嚐中菜坊 (已結業)

今晚同契爺食飯 預祝我生日✌🏼️佢㨂左間係尖東嘅中菜 好似好高貴咁不過入到去好似無咩人咁 原來大家都坐房好有特色嘅碗碟好懷舊嘅小食 終於唔洗再食花生睇下餐牌 發現其實價錢沒有想像中貴先黎小食 岩鹽安格斯牛柳粒 好大舊粉紅晶啊 我第一次咁樣食咋安格斯真係無得輸 有牛味 加埋底部嘅鹽微微嘅咸 唔會太過份 停唔到口再黎岩鹽貴妃雞 樣衰衰咁 不過好滑但食到呢 啲雞肉放係鹽面太耐 有啲咸可樂叉燒 店員即席係鐵板上淋上可樂做成焦糖口感 叉燒肥瘦均勻 好好食重有4粒迷李咸水角 值得推介👍🏼枝竹火腩魚腩煲 男人的浪漫😂😂😂份量超大 食唔晒⋯最尾店員贈送飯後甜品 香芋西米露好香芋味 而且滑溜 好食

無端落起大雨,揾間吾駛點淋雨的餐廳食野先。這舖頭很近尖東站,只需行3分鐘,而且門面很易認。舖內環境雅致,舒適,不會像一般中式酒樓般的繁雜。叫左碟口水雞,入口麻辣,雞肉很滑及入味,吾食雞皮的我,今次連雞皮都食埋,原因無他,真係好正。蟹肉粉絲煲,一上台估佢吾到份量好大,足夠4大飯碗份量,而且上台仲熱辣辣,裡面加有芽菜,食落口爽口,亦加了蟹肉,很鮮甜,而粉絲夠乾身,很香口 。咕嚕黑豚肉,超正,上台已嗅到酸酸甜甜的味,加有青,紅,黄椒,仲有鳳梨,出黎已色香味區全,黑豚肉經略炸後再抄,除了保留豚肉本身肉汁多,食落口外脆內多汁又鮮甜,件件黑豚都咬落啖啖肉,而且無肥油的。正正正!蛋白魚柳,特別是叫給個仔食的,因很健康,在蛋白上加了無骨魚柳,俾小朋友食最安心,而且蛋白入口很滑,很棉,魚柳是用新鮮魚蒸的很鮮甜。抹茶柚子糕,很特別以柚子皮上碟,抺茶加上柚子是個很創新的意念,食上口效果很清香,亦嗅到貴花香,仲有粒粒柚子,很有口感。海帶綠豆沙,料足啖啖都係綠豆溶,吾會太甜,係炎炎的夏日,係最好下火的甜品。今次吾打吾撞,食到間好野,很值推介。

食物質素很不錯，服務貼心，食得舒服。叉燒切得比較厚，咬落很有囗感，可樂夾叉燒，很好味。燕窩蟹肉𡙡，清新鮮甜。個蠔我鍾意，蠔味很香濃，又creamy，少少黑松露粉灑係面，味道剛剛好。龍蝦伊面，龍蝦出乎意料鮮味，伊面吸左龍蝦及芝士香味，very good。脆魚扒肉質很滑，冬陰公味香，少少辣。

入到店裏環境清靜，坐嘅位置亦都很寬躺。鮑魚汁扣原件花膠扒，賣相相當好，成件閃令令，骨膠原豐富，鮑魚汁味道香而不膩，咬下去很有魚香味，淋得黎有少少咬口。黑椒原隻鹹豬手煲，黑椒跟鹹豬手很夾，豬手味道咸香，有陣甘香既味道，洋蔥吸咗豬手嘅香味，十分醒胃。喜馬拉瑪山岩鹽安格斯牛肉粒，呢個真係好靚，大大塊粉紅色岩鹽非常吸引眼球，牛肉粒淋滑，外面香口帶著岩鹽既香味。

約咗兩個舊同學出尖東行街食晚飯，發現有正嘢好介紹俾大家！我哋三個人各自叫咗個套餐，每人加埋一，都係二百鬆D，大家都覺得唔只抵食，仲要好好食，下次要再約人番食！套餐有炸球伴义燒，义燒燒得唔錯，有肉汁，肥瘦啱啱好，好香甜！炸球好特別，用可樂做配料，都幾好味！燕窩蟹肉羹，夠尊貴，好清香，加咗蘭香杍，好有益，夠健康！芝士龍蝦伊麵，芝士好香濃，龍蝦肉夠實，又彈，好鮮！龍蝦鉗，廚房師傅開得超好，好專業，我哋超容易起埋D肉食，唔浪費，超正！黑松露炸蠔，黑松露好香，隻蠔都炸得唔错，外脆內彈夠鮮，極推薦！炸魚扒，魚肉大大塊，又滑又鮮甜，炸得好香，點埋D醬汁仲好食！娃娃菜，用西班牙火腿浸製，好香甜，易入口，唔錯！甜品奶凍，唔會太甜，啱世口味，藍莓甜酱配撘出色！

去年替爸媽做生日都在"嘗中菜坊", 當時 "嘗" 乃係新丁.  但菜式心思味道都一一令人難忘.  所以今年再為爸媽做生日他們都指定再來.  足以證明兩老識食 今年做生日的菜式當中有數味都跟去年一樣(因為太想回味咧), 所以在此就不作重複.  我今次主力想讚一讚 "嘗" 敬送之甜品之一........我和家人至愛的"馬拉糕"   另有綠豆沙, 亦是之作).  正因我們至愛所以對"馬拉糕"特別有祈望, 又特別挑剔.  我想讀者們先看看相片.....看過後我自然不用多講 .  試想想飽餐一頓之後看著熱騰騰的"至愛"出場, "靚仔 : 又 "吸睛 :.  只希望自己有兩三個甜品胃    "馬拉糕"特大版既鬆化又軟熟, 甜度適中亦帶著淡淡奶香, 有時在酒家叫馬拉糕會覺得很"鞋口", 但這正是很細滑的感覺.  而且剛蒸好就上枱每個人都聞到其香味滿滿, 怎不垂涎!!!   敬送之甜品亦製作如此認真, 可見 "嘗" 的確對其出品十分嚴緊有要求.  真心讚.....我們作為食客是最樂意見到用心經營的食店.  希望 "嘗" 繼續努力為為食的我們帶來更多驚喜及美食. :

二人遊至尖東見此店門外，超值龍蝦套餐，即入先介紹爆炸可樂豚肉义燒 冇得輸，外脆內軟，熱辣辣，面頭可樂甜味勝過蜜糖，肉質夠軟，半肥瘦，正燕窩蘭香籽蟹肉羮 蟹肉夠多，好鮮美，燕窩份量足，啖啖口感頗滿足。芝士龍蝦燴伊麵 龍蝦肉量夠，爽甜鲜味，頂級享受，伊麵帶鮮甜芝士汁，絕對不能錯過要一讚係此店服務一流，店員悉心介紹每一度菜，感覺去左對面香格里拉酒店咁

唔敢講係呢到冷氣大得濟定係佢啲餸上檯上得慢, 湯唔夠熱既, 蝦餃就直情係凍凍地，餡係大舊既不過蝦都唔新鮮既仲有睇相都見到佢個菜既份量係幾少下，仲有個糖水好似係少少雪耳加幾舊木瓜既水咁，得個甜字。我真係唔敢相信自己俾左呢個價錢但只得呢種食物質素 唯一值得讚就係環境夠舒適，坐得舒服既，適合幾個朋友食餐飯傾下計

午膳搵食時間，阿妹之前睇雜誌睇中呢間「嚐中菜坊」，今日特登走過黎同我試下。餐廳外形似足西餐廳，非常western style，就連門口既知客都係洋妞，要同佢speak in English。入到餐廳，裝修一樣好洋氣，高枱、魚形吊燈，仲有bar corner添，難怪見到外籍人士黎光顧。午餐時分，有lunch menu，每位$88，唔收加一茶錢，呢個價錢響尖沙咀區算係好OK。我地兩個人，可以響「南北美點」、「精美小食」、「嚐品小菜」、「特式粉麵」中，每個項目點一款。等餸之際，留意到呢度既餐具好有特色，全部都係小朋友做緊運動，羽毛球、籃球、足球、游水、跑步……有少少中國風之餘，又不失西洋格調。先黎一碟「麻醬雞絲粉皮」，醬汁幾濃，有芝麻香，夾埋青瓜絲、雞胸肉、粉皮，夠爽口，味道唔錯。不過既然佢分開兩個小碟上，點解唔俾人揀夠兩款，試多D呢？今日靚湯係粉葛瘦肉湯，本來想撈D料出黎影相，不過sorry，無料到。粉葛切到好細粒，可能因為咁，個湯煲到好出味，夠晒濃，有媽咪靚湯feel。益菌木耳濃雞湯浸時蔬，一上枱，已經聞到好香雞湯味，但搵勻成碟，無三片木耳碎，菇既分量就唔少。白菜仔爽脆，菇味亦濃，合格。

專登一點半之後去，避開繁忙時間。穿黑西裝帶位的男士十分友善，加上近來見雜誌不斷報導呢間嘅$88/位午餐好抵食，所以都有d期望㗎！一坐下，發現員工好忙，忙到乜都無人理。其實好多枱吉嘅。咁就等下。有個穿灰西裝，態度晦氣嘅男人問我做咩兩個大人加一個兩歲小朋友叫兩個人餐？我話我會另外叫佢食得嘅點心俾小朋友食。佢黑曬面話如果小朋友飲茶要計佢茶錢！我話小朋友得兩歲唔會飲茶。食物到，其實並非雜誌所講份量多到要打包,每樣得少少咋。而且味道仲唔掂，特別係個士多啤梨骨超難食！係一舊肥肉俾一層超厚粉炸漿包住炸到超乾！d士多啤梨醬係好難食嘅jam....最後個糖水仲正！係十幾粒紅豆嘅水....唉！

好友生日，為食友人提議眾人到「嚐·中菜坊」，因為之前來過一次，美食難忘，我們於是一行六人去試試。友人發辦，叫了所有他之前試過的小菜，果然吃完每一味，都讓我有驚為天人之感，不得不寫一食評推介之！頭盆有三味：安格斯牛柳粒、話梅苦瓜和素鵝。我不太好肉類，但這安格斯牛柳粒，香滑無比，入口無渣，令我吃不停口！話梅苦瓜也頗特別，酸酸甜甜，不過經醃製，苦瓜味道已變淡，也分不出是苦瓜了。素鵝倒是令我最深刻的前菜。此菜式很多地方也有，不過此店用煎的方式泡製，沒有油膩的感覺，加上餡料豐富，調味得宜，香口又熱辣辣，很好吃！接下來上主菜，先來烤脆皮BB豬。這豬烤得火喉剛好，皮脆肉嫰，不過畢竟BB豬帶有脂肪，我吃兩件已經夠喉。再來黑椒炆德國咸豬手，大廚用熱窩上，濃烈的黑椒味配上皮厚肉嫰的豬手，令人食指大動！吃罷這幾味濃味小菜，輪到清淡的上場了。第一味是貴妃雞，做得非常好吃，皮薄肉香，連不愛吃肉的壽星女也忍不住吃完一件又一件！魚湯浸菜芯也精彩！看似清淡的菜式，用上嫰綠的菜芯部分，加上醇香魚湯，我家相公本是「食肉獸」也不斷夾菜送進口裡😅接著是荷葉飯，又是另一佳作。荷菜包著粒粒炒至晶瑩乾身的飯粒，加上其他惹味海味配料

其實已經係第2次食呢間餐廳, 上次係同人farewell 想搵間新野試, 食左個4 人set , 每樣野都好食，亦好大碟。裝修中西合壁，近門口有bar 枱又有sofa 位，好有特色，D位都好好坐, 最重要係唔多人， 啱晒幾條友出黎食飯吹水😏今晚同阿媽家姐s睇演唱會,諗左好耐食咩, 因為自己好鍾意試新野, 所以每次出街食飯都會上openrice 搵下有咩新野好食. 今日又一樣, 本來諗住試隔離間新西餐, 但阿媽都係鍾情中菜, 又見間西餐真係好新，新到1 個人都冇，於是又再黎食lol😊今次叫左2 位($188 per head)set, 另加牛腩煲. 個set 有燕窩冬瓜羹, 龍蝦e 麵,xx蠔,冬蔭公炸魚, 上湯白菜仔, 鐵板叉燒重有藍莓奶凍😏差唔多每枱都係食緊呢個set, 每樣野都好好食, 特別係碟魚!!冬蔭公炸魚, 炸魚配東蔭公汁，舊魚炸得超好味，粉唔厚而魚夠juicy😋😋😋叉燒都好正，好大舊，d肉好軟熟又入味，我諗我自己可以食1 斤lol😂😂😂xx 蠔外脆內軟，包左層甜甜地既汁之後都仍然可以keep 到個個脆口，實在難得！！！仲有要讚係牛筋腩煲，牛腩好soft 好夠味，牛腩同

發現這家餐廳是因為在它附近的西餐廳是常去的落腳點，每次遠遠看到感覺這餐廳頗有格調，猜想賣的要不是西餐，就是越南或泰菜，然而終有一次走近看門前的餐牌才知道錯錯錯！這是徹頭徹尾的中菜館。本來對它是提不起興趣，但剛巧娘親壽辰，要求吃中菜，想起這裡的套餐價錢不貴就過來了。星期四的晚上七點半，客量可以慘淡來形容，店子分成幾部份，每部份只有兩三桌客人。我們坐的部份，從我們到達到離開就我們一桌客人，我爸還笑說咱們真豪氣把整個廳都包下來了。環境方面，餐廳前半部份使用高腳四方桌配高腳椅為主，靠牆的地方則用回一般高度的四方桌配沙發，風格新潮，挺有美感。後半部份走回傳統路線，圓桌配皮座椅，落差可大了，顏色配搭起來比酒樓更顯陳舊老土，可是老人家不愛新潮，我們只好坐這邊了，皮座椅坐着感覺怪不舒服，有種不貼身的別扭。這裡的餐具也有別於一般的中菜館，碗、碟、杯印有運動圖案，然而不見美感又意義不明，並沒什麼卵用。這是已經被吃了一半的花生，吃得出來比一般酒樓的花生更香脆，相對是收費$18。我們點了嚐喜相逢套餐，價值$598，雖然價錢並未包含茶位、花生、加一服務費，但套餐供應多款菜式，所以餐前的感想是很划算。先來的是嚐品

這裡是一間裝修時尚的中菜廳，我已經不 是第一次來此店了，此店在裝修準備開業時，我跟同事已經留意到，所以當知道此店試業，我就跟同事們去試一試，但每一次都總是在中午時間，而同事們也都覺得這裡的食物跟環境質素不錯。 所以當我要為一位我們都很敬重的老師慶祝生日時，我就想到此店亦馬上建議給朋友們了。我們一行８人，在晚飯後都給予很好的水 準評價，而我也總算沒有介紹錯給朋友們了。這裡食物質素真的令我們很滿意， 而且菜式味道適中，裝修也令朋友們覺得驚喜而且舒服，在門外看根本就不會想像到，這是一間中菜廳吧！服務方便其實算不錯，只是人手好像不足夠，這方便相信有待改善吧！最後我們對鐵板蜜灸义燒皇一致好評，味 道真的很出色。另外米網咕嚕黑豚肉亦很出色不會有太多肥肉，香茅牛根腩煲味道也很特別其肉質也很適中。最後其他小菜我們也認為很有水準。

今日為慶祝爸媽生日選擇在此新開不久裝潢時尚的小菜餐廳開餐。容我先直接談談食後感 -- 滿載而歸， 味味有驚喜 。最可愛之處是每一味菜式都做到不失其美味時亦不會太鹹， 可見廚師功力。後來才得悉原來廚房是某酒店班底， 難怪一切在水準之上。我們點的是花膠螺頭白肺湯， 清甜濃厚。此店標榜每天新鮮泡制不加味精足料靚湯， 一嚐而知無花無假真材實料。粉絲蟹肉煲亦堪稱一絕 。足料蟹肉， 粉絲夠乾身將蟹肉精華吸收， 到現在都忘不了其濃濃撲鼻香氣…其中我暗暗叫好的是蟹肉知何其多但沒有附送清理不淨的蟹殼(加分加分)。另一尖叫驚喜是疍白班球 ，疍白原來不是配角(讚嘆)。上湯疍白軟綿綿與滑漏班球真是天生一對的完美組合，誰都不會搶誰的鏡， 反而互相襯托， 天衣無縫！魚湯浸菜亦是我欣賞菜式之一 。香濃的魚湯加上灼得爽脆的菜心，我要問有這樣好吃的菜嗎？爽脆鮮綠， 大廚盡把食材最好的一面都呈現在食桌上。坦白說，很久沒有碰過一間“會介紹給朋友”的店；如此用心認真地做菜的店，下次一定再來試試其他必食菜式(好想吃咖哩蟹；賣相很讚 )。聽說中午有點心飲茶，會來試試(有真係菠蘿包 )。