嘉樂冰廳 (新村街)

营业中

休息中

都幾多人排隊, 但等得不算耐味道黎講不錯, 特別係個奄烈 炸醬面 - 幾好味, 不過總係覺得唔係細個食果種味豬扒意粉 - ok 啦火腿小奄烈 - 三樣中呢個最好不過食完之後冇耐我地兩個人都覺得好口渴下, 飲左好多水先掂... 一般向街食野黎講, 唔係有好多味精我都唔會有咁大反應...

我家姐不嬲係常客,今次我地2個人食,蛋牛治$11,有好多牛同蛋呀,不過牛肉"鞋"左少少熱奶茶飲左一啖,好滑呀,good,反而自己果冰紅豆冰就麻麻,覺得大x樂果d仲好飲~仲有炸雲吞,"老"水雞翼同豆腐,豆腐都係必試之選,好大舊又入味,先$5咋!其實炸雲吞都好好,不過嬚佢熱氣,只係食左少少~埋單以為$70-80,點知$90,比想像中貴~

朋友重點推介，說一定要帶我們試試。此店果然受歡迎，幸運地只等了一會便可以入坐。點了很多東西，其中最正的絕對是火腿奄烈！份量大得驚人不在話下，還要配上牛油方包，下午茶的話一份夠兩個人食；加上蛋不會煎得老，夠滑夠多蛋汁，朋友說比澳洲牛奶公司更正。同場還試了西多和咖哩，一樣精彩！

在荃灣返工，星期六有時間一定會去呢度食晏。原因無他，只為了那個巨型蛋治(或鮮牛蛋治)。雖然呢間野唔係淨係賣蛋治，仲有好似咖哩牛腩撈粗及柯華田沙冰等等我平時見到都好多人叫，但我食過就覺得只係一般，冇咩特別。點解要星期六食晏先黎呢？咁好食平日唔黎？原因係佢人氣實在大高，門口一定會有條人龍，平日一個鐘lunch hour根本無可能夠時間排隊+食飯，所以平日lunch time一定唔可以去！亦因如此，我每次去都係一個人，因為搵位易D！好！廢話講完，講番食野：必食推介當然係蛋治，而蛋治當中又以鮮牛肉蛋治最為出眾！一塊塊鮮牛肉，並非罐頭咸牛肉，食落當然有咬口好多，加上個"份"由幾隻蛋炒成既巨型炒蛋，一咬落去，蛋汁同肉汁係嘴裡面混和，感覺無以尚之！另外奄烈亦都係推介之一，但千祈唔好食完蛋治之後唔夠喉，叫多個奄烈打底，如果唔係好大機會食剩哂，浪費食物。皆因呢個細火腿奄烈的份量非等閒之輩，份量足夠兩個人分享！價錢略貴，茶餐廳價錢，但最幣冇餐跟，食個蛋治飲杯野埋單閒閒地廿幾三十蚊。裝修、服務，都冇咩好講，茶餐廳格局囉，唔通你想個侍應打呔黎招呼你？

見到咁多食評唔錯, 專程來一試啦.. 黎到有10個8個排緊隊, 等左幾個字到就入得~坐位比較迫.. 二人點了 : 豆腐 $5, 夠色, 唔好以為深色就一定咸, 味道岩岩好, 切開一半, 配小小醬汁, 店店地帶點酸辣, 好過引呀 咖哩牛腩河 $17, 咖哩唔會太辣, 不過牛腩得兩,三件, 一件大薯仔.. 碗粉都大碗架~ 鮮牛蛋三文治 (烘底) $14+2, 要等40mins, 但實際都唔需要既, 30mins 到啦~ 太多人 order三文治之類既食品了, 有厚厚的蛋, 和牛肉, 好味呀 出面好難食到咁既三文治咯~ 紅豆冰 $14, 大大杯, 唔算貴啦, 紅豆稔, 甜度適中 阿華田奶昔 $18, 飲落去好滑, 唔同 mcdonald 果d, 好香濃, 值得再飲=]=]=]食完都見到依然有10個8個排隊囉~

我好耐以前就幫襯嘉樂, 一來大件價錢合理, 二來街坊生意可以搭下咀. 有時搭枱冇辦法, 但係自從有人龍後已經少左幫襯, 加上星期六日假期冇餐供應就更加少去. 今日放假專登行去, 見冇咩人諗住食個早餐, 點知阿姐話平日都冇做餐好耐(我大慨半年冇幫襯). 睇下餐牌, 如果叫返之前個"特餐", 我計過要成$50左右. 今時今日以$50食個早餐實在貴D. 我諗老闆係因為太多人做唔切餐, 畢竟廚房細冇辦法. 亦只怪食評太勁, 冇左我地呢班街坊熟客. 希望他日風頭冇咁勁, 老闆會再出返餐啦.

睇Openrice 荃灣區既食店, 最多哈哈笑的便時嘉樂了....早陣子終於去試一試我地兩個人, 叫咗一份小火腿奄列, 一份雞翼, 不杯柯華田, 一黎到, 真的嚇了一跳, 咁大份既??? 首先品嚐個奄列, 我地估佢應該加咗"美極", 所以好香好好味, 但係就略嫌d蛋熟咗d, 唔夠滑, 至於個雞翼, 非常好味道, 真係唔知佢d汁點整既呢, 絶對唔似平時係超巿買個d牌子囉...喊喊地又甜甜地..好特別, 到個華田, 其實同其他荼餐廳無乜份別, 不過叫一杯就等如不時既叫兩杯囉...好抵總括黎講, 各樣食品都算好好味, 又好抵食....我會再來的^V^

從大帽山下來不久，午餐的點心都未落隔，就走去吃第四餐了，今次的主角是蛋。在下午四時多時要在門口等位的冰廳，絕對也屬於香港的「牛」店！等了良久，就被安排到圓枱的其中兩個坐位，坐定後主要是花時間想喝什麼，因為吃的已在來之前想好了，最後是點了每枱都點的火腿小奄列、熱谷咕及柯華田奶昔，只吃一個食物因為要留肚吃今晚預訂的開年正月料理。終於有得吃了，火腿小奄列絕對不小，大大份，在內有很多火腿絲，而在上面酒了數滴豉油，吃下去沒什麼特別，只不過是足料而已，味道上沒什麼特別出色之處，但論大小，它是嬴定的。喝這杯熱谷咕就如在吃黑巧克力，飲下去是像根本沒有奶味的，我愛吃黑巧克力的也稍覺它較難入口，何況是我女友呢，但這始終是很個人化的，可能會是別人的至愛；另外的柯華田奶昔就相反的有奶味，使在碎冰中也喝到幼滑的感覺，同時帶來蠻強的柯華田味，愛柯華田的不可錯過。吃過這餐後，其實已挺飽，但是已預訂了一年只有十日可以吃的料理，又怎可放棄，只好跟女友在荃灣這陌生地方走走消化一下吧！

早就久仰其出曬名既巨型奄列，估唔到成名咁耐，兼且下午3點幾都仲有長長人龍，証明佢應該有返一定既質素啦!紅豆冰入到去幾乎每張檯都見其蹤影，心諗一定係呢度既招牌飲品，點知咁就出事。因為個人認為一般快餐店仲好飲。"奶"豆分明得緊，搞極都係兩層；奶少水多，無奶味兼無甜味；相反豆就太甜；唯一可以讚既只有紅豆煲得夠稔，簡直是入口即融。胚芽好立克胚芽份量十足，甜得過火。黎既時候，底部仲熱辣辣，同面頭既凍冰冰成強大對比。豉油王雞翼落單後先知原來可以叫3隻。雖然雞翼有光澤，色水靚，但食落不出眾，只能夠話似媽媽整。另外，雞骨中間既肉質已經鞋，但又無味，所以下次再黎就唔會叫喇。火腿小奄列唔好俾佢個名呃左，因為所謂的小奄列其實都好巨型，成隻碟都俾佢霸曬，旁邊既牛油麵包都要讓位，側側身訓係雞蛋上面。奄列面頭滴左幾滴美極，所以初時會覺得搶曬味，而後尾又唔夠味。不過一路切開既時候，都見到不少半凝固既蛋白流出，真係幾令人垂涎欲滴。而且火腿份量好多，仲要唔係薄薄既火腿片。不過相對下麵包就較為失色，軟瀨瀨，牛油份量亦不夠，食了幾口就放下了。

來到荃灣一系列新商場走走，突然發現這在openrice 大有人談論的小店，便走到龍尾，靜心排隊，等著一嘗特厚奄列和三文治。可能是星期六及中午時份，等了半個小時才可入座。因為這是早餐+lunch，點了比較多的食物。 火腿小奄列($16) : 厚厚的，賣相不俗，不過就只有極重的美極味，如果只吃蛋而不吃火腿，是完全沒有味道的。(幸好只點了"小奄列"，男友原本說肚餓，想要大的 ($35)。) 火腿通粉 : 一大碗的通粉，不知為何加入非常不配的蔥花，最後男友只吃了一半就放棄，他說，通粉不彈牙 (自己煮的xx阿姨牌都比它好)，整碗都沒有味道。 咸牛蛋治 : order 時說要等30分鐘以上，雖在30分鐘內送上，不過總不明白為何一份平平無奇的三文治卻要用上30分鐘時間預備。蛋都是厚厚的，要飽肚它一定可以幫到你，不過，蛋都是沒有蛋味的。 淨鮮蝦雲吞 : 又可能是期望太高的原故，平平無奇的鮮蝦雲吞，一般雲吞麵店大有選擇。 雪糕咖啡 & 熱咖啡 : 可能男友是愛咖啡之人，熱咖啡不夠滑而雪糕咖啡只有甜味.. 絕對是整頓午餐的敗筆。好味，佢應該無份咖啦，呢度只可算係大件夾抵食only... ...

今日行經荃灣荃新天地, 就去去好多人都話好食又大件的家樂冰廳試試, 我地四點幾去到, 好彩無人排隊, 仲有位淨, 第一次去到, 都唔知叫咩食好, 問一問阿姐呢到最好食係咩, 點知阿姐好無禮貌咁指住個餐牌"咁你地想食咩先!三文治呢度, 野飲呢度!"咩態度呀!根本就無答到我地既問題!!最後我地叫左一份芝蛋三文治和鮮牛三文治加一杯熱檸樂, 等左差不多十分鐘先到....芝蛋治:味道一般, d蛋勁厚但一d蛋味都無, 芝士無溶到, 一凍一熱唔好食!鮮牛肉三文治: d牛肉硬, 好多牛肉, 但就係因為太多, 食既時候跌晒出黎, 所以最後都係包有包食, 牛肉有牛肉食, 好怪, 麵包又唔好食...熱檸樂: 我唔明熱飲點解會用膠杯裝, 但真係幾好飲呀, 好夠熱, 好好飲, 值得推薦!總括而言, 如果再去的話只會選擇飲品, 其他的不會再試了...

我見d人講到咁好食咪去諗下囉...雖然佢份奄列好大好吸引...但食落去就知...勁失望..勁咸...同埋好老實我食唔出蛋味...d火腿都咸埋一份..成個奄列可以話難食...但都有野讚既..就係好立克沙冰...(我唔記得係奶昔定沙冰啦個名..)真係正...勁濃好立克味..但又唔會太甜太漏...真係值得一讚...環境差唔在講啦..唔知係咪唔夠人幫手定係點..叫左勁耐都無人理到我地囉..反而遲來既先上岸可以叫野食先...個老闆娘既物體又企係cashier唔幫手喎...唔知想點..睇番大家既評語好多好食既野我都未食過...可能果d野真係好食...但個奄列真係難食...不過...我會俾多一次機會佢..希望下次再食會好食啦~~本身想俾一分..但因為杯好立克..多一分啦..

久仰大名，期待已久，今天來到了嘉樂冰廳。傳統式冰廳已買少見小，有實力的，卻從不虛張聲勢。嘉樂冰廳不易找，少少的舖位，不顯眼，長長的人龍是其標誌。11時多已有長長的人龍，個個等食好野。看看 menu，明碼實價，點了數款食物：茄蛋三文治：清新無渣的蕃茄和三吋厚厚炒蛋十分匹配，一口張開亦咬唔哂，炒蛋可口香嫩，是滿口滋味之滿足。牛肉湯意粉：整體紥紥實實，意粉不糊口，十分彈牙，牛肉亦不是行貨，沒有渣，湯底清，good！紅豆冰：是老公點的，他說嘉樂的紅豆冰讓他找回傳統式冰廳的感覺，奶和紅豆久久亦不會分開，味道十分相襯，非普通的貨色。凍檸茶：試試普通飲品的功力。大大杯，沒失望，茶膽好靚，茶味極重。嬸嬸說三文治要等20-25分鐘，幸好我的5分鐘便來到！奇妙的旅程，奇妙的食物，will come again and again！

呢間荃灣既名食店，去到已經見到一大班人等位。我諗住叫外賣可以等快d，點知我淨係叫個芝蛋治都等左半個鐘，認真誇張。等既時間誇張，點知個蛋治仲誇張，足有三吋厚，咁厚既蛋治我真係未食過。食落d蛋都算幾滑，不過塊芝士竟然係凍既，真係有d美中不足。等既拿外賣既時候，counter個呀姐拿左張openrice08年食店投票比賽既海報出來拉票，真係搞鬼。

Finaly lunch here at mid of Jan. Me and gf are trying to lunch here at Saturday. But there are alot of peoples lining up for seat. So we choose take away. Have order 蛋牛治, its very very thick. I've never eat a sandwich like that. The inside thing are thicker than the bread. Tast very good. The egg inside are juicy. 雞翼湯米 are just normal. 火腿小奄列 are realy so so so big as other peoples said. And tast good too. They make all egg's meal very great. Were happy after this meal. But its too full after. Ma