喜聚坊

营业中

休息中

喜聚坊係大角咀區一間中餐館，不過佢地中午都有賣碟頭飯，價錢雖然貴過普通茶記少少，但份量好大而且食物亦比較好味同足料，麻甩佬食都一定夠飽，如果女仔唔太大食一個午餐都夠兩個人share食。午餐選擇都幾多，碟頭飯蒸飯湯飯粉麵扒餐穿都有，價錢由$48至78，熱飲加$6，凍飲加$6，另外仲送例湯．例湯(免費) - 以為佢個例湯係普通得舊白蘿蔔嘅味精湯，但估唔到係成碗滿晒紅蘿蔔粟米雪耳瘦肉，非常足料，夠味之餘亦飲得出冇味精，不過留意返例湯係送完即止，另外如果想添飲就要另加每碗$10。黯然銷魂飯($60) - 叉燒煎蛋飯其實不嬲都係茶記經典碟頭飯之一，《食神》賦予佢另一個新名黯然銷魂飯之後，就連高級茶樓都有得食，不過哩度嘅黯然銷魂飯絕對有驚喜。除左有兩隻煎太陽蛋之外，叉燒用左豬梅肉，仲要係厚切，食落鬆軟之外亦特別有口感，豉油雖然睇落唔多，但因為有兩隻蛋，撈勻之後每一啖飯都有味又唔會覺得太咸，正呀～！！美極干炒牛河($68) - 干炒牛河碟頭好大，牛肉雖然驟眼睇唔係好多，原來河粉中間仲有牛肉，所以都有幾多塊，仲要每一塊都大大塊，牛肉好腍冇筋，河粉用左幼身薄河粉，冇粗河粉咁厚，但又冇湯河咁易斷，炒得夠鬆

有次探朋友就到他家附近食午飯,就來到喜聚坊。店裝潢光猛,環境舒適, 有小店感覺。我們選擇二份不同午餐share 食。首先送上是日列湯是日列湯是粉葛排骨湯,是一個經典湯水,十分足料,入口清甜滋潤,是健脾去骨火湯水。**【秘製咖喱生肋飯】 $60這咖喱牛肋條口感很軟腍得來有口感,不會很煙韌又好入味,味道惹味香濃, 香噴噴的,牛肋條肉味濃配上微辣咖哩很開胃惹味,送飯食一流,令人回味無窮。**【鮑魚金蒜排骨飯】 $68豉椒蒸排骨飯就食得多,當然要試試新款菜式鮑魚金蒜排骨飯。嘩！頂上有鮑魚,厚肉口感,而排骨入口香腍又入味,而蓉勁香口惹味及有好多香蔥,一口接一口停不了！加上啖啖肉的排骨配甜豉油,精華滲在飯度,味道不錯！**午餐附附送杯飲品我地分別都是Order滋潤凍及熱菜蜜。

今天到大角咀覓食，到了利得街一間傳統粵菜午餐，一入餐廳見到牆上滿是相片及報導，原來師傅大有來頭，乃是香港第一代私房菜始創人。午市套餐有湯送，是無味精足料咸菜豬肚湯，味道剛好，又多料，飲完非常暖胃。午市套餐即叫即做，有粉麵客飯、竹筒蒸飯、原生燉湯飯、湯麵河及秘製咖喱扒餐。我們點了叉燒炒滑蛋飯及川芎白芷魚頭湯飯。叉燒炒滑蛋飯賣相好，味道更好，滑蛋非常香滑，叉燒粒多汁蜜味，送飯一流，我們邊食邊讚好味。川芎白芷魚頭湯補腦去頭風，特別適合女仕！原盅燉盅上熱辣辣，一打開已聞到香濃湯香！味道剛剛好唔會太濃烈，入面更有魚頭及藥材，非常足料！一盅可分四碗！好抵飲！午市時段也爆滿，座位舒適服務好！期待下次去試其他食物！

去大角咀利奥坊探朋友，午餐就在對面的喜聚坊吃個家常飯，這裡除了一般茶餐廳的食物，做私房菜都很有水準。點了一個海底椰紅棗排骨湯飯$68, 一個肉絲脆脆炒麵$68,下單不久，職員就送上兩碗熱辣辣例湯，說這裏的湯全是無味精的，趁熱快喝吧！天氣寒冷，的確飲完全身溫暖，列湯是青紅蘿蔔粟米豬尾骨湯，覺得有家的味道，是媽媽的老火湯啊！海底椰紅棗排骨湯飯，職員介紹燉了六個鐘的排骨湯，非常滋補！打開燉盅，見到湯燉得清可見底，幾乎沒有油份，裏面還有很多排骨、海底椰、紅棗等配料，都能吃光光 ! 喝一口湯，超清甜，沒有加味精，飲完喉嚨很舒適，寒氣全驅！裏面的排骨已燉到很軟，可以加點豉油就夠鹹送飯吃，是冬天推介的好物。肉絲脆脆炒麵，一般茶餐廳是用滾油炸麵底，但這裏十分用心，是用的鑊的熱力烘乾炒麵，沒有用油，效果又夠脆，炒麵來說，相當健康，又可以吃到脆脆質感。上面的肉絲加了韭黃、金菇、芽菜等配料，份量多， 芡汁味道鹹淡適中，拌勻炒麵一起吃，過足口癮又不怕肥！由於有湯的關係，我們沒有點飲品了，把燉湯和例湯都喝光，真的是冬日滋潤防乾燥首選！這就明白私房菜的價值，在這種天氣特別要支持！怪不得午餐時間都很有人氣！ 想喝湯

大角咀開左間街坊小菜館, 自己都好中意食中菜小菜, 又見到午市做緊特價, 當然要入去醫下肚。環境乾淨企理, 叫左兩個餐, 包埋中湯, 老細話無味精煲足幾粒鐘, 飲落真係好清甜!自家咖哩豬扒飯 十分驚喜既味道, 咖哩醬汁香濃惹味, 好似仲帶d沙嗲味咁, 微微辣, 忍唔住撈飯撈到見哂底呀! 豬扒煎得香口又唔會乾爭爭又大大塊, 堅好食!排骨鮑魚竹筒飯排骨肉質鬆軟, 帶淡淡蒜香味, 仲有隻鮑魚, 成知飯即刻high class左~依個價錢真係值得一試, 特別推介個咖哩, 真係有驚喜!

今日和家人來到大角咀銀行處理完事務後找午餐吃， 因他們不好西式，便集中找找中式，剛好看見了這間門面很大的中菜店。進店内，沒有奢華裝修，但貼上了主廚很多威水得獎照片👍 頓時發現自己揀了一間好嘢😊同時間，店員親民街坊式地招呼我.還送上兩個老火湯給我享用。雞骨草青紅蘿蔔粟米煲肉湯很濃雞骨草味，原來煲了五句鐘. 真材實料的湯味，滿滿湯料，沒加味精， 最欣賞係已經隔油.黯然銷魂飯真是一個非一般的叉燒蛋飯， 個叉燒肥瘦均稱，厚切下仍非常鬆化，店員說是自家製梅頭肉即燒。個半熟流心蛋，簡直不捨篤爆佢.配埋個特製瑤柱甫魚頭抽汁，甜甜地撈飯，簡直無法挑剔. 平常小飯的我，很想加飯。艇家風味炒飯望落看似非常 平凡的炒飯，其實是用上海蝦粒， 蜆肉粒和翠玉瓜粒，配上特製的醬汁炒成的 .飯粒煙煙靭靭 這是海蝦粒配上特製醬汁炒出來的得獨特效果。

見到午市做緊特價嘅餐廳, 48蚊就有一個SET, 裝修都幾骨子, 就一於入去食先, 老闆又推介咗自制咖哩牛肋飯, 同埋黯然銷魂飯, 都係60蚊仲包埋個湯，先飲過湯, 個湯清甜, 又夠熱, 最緊要係飲完無口乾, 真係冇味精。自家咖哩牛肋飯, 咖哩醬汁非常之香, 又辣, 又惹味, 餸飯一流牛肉嘅肉質非常之有咬口, 但係唔會黐牙 , 再加埋薯仔紅蘿蔔, 豐富咗口感 , 真係大滿足之後就先食個暗然銷魂飯, 大量叉燒, 再加個荷包蛋, 先食個叉燒, 叉燒味道, 尤其個蜜汁非常之獨特, 細緻嘅肉質, 非常鮮嫩, 再將個荷包蛋吉開, 所有蛋汁, 融合曬個飯裏面, 感覺非常之邪惡

有睇開我食評都知，小弟係住係大角嘴既 附近嘅餐廳都食得7788嫁啦，點知！都竟然冇試過呢一間。都係今日行經呢一度俾個rollup吸引咗入到去見到好多失傳左嘅餸！好想試吓 可惜今日係黎食lunch，不過有機會一定要晚上再過嚟試冇錯，我就係俾佢吸引咗入嚟！黯然銷魂飯(叉燒蛋飯)首先係原切叉燒！大大舊咬落唔柴 味道濃郁佢個頭抽汁係自家製 相比起出面食到既 更鮮甜更令整個飯昇華咗 仲有個人最愛嘅蔥油！排骨鮑魚蒸飯排骨好易整得唔好食！事關肉質，熟成度等都要恰到好處，呢度一食就分到高低！冇雪藏味 食落仲有肉汁 鮑魚更加係冇得彈！彈牙有口感

呢排公司轉左office係奧海城，lunch time唯有行去大角咀搵食,同事介紹左間私房茶餐廳，餐廳外表就唔太起眼🤣裝修又好似有點老套咁，但同事話野食好好食🤩 咁就一於食下有幾好先😏😏.Lunch set餐牌選擇都唔少，所有午餐都送湯（自家煲無味精湯），跟餐+飲品就+5-6蚊，午餐無加一。.▪️秘製咖喱羊腩飯$68 原本都諗著係茶記咁款既咖喱🤣 點知有真係有d驚喜！首先係lunch set有羊腩食，羊腩份量仲要唔少，加上薯仔同紅蘿蔔同埋重點既自家製咖喱用40幾種香料，慢煮6小時以上，加埋鮮磨椰汁煮咖喱，令香濃咖喱升呢又香又滑咖喱汁😍😍 呢個價食呢個真心正！.▪️暗然銷魂飯$60 同事就叫左呢個暗然銷魂飯，其實即係叉燒煎蛋飯😅 好多地方都話自己整得好食，但我覺得最正既係呢度既叉燒係用自家厚切梅肉叉燒，好厚身但唔算太肥，重點係佢既自家製叉燒係用左幾種天然糖去醃，所以食完會有個好清新好fresh既口感，另外個煎蛋加飯都好正🤣用半熟農場流心荷包蛋，隻蛋有濃邊，中間又流心，隻碟郁既時候隻碟跟著震🤣.價錢抵食之餘仲真心好食💯💯，不過下午lunch time就預左要等位，可能佢唔算太多位，真心推薦。✅

約咗朋友喺大角咀食午餐，佢話要帶我嚟呢間餐廳嘆美味食物，仲話呢度非常經濟實惠。我哋叫咗兩個碟頭飯一齊食，一個係$68嘅「木盤金蒜開邊蝦炒飯」，另一個係$60嘅「黯然銷魂飯」。餐廳首先送兩個例湯俾我哋，今日係「粉葛煲豬骨」，出奇地美味，似係老火湯，後來師傅話煲咗幾個鐘；我哋連粉葛都食埋😁。跟住嚟「蝦炒飯」，上枱嘅時候我哋幾乎「嘩」咗一聲😆，賣相真係好掂，蒜蓉開邊蒸蝦鋪滿喺炒飯上邊，好靚，加埋金銀色嘅大碟，真係好吸睛😍；蝦肉新鮮，肉質非常結實，配蒜蓉蒸好香口，撈埋炒飯食更加好味。「黯然銷魂飯」有幾件厚肉叉燒，叉燒煮得好香，肉質軟熟非常有豬肉味，配埋隻荷包蛋撈飯食，超正，可能可以媲美電影「食神」裏邊周星馳嘅「黯然銷魂飯」😆。朋友同我都叫咗熱奶茶，幾滑幾香。呢度服務仲好好，應該有好多熟客，店員姐姐同好多客人都有傾有講；仲有，咁嘅價錢有咁高質素嘅食物，真係超抵👍。

好鍾意食私房菜，因為會食到家既味道，但又會食到Ｄ屋企唔會煮既野今日專程黎到呢間位於大角咀既小菜館果然不枉環境乾淨企理，今日同朋友好早黎暫時冇咩人，但過一陣已經張張台都係客同埋可以見到好多名人都會黎呢到食，可見幾有保證老火靚湯睇下淨係湯渣都咁大碟就知幾足料而且飲完唔會覺得口渴證明真係落足料，而唔係用味精仲有一種家既味道呢間鋪會按照果個時節有咩湯係岩飲而轉唔同既湯水今次呢個就係有去濕功效既，岩晒成日食得咁唔健康既都市人黃金流沙黃花魚黃花魚炸得金黃香脆之餘魚肉又保持到嫩滑外層邪惡既咸蛋帶黎既咸香令人欲罷不能忘不了炒飯超級足料既一個炒飯，食完真係忘不了每一啖都可以食到好足料既蝦仁、蝦乾等等既配料每一啖都大滿足喜聚坊小炒皇食小炒又點可以唔食小炒皇？可以見到呢間店既小炒皇真係幾足料有蝦仁、蝦乾之外，仲有蚌等等既海鮮加上炒得有鑊氣又唔油膩令你不禁食完再食富貴夜明珠呢個夜明珠認真巴閉唔好睇佢外表平平無奇同老闆娘傾多兩句之下先知道真係功夫菜黎要做呢一味，需要將一個原本好細舊既粉團放落油鑊一路轉一路慢慢淋油上去而且油溫一定唔可以過高，如果唔係件野未發大粉團同芝麻都已經燶，變左一定要花好多時間整等佢慢慢熟而

男朋友生日既月份食得太多西餐同party food, 呢日行經大角咀，見到呢間中菜就覺得好耐冇食，沒多想就入左去，點知有驚喜。黯然銷魂飯叉燒用上左肥瘦均勻既厚切靚梅肉配上特製頭抽，加埋新鮮蛋黃汁同埋香味十足既蔥油。呢個飯完全係平凡中的不平凡，成個飯香氣四溢，叉燒肉汁遍佈整個口腔。人蔘當歸燉竹絲湯飯呢個湯真係十分足料, 非常補身之餘仲一啲味精都冇；而同時間啲竹絲雞都好入味，充滿住個湯嘅甜味。值得一提既係，呢間餐廳由侍應到大廚，服務態度都好好，好認真同好客；臨食完既時候都埋黎問我地覺得啲野岩唔岩食，估唔到食中菜都會咁，睇得出係用心製作，值得推介！

咁岩經過大角咀，又想食下私房菜，所以決定上OpenRice搵下，點知搵到呢間喜聚坊私房菜。而家嘅天氣最適合飲老火湯，所以我哋就叫咗鮮磨龍皇杏汁煲唐扒白肺湯，做功都非常複雜，所以我都見過好少間舖頭有得飲，湯甘香濃稠，一飲就知材料好夠，另外推薦佢哋既辣豉油，點豬肺食好惹味。另外仲要左醬皇麻辣鴨煲，一上菜勁香，連隔離枱都忍唔住即刻叫一個，用咗唔同嘅辣椒炒出嚟嘅麻辣，係出邊絕對未試過，鴨亦都好實肉，好入味，忍唔住就快食完。最後叫咗黃金金串鱔，一上碟嘅擺設好靚，鹹蛋香好出，炸得好香口，另外鱔好新鮮，係一個食唔停口既小菜。最後老闆娘仲送咗佢哋紅豆沙俾我哋，上菜嘅時候大廚同老闆娘都不斷同我哋講解，好抵讚！下次想試吓佢哋嘅避風塘炒蟹，一定會再有下次！

行完奧海城肚餓仔搵下附近有咩中菜食，搵咗間喺大角咀嘅喜聚坊~同朋友叫左3樣野食-🐖失傳醬脆皮生炒骨 ($148)🦐黃金流沙蝦球 ($98)🍚酒肉朋友炒飯 ($68)-酒肉朋友炒飯開頭以為係糯米飯，但原來有叉燒雞肉牛肉，勁多料，有大份又有鑊氣，兩個人都食唔哂🤣另外叫左個黃金流沙蝦球，炸得勁香脆，睇得出落得好少炸粉，同埋蝦味都冇流失🤩黎到我最鍾意既生炒骨，佢哋既失傳醬脆皮生炒骨別具風味，比起傳統嘅生炒骨炸得更脆皮，食到最後一舊都仲係好脆😍

一坐低先俾咗一碗例湯，嗰日飲既係海底椰瘦肉湯，都有幾多料，見到有蘿蔔陳皮瘦肉海帶🤤飲落完全唔覺有味精，清清甜甜，幾好飲👍🏻我哋叫咗兩份午餐，先上既係人蔘當歸燉竹絲雞湯飯。佢即叫即上，伙記話碗湯足足燉咗七個鐘，燉出嚟嘅湯會清啲同煲出嚟嘅係完全唔一樣嘅😍人蔘烏雞紅棗杞子燉到好出味！佢有保健滋潤既效效，食完有好養生既感覺😆第二份係金針秋耳蒸鮮雞竹筒蒸飯，竹筒表面係秋耳同雞，蒸得十分軟滑🤤底下就係充滿精華既米飯，米飯軟而適口，帶有一股特殊的香氣！