嘉樂冰廳 (新村街)

营业中

休息中

門口排隊四十五分鐘,食物等待十五分鐘,兩人共叫了:1,咖哩牛腩撈意粉......咖哩汁十分美味,牛腩不夠淋.2,鷄蛋小奄列..............細SIZE都太大份,有小小膩,BREAD好難食,亁憎憎,有怪味.3,鼓油皇鷄翼..............普通4,凍熱奶茶..................普通有點失望!!!!!!

老實講, 若果呢間茶記喺我屋企附近都會多啲嚟, 但未至於好味到要排隊等位果隻囉!!食咗個蛋牛治都唔錯, 又幾大份嘅....但係個阿華田沙冰太甜喇, 我同我女友飲兩啖之後就放棄, 個雞絲麵因為啲雞皮同"肥糕"太多所以成碗都係油, 最後又要我包底食埋啦...鹵水雞翼都尚算可以......之後五個人share咗個火腿奄列火喉適中不會煮得太老.....GOOD!!

前幾天，跟男友來荃灣找朋友，時間尚早，就來吃個brunch 因為要跟朋友吃飯，所以不敢點太多啦，知道份量是jumbo size的一上木台，嘩！好大碟，心裡還怕吃不完，還好有男友包尾清碟一切開，蛋汁流出，火腿好多好多，用料十足，非常抵吃，因我和大少都是極受火腿的人熱奶茶，相對地普通，茶味不夠，可以更進步的下次再帶其他朋友來一試正常份量的

鹵水豆腐--大大舊,都好入味炸雲吞--熱辣辣,外皮鬆脆,蝦肉爽甜,豬肉份量適中,正.................鮮牛蛋治--好滿足,好大份量,蛋仲有汁

由10:10am等到10:40, 餓到肚都扁, 催了2次, 終於都吃到期待已久的鮮牛蛋三文治!!因本來喜愛牛肉, 但期望好像高了點, 份量是頗大, 但不覺是超級好味,反而凍檸茶上桌時嚇了一跳, 大杯!! 不但是大杯, 而且好好飲,嘩! 超水準! 未飲過如此好味又濃濃的凍檸茶!不過座位是真的真的少和迫!

上星期六終于去食早餐, 住咁耐荃灣都未試過嘉樂..有d那個叫左牛肉蛋治, 細蛋列, 咖啡, 熱零樂, 老水豆腐除左老水豆腐硬左d外, 其他都好好味又抵食呀..

今日12點多到, 當然要排一陣隊啦~ 未坐底已經落定單了~ 見好耐冇食蛋牛治($12), 就食佢喇~ 因出面天氣好熱, 叫左凍奶茶走甜($13) ..... 蛋既份量比起出面兩份有多 .... 好滿足呵~

17/6 (二) lunch,終於抽到時間黎食喇,因為睇左咁多食評真係好想睇下佢d蛋治有幾厚,之前試過黎一次,但因為係公眾假期,所以冇開.今日點幾去到,o係門口等左約10mins.兩個人,叫左蛋牛治,鹵水豆腐,炸雲吞,紅豆冰.炸雲吞先黎, 有10隻,隻隻入面都有蝦,幾好味~因為係新鮮炸起.跟住係蛋牛治,係幾厚, 冇嚇親,因為係意料之內.但係牛好多肥同埋韌.鹵水豆腐好大件,亦入味,個人認為鹹左d.但$5件幾抵食.紅豆冰$14好抵飲,夠大杯,但都係甜左d.少甜會好好多.見到有人食咖哩牛腩河個賣相唔錯,下次可以試下.同埋都係冇食到奄列, 因為都知呢度d野大大碟,費事食唔晒啦.唔知道究竟係蛋治定奄列好食d呢?邊樣受歡迎d呢?一定會再黎過食其他野,因為真係幾抵食.

女朋友係果頭做野...有幸今日放假 可以搵佢食lunch...順便去試下女朋友之前食過話唔錯 可以一試 佢好鍾意食雞蛋 所以佢覺得好正女朋友十二點半lunch 叫我去搵位先 話好多人 好難搵位所以我就自己去搵位先 十二點三係果頭行黎行去 行左好耐先見到個舖位一d都唔起眼 眼大少少都睇唔到...一入門口 收銀個阿姐望一望我 無出聲 我自己話佢知兩個 佢指一指叫我坐邊檯坐底左 之前人地食完既野都未收 之後有第二個阿姐埋黎執檯 佢執檯好似好求其 仲將其中一隻雞翼骨整左落我對鞋度...但又係咩都無同我講...(無奈)佢執完檯 我睇下有咩食 無餐既 咩都要散叫 價錢一般兩個人 叫左一個雞翼麵 炸雲吞 炒蛋奄列(小)先黎係個奄列 細既都好大份 但真係得個"大"字 賣相好唔得...話明係奄列 唔明點解 係雞蛋還雞蛋 火腿還火腿 分開晒 d火腿係d雞蛋個面 而唔係係入面至於味道 好似落左d "美極"之類既野落去炒 普通(但因為d雞蛋同火腿係分開既 所以覺得唔得)雞翼麵 d雞翼食起上黎 只係普通既 係幾滑 幾大隻 仲要有四隻 但d "老"水唔夠入味 可能係浸左係d湯度...最後係炸雲吞 我覺得呢個唔錯

大家也應該猜到了吧，在上篇內提到令我們在等候的茶餐廳，就是人氣爆燈的嘉樂冰室了。說它人氣爆燈一點都不為過，由我開始排隊等候直至我離開為止，在門外最少有二十多個客人在等候入座的，非常誇張。店內的座位比澳洲牛奶公司的寬闊一點，至少檯邊不會觸及我的肚皮。看一下餐牌，發現最昂貴的食物都只是 $3X，實在不相信生意如此仍不加價，這一點真是服了亦多謝老闆的決定。結果，我們要了一份"小"火腿奄列，一份蛋治，一杯豆冰多奶，一杯阿華田奶昔。在等待時，看到其他客人有點蛋牛治、鹵水豆腐、鹵水雞翼等食物。其實人客數量如此大，吃鹵水類食物有時候會遇到不夠入味的情況出現，所以大家要留意這一點，以免吃到不入味的食物啊。一會後，超級無敵巨奄列登場，看著它的"體積"，實在令人難以相信它只售$15，真攪不懂這東西能有多少利潤。這個奄列的底部，滿是從火腿上流出來的火腿汁，極愛火腿奄列的女友，這一刻在她的眼裡，早已經沒有我的存在了。看著她雙眼發光地凝望著奄列，就好像小孩子望著剛剛得到的超合金機械人般，天真無邪得很。這個奄到的味道比想像的好，在中央部份仍有一點點蛋汁的存在，而每份奄列旁都會附上半片的方包，本來原意是夾著奄列吃的

2006/3/26.....仍未成為OR 會員前....曾寫過食評, 當時等了十五分鐘也未見三文治, 又厭坐位太窄....嬲嬲地話唔會再幫襯! 今天剛巧在公司遇到不快事, 想食啲野去開解下自己, 經過Mos burger..入了去, 前面的遊客買咗好耐, 心情唔靚之下, 無再等! 上了去 ciao ciao cafe....無乜野食! 於是...諗住捱餓做 gym....唔知咩驅使下...見無人排隊兼仲可以一人一枱, 咩都無諗就入咗呢度! 亞姐幾好人....笑笑口問我食咩...無咩諗過...就叫咗茄蛋治走油, 亞姐提議走沙律醬, $12, 煎薄蛋厚厚的鋪了幾層厚(呢個星期食蛋既 quota 用完了), 蕃茄亦有好多塊, 麵包好薄, 仲有啲手指按下既痕跡....咁薄又好難避免, 如果鍾意食餡既....呢度既三文治就真係幾抵食, but I like 蘭香厚麵包! 茶走少甜(兩年幾前唔飲奶茶....人真係變咗), $11! 我唔係奶茶專家, 只憑味道適唔適合自己! 一飲落....果然味道平衡, 蘭香既奶味重啲, 呢度茶味同奶味都好平均, I like here!走既時候, 隔離同對面都坐

因今天下午經過荃灣,所以辦完公事後,特意前來試試!在附近找了很久,終於找到門口了.隔著玻璃看看內裏環境,發現尚有一個空置的卡位,即是跳進去.我點選了細奄列($15)和凍華田($13)約莫五分鐘到齊了.當奄列放在我面前時,實在有點誇張的感覺.雖然從其他食評得知它的份量巨型,但在現場親身感受猶其震撼.盛起的碟只有六至七吋,而奄列的面積已掩蓋了七成,還有奄列裏填滿了的火腿和洋蔥,形成一個小山谷.我只能說,一個人叫一個細奄列可以當午餐,兩個人叫一個細奄列可以當下午茶.如果叫大奄列應該可以當三餐.(我猜)話雖分量驚人,但味道略為普通.用以下一條方程式去形容它就貼切不過,一份普通奄列加底乘二再除返一塊方包~答案要自已試過先知.凍華田的確很重華田味,又不致太甜.而且很大杯,不過代價要$13一杯.其實我食完這份奄列後都已經接近九成飽了,但既然一場來到,不試他們的鮮牛治我不會甘心的,經一輪內心爭札,還是下單鮮牛治烘底($14).約五分鐘,鮮牛治烘底出場呀.眼看烘底色澤頗深,拿上手後頗硬,咬落非常脆身,但個人應為過火少許.不過,鮮牛肉挽回不少分數.鮮牛屬厚身,而且有肉汁,另外沙爹汁不會過份喊,帶微辣,還有

今日16/6 小弟偕女友去呢間荃灣評分最高既食肆一心以為會好好食同好抵食, 點知去到至知乜餐都無好喇, 到最尾個蛋奄列到喇我同我女友都唔覺真係好好食其實價錢最後埋單成60咁濟.....真係無諗過食個"早餐"都要咁既價錢......唯一一個合理價錢同好食既我覺得只係鹵水豆腐而已簡單黎講, 我唔會再黎食早餐午餐食一個普通通粉,意粉都可能ok既......

星期六第一次黎到食早餐，先知道原來無普通茶餐廳應有既早餐叫，可能太多生意做唔切啩，不過一場來到只好散叫都要一試啦！食左蛋奄列(小)、牛肉通粉、蛋治、凍奶茶。蛋奄列大大份仲有件牛油包，蛋治同樣都係超大份食完都已夠飽，但牛肉通同奶茶就好普通喇，而且杯奶茶仲等左半粒鐘都唔黎，催極都未黎，最後食完晒要坐響度再等多10分鐘先有得飲，雖則我地觀察到廚房只得一個呀叔煮野煎蛋沖茶喎，但呀姐一於好少理我地，只係話咁啱D茶沖晒...........有無攪錯呀！份量雖大但要全部散叫，以每位40蚊埋單食早餐，咁倒不如去第二間茶餐廳每人叫兩份早餐食，份量都係咁多之嘛......

上次同男朋友去完街街，佢帶我去呢間嘉樂永食野，因為佢知我鐘意食蛋蛋，佢話成日黎食，我地兩個人叫既野有小奄列、雞翼米、豆腐、【老】水蛋、薯餅同凍檸茶。奄列超好味，有蛋汁，男朋友問過老闆，老闆話有５隻蛋＠＠雞翼米都好好食，又大碗，個薯餅係ｍ記既３倍，有３塊．．．野飲又大杯，男朋友過話紅豆冰都好好味，下次要同我試下，食到我同男朋友投晒降．．．服務又好～～唯一唔好地方細同好多人好迫．．．總之下次一定要再同男朋黎食過～