喫茶ちょうぼ

营业中

休息中

日式蛋包飯午餐，有驚喜，蛋又香又滑，有蛋味。鰻魚份量幾多，鰻魚汁亦好味。飯係有炒過嘅，仲有啲洋蔥、紅蘿蔔，瓜，越食越香。同飯亦好夾，跟餐加$28有小食同梳打。白桃梳打就爭啲，冇乜味，小食係薯仔沙律。員工態度好好，會幫客人切開蛋，同淋汁，比客人時間影相。餐廳整體唔錯，環境又好，值得一試。😚

想嚟試好耐架喇，無奈成日都排長龍，趁平日靜少少嚟試下☺️打開menu有好多嘢想食，最後揀咗小倉紅豆🫘牛油🧈厚吐司，原因係近排因某啲原因認識咗小倉紅豆，亦知道佢好出名，所以一定要試吓🤤多士嚟到 賣相一流🤩食落都真心正😋麵包脆邊但裡面香滑軟熟啖啖紅豆有咬口之餘又香甜原本想叫柚子煎茶但售罄🤷🏼‍♀️退而求其次要左焙茶 都唔錯飲到一半 店員仲主動幫我加茶🫶🏻

之前成日經過見到排晒隊 今日見唔使等位我就入咗去試喇😬其實都唔抱好大期望嘅 純粹覺得個環境幾好 裝修到好和風洋食屋咁樣 靜靜哋同三、兩個朋友嚟傾偈食飯都唔坐嘅 佢有好多卡位 坐得都舒服👍 店員服務態度都ok 至於嘢食方便呢 就一般喇 我見好多人都食蛋包飯 所以我哋今日都點蛋包飯* 壽喜燒牛肉蛋包飯 $85 + $28 配咖啡/ 茶及是日涼拌菜* 鰻魚蛋包飯 $115* 南蠻炸雞 $88食物賣相唔錯 適合打卡🫶🏻首先講嗰兩個蛋包飯先，啲飯真係有啲太濕太腍 口感上嚟講不太好 個蛋呢就都滑身嘅 但我就覺得個蛋冇咩蛋香味喇🫣 個醬汁就唔係好啱我口味喇 而佢側邊啲沙律菜有落芝麻醬 食食吓啲醬會痴埋一齊 感覺不太好 幾舊鰻魚都有啲硬 而跟餐加嗰個是日涼拌菜 (薯仔蘋果沙律) 反而最好食😂 嘢飲咗極上玄米茶 見到係茶包就笑咗一笑😂 南蠻炸雞 正常發揮 都炸得幾香口嘅👍最後總結就係 性價比一般 我嚟一次都應該夠了🙏

上個月，口上颚生了瘡，吃東西辛苦，就大埔找中醫師幫忙，看完醫生去了吃下午茶。由於天氣大熱，就在超級城逛下找美食而入了這間東洋風十足的喫茶店。餐牌內最吸晴就是厚多士餐，有前菜，有咖啡（是任選所有價錢的，真高興）。我們選了紅豆牛油多和Signature 的芝士多。多士，夠熱，外脆內軟Topping精彩，軟綿芝士上有Panama Ham，而大粒甜稔紅豆配少鹽牛油，真係舌尖上的享受。而最使我們再三回味的是榛子鲜奶咖啡，奶泡绵密，咖啡香潤，一試難忘。真係近來最正的美食體驗，90分。

趁着平日放假就去大埔超級城新開又長期排長龍嘅日式Cafe試吓！我哋12.45去到唔使排隊就有位，但係1:00已經開始有人排隊，估唔到平日都咁熱鬧🫢店內設計都好有心機，食環境嘅地方🤣！🍛壽喜燒牛肉蛋包飯($85) 上菜嘅時候侍應問要唔要影相，📸影完一張相先幫我切開同埋淋牛肉汁😍牛肉汁味道好濃，齋食牛肉同埋汁我覺得有少少太鹹。但係加埋蛋同飯就啱啱好。蛋炒得好嫩滑，飯係日式炒飯，唔係白飯😎。成個dish都好足料，食完已經好飽😋🤣😂🍶紫薯牛奶（主菜加$28）上面有餐廳logo，紫色都好搶眼😍飲落冇想像中咁thick, 但係都有淡淡嘅紫薯味。🧁Lotus焦糖芝士脆餅（主菜加$32）甜品賣相冇想像中咁精緻🙆🏻‍♀️但係味道都非常好😊芝士味非常濃郁，加上Lotus焦糖脆餅嘅甜，係非常邪惡嘅甜品，為呢餐畫上滿足嘅句號😎略嫌脆餅可以再脆一啲就更好🤪

只係睇佢門面已經俾佢吸引左入去🎃🎃入到餐廳寧靜嘅氣氛令人好舒服，好似去左高級餐廳咁仲會播住細細聲嘅純音樂，好舒適呀！我同朋友叫左一個麵一個蛋包飯食😍賣相好討好，蛋包飯上汁嘅時候店員會幫手倒，倒之前仲會細心咁問要唔要影相，超體貼💓食物份量方面意粉對女仔黎講岩岩好，唔會太飽，而且係好味而蛋包飯就超足料，蛋漿流落黎個下好自愈，大滿足😋同時我同朋友叫左兩杯飲品，跟餐就只需加$28巨峰提子梳打中規中矩，唔錯唔錯👍🏻而咖啡飲落味道好夾，幾推薦雖然好多野麵好滿意，但略嫌餐廳冷氣唔夠凍，食食下會覺得有啲熱（個人黎講）但整體我都好滿意！會再黎食！

在朋友極力推介下就入了大埔試試啦，餐廳門面裝潢已十分吸睛，依個月還放滿了Halloween佈置👻🎃直入餐廳盡頭還有露天位置可chill吓😎🔸️沙律🔸️日式紅酒燉牛肉蛋包飯完美示範缺陷美切法🔪，熱辣辣蛋漿流出來一刻的確治癒，香噴噴即開動，牛肉好嫩好入味，成個份量也頗多。果然是必食推介😋㊙️➡️最後一張是由店員示範，絕對不敵我地嘅刀法🤭🔸️Lotus焦糖芝士脆餅成件蛋糕用料味道配搭好夾，食埋依個飯後甜品真係好滿足🥰🔸️Mocha  Latte 

大埔和風日式餐廳 環境設計用心 食物種類算多 質素唔錯 份量大 Lunch ~限時90分鐘 點左：玉子蟹肉炒烏東蕃茄醬蛋包飯配大蝦🍤鰻魚蛋包飯醬汁唔錯， 蛋包切開流心做得好好👍🏻 可惜飯唔夠熱加$28 可升級配 拌菜（沙律醬薯仔） 及飲品 （咖啡/梳打/沙冰/日式熱茶）另外試埋甜品：🍮日式布甸 (cream 奶味較濃， 布甸蛋味香） 伯爵茶蛋糕🍰 （cream 甜左少少 蛋糕茶味清甜）就到萬聖節🎃摺南瓜 有八折優惠卷 但要留作下次用

今次嚟到大埔呢一間日式餐廳，之前已經專程嚟大埔試咗一次！今次再次到訪，就再詳細啲同大家分享吓呢間餐廳有咩好食啦😊💞日式紅酒牛肉蛋包飯 $115一送上嚟店員都好貼心，會問你需唔需要影相先再切個蛋～絕對係signature嘅打卡首選🤩切開半熟雞蛋流出來，感覺好療癒～飯底係西炒飯，超好食😋入邊加咗茄汁醬丶蘿蔔同瓜等嘅蔬菜🥬口感同味道都一流！牛肉都整得好林又幾大舊，份量好多，兩個人一齊食應該都OK😗玉子蟹肉炒烏冬 $92烏冬比較濕，玉子係流心蛋，所以烏冬食落去都好多醬汁唔會好乾，加埋蟹肉食真係唔錯！👍🏻月見雞皮餃子(2串）$62生雞蛋再加醬油～配落去點餃子真係好好食😋雞皮做得好煙靭，有咬口，煎得唔錯！雖然係兩串，但係每一串都有三隻餃子🥟呢個價錢呢個份量😋👍🏻👍🏻岩燒芝士多士 $65一開頭以為只係普通多士，諗住試吓佢咩特別～但呢個有驚喜😍😍😍多士係好鬆軟嘅麵包，切落去好好切，加上烘得好適中，香香地❤️加埋啲芝士真係邪惡又好食呀！和風布甸蛋糕 $51上邊嘅重點係焦糖布甸🍮相對比較甜，但焦糖嗰個位做得幾好☺️口感都綿密！加埋蛋糕成個口感都夾唔會好奇怪，呢個甜品正！💞百峰提子梳打 $42冷泡煎茶 $45整

成日經過見到呢間餐廳有人排隊，門面棵楓樹充滿秋天浪漫氣息，感覺好文青🤣打卡一流啊！所以一直想試好耐，因為呢種復古日式餐廳實在少有！🥰玉子蟹肉炒烏冬 $92彈牙的烏冬混入先經炒香的洋蔥和菇作調味，拌入生蛋黃後令口感更黏立，蛋黃配合預先拆好嘅蟹肉，紫菜混合香濃醬汁後增加了不少日本風味海鮮蕃茄醬蛋包飯 $138蛋包飯旁邊有一隻大蝦、魷魚同埋青口，店員幫你切開蛋包飯後，嫩滑嘅蛋汁瞬間深入下層的蕃茄飯，值得一題係蕃茄飯混入野菜元素，除咗紅蘿蔔仲有洋蔥同翠玉瓜增加咬口，及後灑上日式咖喱汁食用，飯粒濕潤又香，唔怪枱枱都會叫一客蛋包飯啦😋炸北海道大蝦配四元豚豬扒 $188手掌咁長嘅炸大蝦真係好誇張啊😮，外層非常鬆脆，仍無損大蝦的鮮嫩肉質。至於豚肉豬扒肥瘦適中，食落去好軟熟，唔會過於油膩，配埋燒汁食更惹味，底層更有椰菜絲沙律配上沙律醬作為中和味蕾之用和風布丁蛋糕 $51蛋糕一共分咗三層，頂層為黑糖、中間為雞蛋布甸，而底層為日式芝士海綿蛋糕，口感綿密濕潤，非常平衡，好滿足啊！推介😋😋岩燒芝士厚切多士 $68多士烘香後鋪上大量嘅芝士，岩燒之後拉起有少許拉絲效果，再配合埋火腿食用，為多士增添一份咸香口感，更唔

餐廳裝潢以昭和洋食屋風格為主調，深啡色木質、門口嘅書架、楓樹、瓷器餐具充滿復古色彩。雖然就嚟有得去日本旅行，但餐廳門口都一如既往咁多人排隊。坐低先叫兩杯飲品，【抹茶鮮奶咖啡】用陶瓷杯裝住傳統嘅抹茶飲料，好有復古氣息。飲落抹茶味道超香濃，暖入心令人感覺舒適又relax。【雲朵沙冰】紫色+白色組合又幾似傍晚天空嘅顏色，其實係益力多沙冰嚟，炎炎夏日飲就透心涼。去得日本洋食屋，食蛋包飯係必需，我哋就揀咗招牌嘅【日式紅酒燉牛肉蛋包飯】。雞蛋煎成橄欖形，射燈映照下閃著金黃色，店員即席將蛋切開，蛋漿緩緩流出，倒入紅酒汁，香味四溢。經紅酒汁提味嘅燉牛肉肉味超濃郁，口感軟腍，配搭蛋香真係人間美食。【玉子蟹肉炒烏冬】將蟹肉、香蔥、紫菜碎、蛋汁撈埋兜亂一齊食。醬汁蟹味香濃，蟹肉都唔少，加上滑溜蛋汁，味道好豐富，鍾意食蟹同蛋嘅我就啱晒。【南蠻炸雞】沾滿南蠻醋嘅炸雞呈現閃亮嘅深啡色，味道有啲似糖醋骨。我哋掛住傾計攤咗一陣先食，但雞肉依然溫熱嫩滑。覺得味道過濃可以連埋椰菜絲一齊食減低膩感。【岩燒芝士】超厚嘅三文治上面係一層金黃色嘅芝士，上面灑咗啲香蔥碎，加上砌到好似一朵花嘅火腿，賣相不錯。多士口感鬆軟芝士軟滑，不

餐廳坐落喺大埔超級城入面，裝修復古有種昭和年代嘅文青cafe，裝修好有風格，門口仲有楓葉，好靚好啱打卡🍂假期大約2點零來到仲有人龍要排隊入，人氣超高～日式蛋包飯都係必點，紅酒燉牛肉肉汁濃厚🐮半生半熟嘅蛋汁令個飯更加creamy。佢肉嘅份量都幾多，兩個女仔share啱啱好。草莓法式吐司外脆內軟🍓外面包滿草莓果醬加上雜莓，口味酸酸甜甜。賣相好有日式甜品插畫feel，靚到有啲唔捨得食🤩和風布甸蛋糕都好好味，面頭的焦糖啫喱好突出😍🔸照燒牛舌👅🔸牛肝菌汁忌廉意粉🔸日式紅酒燉牛肉蛋包飯🐮🔸草莓法式多士🍓🫐🔸和風布甸蛋糕🍮🔸焙茶牛乳、草莓沙沙🍹

真的很喜歡和洋風格的店子，這間亦已經bookmark了很久。店內的裝修陳設都很吸引：門口正中的樹紅色大樹很昅晴樹下還擺放了一點日本小物，旁邊還有雜誌架放著不同的日本雜誌。走過小小的走廊，吊燈、泛黃的燈光、復古的皮椅子⋯就像進入了另一個時空。連餐牌和餐具都很精緻用心：餐廳內的插圖是彩繪風；磨砂銀器的餐具也很特別海鮮蕃茄醬蛋包飯賣相與味道都相當不錯，蛋非常嫩滑，有蛋汁亦有蛋香，配上滿滿的海鮮，大大隻的虎蝦燒得很香南蠻塔塔醬炸物飯十分澎湃的炸物：有炸雞、炸蝦和忌廉蟹肉可樂餅，所有炸物都炸得香脆可口，炸雞的醬汁惹味，可樂餅內的忌廉很creamy很流心吃完飯已經非常飽，沒空間再試甜品，下次一定再來吃吃甜品

呢度逢星期六日就會排長龍，所以珍weekday 過黎試左先。裝修、侍應服飾果然好華麗，像日劇男女去約會的地方 👩🏻‍❤️‍👨🏻🍴海鮮蕃茄醬蛋🍳包飯：侍應上菜後切開滑蛋然後淋上蕃茄汁，好有儀式感。海鮮有蝦、青口和魷魚，肉質彈牙，蛋幾滑。🍴牛肝菌汁忌廉意粉：份量幾多，如果忌廉汁濃味啲就更好。🍴炸北海道大蝦🍤配四元豚豬扒：炸蝦幾彈牙，炸豬扒正正常常，同樣沙律醬有啲淡。🍞岩燒芝士多士：厚多士配巴馬火腿同芝士好夾👍🏻🍮日式布甸蛋糕：芝士蛋糕底上面係厚厚既日式布甸，布甸好香蛋味，芝士蛋糕鬆軟，適🈴️好甜既人。☕️熱焙茶牛奶、抹茶🍵latte:茶味濃郁，個杯好靚好啱打卡！味道：🔅🔅🔅新鮮：🔅🔅🔅衛生：🔅🔅🔅分量：🔅🔅🔅🔅速度：🔅🔅🔅

👉🏻鰻魚蛋包飯💲115👉🏻小倉紅豆牛油多士 配涼拌菜、餐飲💲65👉🏻月見雞皮餃子(2串）💲62-誤打誤撞搵到呢間好有dating feel嘅餐廳🤭呢個price range嚟講呢到食物嘅性價比真係幾高！坐得舒服 上菜同入坐速度都好快 侍應都好服務 行過聽到我跌咗隻叉即刻換咗隻比我🥰大埔唔係得Billow嘅 呢間都值得一去😗rating: 7/10〰️〰️〰️〰️〰️〰️〰️〰️〰️喫茶ちょうぼ (大埔)📍大埔安邦路8-10號大埔超級城B區2樓276號舖🔗#7eating大埔#7eating日本菜