四季芬芳

营业中

休息中

是日晚上嚟到沙田新城市廣場的「四季芬芳」吃晚餐，餐廳環境裝修充滿粵式風情。此店係「蛇王芬」與各方資源合力打造的全新品牌，旨在以傳統中醫食養文化結合現代潮流理念花膠太史蛇羹蛇羹加入咗雲耳、雞絲、陳皮、蛇肉、花膠等等材料，非常足料，口感同味道都好豐富呢，養身滋補！配上金黃炸薄脆片及檸檬草會更加好味呢薑蔥焗生蠔🦪生蠔肉有勁多粒，每粒都好飽滿，鮮甜美味！加上大量薑片及蔥段爆香，更加滋味家鄉雜菜煲另外點左個口味比較清淡嘅雜菜煲，材料有粉絲、紅蘿蔔片、菜心、雲耳、雞髀菇等等，加入清湯烹調，美味又健康豉椒排骨白鱔煲仔飯煲仔飯製作需時30分鐘，請耐心等待⌛️排骨同白鱔加入左豆豉蒜蓉醃製，好入味，啖啖肉！煲仔飯粒粒分明，軟熟有米香，底下仲有飯焦，脆卜卜，吸收晒豉椒嘅精華，非常惹味甜品一碗糖水，兩件糕點，每位用$58。可以從三款糖水裏面任選一碗糖水，另外包括桂花糕及棗皇糕各一件。糖水揀咗海帶綠豆沙，甜度適中，綠豆真係煲到起晒沙，口感一流。桂花糕味道比較清新，棗皇糕則口感軟糥，略甜

呢間朋友好推薦，話菜式好精緻，有一排無食中菜，就試下先！蛇湯龍躉米線（$198）估唔到有我最鐘意既米線，超大窩，4個人share都夠，入面有4至5塊手心拳咁大既龍躉肉，魚肉唔會有冰鮮味。我特別鐘意個湯底 夠清甜，同埋相信無咩味精，因為食完飯之後都無咩好口渴既感覺黃金荔蓉帶子（$108）雖然得三粒，但每粒都好大隻，入面有咸蛋黃、芋泥同帶子，口感好豐富！豉椒排骨白鱔煲仔飯（$108）鐘意飯粒分別，煮得岩岩好，唔會過熟，混合白鱔既魚香同排骨既肉香，好惹味！白鱔分量都尚算充足桃膠菊花桂花雪梨茶要好清甜潤喉，勁多桃膠，幾抵飲

放咗工去沙田見朋友，好耐都無同FD出街食飯啦，相信都有大半年前，經過呢間一直話想食，今次終於食到⋯⋯竹絲雞湯豆苗$98，上枱比起我預期都幾大差別，可能係第一碟上枱，份量略少，豆苗亦唔係我想像嘅大葉豆苗，而係響沙律菜經常見到嘅長徑細葉豆苗，雞湯略為喊咗啲，一讚係將湯渣竹絲雞起肉拆絲放響豆苗上邊，有啲心思。一蛇多食，蛇肉用嚟做蛇羹，蛇膽攞咗去浸酒😁，頭頭尾尾可以做蛇湯，中間啲蛇骨亦可做味餸菜，椒鹽蛇碌$188，炸得香脆，椒鹽味唔會太搶，主要蒜香味，蛇肉肉質比較煙韌，質感似雞肉，用筷子食都幾難用力撕開啲肉，用手食至可食得盡興，如果加上啤酒🍻必更一流。薑蔥焗生蠔$128，生蠔中size，勝在夠多，一個石窩有成十隻，蠔味亦唔錯，加上惹味薑蔥，食過不停。豆豉排骨白鱔煲仔飯$108，白鱔肥美多魚油，排骨夠味唔在講，啲飯至係重點，口口飯充滿微蕉香，煲底飯蕉火喉啱啱好，讚。

有得食晚市堂食好開心呀！ 呢排瘋狂出去食晚市堂食 平時經開果陣都比佢裝修吸引住，終於今次同朋友去試下🤣一打開本餐牌，已經被灌湯竹絲雞百花丸吸引住！非選佢不可呀～見到實物仲有驚喜，超大粒！附上細枝既醋，要自己吉入去等醋流入去個丸度咬到一半，會見到灌湯既效果，好似湯被包住左係入面咁小小提醒⏰ 因新鮮炸起，建議大家放涼一陣先好食，避免燙到喔！竹絲雞湯豆苗呢個好清 好健康 同我平時見開既豆苗好唔好同，呢個仲更加幼嫩！ 同埋將雞肉整成手撕狀態配埋豆苗好夾淮杞圓肉燉竹絲雞好有家既味道😆不加味精！ 湯好鮮甜 好濃：）同埋湯料都好好味 全部清曬架🙂睇番原來上面碟碟都係雞 全部都係雞添🥲🥲🥲油浸荀殼魚超級超級好食！ 有少少炸脆個魚外面 魚肉好滑 好鮮甜 埋配上一絲絲既薑絲 令到魚味更加突出豉椒排骨白鱔煲仔飯即叫即整係唔同點🤤🤤 排骨同白鱔鋪滿曬我就擺佢多一陣先食 因為好期待一大塊既飯焦 果然係一大一大片咁出現 好好食呀！排骨好林白鱔啖啖肉 配埋自家煲仔飯醬油 絕配呀！

成日聽朋友講「蛇王芬」，一直都唔知咩黎，今日終於黎到沙田，先知原來有間餐廳叫「四季芬芳」！餐廳好有粵式風格，係走高級中菜路線。入面用既餐具都好別緻，未食野已經覺得好興奮！menu製作同樣用心，圖文並茂。今日叫左個淮杞圓肉燉竹絲雞，好足料，好夠火候，味道亦相當唔錯，絕對唔係味精湯，夠晒補身。其次當然要試下呢到好出名既焦糖龍井煙燻炸雞，望落都覺得好靚，外皮脆卜卜，食落好重煙燻既味道，未必人人中意，但如果識欣賞既話就會知道係幾咁出名！即使唔中意外皮既煙味，嫩滑既雞肉都足以令人垂涎三尺！子薑麵醬魚腩煲，醬汁好濃，配上少少薑辣味，酸酸甜甜好出色，魚腩好淋，無腥味，啖啖肉。另一特色食物一定係呢個灌湯竹絲雞百花丸。炸到極之蘇脆既外皮，咬落有聲；第二層係好鮮既蝦肉；最中間係灌湯竹絲雞。咁有層次，仲要咁好食、咁特別，食完一粒仲想食第二粒！

早前經過也打算試，今日去開沙田決定試吓佢，要等位，但唔多人，好快到，好開心可以坐到房，間房有盞中國風燈，幾靚，食物方面叫了白涼瓜炒牛肉、蛇湯雲耳龍蔓米線、鮮象拔蚌仔荷葉蒸飯、花膠百合燉水鴨湯，白涼瓜炒牛肉感覺比較特別，好似好少餐廳會用白涼瓜做餸，啲牛肉其實係牛肉粒，有咬口，淋身，入味，不錯，個荷葉蒸飯，D象拔蚌滑身唔韌，好味，啲飯份量好足，起碼有八碗飯，個米線一上枱好有氣勢，因為佢係用個魚造型的器皿裝住，幾足料，但上面有D應該係蛇肉好韌下，個水鴨湯就一般，無咩特別，但服務方面，態度係ok的，但全場只見兩個職員做，包辦帶位執枱上菜落單收錢加水工作，雖然個場不大，但見佢哋好忙，我們叫人加水也等了一段時間先有人加，也見無人執枱，但出面有人等，個食客也出聲叫人執枱好讓他們可以入座，人手安排方面可以改善下.

🍴子薑咕嚕肉 88 蚊🐷洋葱青椒配上 酸甜汁 而佢個酸甜汁帶出陣陣紫薑香 紫薑墊底夠香甜帶 d辣度 咕嚕肉切成圓粒 帶 d肥膏 好爽口 juicy盡吸甜酸紫薑汁🐷🍴花膠蚊史蛇羹98 蚊🍲蛇羹個器皿 紅色 用火慶住幾靚 蛇肉煙韌彈牙 最正係佢有花膠 夠軟林 仲有爽口既木耳 😃 而且 佢個湯汁好濃 食落好有口感🍴生炒臘味糯米飯98 蚊🍚用類似石頭鍋放住糯米飯 糯米飯粒分明 乾身得黎又帶 d黏調 上色夠靚 葱花 花生點綴 有彈牙香甜既臘腸粒 🐖 潤腸 好肥美 夠哂邪惡 而且整個飯熱辣辣 推介🍴灌湯竹絲雞百花丸 每粒38 蚊🐥第一次食百花 即 花枝丸 甘大粒 出面炸得香脆 🔥 入面既花枝好彈牙 仲要灌湯 帶 d雞肉香既湯汁 ,.喺食前用管仔放 d醋入去 酸醋加上肉汁更滋味👍🏻🍴椒鹽花枝 98 蚊🦑花枝應該係新鮮 夠哂大件彈牙厚肉 充滿鮮味 出面炸既茨粉充滿椒鹽香 但唔會蓋過花枝 十分惹味#糯米飯 #蛇羹 #花枝 #椒鹽鮮魷 #子薑 #咕嚕肉 #甜酸 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygie

四季芬芳-蛇王芬。睇個店名都知道呢間餐廳可以食蛇～一去到餐廳，店內既裝修好新穎，有時尚感。除咗蛇羹，四季芬芳仲有好多中式菜食可以選擇。1. 灌湯竹絲雞百花丸 $38@1🤤🤤淨睇賣相已經係金黃酥脆，好吸引。每一粒百花丸會附上一支膠管，入面係黑醋，可以擳入去粒百花丸，更加提升到鮮味～份量都好大粒，咬到中間嘅位置會有少少灌湯竹絲雞流出嚟，熱辣辣好好味2.花膠太史竹絲雞羹 $88🥰🥰擺盆已經好吸引，古色古香嘅感覺。有三款配菜。每一啖都食到竹絲雞，木耳絲同肉絲，而且仲有陳皮。個羹嘅口感唔稀。性價比好高👍🏻3.🐍花膠太史蛇羹 $98😆🤤蛇羹係中式粵菜非常具有代表性嘅一款食物。好開心可以喺沙田新城市食到～🤩蛇羹嘅口感非常煙韌帶爽，材料好多，有大量蛇肉、木耳絲同肉絲。啖啖肉～味道濃厚而且爽口🤤鍾意食蛇嘅朋友可以一試！4.椒鹽鮮花枝 $98 😍椒鹽花枝一上枱已經聞到好香☺️外皮好酥脆，花枝好爽口彈牙，再加埋椒鹽辣椒仔好惹味。建議一呢道菜要趁熱食，咁先會食到花枝嘅鮮味。凍咗之後外皮就即刻冇咁酥脆。5.生炒臘味糯米飯 $98😍份量好多🤩臘味飯口感乾身，唔會過份濕潤。每粒糯米飯都粒粒分明，食落去好煙韌～充滿臘味

來到沙田新城市廣場，閒逛時見到一間古色古香既開放式餐廳，深深受其裝修吸引。一望原來係食中式小菜和蛇類小菜有關，有趣有趣，決定試試。首先叫咗個燉湯，冬瓜瑤柱燉響螺，清新既燉湯，以雞湯為底，冬瓜肉清甜，飲落好舒服😌。見到網上唔少人都讚佢地既焦糖龍井煙燻炸雞，立刻叫一個試試。上台前，店員會用罩罩住炸雞，一打開煙熏味四味，頓時香噴噴。焦糖配上炸過既龍井茶葉，令炸雞油膩感減少。炸雞炸到皮脆肉嫩，仲有小小雞油香，果然成為熱門菜係有其原因。跟住叫咗個客家釀豆腐，豆腐超級滑🥰，配上釀入既豬肉，食落幾正，又唔會食太多既肉類。之後既，竹絲雞浸豆苗，翡翠苗炒得夠香又爽脆，配上一絲絲既竹絲雞食，以菜類平衡返今餐唔同既肉。飲品方面，分別叫左竹蔗茅根馬蹄薏米水同石榴指配天葵山楂蜜，兩杯都飲得出十分天然既味道，係食完不同口味既食物時飲返一啖，即可清新口腔，舒服舒服😌。整體而言，環境高質、店員服務良好、食物普遍都中上水平，下次經過可以試埋其他菜式。

孤陋寡聞既我近來先知原來新城市間四季芬芳就係好出名既中環蛇王芬既副線!! 餐廳天花, 牆身都畫上彩繪, 環境設計年輕化又不失中式格調, 細看下連呢餐具以至餐牌都精心設計, 非常用心! 坐低後店員奉上熱辣辣, 茶味清香既靚茶。子薑咕嚕肉 $88咕嚕肉食得多, 加入左子薑既都係第一次食, 醃過既子薑辣味已幾乎消散, 留下酸咪咪同薑既香氣, 配上本身酸酸甜甜既咕嚕肉, 味道上既層次變得更加豐富。油浸荀殻魚 $188魚身肥美大條, 炸得外脆內嫩, 雖然係炸過但入口一D都唔覺油膩中間魚骨己去掉, 食落啖啖肉, 魚味鮮甜!  配上鮮味醬油同埋大量香蔥, 超美味!玉米星斑 $148D人成日話栗米斑塊冇斑塊, 係依度就冇依個問題啦, 皆因隔住D炸粉都見到佢塊斑皮呀!  肉質札實冇荀殻魚咁嫩, 但因為栗米汁另上, 所以食既時候仲保持到脆身香口既口感, 而栗米汁香甜而且濃稠度剛好, 不錯。食飽再飲番啖熱茶, 一解膩感, 讚

今日放工同老公去咗沙田食飯細細個嘅時候成日同屋企人食蛇大個就冇乜機會嚕點知竟然俾我發現呢度有椒鹽蛇碌食咁就即刻入去試吓啦佢嘅卡位好闊落 坐得好舒適 嘆下除左蛇碌仲叫咗個蛇湯龍躉米線同蜜汁西班牙叉燒叉燒先上枱 視覺效果非常之好 真係唔食得都睇得！佢用咗個透明嘅蓋蓋住碟餸一開蓋有一陣煙飛出黎食落舊叉燒肥瘦適中每一舊都有煙燻嘅味道仲好多蜜糖 好食😋第二道菜係蛇湯龍躉米線龍躉肉好厚身 同埋唔少架 米線直頭超多 真係二人份量講緊一人可以食到四至五碗有好多蛇肉絲係上面 好食呀最後一道菜就係椒鹽蛇碌好好食 好粗身 啖啖肉真係好有細個食嘅感覺啊啲炸蒜配合得好好啲粉漿好薄 所以唔會好似食緊天婦羅咁真係童年回憶嘅味道😍其實佢仲好多野好食 淨係煲仔飯糯米飯都未食 下次下次😆

蛇王芬食呢個傳統食蛇嘅品牌相信大家都好熟悉，估唔到佢而家喺沙田新城市呢個年輕人商場開咗副線，將傳統裝飾設計加入現代感嘅裝修，感覺耳目一新。除咗新裝修概念，菜式亦添上新元素，好似呢個灌湯竹絲雞百花丸，附上兩支迷你唧裝嘅酸甜汁，插上花枝丸影相打卡一流。切開見到花枝丸外層做得非常薄，除咗見到灌湯竹絲雞之外，仲有好大粒蝦肉😍食落鮮味又彈牙，唔怪得有咁多人點！黎到點可以唔食太史蛇羹，上枱賣相矜貴，湯羹料分量十足，仲伴有脆片蔥絲等比客人隨意添加，夠晒貼心！咪睇佢細細盅，容量都幾大，而且用料絕不欺場，食完已經半飽，仲非常暖笠笠添！好推介呢度嘅白鱔排骨煲仔飯，白鱔有6片咁多，而且充滿鮮甜味又彈牙，配埋香甜肉味嘅排骨，加上佢哋嘅煲仔飯豉油，一啖接一啖，下次返嚟係必點！為食嘅我哋仲點左個薑蔥焗蠔煲，蠔肉大隻肥厚，醬汁唔會太杰，配上香口嘅薑蔥喺煲仔炒焗，香味夠晒突出！又係食到好飽好飽，下次黎新城市又有個好選擇！

蒸飯等勁耐又唔係特別好食，仲要收茶錢$10一個人同加一服務費。午巿兩人食飯，叫左兩個三餸蒸飯。點知最後等左30分鐘先有得食！叫左豬手斑塊菜心飯同埋腩肉魷魚菜心飯。豬手得1舊，斑塊得3件仲要細細舊！腩肉有3片，魷魚又係得3件！食個蒸飯都要等30分鐘，唔知以為個飯好難整或者會好好食啦，食完完全覺得好失望埋單仲見到杯餐茶要收$10一個人，杯茶冇茶葉淡味又凍，咁都夠膽收人$10茶錢？等30分鐘先有嘢食仲要收加1，$78一個餐其實係要成$97一個餐！

有時去開中環都會去蛇王芬食碗蛇羮，所以知道沙田開分店近近哋就去試吓，兩個人叫咗兩個午餐，蛇羮唔夠蛇肉而且比較稀，煲仔飯OK土魷肉餅幾好味但加錢嘅豉汁白膳得三片而且好薄，招牌潤腸唔好食得個咸字。門口女接待員店內男侍應比較醒目有禮，不過都唔會再光顧。

以往經常去中環蛇王芬用膳，今天經過沙田新城市廣場也有一間food court形式的蛇王芬，名叫四季芬芳，形式較新穎，點了套餐蛇羮撈麵、臘味糯米飯+例湯，茶錢要收$10元一位，有些奇怪，還要收加一，food court是較少見的，可惜蛇羹不熱、例湯不熱、臘米飯也不熱，都是暖的，但麵是很熱的，剛好撈上較冷的蛇羹，味道一般，例湯味淡，可幸糯米飯還可以，配料花生多，臘味甚少，有些中伏感覺，失望，下次不會來了。