嘉樂冰廳 (新村街)

营业中

休息中

之前聽講呢間d奄列好食 今日去荃灣探婆婆終於有機會黎試下我+我阿媽+我家姐3個人黎到唔駛排隊 不過要分開坐個服務員叫我地落單先 話要等好耐下 叫左野 等左10分鐘左右先坐得埋一齊我地叫左以下食物火腿奄列(細)---蛋好鞋 講真 咁多樣最難食呢個 隨左大份無咩特別菜肉雲吞米---呢樣正 雲吞好新鮮多汁剩鮮蝦雲吞---又係好新鮮彈牙 不過唔及菜肉雲吞咁正雞翼米線---夠入味 唔錯(個人覺得米粉好過米線)涷奶茶---同一般餐廳差唔多凍0茶---好過一般餐廳 下次去會再叫總結---佢個奄列我真係唔識欣賞 最好食係雲吞+凍0茶 同埋隨左奄列 佢地米&米線既份量都好多下 比我感覺好抵食

都係因為D食評講到好好食咁, 所以今日先同男友去試. 叫咗個火腿小奄烈 (真係得個大字囉, 又唔滑, 塊包又薄), 炸雲吞(好似我姨媽不嬲整既差唔多, 可能係即叫即炸啦, 所以係最好食既), 牛腩河 (其實唔知係咪我屋企樓下既茶餐廳D牛腩都係整得好淋, 所以我都係覺得無咩特別), 牛蛋治 (D牛肉老得濟, 同埋塊包都係咁薄既, 攪到塊包俾D油定係汁整到好淋, 拎上手食時好甩漏), 阿華田奶昔+ 好立克奶昔 (哩兩杯嘢最正, 又唔太甜, 仲好大杯添).如果真係嗰刻好想好想食蛋既, 先會再去嘉樂LU, 因為就咁食咗個lunch, 雖然話就話咁多嘢食, 但都唔係D咩特別嘢啫, 都要$104喇!

平日鮮有踏足荃灣，對我而言，荃灣只是個探望婆婆的中途站，根本不會停留…天朗氣清，步履也格外輕鬆… 離開荃灣西鐵站，轉乘39A巴士，到達楊屋道街市門口，下車，拿出地圖，該不遠了… 沿著禾苗街直走，經過楊屋道、河背街，走進新村街，沿途經過不少食肆，門面不少… 走到中間位置，終於找著…這店子要算是新村街中最小了… 時為10：30，竟已出現一條小龍，平日我已走了，但刻意到訪，就絕不放棄…排隊的時候，鄰舖的伯伯大概不滿意舖頭被人龍檔著，不斷掉出空箱子，令不甚寬闊的行人路更為擠逼…我們也不能說些甚麼，只希望快點有位子讓我們進去…每見有客人開門都是一次希望，等著等著，終於到了，小小一條龍，已花了半句鐘…急不及待點了火腿小奄列和鮮牛蛋治烘底… 侍應：「蛋牛治要等半個鐘喎，奄列會快啲…」店舖面積少，座位挺擠，但人頭湧湧，很疑惑，這樣好生意，為何不擴張？拿張餐牌研究一番，食物種類頗多，湯麵、湯粉、湯意、小食、奄列、包類、飲品…但仔細觀察，卻沒有飯類，炒的、焗的、燴的都沒有…算是特式吧？ 為了善用座位，他們會要求客人換位，明知位置有限，我們都不介意，方便一下人家，有啥關係？換了位，冷氣吹個正面，情況許可下，

今日同媽咪落左傳聞中要排晒隊先有得食既嘉樂冰室食lunch今日算係平日, 再加上兩點幾三點呢個時間..雖然都要排一陣隊,但係唔知係咪算係比假日少人等左15分鐘到有位, d 位都ok 窄叫左幾樣野...細火腿奄列: 其實真係得個大字..噱頭就係大, 味道就一般, 食下食下仲覺得滯滯地添, 同埋d 水平好講運, 見隔離台有時又大大件, 有時又細少少, 跟住有時望落去又滑d, 有d 又老得滯..不過最欣賞既反而係佢塊跟餐多士, 雖然烘底要加一蚊, 但呢一蚊真係唔慳得...塊包好脆..唔似一般茶餐廳求要烘一烘見少少硬就上碟咁~~阿華田奶昔: 呢個真係幾唔錯..未試過食咁既感覺既阿華田, 夠晒冰凍, 好味!菜肉雲吞米線加牛筋: 又一good 野...d 牛筋夠晒林, 入晒味..唔似有時係雲吞麵檔食果d 硬桔桔咁~~雲吞都好正!! 細細粒, 易入口..皮薄餡都算多...岩岩好~~鮮油多士: 呢個係後加的..因為頭先塊跟餐多士實在係太正啦...忍唔住要叫多件多士黎食下..都係一樣, 冇失望啦~~總括黎講除左d 位逼少少同個點菜阿姐寸少少之外都冇乜大問題...野食都算幾ok!!..未食完已經諗定下次黎

全餐由點菜到食完需時要2小時, 等候時間食物時間佔上1.5小時. 結帳$90+係外面等左20分鐘, 5:45pm終於入到門口, 2個人點左火腿雞絲通粉, 鮮牛蛋治烘底, 炸雲吞, 阿華田奶昔+好立克奶昔. 叫左好幾次阿姐先肯埋o黎落單, 講完鮮牛蛋治烘底就同我地講要等20分鐘, 因為烘底要耐d, 一心想試下所以等20分鐘都ok, 而且仲有其他野食. 然後等左唔夠15分鐘, 鮮牛蛋治烘底居然先上, 都唔緊要啦, 一食發現並非食評所說咁好味, 烘底面包唔夠脆, 牛肉比較硬又厚, 雞蛋不滑, 仲有d過熟, 老左d. 慢食個蛋牛治, 6:35pm等到炸雲吞, 一試只係一般, 沒咩個人之處 . 6:50 pm 先有得飲阿華田奶昔, 味道算唔錯, 不過飲左2啖, 攪拌之下發現有d紅紙碎, 不只一點, 係有幾點. 睇落似花奶罐招紙碎!唏! 即刻無晒胃口飲落去! >_< 7:10 pm追個火腿雞絲通粉,話係要等一陣架啦, 要耐d先有, 大佬呀, 由落單得左成1個半鐘頭先等到! 7:15 pm到檯面, 以為有幾等別, 同其他快餐店o既無分別, 無特色, 唔好食, 唔值$28 (如果無記

sansan放假,,佢話有間野食炒蛋好好食,,咁我地2個女仔去食la~入面唔多位,全都係卡位~叫左細蛋+蝦雲吞麵+阿華田沙冰,, 2個share,,唔好睇好似好少野咁,,食到我好飽,, 因為個蛋真係超大個,, 唔知有幾多隻蛋係入面呢?個蝦雲吞麵,好好食,, d蝦好新鮮,d麵超彈牙, 1d簡水味都冇~ 9.9分 阿華田沙冰::好smooth,,唔似suzuki果d咁鞋

聞名而來的第一次, 搵左幾個街口先搵到一企o係個門口, 真係唔知佢咁出名, 因為佢個門口真係同普普通通個d茶記無咩分別可能係下雨天, 佢地個門口關了, 男友打算入住, 遲一兩個鐘先番入去食過但點知老闆娘開門問幾位, 點知兩位唔洗等都有位呢 鮮牛蛋三文治烘底: 勁大份!!! 一來的時候真係嘩左一聲, 點解可以咁大件既? 仲厚過新香園 (堅記)!!! 鮮牛肉混和進蛋裡炒, 真係好好食!!! 但男友嫌牛肉老左一點點喎~ 不過大家share食, 點都好過自己獨食~ 呵呵呵~ 炸鮮蝦雲吞: 好脆好香, 點下泰式辣醬食, 味道超正! 雲吞咬開見到1隻蝦咖~ 但食到最尾有少少油膩味既? 可能食得太多喇~哈哈哈~ 鹵水豆腐 - 眼見別人吃得津津有味, 我都點了一件, 點知豆腐真係好入味, 又不會太咸太淋, 配埋辣醬先至最好味!!! 紅豆冰: 新香園 (堅記)的比這個好食, 雖然豆是多了, 但未起沙, 而且唔係好夠凍, 又甜左少少, 但都ok! 下次黎要試下佢個阿華田奶昔先得!

昨天去荃灣行街，順便去嘉樂冰廳食晏，很遠看到有很多人排隊，一排便半個多小時，叫了蛋三文治， 勁厚既一塊蛋及烘底，真係好大件。牛肉湯意粉，上枱熱烘烘，牛肉很香味，太太叫了一碗酸辣腩肉米線，十分大碗，非常美味，滿足地離去。

今日同朋友黎呢度食野 又咁岩唔太多人排...太好啦同朋友等位等左10~15分鐘就有位啦 鮮牛蛋三文治: 勁厚既一塊蛋...嘩 但塊蛋似乎有小小老左..個人黎講比較鐘意食有蛋汁既牛肉係平時食干炒河個d...好滑.. 一邊食一邊好驚佢跌..哈哈 火腿小奄列: 小奄列一d都唔小...個奄列成隻碟咁大我伴住蛋,火腿同包食..食完仲有好多蛋 個蛋整得好滑..有蛋汁...實在太滿足啦 阿華田奶昔: 飲落似冰沙多d..好濃郁...好好味呀食完覺得好full 33蚊...抵食!!

一連兩日去曬"嘉樂"同"蘭香"。 感覺係了左件心事。小弟係愛蛋一送，見到食評同d相自然起癮，經過一番"長龍"前奏後一攻入城門先黎一度冰涼既冷氣招呼你。卡位都算幾迫，同時有兩個有份量既人座落去會唔太舒服。叫左:1. 阿華田奶昔 (水準之作，鍾意飲奶昔既人飲完會幾滿足).2. 招牌奄列 (好在叫左個細既，如果叫個大既兩個人食完已經幾飽，賣相見到已興奮，味道冇乜特別，始終蛋內得火腿，冇其他配料係差少少)3. 腿雞絲通 (餅太話幾好食，自己食左1/3都係覺得冇特別)4. 腩河 ("蚊"到好"淋"，比好多大排檔水準更高)座到尾都覺得有d涷，夏天去呢度係消暑好去處 : ) 份量大，人龍長，坐位迫

兩個人去食去到6:45入去一陣佢就落閘原來收700 真係好彩叫左小火腿奄列 好大碟$16 2個人食都夠曬雲吞米線點知黎左米粉 不過都照食la 又係大大碗咁 味道ok la仲有就係柯華田奶昔 好正 好好味 $18已經係叫左最貴既野

今日特登黎呢間嘉樂冰廳食馳名既 "火腿小奄列" + "好立克奶昔"。火腿小奄列 :: 的確好大份, 2 個女仔 share 食都已經好飽.講真, 味道冇乜特別驚喜, 不過以 $16 ge 價錢, 食到咁大份, 都算唔錯ge.不過希望大家唔好抱太大期望!好立克奶昔 :: 我覺得呢個飲品幾特別,, 好好飲。不過怕甜ge可能就唔係咁岩, 因為都真係幾甜下.夠晒冰凍, 未試過係其他地方飲過好立克奶昔, 所以呢個飲品係值得一讚,, 但係, 價錢就略貴. $ 18/ 1杯

是日約會的開始...為左食嘉樂做早餐,專登落左黎荃灣,一早係openrice睇過,知道原來開10:00a.m. ,所以11點半就去到,真好彩,閒日冇咩人,即刻有位坐火腿細奄列: 喊個細既已經好夠,配埋個包食overall幾好味..不過唔好期望過高,冇澳洲牛奶公司/大快活早餐既蛋咁滑鮮牛蛋治:小女唔食牛,見男朋友食得咁滿足,應該好好味..同埋真係好大件炸雲吞:呢個必食,好脆,點埋個酸酸地既汁,味道好夾!而且雲吞咬開見到>3隻細蝦,小女極力推薦好立克奶昔:好立克愛好者一定唔會失望,好滑,下次去絕對會再喊價錢,size同味道相乎,絕對有下次

星期天，天氣還是十分潮濕。剛巧與太座在荃灣一帶辦事，順道睇吓附近有啲乜嘢「名店」。以笑面嚟衡量，响楊屋道附近嘅「嘉樂冰廳」就最受歡迎。與太座大約兩點鐘嚟到，門外已有一條人龍在輪候。輪候期間，路人皆詢問有乜好嘢要排隊，筆者只是聳聳肩。一路等呀等，直到差唔多兩點半先有位。店舖面積細，老饕只好屈就一點。檢閱完餐牌，再抬頭望一望四周，有為數不少嘅食客不是點了奄列便是蛋治。的確，網上食評皆推介這裡嘅奄列。所以筆者叫了一份火腿(細)奄列，太座叫了一碗豬扒米線及阿華田奶昔。嘉樂馳名嘅奄到，以份量多取勝。雖然筆者只係叫咗一份細奄到，而且對其大細亦有心理準備，不過當奉上嘅時候心裡仍不禁「嘩」一聲。要泡製出如此份量嘅奄到，筆者想至少要五隻蛋。論份量就no. 1，但味道則一般。奄列火喉不均勻，部份地方炒得過老，蛋味亦唔明顯。最奇怪就係落咗豉油，有點不倫不類。麵包經不起潮濕天氣而變淋，冇乜嘢值得講。太座嘅豬扒米線水準亦一般，豬扒還有一點人工魚膠味，極之奇怪。相反，阿華田奶昔味道濃郁，口感似思樂冰，給筆者有少許驚喜。奶茶普通貨色，茶不大香兼且有少許鞋口。價錢方面，火腿(細)奄列十六蚊一份，豬扒米線十七蚊，奶茶十

因為太多人讚賞的原固,抱著期待的心情去嘗試,人不是太多,只等了15分鐘便安排入坐.廳內頗為擠迫,坐得不是很舒服叫了蛋牛治,雞翼米粉及西多士先講蛋牛治:份量的確十足,可是蛋非常老又鞋口,牛肉又硬,非常失望雞翼米粉: 雞翼沒什麼特別,米粉卻是碎得很,很難夾,又唔爽,完全唔合格西多士:比較好的一樣,但其實與別的餐廳無異唔明白為何得到這麼多的好評,本人卻認為不值得專程去試