缺，十分讚👍🏻飲品方面，竹蓆茅根鮮甜無比，解渴良品💕👏🏻

第二次到這家食雞煲，本身對這間鋪有良好印象。唯第二次光顧，不知道侍應是否太忙，對顧客服務態度欠奉，先是對顧客指點說自行下單，明白是填紙order,但態度需嫌棄對待？二是侍應單也下錯，也算，唯侍應好像不滿顧客的order,黑面，三是結帳時反問顧客還有否錯漏（帶不善語氣），好像我們來找麻煩，明明只是普通結帳。明白飲食行業是辛苦，但如果服務態度欠奉，不想好地地食餐飯受氣。望這可有待改善。其餘食物質素也可