四季芬芳

营业中

休息中

沙田友出動啦！呢間餐廳經朋友介紹話有點心又有小菜食，今晚約埋朋友一齊黎試吓啦！一間餐廳唔單止要好食，仲要有良好服務態度，甘先係無得頂！正正呢間店就可以meet到曬呢啲要求啦！全晚印象最深刻又最想讚揚既係一位中年男侍應（應該係經理？感覺資歷較深）既服務態度，令我賓至如歸！話說我朋友遲左個幾鐘，佢見我企左甘耐主動問我要唔要坐低等，坐低之後我又等左一個鐘朋友先黎，但期間無任何人催過我落單，呢位侍應叔叔仲叫我唔使急，等齊再叫都得，完全唔會感受到有異樣眼光！食物方面都分別叫左小菜同點心，餐牌有好多款選擇，我地揀左好幾樣都係佢地既招牌菜！重點推介呢兩走款必試！雙重黯然銷魂煲仔拌麵本身係想叫飯底，因為煲仔梗係要配飯先係perfect match啦！結果自己手快㩒錯左面底，無辦法啦唯有試下！呢個面都幾彈牙，應該有用蔥油撈過，所以每一條面都充滿香味！而面頭既叉燒有兩款，兩款口感都有少少分別，但同樣地做到入口即化好邪惡！不過我覺得配飯，啲飯粒吸收埋啲油份咁應該仲正！椰奶炸龜苓膏呢個甜品好特別，佢口感似食緊糍粑，一樣都係外脆內煙靭。不過呢款口味上會更豐富，有少少龜苓膏既回甘味，配埋椰奶既香甜味，呢個配搭令你

蔡瀾推薦: 香港最好餐廳之一 四季芬芳by蛇王芬話明蛇王芬餐廳當然主要食蛇羹， 但係今日冇食蛇羹，主力食佢地啲小菜。首先講下餐廳環境， 餐廳嘅位置唔算多， 我哋今日兩位六點半去到已經有九成滿座，入餐廳一坐低侍應會攞壺茶畀你， 每枱都一式一樣， 全部都係伯爵茶， 所以第一啖已經飲到非常之香濃嘅茶香味， 非常好飲。 餐廳座位雖然不是很寬敞，但是環境很舒適及乾淨。 餐廳裝修很特別，大大個霓虹招牌，寫住四季芬芳，離遠都會望到。三色小籠包三色小籠包分別係原味，黑松露味，同麻辣味。小籠包size好大粒， 做到皮薄內有肉湯， 但是夾的時候真的小心些， 有一個小籠包畀我夾穿咗， 雖然冇曬肉湯，但係肉餡非常juicy， 推介黑松露味， 黑松露味非常之濃郁，食嘅時候隔離都聞到黑松露味道 ，反而麻辣味， 麻和辣味都不算突出 。而值得一讚 ，每個小籠包上都會有一小支醋， 畀你唧入小籠包入面，醋嘅份量亦剛好，食到醋味之餘又食到小籠包肉饀嘅鮮味。糯米飯糯米飯是蛇王芬招牌菜之一，糯米飯色澤非常均勻，內有花生，臘腸，潤腸，蛋花，顆粒分明，軟硬適中，冬天亦是食糯米飯最適合的時候招牌雙色蟹膏撈麵非常之多既蟹粉， 另外仲有

陪朋友黎新城市拎電腦，諗起秋風起，最啱食返碗蛇羹😋✨🐍蛇王芬特色蛇羹套餐 $139🐍花膠太史蛇羹十分足料，每一啖都食到好多材料，木耳絲、🐍蛇絲、冬菇、花膠等😋 可以隨自己喜好加入薄脆等配料，但我自己就鐘意原汁原味！🍚生炒臘味糯米飯糯米煙煙韌韌，一啲都唔硬，十分軟糯。配合臘腸和🥜花生，十分香口✨✨🦀招牌蟹粉蟹膏撈麵 $139滿滿嘅蟹膏放滿成個蟹蓋😳配上橙黃色嘅蟹粉和🍳半熟蛋，🦀蟹味超濃，大滿足🤩呢個份量好足，建議兩個人share~🍜古法肉骨茶湯麵 $79湯底帶少許藥材味，但更多嘅係胡椒味😳令到個湯帶少少辣，亦更加香口！材料除咗兩大條🐷豬肋骨外（肉質適中，不嚡），仲有豬肚、豆卜、腐皮等，十分豐富原味小龍包 $29/2件外皮帶微微煙韌，另外會有一小枝醋可以加落去，十分特別～個人覺得如果有啲薑絲就更加好啦🤩🍋爆爽檸茶（凍） $26好refreshing,酸度甜度set到啱啱好，亦十分解渴🍼年代奶茶（凍） $26奶味較突出，甜度亦已經落咗，不會過甜環境：4.1/5餐廳以老香港為主題，都幾有特色～服務：4/5Qr code 落單，上菜迅速🏃‍♂️食物：4/5好少地方仲有🐍蛇羹、生炒臘味糯米飯食🥹🥹🥹

呢幾日終於都凍凍地啦，天氣凍最適合食蛇羹啦。朋友帶路話沙田都有蛇羹食，滿懷期待甘過來，見到門面裝修都好靚，舒服乾淨的感覺。宜家鋪頭推薦食蛇羹搭配臘味糯米飯，好似幾抵下。蛇羹同糯米飯一上來份量睇落好似得一碗，但係其實2個人食係完全足夠。蛇羹好鮮味，糯米飯都可以，入面係比較足料既。呢個花雕醉雞，好香花雕味，只雞又比較嫩滑。和牛酥真係第一次食，個酥入口鬆軟，和牛又好香，外暖內熱，好適合冬天食。魚腩煲係鋪頭推薦菜，酸甜口味，魚腩又夠多，食得出魚係幾新鮮既，可能有少少骨，要小心滴食，但係囉來送飯一流，又開胃。賽螃蟹春卷好食到我五停口，入面滴餡五係果種普通春卷餡，好似有蝦，又食到蟹味甘，真係賽螃蟹呢個椰奶炸龜苓膏，我比滿分，下次來食必點啊。一般龜苓膏會好苦，但呢個五係苦，又五算特別甜，外面脆但係入面煙韌，口感豐富，非常值得推薦。

又到咗入秋進補嘅時間啦，食材就梗要揀時令當造嘅最為手合適，正所謂「秋風起、三蛇肥」，係時間嚟食個蛇宴補一補😆「四季芬芳」係有過百年歷史嘅蛇王芬所開嘅副線，餐廳設計有別於一般傳統食蛇嘅店舖，店內裝潢以sharp 醒嘅紅色同湖水藍色相撞，既保持中國傳統色彩又不失時尚摩登設計👍🏻而且位置大型商場內，方便又舒適👍🏻👍🏻「四季芬芳」除咗必食嘅蛇羹糯米飯等，仲有唔少創意料理、點心甜品等值得一試😋😋餐牌咁多選擇花多眼亂，最後我哋嗌左成台嘢食，食到飽到要捧住個肚😆🤣蛇王芬特色套餐 $139特色套餐包咗花膠太史蛇羹同蛇王芬臘味生炒糯米飯，淨係蛇羹就要$99，哩個set 真係性價比極高🤩千祈唔好睇佢細細碗，但份量絕不欺場，蛇肉絲🐍份量足，連同雞肉、木耳、冬菇等全部切成絲再煮成羹，真材實料，食完真係成個人都㷫烚烚🙊🙊生炒糯米飯粒粒分明、煙煙韌韌十分有口感，混合臘味粒同花生粒炒成，臘味獨有嘅油香撲鼻，教人食唔停口雙重黯然銷魂煲仔丼 $79賣相已經相當吸引，黯然銷魂飯就係叉燒蛋飯，「四季芬芳」嘅自製厚切叉燒以蜜汁同燒汁慢煮製成，另外仲有兩件入口即溶嘅五花腩，雙重口感double 味覺享受，中間仲有隻溫泉蛋撈埋炒

百年老店蛇王芬 ～ 年輕副線~四季芬芳📍沙田沙田正街2-8號新城市廣場三期3樓363A號舖 （港鐵沙田站 A3出口）食蛇羹～必定諗起百年老字號～蛇王芬～今次來到沙田食🤭佢地旗下嘅品牌～四季芬芳～秋風起•三蛇肥🐍～蛇羹糯米飯套餐$139。花膠太史蛇羹好足料～有花膠、冬菇絲、木耳絲、雞肉同埋主角～蛇肉～食落好有口感配埋薄脆同檸檬葉～有獨特香味整體好似碗仔翅，食完更暖胃暖身🔥😋好岩秋冬食🫶🏻♥️好味又補身既食療。蛇王芬臘味生炒糯米飯🍚唔好睇佢細細碗🤭又係勁足料～有臘肉粒、臘腸粒、冬菇絲、花生🥜配埋糯米飯一同炒香～糯米飯完完全全吸收哂臘味既油香。雙重黯然銷魂煲仔丼$79用兩款唔同嘅烹飪方法～選用左肥瘦均勻五花腩去製成-1款係用上燒汁去燒～製成五花腩叉燒-1款係用上醬油慢煮～非常入味～口感淋軟由於用上五花腩～食落有油花～非常惹味配上鰹魚絲+蔥花加一隻流心蛋撈飯🍚食～一流👍🏻川味紅油抄手/4粒 $49啖啖肉～除左豬肉外～食落仲有蝦🦐肉～賽螃蟹春捲/4條 $39 用上黑蒜入味～配埋蛋白一同食～好香～外脆內軟原味小籠包 /2件 $29 直情係玩味小籠包～有枝試管裝住香醋比你吱入肉餡到😆幾得意飛雪小白兔

秋風起，係時後食蛇補下身。風大雨大也不怕，八號風球冇有怕，呢個就係我今日嘅寫照。好難得漸有的秋意來到，食蛇羹，食糯米飯就最好不過。最近聽朋友講"四季芬芳"多咗好多點心食，當然“花膠太史蛇羹"和"生炒臘味糯米飯"亦必不可少。蛇王芬特色套餐呢個組合係139蚊，好抵食，淨係睇個面，好多花膠絲，而入邊蛇肉亦清晰可見，唔止1，2條，而係 差唔多7，8條，好開心，以前就算幾大碗多好，都搵唔到咁多蛇肉。糯米飯亦軟糯有口感，還有D臘味，食埋蛇羹糯米飯，成身軟笠笠。“原味小籠包"特別之處係有隻針喺個包面，原來係醋來㗎，鍾意幾多”唧”幾多，非常之方便，而且皮薄多肉多汁👍"蛇王芬潤腸鹹水角"和"香脆蘿蔔絲酥餅"造型及顏色都靚，自家製潤腸亦非常好味；"牛油花甲菠菜"少少牛油味，花甲，菠菜仲有紫菜，非常健康，"招牌蟹膏蟹粉撈麵"較濃味，蟹膏滿滿裝滿成個蟹殼，有甲羅燒之風味，仲有唔少蟹粉，滿足感爆晒表。

同另一半經過煥然一新的沙田新城市中心第三期 ，無意中發現一間裝潢充滿懷舊和藝術感的粵式餐廳，門外的menu 有秋風起三蛇肥 ，係時候進補，吸引了我們進入，店內牆壁掛上有趣畫像和文采飛揚的文字，當天是閒日 ，差不多坐無虛席,侍應招呼我們坐舒適的三坐位。首選當然是時令招牌菜之一的蛇王芬套餐 ；花膠太史蛇羹雖然比較迷你，但材料豐富，除了有蛇肉、花膠絲、鮑魚絲、木耳絲、筍絲和果皮之外，還配上脆口的薄脆、菊花和生菜絲， 將所有的配料混入蛇羹內，令口感更豐富😋；還有是生炒臘味糯米飯，粒粒晶瑩通透，香口軟糯 ，香噴噴的臘腸和潤腸，皮脆肉香而多汁 ，不覺肥膩， 一口接一口👍。店內另一招牌菜煙燻龍井炸雞, 店員一端上枱 ，濃烈的龍井煙燻味， 香氣四溢，炒香了的脆口龍井茶葉配以肉質嫩滑的雞肉，一點兒不覺肥膩感。蝦球海味蔥油幹撈麵是我最欣賞其中一道菜式；鮮甜肉爽的大蝦和嫩而不韌的鮮魷魚絲；撈埋吸收香濃的葱油麵，入口感覺淡淡滿足！健康又邪惡的蘿蔔絲酥餅，鬆脆香口，配合焗香的麥皮，是很有創意的配搭，值得一試！

十月尾天氣終於開始涼，又係時候食下蛇羹，傳統蛇羹鋪食物選擇都唔多，而呢間除左有蛇羹糯米飯，仲有新式點心，粉麵小菜餐廳裝修有舊蛇鋪風味，而鋪頭應該係中環蛇王芬老鋪既分店？🧐🧐蛇王芬特色套餐花膠太史蛇羹： 蛇羹有唔少蛇肉，花膠，冬菇絲木耳絲，入口香滑，加上薄脆，生菜絲增加口感，配上檸檬葉絲帶出一份清新生炒糯米飯：糯米飯軟硬適中，米飯配上臘腸同潤腸既油香，香脆花生增加口感肉骨茶湯麵湯底有淡淡藥材同胡椒香味，枝竹同豆卜完美咁吸晒滿湯汁豬肚厚肉，排骨就煮得夠火喉蟹粉蝦仁蝦仁爽脆有蝦味，蟹粉滿滿咁蓋過大部份既蝦仁，蟹粉加上蝦仁增加左一種鮮甜既味道 黑蒜賽螃蟹春卷春卷炸得香脆，春卷中有一粒粒黑色餡料，應該就係黑蒜，蒜味比普通既蒜頭黎得溫和 紫薯臘腸卷 外皮做得十分鬆化，同有少許濕潤嘅餡料形成對比 黑松露小籠包 外形討好，而味道上黑松露味較淡，食用時將醋直接加入小籠包內與湯汁混和，同傳統既小籠包有唔同既感覺 苦瓜鴨屎香檸檬茶杯中有幾舊青檸檬，味道上有茶香同檸檬味，又會帶有少少既苦味？定係回甘香？我都唔識分，但係係幾特別，可以一試

秋風起係時候食蛇羹！想食蛇羹又唔想特登出到港島甘遠，我通常都黎四季芬芳食，好食又唔貴。花膠太史蛇羹：厚厚既花膠，蛇肉滑嫩，中意食蛇既朋友必試，食完好暖胃。蛇王芬生炒糯米飯：再食埋招牌糯米飯，臘腸夠多，飯米沾油，唔好睇佢細細碗，原來都幾飽！花雕醉雞：推介既冷盤，雞肉一樣滑嫩，雞皮唔會太肥膩，花雕酒香濃。黑松露小籠包：小籠包皮薄餡靚，入面既湯好鮮甜。蝦球蔥油乾撈面：大大碗，二個人share剛好，蔥油味香，蝦肉新鮮。另外牛油花甲菠菜作為小菜亦不錯。

今日行緊經過，見到個Menu好似幾啱食，於是就坐低咗試吓。餐廳個裝修都幾特別，乾淨企理，每一張枱都幾大。佢個茶壺都比較重手，但感覺幾保溫落單係用QR code落單，睇完一大輪menu之後我哋終於都決定好食以下嘅野🤣🤣其實見到個Menu嘅時候對隻雞唔係抱有太大期望，因為通常呢一啲都係得個名，但實質食落個味道冇咩特別。但依個煙燻好實在‼️聞見就已經好香，食落連啲肉都食到有煙熏龍井嘅味道‼️‼️再加上佢嘅皮好脆，皮同肉之間又唔會好多脂肪，幾欣賞菠菜好鮮甜，一啲菜嘅澀味都冇，份量都唔少。成道菜個味道都會偏向清淡少少～～因為菠菜嘅清淡我哋都預計到，所以我哋都叫咗佢比較Heavy嘅黯然煲仔飯🙈🙈🙈叉燒有兩款，一份肥呢一份瘦啲，食落都幾好食。但最最最最驚喜嘅係個飯⚠️唔知係咪因為煲仔飯嘅緣故，佢啲飯真係好好食，雖然冇嗰種飯焦底，但係食落個味道真係唔同平時電飯煲嘅好唔一樣我哋仲叫咗個蟹粉豆腐，豆腐好嫩滑，加埋蟹粉一齊送飯食一流。呢個其實係椰絲奶凍，口感順滑，一人一件小甜品

秋風起，係食蛇同食蟹嘅好時光，今晚一次過可以食晒2樣，6點半walk in，仲未洗等位住最初仲以為佢同天天海南雞係同一間，可以叫埋天天嘅餸，但原來餐牌除左野飲，係完全唔一樣夜晚食點心😂叫左：1. 川味紅油抽手（$49/4粒）正正常常，幾大粒，唔太辣2.原味小籠包（$29/2粒）幾多湯汁，有支試管咇d醋入去，帶點玩味3.梅菜和牛酥餅($49/2件)幾惹味，酥皮鬆化，好香口點心黎講，味道上同平日飲茶食到嘅差唔多，唔算驚喜，不過上枱時熱呼呼，感覺幾好，唔會因為夜晚，剩返d過左氣、翻蒸點心咁花膠太史蛇羹（$99/碗）比較清淡嘅蛇羮，同平日較濃藥材味嘅蛇羹唔到，好足料招牌蟹粉蟹膏撈麵（$139）性價比好高嘅一道，蟹粉蟹膏比想像中多，撈勻後，每啖沾滿左兩者！好食！不過一定要襯熱食，凍左後就有d滯滯地了雙重黯然銷魂煲仔丼($79)無論中式定日式叉燒都煮得入味好食，飯底係菜飯，幾有誠意飲左半杯先記得影嘅鴨屎香香水檸檬茶（$28）大大杯，叫左少甜少冰，香水檸檬無平日檸檬嗰種酸澀，反而多左股淡香兩個人加埋一，埋單$500幾，捧住個肚腩走，味道唔錯得黎，都幾抵食😋

秋風起係時候食蛇補補身。一諗起食蛇羹就諗起四季芬芳。除咗蛇羹仲有其他小菜、小食等等。▶️蛇王芬特色蛇羹套餐 $139花膠太史蛇羹、生炒臘味糯米飯蛇羹好足料，好多一絲絲蛇肉，仲有花膠，真係夠晒滋補。生炒臘味夠香，暖下胃，秋風起真係啱晒！▶️灌烏雞湯百花丸2粒$69呢個係一粒炸蝦丸，咬開蝦肉彈牙，入邊中間仲有雞湯。▶️原味小籠包 /2件$29小籠包皮夠薄，入邊有湯汁，水準算唔錯。▶️酸菜魚$99酸菜魚入邊有好多魚，湯底酸酸辣辣好啱我口味，入邊仲有芋絲。▶️啫啫雙腸芥蘭煲$89芥蘭配臘腸及潤腸真係絕配，用煲上熱辣辣。▶️油柑鴨屎香檸檬茶$32充滿清清嘅茶香味，味道似青檸味。▶️酸柑桔蜜$26柑桔物酸酸地好似話梅味咁又甜甜地。

沙田四季芬芳，平日嘅夜晚都要等位，幾受歡迎，未食已經對佢有啲期望。菜式款式新穎，感覺有用心設計，好多都好吸引。招牌雙色蟹膏撈麵，淨係聽個名都知有啲料到，蟹膏比得好大方，好味！不過食到最後會有少少漏口，覺得如果加啲辣同埋豆腐整體個感覺會無咁漏。麻醬咕嚕雞，不嬲好鍾意食菠蘿咕嚕肉嘅我點會錯過呢道菜，冇諗到酸甜醬已經好重口味仲可以配搭麻醬，又幾夾，邪惡的東西總是很好吃。鹹柑桔生煎包，外表賣相好QQ， IGable，味道就正常普通。蛇王芬潤腸鹹水角，同朋友誤會咗潤腸就係臘腸🤣結果兩個唔鍾意食內臟嘅人就真係唔係好識欣賞呢道菜。椰絲凍小白兔滋潤喉露，清清甜甜，好似涼茶類甜品咁。牛油花甲菠菜買單兩個人$500左右。

既然收得服務費，服務質素就要有反咁上下啦！1.放菜嘅時候吾講咩菜黎嘅，收碗又吾問，仲意收就收，雖然係得一兩啖啖，但都要問下客先啦！如果我吾叫住，咁我果1，2啖就冇得食，之後個服務員吾我係食完要求吾好收，結果佢搵第二個同事走過黎，趁我地要求加茶拎走茶壺嘅時候，又偷偷地收埋。其實只要你問聲，講聲“幫你收收”，但點解肯講呢？其實呢間冇咩服務可言2. 明明收咗我地每人10蚊茶位，係我要求加茶嘅時間，只加水比我地。