四季‧悅 日本餐廳 (遠東金融中心)

营业中

休息中

金鐘站B出口行兩分鐘就到餐廳，位置相當方便。入去到第一個感覺係環境整齊乾淨，座位寬敞！朋友傾偈﹑慶生同聚會一流！  食放題點少得刺身同壽司！呢度刺身選擇有十多款，除咗基本嘅三文魚﹑吞拿魚﹑甜蝦外，仲有油甘魚﹑石恒貝﹑厚燒玉子等等。刺身新鮮肥美，每件都係厚切，份量十足，絕對滿足你味覺嘅享受！  講咗咁耐，主角海膽壽司終於出場！雖然係放題任你食，呢度嘅海膽軍艦一Ｄ都唔馬虎。海膽賣相飽滿乾身，味道新鮮帶甘甜，夠晒新鮮。鍾意食海膽嘅朋友可以無限encore，淨係食海膽壽司都已經夠晒回本。呢度嘅手握壽司同卷物都相當出色，有牛油果軟殼蟹卷﹑蔥吞拿魚蓉卷等等，賣相同味道都係水準之作。食完刺身﹑壽司，係時候想食返啲熱食。和式料理有新鮮炸起天婦羅﹑日式串燒﹑燒物﹑炸物﹑牛肉飯﹑蕎麥麵等等。小編推介大家必食銀鱈魚西京燒同埋汁燒魷魚筒。有別於一般放題都係一啲港式嘅小食，呢度嘅前菜都具有和食風味，有各式和風沙律﹑枝豆﹑溏心蛋。  食物高質﹑環境舒適仲可以任食4小時，加埋任飲清酒同梅酒，仲唔係gathering嘅聚腳點！

食放題最緊要就係有海膽放題唔少放題都冇海膽任食依道海膽又大又鮮重要唔洗出去排隊不過舊飯就真係太實平日黎食 店舖入面得5-6台客又靜又好坐我地兩個人黎食 可以坐四人卡位 非常舒適不過放題質素好似愈做愈差首先個牛肉鍋因為個湯太甜 要過水先食到落肚甜品以前可以拎雪條依家雪條冇提供淨係有芝士蛋糕一細件其他野食都走左樣以前芝士年糕係炸 依家變左燒 食到成口粉雖然用open rice訂位有折扣但係出品真係大不如前品質都開始下降希望係自己錯覺啦

首先我預早五日訂位，我訂枱時已經要求窗邊的位置，可惜去到已經安排唔到，好，我唯有相信他們五枱人都是比我早訂位，而且也是同時也同我一樣要求窗邊的位置，但當時連埋我在內，店內只有八枱人客，仲有嘅係，他們可能為了方便自己工作，故意把我們不坐窗邊的客人集中於中間，這也是好影響顧客的私隱！員工在穿西裝的職員不在時，也會大聲閒談和發出聲嚮！場地方面，竟然俾我喺地下發現幾支牙纎，我傍晚六時四十五分到場，理論上應該未番枱，好明顯在場地清潔方面亦有改善的空間！食品物方面，魚生是還可以的，溶雪處理得不錯，但是所有食物可以選擇的種類不多，炸物反而有驚喜，夠熱，應該是即叫即炸，其他的都只是不過不失！埋單時，雖然我經Openrice 訂座有七五折，但也要接近七百五十蚊，我的總結是這裡只值六百蚊左右，至於值唔值就見人見志吧！

第二次嚟呢間餐廳食放題，當晚7:30入座，冇限時，10點last order. 首先佢嘅位置好方便，由金鐘站B出口一出行1~2分鐘就到。由於係平日，所以唔係十分多人，餐廳環境幾好，好乾淨。放題形式，有好多選擇，其中佢嘅海膽壽司係好出名，所以我地叫左啲試下。餐廳冇漏單，黎嘅數量同我地填嘅一樣，同埋食物上枱好新鮮，刺身好新鮮而且都剪得幾厚。炸物都係岩岩炸出黎，所以食落好熱好脆。店員嘅態度都好好，仲有是日甜品，都好好味。

今天放假，當然是要訓到自然醒，然後便獨自到金鍾吃個悠閒的午餐金鍾四季悅午餐款式繁多，而且是我喜愛的日本菜，故此在閒時也會逛到這裡吃午餐每次我多數都是吃三文魚魚子魚生飯定食或者是鰻魚飯定飯，而定食當中亦包括了頭盤小食和味噌湯而今次我是吃鰻魚飯定食，鰻魚入口即溶化，所配搭的珍珠米亦好有口感。望落去盛著鰻魚飯的碗並不是很大，但可能是眼闊肚窄，把整個吃完後十分飽肚。另外服務方面，當你點餐後在收銀處付款後，拎張餐飲卡和選擇位置坐下後，等待一會兒侍應便會把餐奉上

忽然間有晚好想食放題，又就快情人節，横掂刀要諗食乜，就同老公去食d高質放題la加上已經唔係第一次食，所以今次直接主攻想食嘅嘢，唔洗浪費個肚樣樣刀試同場飲品有梅酒任飲！

​咖哩汁牛肉片蛋鐵板燒🔥.鐵板燒一上檯，賣相唔錯，咖哩汁一落熱辣辣嘅鐵板即刻炸開，令人心生期待。😋.可惜，期待越大失望越大。🔮.咖哩汁落玩鐵板之後無以為繼，味道不足以撐起成餐飯。最大敗筆係覆蓋成個飯嘅蛋唔夠滑，越食越雞肋。🐔.另外，知客態度甚差，一開始攞位時完全不理睬客人，希望餐廳可以處理一下顧客服務方面。.是日random quote：Some people ask the secret of our long marriage. We take time to go to a restaurant two times a week. A little candlelight, dinner, soft music and dancing. She goes Tuesdays, I go Fridays. (Henny Youngman)💎.🎯FF獨家評分：6/10 (最後食唔唒🤭)

又坐得舒舒，又食得舒服，又平，又靚的任食放題非佢莫屬👍👍👍我好小食任食，但朋友提議食，無乜所謂，大家食飯傾談，朋友一早已卜定枱，所以去到就已經有位，可以開始我們的任食放題晚餐了😬😬最鐘意食刺身，點呢樣點果樣😉🤔來到的刺身又新鮮又靚，仲係源源不絶供應，你想食乜嘢款都有，熟食又係好好味，上枱熱辣辣👍👍海膽壽司上面D海膽又甘甜，三文🐟籽又鮮味，包住壽司既紫菜，食落係脆口，可知道新鲜情度，個個都係海膽三文魚籽發燒友，食完一碟又一碟😂😂平日不愛吃任食放題的我，怕食多左，同埋吳鐘意食放題係因為好多食物任食就不會比靚嘢你食，但呢到真係真材實料，收你一位四百幾，食足四個鐘，仲要係比D靚嘢你食，刺身用料靚又夠新鮮，熟食夠熱又好味😋我就覺得抵食，可以用平靚正形容👍👍✌️✌️😋😋😋😋

平日去食都算多人，好彩都唔洗等好耐。而且環境一流，好似去左一轉日本野咁。呢到個牛肉好嫩，質素高，一咬落去和牛既油脂出灑黎，配上壽司飯，啱啱好牛肉賣相幾靚，仲有少少粉嫩嘅顏色。口感綿綿，但牛味就冇乜。燒汁味道唔太咸，撈飯唔錯。白飯上有少量飯素，我建議可以落多少少炸蠔：哈哈，我地真係好鐘意食蠔！呢個不過不失，炸皮唔會好厚，都鬆脆既！燒雞翼：呢個有少少乾，不過燒雞翼又好難避免乾既厚切牛肉：呢個夠厚，夠juicy!!好味燒冬菇：冬菇燒完又幾juicy wor !!

一個非常滿足的午餐 第2次來四季吃 很好吃 兩次來都是吃銀雪魚 定食很多款式 唔怕唔夠飽 雖然有d貴 但好好食魚有魚味 哈哈哈 係白飯唔夠多 縮左水姐如果可以多d白飯就完美 因為佢d飯都好好食

中秋节，提前预约的单点，告知确定后不可以换。整体菜品不是很优质，旁边人都是去吃自助的，感觉单点比自助贵，还没什么特色。。好失望。。。不会再去了，很多其他家比这家好。

約咗朋友食飯，想搵間餐廳可以坐耐啲嘅地方，唔使食得咁趕，上網睇到呢間四季.悅，不限時嘅日式放題，於是就決定嚟試下😊🤩一入到去見到座位都幾寬敞，坐得幾舒服，而且服務又幾好😎個人都開心啲~跟住就準備落單，拎住啲order紙睇，啲種類的確比出邊少，不過心諗款式少唔緊要，最緊要好食嗎～誰不知……唉～我自問自己都係重口味嘅人，鍾意食濃味嘢，但佢嗰度啲熟食真係連我都覺得咸，食咗一件都唔想再食第二件🙄好似鰻魚咁，都唔知係件魚咸定係汁咸，真係咸到打冷震😣之後叫咗青魚，青魚嚟到已經聞到好腥，雖然我都知魚係會有魚腥味，但不至於咁犀利，我平時都會係其他地方食青魚定食，一星期最少都食一餐，但真係未試過有咁腥😑值得讚嘅係海膽軍艦，啲海膽真係好正~不過如果啲壽司同軍艦嘅飯可以細舊啲會更好，咁樣就可以試多幾種壽司同軍艦😋另外見到佢哋有自家制甜品，就order咗泡芙同自家甜品，點知第一樣甜品出嚟係朱古力雪條😓我諗緊唔通自家制甜品係雪條？？之後聽到侍應生同後面枱客人講冇泡芙改雪條，食完雪條後見到人哋枱個抹茶自家甜品都已經出咗，但我哋未，咪問下係咪冇晒啦～佢話有，咁就去咗拎俾我哋，嚟到時我唔知點解個杯身已經出晒倒汗水，面

雖然選擇不算太多，但食物質素不錯——————————————————————————————-————————————————————推薦 燒饅魚，燒銀雪魚刺身新鮮，油甘魚 唔錯海膽壽司好鮮甜，冇腥苦味，值得一食再食服務態度有禮，上野速度快，唔會漏單位置方便除佐選擇較少扣少少分，其他都唔錯——————————————————————————————-

$4xx 晚市放題值唔值?環境方面:境觀開揚, 座位又闊又舒服。傾偈聚會一流。食足4小時，唔怕有人遲到。仲可以玩埋影夜景（光繪畫）。食物方面: 魚生新鮮，選擇多。壽司卷物嘅飯略多。不過有貴價海膽軍艦任食，易回本。熟食，炸物，燒物，味道都唔錯，不過款式少。鰻魚和軟殼蟹天婦羅值得推介。甜品只得兩種。飲品無啤酒清酒任飲!!Openrice訂枱有折扣，$3xx我覺得ok。食埋個景同地區。不過原價無折，就唔抵。

已經有三年沒有來食放題了, 當時覺得不過不失, 因為有銀鱈魚西京燒, 這是很多放題店都不會有的。不過今晚重臨此店, 發現只有五分一的客人, 如此冷清, 有點不安。既來之, 則安之。四個人開始商量寫 order 紙, 發現食物種類非常少, 但有三文魚籽軍艦及海膽軍艦, 仲有帶子壽司, 甜蝦刺身, 三文魚, 等等, 每樣都 order 了一些。以上都是 ok 新鮮的, 但鮮甜味不足! 而且比出面放題店少很多選擇, order 紙只得幾張, 每張只得數款食物! 另外, 自取飲品也足得幾款選擇, 也是比外面的放題店少太多了。跟住輪到熟食, 完呶全是一整晚的敗筆:銀鱈魚西京燒, 有 D 腥, 燒得唔夠香, 味道還可以!牛肉鍋, 完全唔合格, 牛肉又鞋又靱, 味道也不對板!薄燒牛肉差中之差, 又乾又鞋又咸又苦!燒牛舌, 紙咁薄, 又係又乾又鞋!食到無晒心機, 相也沒再影了, 唯有 order 甜品! 甜品只有兩, 連雪糕雪條也沒有! 布甸以人頭計, 只有 4 個, 普普通通。不過 puff 原來手掌咁大, 咬落去只得甜味, 勁甜。總括而言, 不值這價錢, 折左也要三百幾蚊一位, 這個價錢這