嘉樂冰廳 (新村街)

营业中

休息中

今天同老公突登試下呢間茶餐廳.....等位約需要二十分鐘(我地前面約有十二個人). 點左個火腿小奄列, 鹵水雞翼河粉,鹵水豆腐 , 凍檸茶, 凍朱古力. 服務態度ok, 但飲品等好耐, 由於唔夠人手, 佢整得三文治多士又唔得閒沖茶打沙冰, 食品都唔錯, 奄列真係太大份, 十五蚊好抵食, 鹵水雞翼好入味, 河粉都好滑, 十七蚊ok又有四隻雞翼, 而鹵水豆腐可食可唔食, 五蚊一件好一般, 飲品(凍檸茶& 凍朱古力)都好好飲, 味濃又不太甜, 恰到好處. 下一次我會再試以下三樣, 到時再comment- 阿華田奶昔- 奶醬多- 旦鮮牛洽如果仲有位再加 : 甜酸菜腩肉米線及五香肉丁公仔麵

首先賀喜自己寫這第200個食評，始終有時太懶，要等到有心情才會寫食評，這200個食評可算是得來不易的。本身住在青衣區，也想在荃灣找吃的，偏偏未試過嘉樂。這日一人走來吃，剛好也有位不用等，坐下即叫個小奄列和茶走。對鍾意吃奄列的人來說，這兒的奄列份量的確不欺人，大大的也有不少蛋汁，雖說不上是極品，但這兒就是小本經營，有此賣點已很難得。茶走難得水準也好，起碼有茶味，奶份量也下得剛好，唯一就是不算很滑，但已很不錯了。---------------------------------------------------------------------------------------------------------------------第二次來吃，試了雞翼米粉和紅豆冰。雞翼Size不細，看外表已知外皮一定好食。雖然內裡真的沒甚麼味，但這翼外皮的味道已很錯，很入味，我覺得不錯了。紅豆冰的紅豆大大粒，可惜飲管不夠大，要用湯匙輔助。我喜歡這兒的紅豆冰，因紅豆煮得不太爛，吃來有些是硬硬的，卻很甜，很不錯呢。這兒的食物是心機之作，我喜歡。

昨晚約18.00跟母親到嘉樂冰廳吃晚餐,可能是太早吧,沒有太多人,進門已能找到卡位.坐下來叫了一碗甜酸菜腩肉米線,一客小火腿奄列,六只鹵水雞翼,一杯熱咖啡及凍奶茶.先上母親叫的熱咖啡,味較濃.再上凍奶茶,第一口喝時,還有點暖.應該是開了熱奶茶後,再加冰的.味道還可.小奄列上桌時,母親還以為攪錯,因小奄列不小.看來最少是用了四只雞蛋做的.味道較淡,但適合我等不喜歡太鹹食品的人吃.跟著是上甜酸菜腩肉米線,甜酸菜不錯,可是熱天吃腩肉,好像較肥膩.米線很大碗.鹵水雞翼是即叫即做的.所以是最後再到.如此份量,兩人差點吃不完.下次可少吃一樣鹵水雞翼較好.

上星期同男朋友去食，又係好多人食，所以要等位，大熱天時都真係幾辛苦。我食左佢個雞翼湯粉，正，鹵水雞翼超好味，後來發現幾乎枱枱都有食鹵水雞翼！鹵水豆腐，幾入味，點埋辣醬仲好味。鹵水蛋，鹵得太耐，所以我覺得蛋白變得唔好食，硬硬的。炸薯餅，超大份，抵食到喊。男朋友，食左個蛋牛治，入面D蛋成份奄列咁，好巨型，我試左啖，好好味，D蛋唔會好老。凍檸茶，好濃味，唔係一般茶餐廳果D咁淡。一定會再去！

每次經過這間在荃灣區非常有名的餐廳時, 都見到大排長龍, 在好奇心驅使下, 在上星期日下午想到這間餐廳試試, 當去到門口時, 已經差不多有10個人在排隊, 我心想一定要等很久才有位, 於是我打算買外賣, 當我去到櫃檯, 我想她就是老闆娘, 她正在包雲吞, 我跟她說想買一份鮮牛蛋治同紅豆冰,她竟然答我: 有排等wow, 你見出面有咁多人都知啦, 我即時 O 晒咀, 心想: 佢好似倒緊米, 有生意都唔做 ! 可能佢覺得生意已經好好, 做少一單都無所謂, 當時我覺得好嬲, 荃灣並不是只有你這間茶餐廳, 經過這次之後, 我再也不會到這裡了! 在這裡我只可奉勸老闆娘一句 : 今時今日咁既服務態度係唔夠架, 如果你想你既客人在這裡吃得開心的話, 請改掉你的態度吧

上次靜靜鷄同個friend去咗試一次，肥妹仔有Ｄ唔老黎，今次同佢再去叫咗細奄列、鷄翼、花生醬西多士同柯華田奶昔細奄列依然大大隻，兩個人食啱啱好鷄翼賣相吸引，隻隻脹卜卜，鷄肉滑溜，但可以入味Ｄ西多就厲害lor，一層厚厚嘅花生醬鋪係面，再加牛油同糖醬，令每塊多士都充滿住濃濃嘅味道個柯華田奶昔其實好似沙冰咁，大熱天時真係解渴之極佳選擇大件夾抵食，下次再同肥妹仔黎過，再試吓個咖哩至得！原來肥妹仔係熟客仔，仲同老品娘吹咗陣水

每行過這間店都想入去試下，但總是沒有，今次有機會啦。不過有一個好怪的情境，因為我們一去到就見到這間店落了閘，心想現在已經差不多到中午時間為何沒有開門。原來無位所以咁，我都唔係好明，但店舖的負責人真的這樣說。等了一會兒就有位。講番野食先，我們叫左一份鮮牛蛋冶都幾大份兩個人分會好一點，重叫了咖喱牛腩烏冬及一杯凍啡。蛋牛冶就$12大份不過無乜蛋味鮮牛肉都幾好有好多汁咖喱牛腩烏冬$24大約唔太記得牛腩都幾淋入味烏冬就有少少似上海麵感覺凍咖啡大杯無特別

來到嘉樂冰廳門口, 看見慕名而來的人不少等了45分鐘才進去...進去見坐位不多, 加起來才30多個坐位怪不得要等這麼久肚子很餓, 二話不說點了:1. 火腿小奄列 - 原本想點火腿奄列, 但是日沒有供應- 簡直大得不成比例, 乾脆叫火腿奄列, 然後火腿奄列叫火腿大奄列吧- 老實說吃得很滿足, 味道亦很不錯2. 凍檸茶- 茶餐廳應有水準3. 鹵水雞翼- 不明為何要放甜酸醬, 雞翼又不是炸的, 味道夾不起來4. 鮮牛蛋治- 味道沒有比奄列好, 但份量依然很大強烈推介火腿小奄列

睇完介紹,去試下...2點幾去到就已經見到有一條人龍,唔算太長....就排隊等外LA!門口好細,就已經知道可能好細,不過預左等半個鐘左右GA LA.....不過等左成個鐘先入到去, 真的有點兒那個....原本打算食LUNCH,變左食TEA....知道最出名係蛋牛治,可惜自己唔食牛肉...就推介友人點, 落單個陣已經知道要等半個鐘先有得食GA LA, 不過都等LA~仲叫左個炸醬撈面,因為見到好似唔錯...之後黎多個雞翼再黎凍奶茶同埋紅豆冰蛋牛治---份量好夠, 不過友人就話一般, 名過其賁炸醬撈--- 都OK GE~不過都係一般雞翼--- 六隻, 不過都唔似係豉油王, 加埋佢個泰式辣醬,唔太夾凍奶茶---友人話不錯, 係咁多樣野最好的紅豆冰---本人覺得不錯,但....D 紅豆GE 顏色好似落左染料咁.....總結:一般

經過一星期的木瓜沙律同芒果糯米飯洗禮~一路食一路好掛住香港ge鹵水雞翼...白烚意粉同三文治......一落機訓醒過後...就忍唔住帶左自已去茶餐廳....滿足晒我3個願望之唔係現在成了荃灣地標ge嘉樂冰廳是也..一路都驚好多人..一路都無去過唔知點解每次去''人龍店''...我都無遇上過人龍...even連勝香園我都未排過隊..haha...可能我太得閒..揀對時間小比今趟是Weekday的5點多去的冰廳的位置原來只係荃新天地對正正..睇地圖仲以為好難搵一入去都full full地~不過有位..一眼望晒得左右2排卡位~一坐低~對面ge中學生情侶~打瀉杯茶~搞到大比濕了半身但佢地一句對唔住..一張紙巾都無講過無比過~~好想鬧個女仔...乜依家d中學生咁無禮貌都有ga!!!一口氣叫晒自已想食ge野...haha先來咖哩牛腩撈意粉..平時除左焗意粉.......炒..烚..湯意粉都好抗拒..今日真係一反常態淨係覺得好幸福..haha咖哩對於大比來說有點過辣~但小比就覺得可以吧~蘿蔔同牛腩都好入味~唔通因為時間較晏~炆耐左夠入味~!?hehhe整個combination都很不錯~附送的湯就興

起初係一位同事話依頭有間餐廳既奄烈好大份，多士又好食叫我要去試下@o@依間餐廳我係上星期5同今個星期3都去過架，尋日又帶左位新食客去試食!!~份量真係比其他荼餐廳大份架，第一次去既時候我同一個女同事去，叫左個蛋牛治+雞翼一齊食,,,份三文治d蛋好靚咁正正整整夾左係麵包入面，好厚呀=3=雖然一人半份，食完已經話好飽lu，真係好大份....鹵水雞翼一份有6隻，味道唔錯呀，帶有少少甜味，雞肉仲幾滑都算入味既，加埋醬食仲可以和返佢既鹹道!!~所需等待時間約15~20分鐘!!第二次..去就食雞翼&細既火腿奄烈，佢係比一般既蛋多2~3倍，火腿多到要爆出黎個隻!~所需等待時間約10~15分鐘!!第三次..等左10分鐘左右有位，坐係近門口位(即收銀旁)!!落單時想試鮮牛蛋治但老板娘話要等半個鐘，所以轉左叫碎牛治佢話"好呀，依個快d呀"令外仲叫左個豬扒包&細奄烈!~我地就望下廚房放向，老板娘即刻話"唔駛望啦，入左單架，等下啦"....好無奈=.=門外有幾位客人等緊，仲不斷望入黎，可能真係等左好耐lu!!~約20分鐘就黎第一個豬扒包，外觀OK，普通size，暖暖既包包入面放塊咁凍既青瓜，放埋一齊食有d怪怪

睇見咁好好食評, 真係好想試下. 某星期日4-5點經過, 排晒隊, 當然係過門而不入 ~前日又係4-5 點時間, 終於都唔駛排隊, 就入左去, 不過都係坐無虛席 !!兩人叫左: 餐肉蛋公仔麵 + 凍檸茶~ 麵淋左d牛腩河 ~ 超多河粉, 極都食唔晒!! 不過我唔鐘意佢d 陳皮味, 牛腩又超大件, 不過都ok 淋同有味炸雲吞 ~ 味道幾好, 不過肥肉同蝦一樣份量, 對於女仔黎講就..........4 樣野共$91又唔係話平, 不過份量多囉. 大食既人岩晒 !!

我每次行過都見到排長龍、9/7 今日可能落雨不要等位就可入座。我看過網上食評、忍不住去試！今日我試了他們的火腿奄列(細)及阿華田奶昔 ---->>>好食總之鋪內經常滿、座無虛席！不知典解附近的食店沒有出現這狀況？？可能成功夠懷舊氣質！

已有一段時間沒有光顧嘉樂，發現他們不再做套餐了，門外有張已發黃又有水漬的紙這樣寫著，老板娘話「無做好耐啦」從前去過嘉樂的朋友記得嗎？那個喺熟客仔都會叫你食，跟散叫一樣大大件既細水腿奄列+方包、湯麵同飲品，$25，就算二個人分，都可以食完飽足一日果個呢。每當我需要食物的慰寂既時候，都會諗起佢。今日去到見無咗餐，個人好似特然間理智咗。安自己既肚餓程度，叫咗個炒蛋。老板娘問我「仲有呢」，我話「無啦，係咁多」，好似覺得佢有少少黑臉(我真係唔想咁諗佢)，雖然唔係繁忙時間，我都好識做咁盡快食，盡快走。臨走前，有二個後生仔入坐我對面，似乎喺第一次幫襯，望任餐牌講「聽講話哩度既餐最抵食，好大件好誇張架」。我就話好知餐無做啦，從前是什麼什麼的配搭同賣幾多錢，提議佢地可以叫黎感受下以前食餐得豐富、飽足同抵。之後我走咗，佢地叫咩就不很而知。唔做餐既嘉樂會走向別一個氣氛/ 格局 / 年代 (我唔係好認形容，希望你感受到)，我地可能會少D見到食客抱住個肚講個餐真係好飽、同時應該少D見倒常年穿西裝背心既姐姐從台上掃走起過一半的剩餘食物。變幻原是永恆。當我想吃食物而不是垃圾的時候，我會想起你。

尋日同小豬仔出開荃灣~~咁我地又知道e區有間"嘉樂"好出名~~咁就黎試試啦~~~嘩~~原來都離MTR站幾遠~~結果都搵咗幾耐~~去到門口~~嘩!!!有1x個人排緊隊~~尋日又熱又曬...等咗半個鍾~真係有少少火~~入到去~~d位都幾迫~~但係招呼都唔錯~幾有禮貌同helpful~~~咁我地2個order 咗兩杯凍檸茶~鮮牛蛋治~鹵水豆腐~火腿庵列(小)~~鹵水雞翼~~大薯餅~~樣樣都超大份~~味道都相當唔錯~~係個鹵水豆腐爭d~~其他都唔錯~~其實諗返都又d過份~~兩個人叫咁多野食~~走既時候飽到咩咁~~我見好多人都只2個都只係叫一杯野~一份庵列~~仲要係食唔唒果隻~~~所以細食既人要注意注意啦~~~~