嘉樂冰廳 (新村街)

营业中

休息中

好味呀!!!!叫左瑞士汁雞翼.炸雲吞.老水豆腐.蛋牛治..最鐘意食炸雲吞同雞翼!!!每次必點!!!野飲大杯又好飲!!多數4點左右去唔洗點等位!!!不過野食黎得慢!!!

約了女友放工後去嘉樂食個tea,點知勁多人,等左15~25分鐘先有位差不多成年無來過,坐低後叫了一個牛肉湯意粉, 雞絲湯通粉,火腿小奄列,兩杯熱谷古.(呢度既熱谷古用凍飲杯裝,真係好抵飲)可能人多的關係,炒蛋老了點,牛肉老了點,不過都依然係抵食夾大件,飽到我吃不下晚飯

每次食完都冇寫番篇食評~所以今次要記得寫~其實每次都係專登黎,今日5點幾黎到~唔駛排隊..Order左: 炸雲吞 (媽媽至愛必叫), 咖哩牛腩河, 紅豆冰, 唂咕奶昔.炸雲吞依然炸得香脆,鮮蝦都冇欺場..咖哩牛腩河: 好大碗架,咖哩香,唔多辣~牛腩好淋~唔錯…d河粉都滑,但係我食得太慢~浸得耐碎晒…紅豆冰: 雖然製作需時~但都值得~因為呢杯野真係好抵飲~好多紅豆~d紅豆都好有口感~唂咕奶昔: menu上面冇show出黎~但係值得飲~鍾意飲唂咕多過華田同好立完~冇咁甜~苦d架~所以未必個個都鍾意有兩支管~唔知係唔係design for兩個人share的呢?定係兩支管一齊飲好味d呢??又係超飽~飲品好大杯~下次再黎會食番巨蛋….哈~

話晒都有好多人讚, 荃灣區街坊, 點都去幫趁下啦! Sunday morning 未夠11點, 已經一條人龍! 一心想試蛋治, 最終 order 咗:1. 鮮牛蛋治 $122. 茄蛋治 $123. 鮮牛米 $174. 熱奶茶 $11 等食期間無事做, 咪四處望囉, 因為我地坐喺水吧前門, 咪睇下d員工做嘢囉!嘩! 點知... ... 佢地d阿姐個個執完枱都係徒手攞個餐飽放喺碟蛋度, 然後拎俾人食!而d餐飽就放喺個筲箕入面, 筲箕就放喺個背心袋入面~ 嚡! 嘢食到咗, 都唔理得噤多, 食咗先算啦!d蛋的確係有d鞋, 以前食開佐敦果間係好味d, 不過呢處係荃灣, 另有一番滋味囉!個米粉就唔試都無損失。個奶茶就滿到瀉, 好夠熱, 味道OK! 見隔離枱食撈麵、湯雲吞同炸雲吞, 都食到津津有味! 仲有人地 order 咗杯加大熱奶茶, 都係 $16, 好抵。 由於衛生問題, 會慎重考慮是否再幫趁。

星期六無嘜野做, 就走黎荃灣依間舊式冰室試吓, 門口排晒隊, 都抱幾大期望, 我地排左15分鐘終於有位喇... 不過真係好失望囉, 等碟omelette 都等左25mins, d蛋又死實實, 係就好大碟, 成4隻蛋咁多, 但一d都唔好食 !!! 牛肉通粉既牛肉又硬到不得了! 一定唔會有下次呀!

其實我覺得呢度有d誇張，唔係佢既蛋誇.....係佢既名氣~一年半前：我都係佢出左名之後，慕名去食野既~因為我好鍾意食蛋，所以見到咁大份奄列都好興奮…第一次去既時候都冇咁多人排隊，好快就有位~我點左細火腿奄列，凍朱古力~無可否認，真係好大碟蛋，好多火腿！睇得出佢係落豉油調味既…所以好夠味…不過唔係好香既蛋味，只係極平庸既豉油蛋味~ 食過澳洲牛奶公司既朋友仔就會明白我所講既『蛋香』~ 唔算煮得好滑，有少少蛋汁… 雖然我唔係極度欣賞佢煮既食物，亦唔覺得超抵，但係我仍然覺得份蛋有一種吸引力，可能係因為可以食得滿足掛前天：隔左咁耐都冇衝動再黎，可想而知第一個visit唔係太impressive~今日陪媽咪買完送經過呢度，媽咪竟然主動話想食…好啦，見到有四五個人排緊隊都等下啦~埋位之後發覺佢已經冇做套餐，每一樣都散叫，好明顯咁樣都趕唔到客，仲好多人黎見識巨型奄列~ 今次我要芝蛋治，媽咪原來入黎食牛筋河 水準保持得好好，因為同上次黎一樣，係大大份冇乜蛋香…反而媽咪個牛筋河好喎! 大大碗就唔在講啦，個湯夠味喎~ 可惜都未食到小半，D湯都俾個粉索哂，真係好大碗粉呢…飲品唔錯，當然都係大大杯啦~好多人話

因為openrice的評價...所以同我妹妹走去試試.我地大約11:45分去到，一入去已經無哂位，剛好有2個人走坐低一陣，已經見到門口排緊隊..果然名不虛傳我地點有兩個麵一個小奄列..仲以為一定食得哂.. =.=點知.....飽到食唔哂-.-雞翼湯米..good呀，有4隻雞翼味道都唔錯..米就軟身左d...薑蔥撈麵-我本身都唔食薑，唔知點解會叫e個=.= 油味太重...唔鍾意好油既感覺所以一般啦...火腿小奄列真係有9分..好大舊呀又有個包...所以我地根本食。唔。哂。哈哈，下次一定會再食過!

有時都會去嘉樂食野，成日都要等位,價錢o.k.,鹵水雞翼好正,火腿奄列size份量十足,好滑!overall is O.K. but the service is bad.

每次經過都有人排隊, 所以今次特別約咗個friend試吓叫左:火腿細殗列 $15細版已經成隻碟咁大, 最少用上六只蛋…. 利害!鮮牛肉蛋治 + ” 康” 厎 $14又是四只蛋, 牛肉味道一般凍檬茶 $13茶香有檸味又唔過甜, 最正是這杯茶…可能食了太多蛋!總結: 凍檬茶正, 食物份量太多, 一餐食了一個星期的蛋份量, 現想起蛋都有點驚

心思思...真的想試試它的奄列, 但又不喜歡火腿, 於是叫了煎蛋多士 (我轉了炒蛋麵包), $14, 意外地十分鐘便送上, 沒有變炒蛋, 麵包墊底, 無耐地接受 (因不想再等....), 幸好沒有轉...原來此碟內有三隻蛋, 令我可免卻不少膽固醇的負擔, 蛋黃有兩隻未熟, 一隻全熟, 灑了點鹽, 說真的....它以量取勝, 麵包薄薄一片, 沒有半點新鮮感! 用刀叉吃完後...杏霜送來, $11, 一望...以為送錯了凍飲, 大大杯...未攪拌下, 發現有很多顆粒, 拌勻再飲下....好好飲, 味濃, 帶點杏仁香, 今天開始轉冷....各位, 如果不好奶茶, 杏霜是不錯的選擇! 評分是給杏霜的!

之前同男友終於試0左LA!叫了咖哩牛腩河....(呢個好食)蛋牛治烘底...好大件..飽到食唔落..男友話味道普通...豉油王雞翼好大隻..但真係唔夠味..麻麻...小奄列..好多蛋同火腿...但我唔鐘意加0左豉油...凍朱古力..好飲又大杯。總括:食蛋食飽...唔想蛋白質同膽固醇過高...最好搵人SHARE先食呀...

超正，一定要試，D 豆 好有口感，唔會太淋，個叉燒通得左半個鐘，但我不推介，個湯底太鹹了不過你黎得 lee 度，一定要夠耐性，因為他們是即做的，我上個星期六，一個人去食，都用左45分鐘，

嘉樂 - 無論上openrice定係朋輩間都有很多人談論的冰廳，出名抵食，奄列大大份，谷咕好濃好好飲，上個星期日，行經荃新天地，就獨注一試這間冰室。在楊屋道街市找了良久先找到，原因是門面細，好易不以為然地行過左。到了之後，少不免又是排隊，隊中會是後生仔女，你說不是openrice之力，一般男女朋友行完街都會選擇食food court，又點會食茶餐廳!?由於不是太餓，只點了小奄列($15) 同友人點了牛腩河($17)，牛腩河5分鐘已上了，而我就干等了起碼25分鐘，但都没有失望，真係好多大兜蛋，不過質數又真係一般。中途聽到師傅話，外賣奄列要多等一個鐘．．．不過又係既，佢咁大份，煎一份都有排煎，仲話真係比 d 網累死，呢個又岩，人地都係小本經營，但比人唱到街知巷聞，真係幾難去應付咁多人，有個熟客仲話，師傅你唔好整咁大份咪少d人黎，ｄ人覺得唔抵就唔黎架啦，我心諗．．．唔好攪成咁好喎，對間茶餐廳金、熟客都唔係一件好事。其實我最唔想見到既係佢質素下降，希望佢可以做到澳洲牛牛公司咁就好啦!

今天放假，原想嘆個悠閒下午茶，誰知去到發現門口有一條人龍，等了約半小時才有位....全部是四人卡位，但很擠迫，坐得不舒服.....點了火腿小奄列、炸鮮蝦雲吞、奶茶兩杯火腿小奄列大得可怕，聽老闆娘說用了五隻蛋 味道還不俗炸鮮蝦雲吞即叫即炸，喜歡煎炸食物的人應該會喜歡奶茶催了數次，等到所有食物吃完，想取消時才送上，可惜茶味過濃，有點苦澀，要加花奶覺得好喝對面兩母子點了一客雞翼，$21 有六隻，賣相不俗，借來拍了一張照，和大家分享一下

上星期某日,難得gf入黎荃灣,就同佢去openrice人氣好勁既嘉樂冰廳度試下佢既火腿蛋庵列.嘉樂冰廳,我廿年前已經成日係呢度食,當時係有常餐,火腿蛋庵列 + 肉c通 + 飲野, 直至好似今年年頭無左, 原因估計係嘉樂多左好多係互聯網度認識嘉樂冰廳既後生仔, 由其係最近呢一兩年要係門口度排隊可見一斑, 所以索性唔做餐,淨做散嗌,賺得多d,而老細亦都承認近年多了好多後生仔生客, 因為以前入親黎都係熟客,而呢班後生仔主要都係係互聯網度黎....( 你地話openrice幾咁西利)好..講講d食物先,可能我地臨收鋪先去,火腿蛋庵列比平日差左,份量依舊,不過炒得太乾身,好(鞋), 個雞亦保持水準,同其他食家形容既差不多.環境,都食左咁多年,都習慣左~ 咁迫總括來講,因為而家得散嗌,係比之前無咁抵,不過佢地得8張台,如果仲要keep住做餐,又真係幾唔乎合經濟效益,