四季‧悅 日本餐廳 (遠東金融中心) (裝修中)

蟹真係我最愛食既海鮮黎, 一聽到有蟹宴就馬上流哂口水仲要係日式既蟹宴, 質素同味道都同港式既食法不一樣 燒鱈魚蟹腳神級蟹腳, 廚師細心的已經將呢個長蟹腳最礙事個d骨拆走, 我地只需要用快子輕輕咁將d蟹肉起出黎就已經可以享受到呢個燒蟹腳既味道, 我超鐘意呢道菜係因為d蟹肉係超級多, 只有蟹肉做主角所以可以盡情享受個蟹肉既鮮甜口感 鱈魚火鍋配烏冬呢個應該算係主食, 估唔到都幾好味, 鍋入面包含左好多不同既材料, 有菇有蟹有紅薯粉, 最後仲可以落埋個烏冬, 吸哂成個煲既精華!! 黑糖蕨餅呢個係日本好出名既蕨餅, 口感軟熟而且味道好香甜, 但又未到甜到漏, 所以一客4個既蕨餅都可以輕鬆食哂, 完全唔覺得過甜既味道!!