喫茶ちょうぼ

营业中

休息中

We have both remedied ourselves well post-surgery and are living life to its fullest again! Yes we are strong and we ought to celebrate life at this lovely kissaten. This branch in Tai Po mega mall has a souvenir section at the storefront that sells delicate tableware. We cheered with each other with two splendid drink: a sweet-savour sparkling cherry blossom soda, and a smooth and sweet purple & yellow potato milk. Sharing a plate of tuna & mentaiko angel hair pasta, and a pink cherry blossom

星期日放假同朋友睇完戲諗住食個飯，因為兩個未食晏晝，反正都五點半不如順便食飽啲，食個早晚餐！呢間餐廳不嬲都係我book mark之內，因為環境舒服，而且嘢食都唔錯，所以直接同朋友講喺度食～小熊與蕃茄汁蟹肉蛋包飯賣相好可愛，一切開個蛋皮半溶地打開咗，蛋既份量夠多，配上酸酸甜甜嘅茄汁，同埋蟹肉，係咁熱嘅時候都覺得幾開胃！新綠開心果帶子意粉🍝呢個有驚喜喎，估唔到開心果意粉都幾好食，帶子煎得好香，肉質新鮮彈牙，意粉嘅味道調得啱啱好，又估唔到蒜香同埋忌廉嘅味道咁夾翠韻開心果甜品盛宴然後我哋最期待嘅開心果盛宴甜品，個布甸加咗濃郁嘅開心果醬再有少少開心果仁，呢個係最出色！開心果蛋糕就適合呢想食到清新啲嘅朋友！呢個一定要食！和風紅豆冰鯛魚燒🫘朋友叫咗呢杯飲品，佢就好鍾意啦，話唔會太甜，仲有個迷你鯛魚燒食！極濃花生咖啡🥜☕呢個有濃郁嘅花生味道再配合咖啡，唔會話好甜，呢個味道都幾新鮮！值得一試！總括嚟講呢呢個都係一個大埔好好同朋友傾偈、休息同埋食嘢嘅地方！唔同季節都有唔同嘅Menu，唔知下次仲有咩食呢？🍽 喫茶ちょうぼ(大埔)📌 大埔安邦路8-10號大埔超級城B區2樓276號舖☎️ 2564 1888⏰ 星

520呢啲浪漫日子，梗係要揀間有情調嘅餐廳撐吓枱腳🤭牆上古典掛燈：燈光微弱，照到對面愛人、照到美食，就已經好足夠😄無幫襯一排，又轉左新menu‼️今期流行開心果，餐廳都緊貼潮流，出咗一系列開心果美食🫨🍱翠韻開心果甜品盛合：盛合精心配製，有蛋糕、有布甸、有水果、仲有開心果脆米伴碟，一次過滿足為食妹三個願望🥳士多啤梨竟然選用左淡雪，為呢幅美麗圖畫點精之餘，唔會喧賓奪主，好有心思呀😼蜜瓜粒隱藏喺堆綠色野入面，卻完美提升左開心果碎嘅香味😍開心果醬竟然略帶酸味，清新開胃🤩脆米除左有效增添口感，亦有助減低甜膩嘅感覺😌🍝新綠開心果帶子意粉：無諗過平時只會出現係甜品嘅食材會出現喺主食當中😳意粉無過多嘅調味，只有淡淡嘅橄欖油加開心果碎嘅鹹香，但！簡簡單單已極好🎶帶子兩面煎香，外脆內軟，出色😋出色😚😚😚綠色麵條以為係開心果麵，但問返職員先知係香菜😝 Any肥，我係食唔出有特別味道嘅😅🍛躺下來的小熊與蕃茄汁蟹肉蛋包飯：最鍾意有表演睇嘅餐點😂隻小熊真係好cute啊😍😍😍香草蕃茄汁內有寶尋‼️除咗鮮甜蟹肉，仲有芝士，開心😃頭頂腐皮嘅甜味為呢個飯加添一份惹味，讚👍🫘和風紅豆冰鯛魚燒：上層雪糕、下層紅豆蓉，係幸福嘅感覺

濃醇明太子吞拿魚忌廉意麵🐟成個意粉質都好Creamy，每一啖都充滿著明太子嘅味道，鹹香又好味！花見鰻魚蛋包飯🍳估唔到佢哋呢度連蛋包飯都可以整到粉紅色，非常少女心！值得一讚佢哋嘅鰻魚非常嫩滑，而且非常足意，正呀！櫻花滿開戚風蛋糕🍰戚風蛋糕質感非常鬆軟，旁邊嘅士多啤梨仲非常香甜添！櫻漾氣泡梳打🌸除咗面頭有櫻花裝飾，飲品入面仲有真櫻花，真係非常之靚，好適合打卡！抹茶麻糬沙冰🍵非常推薦，大家試吓呢一個抹茶麻糬沙冰，抹茶非常濃郁，而且又唔會太甜，麻糬口感非常煙靭，略帶甜味，整體成杯沙冰都好好飲！🙌🏻🙌🏻⚠️⚠️而家餐廳仲做緊特別嘅promotion：只要點叫「招福開運惠方卷」一客及follow 社交平台 ，即可以參與「祈願2025！招福入屋！」新春活動」，只要向「西南西」方位位置2分鐘內吃下整條「招福開運惠方卷」，即可以可享全單8折優惠，挑戰失敗亦可以得到安慰獎！

🌸躺下來的小熊與番茄汁蟹肉蛋包飯，賣相好可愛！影相打卡一流，份量都幾足夠！柔嫩嘅蛋皮包住番茄汁飯，配埋鮮甜嘅蟹肉一齊食，幾好味🌸新綠開心果帶子意粉，大大粒帶子好鮮甜，幾爽口！意粉份量都好足夠，意粉上面鋪滿開心果粒，食落口帶有淡淡嘅開心果香味，口感層次好豐富！🌸翠韻開心果甜品盛合擺盤好精緻，開心果布甸充滿濃郁嘅開心果香味，好滑溜！開心果蛋糕甜品甜度啱啱好，唔會太膩！🌸和風紅豆冰鯛魚燒 ，整體甜度啱啱好，最特別嘅係紅豆冰，上面仲有一個鯛魚燒，外皮鬆軟可口，呢個配搭唔錯！🌸鮮奶咖啡，香濃嘅咖啡，口感順滑！餐廳舒適寬敞，裝修充滿日式風格！餐廳內設有唔同嘅精品可以購買呢

[ 喫茶ちょうぼ ]大埔呢間日式洋食餐廳全新推出「櫻花季限定」菜單，櫻花系列食物&飲品好打卡呀！麵類✿ 麻婆豆腐燴烏冬 $92中式麻婆豆腐與日式烏冬結合，豆腐軟嫩入味，烏冬Q彈裹上濃郁醬汁，麻辣鮮香🌶️🌶️。日式蛋包系列✿ 花見鰻魚蛋包飯 $135日式蛋包飯配原條鰻魚，飯粒以醬汁炒製，味道香甜💞。甜品✿ 櫻舞綻放盛合 $112盛合有淡雪士多啤梨🍓、紅豆糯米糍🫘、戚風蛋糕、櫻花水玄信餅，好味又打卡呀😍😍。飲品✿ 櫻漾氣泡梳打 $46粉嫩嘅氣泡水，夢幻清爽帶櫻花香氣🌸🌸。✿ 焙茶牛乳 $45焙茶香氣與3.6牛乳嘅濃郁香甜完美融合。總結🫦 全新「櫻花季限定」將櫻花元素融入每道菜式，味道與視覺上都有特別體驗。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿喫茶ちょうぼ地址：大埔安邦路8&10號大埔超級城B區2樓276號舖電話：2564 1888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今日相約兩位朋友到大埔喫茶一聚，原本滿心期待，食完之後大失所望，食物整體偏鹹，服務不太理想，其中一位男侍應加水的水壺口完全接觸人客嘅杯。他粗聲粗氣的，好似茶餐廳的侍應。首先叫咗壽喜燒牛肉蛋飯$125，壽喜燒汁有酸味有點奇怪，亦都偏咸。再叫咗厚切吉列豬扒飯$155,用婉上好似食緊。大碗飯快餐，醬汁亦係偏咸。最後叫咗明太子吞拿魚意粉及雞皮餃子$88，意粉上枱真的令人反白眼，意粉上面加罐頭吞拿魚碎再吱明太子醬，份量偏少，完全冇誠意之作但叫價$135雞皮餃子已經係最好食了唔敢叫飲品，怕再有驚嚇

呢間餐廳銅鑼灣、尖沙咀都有見過冇諗過原來大埔都有分店💗仲要唔使排！主打復古昭和風🇯🇵 枱與枱之間都幾密出面仲有個細area係賣日本精品食物質素唔錯 大家bookmark可以try try🙌🏻📍 花見鰻魚蛋包飯 （$145）呢間餐廳最出名就係蛋包飯🥚👑上枱員工會即刻幫你切開隻蛋 再加醬汁～醬汁係用紅菜頭整成😆 完美粉紅色鰻魚正正就係放咗喺隻蛋下面 （遮住咗😂）鰻魚好肥美 仲要冇骨 醬汁炒飯 用翠玉瓜同紅蘿蔔炒再配合好滑嘅蛋 完美組合💯📍 濃醇明太子吞拿魚意粉（$128）呢個意粉就咁睇個名好似好普通但係個味道係比想像中好✨ 採用咗新鮮嘅明太子 再加吞拿魚🐟成個意粉都好Creamy好掛汁👍🏻📍 櫻花滿開戚風蛋糕 睇個樣好似有少少dry🥲好彩有櫻花cream頂一頂～仲有櫻花朱古力片點綴 真係好靚🌸戚風蛋糕都好鬆軟 軟綿綿🍰📍櫻漾氣泡梳打 （$65）想講個杯真係幾靚😍餐廳內零售有得買！飲落去係有淡淡櫻花香 但係就比較淡身，唔算好濃 ～

每次經過大埔超級城都見呢間有人等位應該係一間好正嘅日系餐廳個環境好chill 有棵樹（應該係招財樹？haha)放喺門口仲有好多日系嘅杯同碗碟賣✧ 花見鰻魚蛋包飯（$145）店員會喺你面前𠝹開隻蛋將好有櫻花感嘅粉紅色醬倒喺蛋包飯上面
試完覺得味道其實係忌廉醬
鰻魚原條又juicy
燒到微微焦香
個醬汁甜得嚟唔會搶咗鰻魚嘅鮮味
飯底炒得粒粒分明
仲有啲蔬菜平衡返
成個配搭真係無得彈
✧ 濃醇明太子吞拿魚意粉（$135）
呢個意粉嘅明太子醬多到瀉
每啖都食到濃濃嘅海鮮味
吞拿魚好新鮮
幼意粉煮得剛剛好
有咬口得嚟又唔會太硬
成個組合真係無得頂
✧ 櫻漾氣泡梳打（$46）
見到呢杯梳打個樣已經心心眼
入面有朵真櫻花漂浮🌸
好有春天feel
飲落好清新
甜度調得啱啱好
氣泡好足又唔會攻鼻✧ 櫻花滿開戚風蛋糕 $66
戚風蛋糕糕體鬆軟到好似食緊雲咁
奶油輕盈得嚟又夠滑
甜度剛剛好
食完成件都唔會覺得滯側邊有粒淡雪白色士多啤梨裝飾好鐘意酸甜味剛好🤍
✧ 焙茶麻薯沙冰（$52）
呢杯沙冰茶味超濃郁
飲落去成個口腔都係茶香面頭有好濃味嘅cream
沙冰打得好細滑
完全冇冰粒感
甜度調校得好好沙冰啱哂而家

之前都試過大埔中心呢間日式餐廳，覺得嘢食都幾好食環境又舒適，所以今日就再返嚟食晚餐。不得不寫今次個食評去推一推佢嘅期間限定菜式，主題係櫻花。全餐飯嘅菜式都有櫻花嘅成份，真係好夢幻。花見鰻魚蛋包飯 除咗賣相好吸引之外，味道都好特別，佢嘅蛋漿一切開啲蛋汁漏晒落個飯度包住厚厚嘅鰻魚再淋上粉粉地色嘅芝士醬汁，真係色香味俱全。濃醇明太子吞拿魚忌廉意麵嘅面質口感非常之好，雖然配菜只係有吞拿魚同埋明太子，但係調味調得好好，好好食🤤甜品係櫻花滿開戚風蛋糕！軟淑香滑！配上一配櫻漾氣泡梳打 ，真心滿足！

朋友約會搵咗間坐得舒服，又可以傾偈嘅餐廳以櫻花主題及fusion菜，打卡美令人愈悅～🌶️麻婆豆腐燴烏冬川·日風味，彈牙滑溜烏冬麻麻辣辣，味道原來咁夾，越食越過癮🌸花見鰻魚蛋包飯圍繞春賞新菜招牌蛋包飯殿堂級滑蛋，輕輕切開鬆軟療癒在淋上粉紅Sauce ，飯底更是靈魂所在裡頭蔬菜米粒茄味十足，仲有條一條鰻魚口感層次獨特，俱創意特色，別有一番風🌸櫻舞綻放盛合 $112雅緻夢幻🤩充滿日式風情既「落雁」海綿蛋糕配搭櫻花士多啤梨醬組成口感soft不膩；豆沙和菓子軟糯甜滋滋；櫻花水信玄餅晶瑩剔透，水潤透心涼🍓點綴稀有絕美既＂淡雪＂士多啤梨🌸櫻漾氣泡梳打｜🍑白桃梳打泡泡梳打 🫧朵朵櫻花，粉紅淡然好清爽

今期主打鰻魚蛋包飯, 成個蛋都係粉紅色😆 醬汁係用紅菜頭打製而成, 搭埋條肥美既炙燒鰻魚同醬汁炒飯, 每啖都好豐厚好少係香港食到即場切開既蛋包飯, 食下食下又好掛住日本啦🫣濃醇明太子吞拿魚意粉賣相比起蛋包飯相對簡單, 但味道同蛋包飯比都唔弱架!! 份量十足之餘, 配忌廉汁味道濃郁, 呢度既明太子同平時食既好唔同, 佢係用新鮮明太子而唔係用粉紅色明太子醬汁, 好有誠意❤️櫻漾汽泡梳打放哂櫻花既裝飾, 帶淡淡既櫻花香氣飲起黎大清新解渴草莓雪沙呢杯士多啤梨有少少乳酸味道, 賣相完全好吸晴, 有埋忌廉係面真係炎炎夏日解暑之選櫻花滿開戚風蛋糕軟棉棉既戚風蛋糕擠滿櫻花Cream, 搭配淡白色既あその小雪士多啤梨, 賣相已經贏左好有少女心🤣

🐟花見鰻魚蛋包飯 $145炭燒鰻魚嘅焦香夾住滑嘟嘟嘅蛋包，蛋皮嘅微甜蓬鬆感，好似食緊高級布甸😎再加上粉紅櫻花醬汁，打卡一流🤩限定櫻花季供應，少女心同胃袋一次滿足🥰.🍰櫻花滿開戚風蛋糕 $66蛋糕外表同樣係配合返櫻花主題🌸口感非常鬆軟而甜度適中，即刻飯後食都冇乜負擔😳.💰人均消費：～$250.🍽味道: 3/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

喺大埔搵到咁正嘅日式Cafe真係唔容易，呢間絕對係一個唔錯嘅選擇。佢哋嘅濃醇明太子吞拿魚意粉真係一流，啲明太子醬同吞拿魚好夾，食落口感滑溜，真係好滿足。至於花見鰻魚蛋包飯，鰻魚香得嚟唔會過重，蛋包飯柔軟，食落真係幸福感滿滿。飲品方面，櫻漾氣泡梳打係一個清新嘅選擇，飲完即刻解渴。焙茶麻薯沙冰就係另一個驚喜，焙茶嘅香氣同麻薯嘅口感融合得好好，真係一試難忘。最後唔可以錯過嘅係佢哋嘅櫻花滿開戚風蛋糕，蛋糕鬆軟得嚟唔會過甜，櫻花嘅香味淡淡地，食完心情都靚晒。

今日係大埔行街，見到喫茶ちょうぼ新推出左櫻花主題嘅食物，好靚好吸引，決定試試～ 餐廳係一間日式cafe，提供多款人式主食、小食、甜品同飲品。濃醇明太子吞拿魚忌廉意麵 $128意粉面頭有吞拿魚同明太子，食落好Creamy，忌廉汁份量充足，令每條意大利麵都沾滿醬汁。加上呢款意粉比較幼身，更加吸汁。配上吞拿魚同明太子，食落味道同口感都更加豐富。花見鰻魚蛋包飯 $135新推出嘅仲有櫻花系列嘅蛋包飯，店員會喺我哋面前將厚蛋切開，再淋上醬汁。為咗貼合主題，今次嘅蛋仲整成粉紅色，蛋好滑身，蛋味香濃。底下炒飯用上咗翠玉瓜同紅蘿蔔炒，幾香口。另外，鰻魚好大條，鰻魚醬甜甜地，鰻魚口感鬆軟，冇腥味。櫻花滿開戚風蛋糕 我哋仲叫咗個櫻花主題嘅甜品，戚風蛋糕好濕潤，食落好輕盈。面頭配上淡淡櫻花口味嘅忌廉，令甜品味道更上一層樓。櫻漾氣泡梳打 $46櫻花梳打賣相好靚，杯身好靚之餘，仲配有櫻花樣嘅朱古力。飲品飲料落好夠氣，好解渴，帶有淡淡櫻花香。焙茶麻糬沙冰 $52沙冰面頭有麻糬同一層焙茶奶蓋，奶蓋有濃濃嘅焙茶味，質地滑身，底下係焙茶沙冰。