嘉樂冰廳 (新村街)

营业中

休息中

荃灣新村街的嘉樂冰廳，很「難食」。別誤會，這裡的出品都很美味，是我最愛食店之一；所謂「難食」，是另外的意思...嘉樂很「難食」，因為小店捧場客眾多，很難才有位進內飲飲食食。除非像我般下午五點才來吃「早餐」，不然在正餐時間，特別是假日，門外永遠像巴士站般排著等位人龍。嘉樂很「難食」，因為小店唔憂做，營業時間只在10:00-19:00。早市不做、晚市不做，一日只開門九小時，食肆來說，很「大牌」。而且，那只是個「法定時間」，通常下午六時許嘉樂已經下半闡準備收工。要等位、要遷就營業時間，都唔係大問題，夠神心、夠得閒就得；不過，嘉樂真的很「難食」，因為小店食物份量全屬加大碼的，真的很難才能把食物吃光。用五六隻雞蛋製成的「小奄列」本已足夠飽死人，還要奉送一片方包；這樣才賣$16，雞蛋成本都起碼六七蚊了。叉燒通粉又是一絕。比一般茶餐廳多用一倍份量叉燒，而且，叉燒和通粉，都很美味。只賣$18，超值。還有還有，這裡的凍飲特別大杯；外間的凍飲大概都是10oz或12oz一杯，這裡應該是用上16oz杯的，夏天來杯加大碼冰凍奶茶，正啊!對，嘉樂冰廳的確是難食得很，不要來與我爭位坐好了...

終於可以黎試下嘉樂既美食雖然戒緊口, 牛又唔食得蛋又唔食得但係機會難逢, 食少少應該還可以吧~ 菜肉雲吞河: $16蚊大大碗, 好抵! 有5-6粒, 河粉夠滑, 好味! 吞拿魚火腿治: 有1.5吋厚呢! 原來仲有蛋@@ 個名無講唔知tim(哈)　　　　　　　　　 都幾好味, 材料多到食個陣要好小心, 驚跌出哩整污糟件衣 =P 蛋奄列(細): 朋友叫的, 佢俾左小小我食, 充滿蛋汁, 蛋夠滑夠厚, 口感好好　　　　　　　　如果我唔洗戒口一定叫一份自己食^口^ 熱華田: 唔係普通size, 好似加大碼咁, 我唔落糖的, 味道沖得好好, 好重華田味店子很小, 2:00左右好多人排隊等位, 都幾窄, 不過美食當前, 無咩所謂啦朋友話佢其他野都好好味, 好似「老」水雞翼, 豆腐等等, 不過我唔食得啊!!可惡..下次一定要再試下其他野!

今天是復活節假的最後一天, H原本要開會做事一整天, 但最後只開了半天會就完了, 之後H原打算自己找個地方消磿下, 但K很好地主動出來陪伴, 故此H&K見時間許可,便決定到一直大家都好想試的冰室試下啦!到達後就見長長的人龍, 再望下舖頭位好少,心想一定要排好久,但專程來到,都要等啦! 真好笑, 食茶餐廳都要排對, 但無法啦, 要試就要排隊, 最終H&K等了約45分鐘才入到去 !!H&K 兩人食了:細奄列=>份量果然好足,但味道並不特出,而且蛋煎得較老炸雲吞=>有九粒不算大的雲吞,餡有蝦及肉,但都幾好味喎牛腩米粉=>湯米幾好味道,牛腩都不差,$17腕好扺食等了很久,終於試到了! 食後感是"好足料,份量大,味尚可,價錢抵", 若日後不用等位的話, 一定會再來呀 !!

平日總有不少人在店外排隊，今次和男朋友很幸運地 剛好有位子。點了奶醬多、蛋牛治和魯水豆腐。奶醬多- 本人覺得略為硬了點；蛋牛治-大得有點誇張，女士們吃得都頗為狼狽，鄰台的女士用刀叉去吃這份三文治魯水豆腐-原本沒有點的，但看到別人吃得津津有味，我們也忍不住點了一件。豆腐很入味， 又不會過「林」，配它的辣醬真的很棒!我們都滿足地離去。還未嘗過這店的x列，下回有機會再嘗吧。

wow...真係勁好味個门腿蛋治.........D 蛋汁超香.....雞翼米好入味.......有小小蔥油......正個西多士好脆.........比普通茶餐廳高一班火腿奄列係推介之一.........好抵食....重量級嘅SIZE.......平民價錢.....唯一可惜當日叫奶昔話要等好耐........結果末品嘗到........下次我幾耐都等..HAHA

見咁多網友好評，有日同男友經過試下夜晚六點半好多人冇位，買左咸牛肉同腿蛋三文治各一外賣收銀阿姐話要等半個鐘，我仲以為自己聽錯!!好啦....買完餸拎外賣我一度懷疑阿姐俾錯野我，係一袋三文治大家即刻打開睇下，好厚o既蛋啊~~!!一份三文治等於人地兩份，難怪價錢都貴過人下次會醒d 點一份就夠~

呢間係阿姨介紹既..因為佢住荃灣. 佢成日帶我家姐同細妹去..我媽媽都去過, 個個都話正好在今日係閒日, 所以人唔算好多.聽阿姨講如果假期去係好多人排隊..都要等幾耐先有位今次同阿姨叫左:1 ) 凍檸茶2) 炸鮮蝦雲吞 $213) ''老''水雞翼 $21/ 6隻4) ''老''水豆腐 $5/舊5) 鮮牛肉雞蛋三文治 $161) 凍檸茶好多人都唔會點理個凍檸茶好唔好飲...因為佢多數係陪襯但本人飲完就覺得呢個凍檸茶係值得一提.因為佢茶味好濃...唔會好似其他茶餐廳咁...得甜味同檸檬味.所以呢個凍檸茶係GOOD的 !2) 炸鮮蝦食落口好新鮮熱辣! 食唔到任何油味或者翻炸好多次果d味. 好明顯係既叫既炸 : )雲吞亦好足料!! 每粒入面都會有2-3粒蝦仔, 唔會好似其他茶餐廳咁肥肉多過蝦!一碟好似有6粒 (唔係好記得) 抵食!3) 雞翼雞翼好入味..同埋食得出有麻油既香味. 同埋又係新鮮熱辣既 *v*雞翼既大細好平均..亦唔會話好細隻..兩啖已經食完.味道比起我叫既野唔係話好特出..不過都係好味的 !!4) 豆腐我覺得豆腐其實係好難整得好味既..因為好易炆到硬晒或者太入味咸死你咁呢舊豆腐

又話著多老"水雞翼..21元5隻...好似好味而提升個價錢,但係趁食米炒個陣,順便要隻雞翼當雙絣,點知不外如是,不見什麼特別....真係唔知比咩反應-..-"個炸醬勞面呢...好味既...但唔食得辣既人就唔好食啦.因為真係好辣 ..

星期日, 返教會的日子本想喺返教會之前同女朋友嚟荃灣食個滿足的早餐不過琴晚上openrice 睇睇先發現原來嘉樂冰廳係10點鐘先開門唯有食完早餐返完教會, 美食軍團先再出發啦~返完教會, 差唔多11點幾嚟到荃灣由於我同女朋友都未嚟過嘉樂, 喺附近都要兜返幾個圈搵嚟搵去見到有條長長的人龍, 原來就喺呢度!等咗一陣之後就有2人位我哋點了:阿華田奶昔--$18非常好味!!!呢個真係值得推介! 甜得嚟仲有好香濃ge阿華田味, 好滑, 又唔似老麥咁難吸火腿奄列(小)--$16之前睇食評話大奄列$35. 落完單之後睇下, 點解個奄列$16咁平? 原來係細奄列~當碟奄列送到嚟時, 第一個感覺:"嘩, 咁大份ge!?!?"真係好大份, 同埋入邊有好多火腿絲. 都算唔錯不過我同女朋友都係覺得澳洲牛奶公司好食d澳牛d奄列滑d同埋有蛋味d五香肉丁雲吞米粉--$20本身想叫件三文治, 因為睇食評d 相好吸引!!!不過諗落三文治同奄列都有d 似(都有蛋呀~)所以就叫了個米粉.ok 啦, 無咩特別, 不過值得一提係d 料好豐富好多五香肉丁, 仲有4隻雲吞!見到格離檯食哩腩撈粗, 炸雲吞, 蛋牛治, etc 賣相好

由於懶惰關係, 相隔了1個星期才打食評, 不過算是常客的我對於此間冰室的味道又怎會陌生呢....是次, 又一次專程為了雞蛋奶昔而來今次跟友人叫了咖喱牛腩意+鮮牛蛋治+奶昔咖喱牛腩意 - 跟朋友share 的, 當然不可以跟九記的相比, 但味道尚算ok,喜歡吃咖哩薯仔的我覺得如果薯仔可以再入味些就perfect 了, 而牛腩就普普通通鮮牛蛋治-很多時都會叫到的, 因為吃蛋治或鮮牛蛋, 蛋都煮得很好吃, 而且每次都會有蛋汁流出...另外牛肉都十分滑, 亦不覺有梳打粉醃過....雞蛋奶昔 - 小妹字貧不懂難形容此奶昔的味道,只能說是我喜歡這個味,如果你愛蛋香就不要錯過...因為是有點像云妮拿味帶點點蛋香的味道坦白說, 這裡比起同區的茶餐廳當然算不了便宜, 因為飲品都是分開另計的.你說這裡是不是非一般的食府, 那當然說不上, 不過每天都很多人來大抵是因為感情~第1次帶我來的朋友說他2, 3 歲時就已經跟著爸爸來吃了..長大了, 也偶爾來吃吃, 吃的都是感情吧來到這店總見到店裡的阿姐跟部份客人寒暄..一入門又直呼"x太" "阿x, 是不是照舊?"這就是開業多年的小店獨有特色ps另一心水推介是公司

尋日下午同男友去了嘉樂"食.....間鋪頭既位置真係唔就腳,又難搵~搵左幾個字先搵到.去到門口真係要排隊...意料之事啦,等左唔駛15分鍾都入得去坐,去到因為我同我男友都好肚餓,叫了個意粉,肉絲通粉,小型火腿奄列,啊華田奶昔,谷古...同埋個西多士可能係好多人啦,在等的過程中,見到d奄到真係大到嚇人....但我們波有想到他們的意粉通粉都係....大大碟....真係開始擔心食唔哂之後既野,,,個奄到..真係好大....勁多火腿,不過d火腿絲集中哂某一個位...其他的全部都係蛋黎既,,有一半老,又一半就勁多蛋汁....都係同普通餐廳食的波布太大分別...得個大'字'2杯飲品都唔錯,幾好味,,,,,好味到震...味覺都好似比那味道盲目左似的...仲有個西多....都平時一樣大小;但方包入面就波有花生醬既.....食完真係飽到唔識郁2人咁就食左99元

經過嘉樂好幾次都見排長隊.o個曰見冇人排, 小矛即刻拉我入去話一定要試佢個Omelette. 其實個肚仲飽,但係冇理由唔駛排都唔食嘛~~ 我地叫左一個細奄烈($16)加兩杯凍檸茶. 見對面人地個細奄烈咁大份我O左嘴囉~黎到我面前真係有d驚. 據聞一個細奄有五隻蛋!!!!! 駛唔駛用盡一個禮拜既quota呀... d蛋唔算滑.但至少唔老.好多火腿絲.亦好多汁.我唸佢地用左美極煮.d汁好似啡啡地.份量好大.幾heavy.好在有片牛油方包'索'o下,如果唔係都唔知點完成.唔駛排隊或者好肚餓黎食都okay既.hmm...不過說實都係澳洲牛奶公司既"雞湯"omelette好味d~~

今日早左放工，個心就想試下嘉樂個奄列，不過一去到見人太多，最後外賣個鈿奄列走，坐左10MINS車，回家後見到個奄烈好大〝好開心，不過食落口TOO BAD，好咸，有點難定又多汁(一定係，不是旦液)，好在佢有個飽連住，唔係一早就放入垃圾箱。D火腿有差，你地D食評有話D旦好滑，到唔係。今次本人十分失望仲要俾17個大洋。明天我會試下隔壁間蘭香，聽聞D意粉OK。各位兄弟姐妹，如果你FEEL間野有咩好，請TALK OT ME

在荃灣住左三十幾年都無留意有這冰室！但近一年時常見這有人排隊，後上網看食評話很好！今天十一時見有位便決定試試！但試後覺得很失望！我試左最多好評的火腿奄烈，嘩！好大件，但太老不滑，奄烈要滑才好食，味道無特別！除了大件就無其他特色！有人還說可和澳洲牛奶公司相比！我個人覺得一個天一個地！想起澳洲牛奶公司的早餐現在就想食！我又試雲吞撈麵，E個覺得好差，豪油無鮮味、咸，蝦無味，湯好咸！想起雲吞就想起旺角銀行大地鐵口前行過馬路右面弟一個橫街的雲吞麵店，他的雲吞很有味，食左十幾二十年都係要排隊！但到現在我都無留意佢叫什麼名最後我叫左杯淨咖啡，味道好甘但無咖啡味，好失望！我覺得冰室最重要係咖啡同奶茶！講起咖啡就想起陳豪可能今天失準，但我的經歷就是失望，還覺食評很誇大，像廣告！還有價錢不值，因我想要好食的，不是大件的！另外有客叫了蛋牛治叫呀姐茄汁，呀姐即黑口

great yummy food, but there are a few things you may want to note before going.don't except your food to come fast. sandwiches may take up to 15 mins for them to make, omelet may take 20 mins, noodles are usually the fastest with around 5-10 mins, and lastly don't except your drinks to come first. mine usually comes after i finish eating the noodles and before the sandwiches come. my recommendation: bring a friend along to chat during the long waits. if you can get pass the waiting game, the