四季芬芳

营业中

休息中

今晚為左同阿媽慶祝生日，同阿媽去食中菜撐枱腳。今晚帶佢食沙田新城市既四季芬芳，呢間八點泥到都超級多人，真係要早book定先得。餐廳裝潢華麗，好有古代庭院風，主打食蛇，不過其他菜式都很吸引岩哂唔食蛇既我。必點薑蔥焗生蠔，新鮮熱辣，生蠔大大隻，好肥美，份量又多，配上薑蔥，很惹味，更能帶岀蠔既鮮味。其次要了位燉湯，冬瓜瑤柱燉響螺，湯水足料！再叫左粉絲雜菜煲，清清地，用上魚湯做上湯，更能帶岀鮮味，粉絲索滿魚湯，很清甜！另一款點了潤腸魚蓉煎蛋角，係比較新穎既菜式，甫蛋加了潤腸並用上新鮮魚蓉，很好味又夠特別。最有驚喜係象拔蚌荷葉蒸飯，飯由於即叫即蒸，所以要預留十五分鐘左右，上枱真係散發岀陣陣荷葉清香，加上象拔蚌加了蒜，更惹味，令人齒峽留香！成餐飯無論環境定服務都令人十分滿意！

成日都經過新城市廣場成日都經過四季芬芳成日都好想試下佢今日就搵埋個friend一齊試好野唔試唔知佢既Jeng就咁睇佢間鋪既設計就知道尼間野掂啦燈光柔和食野特別舒服 特別有味道🌐灌湯竹絲雞百合丸 $76/2粒尼粒丸一定要2粒起好大粒佢有一舊野裝住左啲醬料食既時候要插去粒丸度落落去好好味😋🌐花膠太史蛇羹 $98之前從來都未試過食蛇從來唔知道原來蛇係同碗仔翅係咁夾的食既第一陣味 已經好香蛇味食得出食材本身既香味唔會好多味精及調味料可以好好咁品嚐品嚐👍🏻👍🏻👍🏻👍🏻🌐子薑麵醬魚腩煲 $128尼個煲舊舊魚大大舊肉不過就有骨既食既時候要小心啲先得🌐鮮象拔蛘仔荷葉蒸飯 $128好好味啲飯唔會好鹹最尾喊埋尼個飯就一流夠晒飽 好滿足😋

The most outstanding part to be mentioned first was the interior decoration and setting of the restaurant. The traditional style was special and eye catching. The furniture and lighting were awesome. However, the service was a bit slow. There were many options that were sold(not sure if that’s a poor preparation or due to its superb quality). I can’t order crab and the special drinks, even orange juice was sold. Anyways, food was delicious to be frank and the environment was comfortable. Nice ex

The environment and decoration is so special in this restaurant. Seems like I am dinning in a Chinese restaurant in 1970s.Yummy dishes with nice atmosphere, we enjoyed so much 🥰 For each tea, $10/ person. The tea is fresh and I can sleep even drank at night.They offered us a special room for dinner. Super nice 👍🏻👍🏻粟米星斑，it is not a normal dish the fish is crispy and fresh . Eat with the sweet corn sauce, perfect 😍 咕嚕肉～ the tomato sauce is yummy.Never see it small, the size is big. We can’t finish

沙田呢間四季芬芳其實係中環蛇羹老字號嘅蛇王芬另外開設嘅新派食店，呢度所做嘅除咗傳統粵菜同蛇羹之外，亦有加入新派元素。今日約咗一個住沙田嘅朋友攞嘢，順便就嚟呢度食吓中菜。入面嘅裝修將傳統特色重新設計，更突顯新舊交融嘅效果。清酒大蜆蒸蛋賣相已經夠晒吸引，大蜆數量非常多，而蒸水蛋亦做得非常嫩滑，雖然落咗豉油但亦唔會過鹹，我哋都幾欣賞！店員一放低呢碟蜜汁西班牙叉燒已經即時聞到好香嘅煙熏味道，叉燒肉質嫩滑，帶點微微焦香，食落有少少燒焦嘅脆邊，而且份量亦唔少，味道唔錯！豆豉排骨白鱔煲仔飯嘅排骨同白鱔肉質嫩滑，整個煲仔飯都充滿飯焦，混合煲仔飯豉油真係無得輸！簡簡單單嘅一碟蒜蓉炒芥蘭，芥蘭炒得非常翠綠爽口，火喉調校得啱啱好。見到隔離枱嗌嘅飲品係樽裝，所以我哋都叫返支石榴紫背天葵山楂蜜，夠晒冰凍又唔會過甜，味道啱啱好。呢餐真係好滿足！

我食過N咁多次蛇羹，呢間最貴。我都想知點解，但佢真係好好味。我有一次食飯偶然發現原來佢同隔離嗰間天天海南雞飯係同一間集團嚟㗎 ！見到有啲着住天天海南雞飯集團制服嘅人行過嚟幫手傳菜。哦係呀，我而家講吓究竟每次食飯大概幾多錢先。大概就係三碗蛇羹、兩個蛇凍、藥膳乳鴿等等等等數之不盡嘅小菜（三至四個人食嘅）......佢個蛇羹好好味，仲有啲茉莉花瓣、脆脆地嘅不明物體、同埋蔥花俾你灑喺上面。嗰啲脆脆地嘅不明物體我好鍾意就咁食，真係幾好食嘅，薄薄地。平時食蛇羹（即係其他餐廳）都會比呢啲嚟嘅，不過其他餐廳嗰啲就厚好多囉。雖然我覺得薄啲係好咬D，但唔知點解就覺得好似偷工減料😑然後個蛇凍都幾好味，大家一定要去試！不過佢個味道好難形容，總之係一嚿落咗魚膠粉嘅蛇羹啦。但係又甜甜啲鹹鹹地都好好好味嘅，唉，如果你想知道佢係咩味嘅就快啲試吓啦。個乳鴿嘅藥膳味都好濃郁，如果唔係好鍾意中藥嘅朋友，可能你唔係幾鍾意佢嘅味道。佢肉質唔錯，唔會話係一咬就爛嗰啲，但係佢啲肉都好容易離骨。如果大家鍾意我呢份食評嘅話，請關注我同埋喺下面俾個❤︎我啦(⊃｡•́‿•̀｡)⊃

這日來到沙田新城市廣場，晚餐在四季芬芳度食。呢度嘅設計都幾新舊融合，幾靚。我哋點左以下呢幾樣菜色，味道都唔錯。蜜汁西班牙叉燒叉燒好有特色，同平時食開嘅好唔一樣。佢嘅外皮有西方燒烤嘅感覺，有煙熏味道，而蜜汁香甜，配飯超正！子薑麵醬魚腩煲上枱嘅時候仲係熱辣辣，一直翻滾緊，好香好吸引！醬汁香濃，麵醬及魚腩一向都好夾，加上子薑酸酸甜甜，更添食慾。溫泉蛋陳皮和牛肉餅煲仔飯 牛肉味道濃郁，肉餅當中有陳皮散發香味，加埋溫泉蛋更香滑，另外有特製嘅煲仔飯豉油，全部嘅餸同埋飯混合後好吸引，最後個煲底都有少少飯焦，好香口！桃膠菊花桂花雪梨茶清甜滋潤，桃膠及雪梨 切得細碎，用粗飲筒飲嘅時候感覺到豐富嘅口感海帶綠豆沙海帶嘅味道完全融入堂上當中，而綠豆也好足料桂花糕晶瑩剔透好靚，桂花份量好多，清甜，帶有淡淡嘅桂花香棗皇糕紅棗味道濃郁，既有咬口也好有彈性開心的一頓晚餐

春天真令人摸不着頭腦，明明早兩天還20幾度，今天竟跌至16度，去年冬天都沒怎麼凍過，所以一向在冬天都會吃蛇羹的我去年都沒吃過，趁今晚涼涼地，把握最後機會去沙田吃一碗蛇羹。“四季芬芳”出名是蛇羹起家，但實情近年已引入許多中菜甚至是火煱套餐。由於老婆怕蛇，所以我只叫了一客“花膠太史蛇羹”，果然是以蛇羹起家，花膠和蛇肉都非常足料，甚為補身!凍凍地當然最好食煲仔飯，所以叫了一個“豉椒排骨白鱔煲仔飯”和老婆分享，入味的排骨、爽滑的白鱔配以煲底的飯焦，令人一試難忘！由於想一試這裡的中菜，所以叫了一個“玉米星班”和“XO醬爆三鮮”，“玉米星班”類似我們常吃的“粟米班塊”，最主要分別是用了星班魚塊和粟米分開奉上，這樣可保持魚塊鬆脆。至於“XO醬爆三鮮”，火候足夠，非常惹味。總括而言，這環境氣氛都古色古香，坐得挺舒適，有别於以往吃蛇羹的地方。最後埋單結賬離開才552元，感覺非常超值，加上吃過一碗保暖蛇羹，離開時一股暖意湧上心頭。

Time to gather with friends and family☺️ wanna try this long time ago but no mood for Chinese food, eventually dated my mum and try it!First thing first, 飲啖湯潤吓嚨先😂 冬瓜瑤柱燉嚮螺($88)，湯一啲都唔油膩，幾清，夠料。蛇湯豆苗($108)，上面嗰啲係蛇絲同埋蒜頭，豆苗幼雛，唔韌☺️花膠史太竹絲雞羹($88)，如圖勁足料，啖啖都係竹絲雞，花膠味可以再重小小。竹絲雞湯雲耳龍躉米線($168)，估唔到嘅大份😂驚唔夠飽可以叫佢😂龍躉有差唔多8舊，唔少嘢，上面配咗竹絲雞絲。米線軟硬適中，吸咗湯嘅味道！人均$255，一般dinner價錢，ok啦，足料食得好飽😂而且餐廳標榜冇味精，食都中食得健康啲😂唯一可惜嘅係食唔到佢嘅招牌丸🥲

一直都想試新城市的四季芬芳，今次終於得償所願。只看環境，四季芬芳的確吸引，店子空間不大，欲能營造出古典又新派的美感。雖然說蛇是店家的主打食品，但這次沒有吃蛇羹，反而吃了花膠太史竹絲雞羹，浮誇的上菜碟，一小碗看似很袖珍，但材料十分豐富，滿滿的雞肉，配合薄脆，味道口感豐富。前菜吃了子薑糖心皮蛋，外型很精緻，一口美味，另外還點了半隻焦糖龍井煙燻炸雞，煙熏味道很突出，皮脆肉滑，味道不太鹹，剛好。鮮象拔蚌仔荷葉蒸飯，蒸飯時間剛好，不太乾身也不會太濕潤，而且出乎意料之外象拔蚌蒸過後也不太乾身和韌，同樣味道不會太過龍，好味。最後的甜點套餐，我最欣賞的是桂花糕，滿滿桂花在口裏面， 十分清新，如果綠豆沙有多一點臭草味道就更合我心意了！總括來說這是一頓有懷舊味道，但有新派氣氛的晚餐，食厭普通廣東茶樓的晚市，這裏可以給你一點小新意。

今日同媽媽家姐，血來潮想食啲特別中菜😎勁耐冇嚟過新城市廣場， 商場好新， 行下行下嚟咗呢間四季芬芳， 外表好靚裝修好特別， 我哋叫咗四樣嘢食樣樣都好出色。1. 灌湯竹絲雞百花丸， 價錢佢係逐粒計好得意㗎呢個餸佢另外有一支醋咁樣嘅針筒畀你打啲去粒丸度食， 淨係打卡都夠曬啦 粒丸重要非常彈牙！！2. 薑蔥焗生蠔🍽️🍽️, 成碟有成十隻, size仲要唔細, 質感勁鮮勁好食， 非常嘢味，超級推介！3. 再有黃金荔茸帶子, 呢個係超邪惡同好食， 個芋泥同埋個炸皮呢配合得天衣無縫😍4. 最後有鮮象拔蚌仔荷葉蒸飯, 佢個汁呢唔鹹啲飯個濕度啱啱好， 面頭呢有成十隻象拔蚌， 真係超吸引😆呢度茶位每位十蚊，都幾抵㗎，佢個茶味呢好消滯😍😍

天氣凍凍地想吃些東西暖暖身男朋友特地找來了這一間 — 四季芬芳除了有蛇羹外 還有些挺特別的特色中菜感覺不錯 於是便來了試一試餐廳環境滿有特色位置也挺寬敞 感覺舒適花膠太史蛇羹蛇羹口感不錯除了蛇肉外 還加入了肉絲、黑木耳和花膠比例上剛剛好 吃下去口感也不錯味道方面 則鹹鹹香香帶點陳皮味 養生之選灌湯竹絲雞百花丸兩粒起叫 每一粒都大大粒外皮炸得香脆 內裡彈牙 以蝦肉製成鮮味十分 推薦最特別是還各有一支管灌上湯汁 很趣緻豉椒排骨白鱔煲仔飯這裡的豉椒排骨啖啖肉鹹味足 和白飯一起吃卻剛剛好連豉油也不用落 十分搭白鱔肥美多肉 味道香甜配上煲仔飯 正飯焦非常香口 喜歡吃飯焦的朋友定會滿意雖然簡簡單單 但值得一試

四季芬芳主打新派粵菜，中菜館裝修有中國傳統色彩，大紅大紫的佈置，天花的經典圖騰，十分奪目。蛇王芬的霓虹燈招牌，紅光映照在美食之上，格外迷人。灌湯竹絲雞百花丸 $38粒蝦丸大顆，炸至金黃香酥，被脆口麵包糠包裹著，咬下去“吱嚓”聲。口感爽彈，中心釀入灌湯竹絲雞，有流心效果，蝦肉鮮味細緻，吱入甜醋，酸甜減膩。 焦糖龍井煙燻炸雞 $168打開蓋子煙霧迷漫，燻木香氣縈繞著，飄來陣陣龍井茶香。煙霧散開，排列有致的煙燻雞清晰可見，雞皮脆中帶嫰，入口緊緻、柔美，肉汁油潤，咀嚼時有份外的煙香，焦糖味令肉汁加倍鮮香，是雙重的滋味，邪惡得連雞皮也吃光。椒鹽鮮花枝 $98鮮花枝新鮮炸起，以古色古香的托盤盛上，十分吸引。薄脆的粉漿包著有嚼勁的花枝，熱辣辣又香口，灑上椒鹽，增添惹味，滋味停不了! 豉椒排骨白鱔煲仔飯 $108打開煲蓋，飄來香氣，飯面上鋪滿排骨及雪白鱔片，加上香蔥，色香味俱全。倒入甜豉油，白鱔片切口平整，肉質飽滿，嫰滑而富彈性，甜豉油帶出鮮甜鱔香，非常好吃。米飯清爽乾身，精髓是煲底的甘香飯焦，入口脆卜卜，配上綿軟排骨，充滿暖笠笠的感覺。

1. 舉手想叫野，舉左5分鐘都無人理。唔知啲侍應係唔係有分枱號去招呼，見到我舉手都唔識過黎，繼續拎啲碗出黎...2. 叫侍應加熱茶，黎到變左溫水，幾乎凍左，放低茶果陣仲要差啲倒瀉。仲要$10/杯茶3. 叫左個$238羊腩煲，每粒羊肉都濃哂。完全無羊肉味，得個濃味。4. 臘味糯米飯都無熟，咬落去好硬，一d都唔係焦香個種 5. 響螺湯得一粒約1cm既螺肉，其實我飲左啲乜？我一家人都好想快啲食完走人，但真係要中途離場，頂唔順成個口都係濃味 ☹️

由中環蛇羹老字號蛇王芬主理的四季芬芳，除咗有蛇羹之外，仲多咗好多特色粵菜，價錢唔貴，值得一試！桃膠菊花桂花雪梨茶 $28樽裝的雪梨茶清幽帶微甜，十分足料，好滋潤！四季芬芳少爺啤酒 $68四季芬芳的專屬版Pale Ale，芬香撲鼻，酒體清爽，仲一啲都唔苦，男女老少都啱飲！花膠太史蛇羮 $98宮廷級嘅擺盤，蛇羹只帶少許藥材味，吃後身體暖和！灌湯竹絲雞百花丸 $38/粒打卡名物之一，巨型的炸蝦丸內含滋補的竹絲雞湯，仲有支Dropper俾你泵啲香醋入去，好睇好玩又好食！子薑咕嚕肉 $88子薑剛好能解去咕嚕肉的油膩感，令人更開胃！芋頭臘味煲仔飯 $88有齊臘肉、臘腸同埋膶腸，超級足料！白飯索晒臘味嘅精華，加少少甜豉油已足夠令人欲罷不能！個底仲有飯焦，卜卜脆，一煲有齊兩款食法！