喫茶ちょうぼ

营业中

休息中

話咁快又就到聖誕🎄，今日就預早同朋友去食大餐😆～第二次嚟，今次呢棵樹換上聖誕裝飾，見到咁靚嘅裝飾就好開心😍～鰻魚蛋包飯🍳（$115）鰻魚完全冇魚骨🦴，仲要一啲都唔腥～蛋包飯🍳塊蛋好嫰滑，同醬汁一齊食一流👍🏻味噌海鮮燉飯🍚（$126）燉飯嘅海鮮都幾足料，有一隻彈牙嘅大蝦、兩大隻青口、三個墨魚圈，飯嘅賣相雖然一般，但估唔到好食到停唔到口🤤炸北海道大蝦配四元豚豬扒🍤🐖（$188）炸豬扒香脆得嚟唔會硬👍🏻，炸蝦就比較一般～呢碟炸物仲有大量椰菜絲🥬，同炸物一齊食可以解膩～白桃梳打🍑（$45）唔會太甜，白桃味夠清新🍑榛子鮮奶咖啡（$42）每啖都有榛子味，好飲😋綠茶戚風蛋糕🍰（$49）綠茶味夠濃，蛋糕空氣感十足，綠茶cream甜度岩岩好～🍵🍰

呢日嚟到大埔超級城行街， 見到呢間日本餐廳好特別，驟眼望埋去，門面已經充滿著聖誕節嘅裝飾，旁邊仲有一個好大嘅書架，放滿咗好藝術嘅書， 唔知仲以為佢係一間精品店，行入去先發現原來係好大間嘅復古日式餐廳。首先我嗌咗鰻魚蛋包飯（$115），個蛋包得好靚，鰻魚亦都算係幾肥美。另外有叫咗玉子蟹肉炒烏冬（$92），味道都唔錯，最驚喜係飲品同埋甜品，Upgrade 個 set 就有，飲品我叫咗一杯香芋鮮奶（$28），拉花拉得好靚好有日本風味，原來唔係淨係咖啡先可以拉花，甜品我就叫咗個日式布甸（$32）好靚好好味。

之前每次經過都眼見大排長龍，所以一路都未去試。今次lunch time，約咗同事一齊去食，由於知道會好多人排隊，所以我同另一個同事提早去排隊，結果排咗大約半個鐘多少少就到我哋啦🤭鰻魚蛋包飯👍🏻上菜需時，大家需要耐心等待。但好味嘅食物是值得等待的😛食物好精緻之餘味道都唔錯，鰻魚汁配上珍珠米飯簡直係一流嘅配搭😋另外，飲品亦非常精緻，好濃郁，但忘記拍照🙈環境亦非常舒適，日式古典裝潢，仲充滿住神秘感，特別適合打卡喔溫馨提示，如果是繁忙時間，記得預留時間排隊。

次次經過呢間喫茶店都見到排哂長龍，見今日有時間，一於跟下隊尾排下隊先🥰 餐廳裝修以木系為主，門口仲有一棵好大嘅紅葉樹🌳🍁～好有情調😚有種自身喺日本嘅感覺🤩🤩🥢日式紅酒燉牛肉蛋包飯 $115蛋包飯都算係呢到啲招牌菜😚我地都唔汁輸一於試下先😙😙切開舊蛋幫住入面滑溜溜嘅蛋漿，望住半熟嘅蛋漿溶出黎～～真係好治癒😝😝倒完醬汁真係香味四溢😜牛肉燉到好淋好有紅酒味😻😻🥢南蠻塔塔醬日式炸豬扒飯 $138豬扒厚切份量十足～豬扒係來自日本四元豚☺️☺️外皮炸到超香脆，肥瘦適中！食落去都唔會好油膩😜加左南蠻塔塔醬真係有一番新嘅味道🥰🥢南蠻炸雞 $88小食嚟講都真係幾大份😻炸雞全部冇骨，食得好方便🙌🏻🙌🏻炸雞仲沾滿左糖醋醬，溝埋南蠻醬真係幾特別～旁邊仲有唔少椰菜絲😍真係開胃又解膩🥺🍰綠茶戚風蛋糕 $49蛋糕口感濕潤綿密☺️質地輕型～有種食緊雲嘅感覺☁️☁️佢嘅抹茶味道適中，唔會過於甜膩👍🏻👍🏻仲非常幽香🙌🏻😝🍵4.3抹茶牛乳 $42☕️白桃梳打 $45

最近每個星期都會入大埔睇中醫調理身體，山長水遠，入到嚟大埔梗係順便搵D好野食下啦🤭🤭今日就試左呢間復古風既日式餐廳🎎一黎到門口見到好多棵大大小小既聖誕樹🎄佈置同間餐廳好襯😍 就吸引左我入去啦😝推介：玉子蟹肉炒烏冬⭐️⭐️⭐️⭐️記得將D蟹肉撈埋蛋黃，加埋D紫菜和冬菇一齊食，幾好味😋平時細食既我竟然成碟清哂，好開胃😆甜品推介：日式布甸🍮 ⭐️⭐️⭐️⭐️ 個賣相好吸睛🤩唔同一般布甸，佢上面加左層Cream 同士多啤梨🍓真係好日式，呢個布甸份量唔細架，飲埋杯暖暖的紫薯牛乳，好滿足🥰🥰聽聞呢度嘅蛋包飯亦都好出色下次再來試吓😊

大埔bookmark咗好耐嘅餐廳呢度感覺好似日式洋居咁 環境裝修到好別致 感覺非常和暖🔅招牌嘅咖喱牛肋條蛋包飯佢嘅蛋非常之滑 質感好好加上濃烈嘅日式咖喱 同牛肋條嗒嗒都食得非常之滋味+$28就可以升級加沙律同飲品🔅岩燒芝士多士 一上枱已經好吸引 多士上面嘅芝士份量好多 而且燒得非常之香 再加上ham 味道好有層次 而且多士都好鬆軟 味道好好味😋 嘢飲方面叫咗佢嘅🔅榛子咖啡 奶泡同咖啡比例好好味道非常濃郁 但又唔會搶咖啡嘅味道🔅巨蜂提子梳打 都好好飲食得果汁味道又唔會太甜🤩

又嚟大埔搵食了，上次試過呢間日式餐廳，鍾意佢嘅裝修令人感覺好似真係去左日本咁，加上食物都好味，所以又再次幫襯了臨近聖誕，外邊都佈置得好有氣氛咖喱牛肋肉蛋包飯 $105一上枱見到脹卜卜嘅蛋好吸引，跟住餐廳員工就會幫你切開奄列再淋上好香嘅咖哩汁，口感豐富，而牛肋肉都煮得好軟淋入味，好食😋南蠻塔塔醬日式炸豬扒定食 $138豬扒上面有滿滿嘅塔塔醬，入面有薯仔蛋，好似食緊沙律咁，而豬扒都好有驚喜，以為佢咁乾身就會鞋，但食落非常鬆軟，又夠味道，佢嘅乾身反而令到佢唔油膩感，怕熱氣嘅我都食左好多件南蠻炸雞 $88炸雞上次食完覺得好食，所以再encore，保持都水準喎，炸雞外面包住甜甜嘅醬，雞肉都嫩滑，好味最後食返個日式布甸$38，唔太甜，重蛋味，滿足哂😆

今次去到大埔呢間日式洋食屋假日都坐滿人，餐廳似足日本喫茶店充滿日式復古風🧸門口亦有雜貨店賣一系列日本精品，有種真喺置身於日本咖啡店感覺🎎。餐廳食物主打六款口味招牌蛋包飯，仲有日式炸物、定食、意粉、厚切多士同日式甜品🍮🔸鰻魚蛋包飯 $115用上日本雞蛋整成的蛋包飯，色澤金黃煎成橄欖型✨店員會等你影完相先切開切開即時有半熟蛋漿流出，非常治癒🤤之後可以淋上特製醬汁，炒飯底喺有調味過加入蔬菜粒配上滑嫩雞蛋口感唔錯🥄鰻魚肉質唔算太厚身但都夠彈性同嫩滑～🔸南蠻塔塔醬炸雞物飯 $92估唔到份量相當大份🫣開頭以為只有南蠻炸雞，但原來仲有炸大蝦同吉列忌廉可樂餅，炸雞好似咕嚕肉外皮超級脆身整嚿都搽上日式燒汁，外面甜脆內裡充滿肉汁✨炸大蝦加上塔塔醬酸酸甜甜不覺油膩，忌廉可樂餅外皮酥脆內裡充滿香濃忌廉，拌碟仲有大量沙律菜同底部珍珠米，基本上吃完炸物已經飽晒😂⋯⋯🔸炸北海道大蝦配四元豚豬扒 $188當初冇諗到個定食咁大份所以決定加多碟炸物🤣，份量亦都係超級大碟！炸北海道大蝦同上一樣，豬扒炸皮一樣酥脆粉漿唔會太厚身🐷，用上半肥瘦豬扒所以肉汁夠晒豐富。🔸雲朵沙冰 $52🔸草莓沙冰 $48飲品有咖啡果汁選擇之外仲有消

大埔超級城有間洋食屋，環境幾有格調，主打食蛋包飯，當然要試下🌟咖哩牛肋肉蛋包飯咖哩汁分開上，店員幾貼心問客人要唔要影相，影完相先淋汁上去隻蛋度牛肋肉份量都唔少，炆得幾淋，而且冇乜肥肉，咖哩汁夠哂送蛋包飯蛋入面啲飯炒香過，而隻蛋唔係煎到全熟，所以蛋汁加埋咖哩汁咁食幾有層次，仲有啲芝麻醬沙律菜伴碟，夠哂健康升級咗做套餐仲跟咗個沙律醬薯仔，酸酸地幾開胃🌟岩燒芝士多士厚多士焗到外脆內軟，面頭啲芝士真係好似岩漿咁溶喺多士上面，仲配有一塊巴馬火腿，亦都有芝麻醬沙律菜伴碟🌟榛子鮮奶咖啡呢個好香榛子味，甜度適中，少飲咖啡嘅我都覺得好飲，因為易入口🌟巨峰提子梳打有好多巨峰提子汁係底，要攪勻先至好飲，如果唔係就會好甜，啲冰溶咗啲之後就好好飲

🚩 喫茶ちょうぼ 作為一個師奶仔，平時有假期都會出嚟大埔呢邊買嘢～呢張舖頭係啱啱新開嘅時候，排晒長龍😮‍💨媽咪已經叫我一定要帶佢黎食，見今日咁啱有時間，就一於試吓啦‼️〰️〰️〰️〰️〰️〰️〰️〰️〰️〰️〰️〰️〰️〰️〰️🌈咖喱牛肋肉蛋包飯 $105依個蛋包飯真係我夢寐以求～香港未有之前，我成日都好想飛去日本試吓店主會好貼心問你需唔需要影相，先再幫你切牛肋肉份量都算多，好淋咖喱汁係偏日本嗰隻，唔會話好重口味蛋炒得好嫩，可以蛋汁撈飯蛋包飯裏面嘅飯本身已經有少少調味，仲有落蔬菜粒去炒🌈鰻魚玉子蓋飯 $98估唔到係原條鰻魚咁上，雖然唔係話好好用，不過原條上已經加分🙌🏻玉子非常厚，食落甜甜地加埋鰻魚本身嘅燒汁，超好餸飯🌈炸北海道大蝦配豚豬扒 $188大家可能會俾個價錢嚇親，仲貴過個主食不過既然一場嚟到梗係試下啦～炸豬扒個炸漿薄而脆，火候啱啱好，肉質不柴大蝦真係好大隻，唔係我哋平時食天婦羅嗰啲佢哋嘅醬汁落咗啲蔥，更添香氣🌈 綠茶戚風蛋糕 $49戚風蛋糕上面嘅奶油忌廉做得唔錯蛋糕本身嘅抹茶味都出，唔會太甜不過就略嫌蛋糕唔夠濕潤蓬鬆，有少少紮實嘅口感🌈焙茶牛乳 $45近期大愛嘅焙茶飲落甘香，唔會好重顆粒感加埋牛乳，送蛋糕一流

昭和風日系打卡Cafe😉造型靚、份量夠飽☺️呢度嘅擺設、裝修，同埋餐牌設計都好日本🍂🎎。假日下午茶時段嚟到都要排隊，不過個個都排得唔耐就有位😊日式紅酒燉牛肉蛋包飯 $115大大舊牛肉肉味好濃，蛋剛熟，店員會幫手切同淋汁，超大份味噌海鮮燉飯(定食) $128燉飯好入味😍海鮮又大件又多炸北海道大蝦配豚豬扒 $188雖然係小食，但份量對得住價錢🍤豬扒係使用日本豚肉，咬落軟身唔韌。草莓沙冰 $48雲朵沙冰 $52飲品造型精美，如果嚟到嘅話都好建議要叫翻啲士多啤梨類嘅造型食物打卡先有feel🍓LOTUS焦糖芝士脆餅 $51係我鍾意嘅味道，焦糖脆脆散落喺濃厚軟芝士中間，正。

被餐廳既門面吸引左😍😍超級有feel 立即衝左入去時間有d早 所以唔使點排隊就入座 實在太好了😄😄裝修好靚，可惜被透明隔板破壞左果美感😮‍💨睇到menu 好多野都好想食跟住醒起開openrice睇下有咩好推介同男友食，最後點左咖哩牛肉蛋包飯，自制牛肉漢堡，加左每人一杯餐飲，再加每人一個甜點😄😄😄牛肉漢堡無影到，漢堡好味，配上薯條一樣好好味另一份係蛋包飯，蛋好滑，咖哩係我鐘意既日式咖啡唔辣既口味侍應會問你使唔使影相，影佢切開塊蛋😆😆紫色果杯係紫薯牛奶，無乜紫薯味但焙茶牛奶好好飲😋😋好濃既焙茶我個人覺得好正甜品好impressive，哩個芝士脆餅真係無得彈😋😋我已經plan緊下次帶屋企人黎試下哩間喇😄環境真係好靚 menu都靚入面既卡位順便一提， 價錢唔貴，性價比高👍🏻👍🏻

大埔算新嘅喫茶店，初頭排晒隊。開咗一排見無人就去try try壽喜燒牛肉蛋包飯：唔推薦。店員會幫你界開塊蛋，但塊蛋唔係自己癱開兩邊..要店員幫手用刀整… 普通滑蛋，炒飯無乜味，要靠個醬汁，但醬汁又太咸，牛肉偏韌，又唔覺有好壽喜燒風味，主要都係靠個汁，搞到味道好寡，份量尚可接受。應該紅酒牛會好好多炸雞反而小食嘅雞好好食炸雞熱辣辣！外脆內嫩！淋咗一層醬都唔會淋，配埋塔塔醬真係幾yum完全唔覺濟。唯一覺得太少了啲雞。整體而言，經過想坐下，可以試個炸雞，蛋包飯就平平無奇，食完係唔會記得係乜野味果隻。

🍽 喫茶ちょうぼ 📍地址: 大埔安邦路8-10號大埔超級城B區2樓276號舖 😋Bookmark左好耐 每次經過大埔超級城都想入去食😍深深咁比佢古色古香既風格吸引住 今日終於肯突登走去食🫶🏻😽👉🏻日式紅酒燉牛肉蛋包飯 $115推介‼️賣相十分吸引，蛋的熟成度控制得宜，一刀切下去便流心！雖然用了紅酒，但酒味都煮成了甜味，老少咸宜。炒飯除了有濃厚的茄汁味道，亦有不同蔬菜粒，令整體口感爽脆。牛肉燉得軟嫩多汁，不塞牙，一試便愛了！👉🏻南蠻塔塔醬日式炸豬扒(定食）$138塔塔醬十分配炸豬扒，能夠解膩又開胃。豬扒外酥內嫩，咬下去時，肉汁大爆發，同時分量十足，一定吃到飽！👉🏻照燒牛舌（2串）$59推介‼️牛舌燒得好，外表炭香濃厚，口感酥脆，內裏多汁！特別之處在於其表面塗上了烤焗過的蒜蓉醬，味道和蒜蓉包一樣，相當酥香惹味！👉🏻綠茶戚風蛋糕 $49沾滿特濃綠茶醬嘅蛋糕，吃起來有回甘！蛋糕質地軟硬適中，味道清爽。👉🏻焙茶牛乳 （熱）$45焙茶香氣濃郁，與牛乳混合後，口感既順亦帶點甜，茶的芬香在口中揮發，有回甘！👉🏻雲朵沙冰 $52賣相清新，看起來就像天空的顏色，乳酪味沙冰加上藍莓🫐，酸酸甜甜，相當開胃，

位於大埔超級城嘅西日式風餐廳 裝修具細緻 食物都有質素叫咗炸物北海道大蝦配豚豬扒$188 作為前菜炸豬扒肉質粉嫩唔會過韌 炸粉唔會過厚 咬落口感啱啱好 配埋蛋白沙律醬令味道更creamy 海鮮蕃茄醬蛋包飯$138賣相好吸引嘅蛋包飯店員嚟到會即場切開隻蛋 見到炒得啱啱好嫩滑 有豐富蛋汁得嚟又唔會太水嘅蛋 再配上海鮮醬食 令味道更豐富 飯更用咗蕃茄炒飯底 令整個飯味道唔會過分單一 海鮮有青口同大蝦仲有魷魚 青口同大蝦新鮮肉質彈牙 鰻魚玉子蓋飯 $98一大片鰻魚嘅口感creamy 亦唔會過熟 整體無乜魚骨 照燒味道少少甜都唔錯 配有厚食玉子燒同軟熟嘅鰻魚互相中和伯爵茶戚風蛋糕$51戚風蛋糕面頭係伯爵茶奶蓋cream 濃濃嘅茶味帶點甜味 配上茶香蛋糕體 食唔停口焙茶牛乳$45焙茶味道濃郁 仲加上牛奶令整體更滑櫻花梳打$42帶點微微酸酸地嘅櫻花香味加梳打 口感更清新