四季‧悅 日本餐廳 (遠東金融中心)

营业中

休息中

今次同屋企人慶祝生日，特意嚟依度食放題，有即開吞拿魚刺身，仲有拖羅食添。原條吞拿魚，師傅即場開被客人睇，手法俐落，仲即場解釋埋各個吞拿魚嘅部位。表演完之後師傅會將吞拿魚切開，再分給每一位客人。每位客人都會獲得一份拖羅、拖羅法包同湯，拖羅食落味道都幾鮮甜，脂肪分布都幾好，所以食落都幾油潤。第一次食拖羅嘅法包，以為會唔係好夾啦，但係食落感覺都幾新鮮。依度嘅刺身種類唔算太多，但係樣樣都非常好食新鮮同埋肥美，有吞拿魚、三文魚、牡丹蝦、榮螺、馬刀貝同埋帶子等等，我比較鍾意食帶子，食落口感厚實，味道鮮甜，感覺好滿足。壽司方面非常鍾意佢嘅海膽壽司，見我叫咗咁多就知啦。海膽壽司食落味道鮮甜絕對唔似用啲平價嘅海膽去做。一定要叫嘅食物方面有浦燒鰻魚、銀雪魚西京燒、鐵板一口和牛粒。鋪燒鰻魚味道香濃，鰻魚肥美，食落好香嘅買你一同事醬汁燒得又好返嘅焦香味。牛柳粒口感香嫩，仲有好多得添，食完一碟再叫一碟呀。