喜聚坊

营业中

休息中

這家位於大角咀的中菜館實在是一家值得一試的餐廳,為食客帶來了一場驚喜的用餐體驗。其招牌菜式無一例外都非常出色,展現了廚房的功力。首先,「西班牙香草烤乳豬」的烤制恰到好處,肉質鮮嫩多汁,香料的調配更是恰當,為這道經典菜式增添了別樣的韻味。「老火煲牛大力先土茯苓粉葛豬尾骨湯」是餐廳的另一大亮點。湯頭濃郁醇厚,牛大力和土茯苓粉葛的入饌令湯品多了一股滋潤補益的感覺,而且還有香氣四溢的豬尾骨,堪稱一絕。 「秘製咖喱牛肋煲」的咖喱醬汁鮮香濃郁,牛肋肉軟嫩入味,可以看出用心的燉煮功夫。而「失傳煎釀太子魚肚」則是一道極富味道的菜式,太子魚肚的鮮甜與瑤柱、梅頭肉的香氣完美融合,令人回味無窮。除此之外,餐廳的「上湯時蔬」、「失傳將脆皮生炒骨」也都是不可錯過的好菜。最後,以「八年陳皮紅豆沙」作為甜品,為整頓大餐畫上了完美的句號。每一道菜式都展現了出色的廚藝,為食客打造了一場難忘的用餐體驗。這家餐廳無疑是大角咀地區的美食新寵,值得一試。

同事一行18人，分兩枱，可以包房，預先俾 budget寫好菜單，每人$500落樓，仲可以free corkage。老闆娘服務態度好，講解每道菜式用咩新鮮食材。國寶鴨好有驚喜，無糯米所以唔會太飽肚。黃金魚皮同流沙蝦球炸粉好薄，脆身，熱食都一流，凍左都唔太 heavy。忘不了炒飯用竹筒上，份量啱啱好。脆皮牛肋骨食得出料靚同大廚功夫，下次要 encore.古法糯米雞據聞係戴安娜王妃外訪香港時，每朝游完水都要食幾隻，堅係啖啖瑤柱足料。八年陳皮紅豆沙煲都起沙無哂一粒粒，唔太甜啱晒唔好甜嘢嘅食家，食左半碗已覺舌上有陳皮回甘，食到飽哂都清晒成碗！下次想試蝦膠千層脆！

疫情之後，好多食肆都收得早，因為想食中菜，又晏咗放工，所以就去咗喜聚坊，叫咗三個小菜，第一個，係失傳醬脆皮生炒骨，呢個係必食推介，有圖有真相，肉質鮮美但唔肥膩，係我嘅必食推介！第二個，係啫啫椰菜花，喺煲上嘅，椰菜花爽脆，加上海味，好惹味，第三個，係咖喱雞煲，咖喱裏面竟然加咗菠蘿！辣味同甜味剛好！好送飯，雞肥瘦適中，我個人比較大食，叫咗兩碗白飯😅，都撈唔哂啲咖喱汁！個煲分量十足！其實以呢個份量，三個人都夠食，埋單係$484，算係好抵食，CP值高，推薦！😋👍🏻

茶式一般，服務態度都不見好，得一個字，貴，貴，貴。咕嚕肉，得肥肉，舊舊都透明，冬瓜中，好多肉，花膠，乾珍珍，。。。700蚊一個人頭，好貴差勁的飯餐。。。。。。。

這店很久前朋友已經說好好食，但一直都沒有時間去，剛好有飯局，即時叫埋三五知己一齊去，果然沒有失望，黃金流沙蝦球，外皮香脆蝦肉嫩滑，同平時係出面食吾同，脆皮得理又入味，花彫肉餅蒸膏蟹，真係不得了，肉餅是簿身但滿滿蟹膏又香花彫味，即刻叫琬白飯一齊食，隻蟹勁多肉，砵酒焗桶蠔又是估佢吾到個皮仲仍然係脆，啲蠔啖啖肉，食到暖笠笠，又算叫個例湯，都一樣真材實料，店主強調他們沒有落味精，用新鮮豬肉，所有食材都是每日精挑細選，是真得！小炒皇亦不是外面一般例牌材料，掛住食都忘記拍照，連杯凍檸茶都有啖啖花香味，當晚我和朋友都食得非常之滿足開心🥳，年紀越大，對食要求越高，因為限額有限，要好食而不是要速食例派，不是求份量，是要精髓，這裡不會另人失望👍🏻👍🏻👍🏻

11月20日晚去咗呢間呢間舖食晚飯，落單個女士，只sell今晚有咩手工菜，又落錯單及漏單，好彩佢有自知之明，Print張單出嚟比我哋對，如果唔係仲火滾，明白師父準備咗D食物，唔想浪費心機，但sell到你好煩，好啦落完單，叫咗幾次要壺熱水，幾次都應完就無咗件事，當時只有3枱客(包括我哋張枱)，樓面得2個人，忙係正常提咗幾次都係咁，真心直情叫無服務添。入正題講番D餸菜先，6個人叫咗8餸一湯，應該都OK啦。粉葛野菜煲豬尾骨湯：份量細，6個人每人得一碗，不過不失啦手工菜煎釀太子魚肚：魚肚唔淋有咬口，但唔入味同個餡料又唔夾，淋面個鮑魚汁無味(失敗)失傳脆皮生炒骨：個汁及脆漿麻麻地，排骨應該用咗豬扒位，所以有咬口，一般般無驚喜咸魚香煎肉餅：真係煎嘅，唔係炸，可惜無咸魚味，普普通通啦啫啫唐生菜：正常都惹味嘅南乳粗齋煲：正常脆皮豆腐：面頭個脆槳，勁咸煎蛋角：一般，正常脆皮香烤五花肉(燒肉)：呢個好食，皮脆豬肉味濃總結：食過嘅餸無驚喜，人仲有D🔥添，有Hard Feeling差D想同阿姐開拖，唔會再幫襯，真係打死都唔會再幫襯😤

今晚去咗大角咀食晚飯，提前慶祝一位朋友生日；這間餐廳「喜聚坊」有私房菜食，全包宴 $4,388/每席12位，我們一行24人，共訂了2席，菜單包括：1️⃣ 私房三喜特色小食青瓜秋耳、水晶肴肉、黃金脆皮豆腐2️⃣ 白胡椒薑蔥灼海生蝦3️⃣ 麻辣脆果煎西班牙豬肉蚌片4️⃣ 失傳煎釀太子魚肚5️⃣ 酸菜桂花魚6️⃣ 自制脆皮樟茶鴨7️⃣ 鮮茄百合泡碧綠8️⃣ 姖松茸竹絲雞湯9️⃣ 瑤柱蛋炒飯🔟 精美甜品1️⃣1️⃣ 夜明珠整體來講：食物有特色，質素唔錯，份量足夠埋單：$8,850 ($4,388 x 2 + 飲品 $71 + 服務費 $3)

疫情後已經一段時間冇嚟食今次行山友攪生日飯🎂佢比較鍾意食d 特色菜我突然諗起"大煎堆"上網搵大煎堆時就搵反"喜聚坊"我地好好彩訂度房開二圍👍🏻呢度有散叫或套餐套餐好處免加一有特色甜品😬要留意有些失傳菜式要*預訂*的套餐可以更改菜式當然價錢都有不同菜單：～私房三喜特色小食～青瓜秋耳～水晶肴肉～特式小碟(脆豆腐)白胡椒薑蔥灼海生蝦麻辣脆果煎西班牙豬肉蚌片失傳煎釀太子魚肚酸菜桂花魚自制脆皮樟茶鴨鮮茄百合泡碧綠姖松茸竹絲雞湯瑤柱蛋炒飯夜明珠精美甜品(私房冰粉)海生蝦隻隻都新鮮👍🏻廚師好有心機二個碟上畫花都不一樣😍失傳太子魚肚好入味😋👍🏻酸菜魚酸辣度剛剛唔會太辣呢個都係失傳菜式"樟茶鴨"👍🏻😋個皮係好脆鴨肉嫩滑泡碧綠👉🏻用鮮百合蕃茄配皇帝菜好少會用呢款菜做👍🏻😋湯👉🏻好濃郁有膠質😋😍最抵死係成隻烏雞上枱山友連湯渣都唔放過炒飯👉🏻炒得好乾身好香口甜品👉🏻用冰粉提子冰糖花生粒紅火龍果真係好特別好好味全晚打卡位"夜明珠"🤣個個排隊影相好脆👍🏻

入座半天服务员不主动过来问点单，点单叫了好几次才慢悠悠走过来。最过分的是，点完单饿了20分钟还不上菜，一问才发现居然系统没下单!!这辈子从未见过餐厅有如此低级服务，让我白白饿了二十分钟，看样子又要等十分钟做好饭非常非常差劲，我不理解一家餐厅的服务为何如此业余，落座只有3，4个顾客，照顾好每一个人，至少把点的单送出去很难吗?服务员都在想些什么?你做的菜多好我是没体验到，胃酸腐蚀胃粘膜的饥饿感倒是深有体会糟糕至极的体验，绝对不会再来

唔好比個地區呃左 呢間唔係普通茶記😂 夜晚好多高級私房菜食架！👨🏻‍🍳主廚寶哥有接近30年下廚經驗 之前都有唔少報道 仲上過大台tim📺～時間關係 我地淨係去食個午市套餐🥸 lunch menu都幾平民價😂 加6蚊轉凍飲都唔洗$100pp 埋單～ 個set仲包埋老火湯🤗飲得出係真材實料熬出黎 店員保證所有食物飲品都冇味精 所以飲晒都完全唔口渴～1️⃣竹筒土魷蒸鮮肉餅飯 $58打卡之選📸大大個竹筒載住塊肉餅就黎滿瀉咁🤣肉餅好有咬口 店員大推話肉餅係用新鮮豬肉蒸嘅🐽 每日朝早新鮮到貨！用匙羹吉開個肉餅撈埋竹筒入面d飯 d飯粒係長身泰國米 夠晒乾身又香飯味 唔錯又飽肚～2️⃣蝦仁海鮮煎兩面黃 $80麵餅好大塊🤣軟硬適中 仲要係金黃色 靚過买醉過酒樓果d！蝦仁同魷魚份量都唔少 真係飽到食唔晒😂餐飲方面 我地就accept左店員大力推介既凍奶茶同凍檸茶🍋因為！呢個係餐廳自家出品港式花香茶底🌷試晒兩款之後 我地覺得凍奶茶更勝一籌🤗係嗒到陣花香味🤣茶味出得黎又清新 飲完唔會好似快餐店果種有d野痴住條👅既感覺😜

呢日番工lunch break同好朋友附近食中午，見到呢間有位就入去食.一入到去已經覺得姐姐好好人，笑容滿面，仲安排一個好大卡位俾我地坐，大大張梳化好舒服😌餐廳好懷舊feel.秘製咖哩牛肋飯 $60酸辣鮮肉煮紅薯粉 $60凍奶茶 +$5.點了兩個set lunch，餐湯好有驚喜係無味精湯！有雞腳大大件豬骨佛手瓜好足料！啱晒我呢啲成日喺出面食嘢冇湯水嘅人，jo成碗飲晒正！.咖喱喺呢度招牌一定要試吓，呢個真係要大讚👍🏻好濃厚椰香口味超級正同勁多牛肉有咬口但又唔會韌，薯仔烘左底好好食，辣辣地好惹味送飯一流🤤.酸辣鮮肉煮紅薯粉廚師話呢個中式煮法係佢哋首創就點來試下，食落好特別口感超級煙韌jo滿喜歡，仲有好多酸菜和辣椒，同真係好辣啊掛住同姐姐吹水忘記叫少辣🌶🥵愛辣的人一定要試吓！.最後要介紹下杯奶茶，比一般奶茶茶底無咁厚身但帶點花香，幾特別喜歡花香茶的朋友可以一試！.呢到set lunch真的好好好大碟，姐姐已幫我地叫少餸少飯都係食唔哂🫣$60真係起值又平又大碟又好味坐得又ok姐姐會每一枱傾計好親切，難怪lunch time咁full，附近番工和住的可以做飯堂😂

今日嚟到大角咀呢邊打羽毛球，做完運動就好肚餓，於是就周圍search下有咩好食😋經過喜聚坊門口見到有好多客人食緊，望埋餐牌都感覺唔錯，就入咗去試吓～首先飲嘅係佢個海底椰粟米豬骨湯，好清甜潤喉，同埋冇味精，咁熱嘅天氣下飲番啖湯真係好舒服👍🏻👍🏻😆之後我哋就叫咗佢個嗰拎過金獎嘅咸水角，佢個賣點就係唔會好痴牙😙不過咸水角入面有西芹，未必個個都啱食🙈然後我哋叫咗碟蝦仁炒貴刁同埋川式口水雞飯🤤蝦仁炒貴刁入面嘅蝦仁大大粒、啖啖肉，真係好好食😋🤤而且佢個咖喱醬係佢地店舖自己炒，辣得嚟好惹味😙❤️如果唔係好食得辣嘅話都可以叫佢少辣～反而口水雞唔算好辣，個口水雞汁用嚟撈飯一流🤣👍🏻口水雞有好多件，份量真係好足夠，而且雞肉嫩滑😙不過我個人都係比較鍾意炒貴刁～最後要推介大家飲嘅係佢嘅奶茶！！佢嘅奶茶同埋檸檬茶都係有花香味，飲落好香，而且唔會好甜🥰

又來撐寶哥場啦!隔一段時間就自動番黎, 為既就係再嚐寶哥嘅私房菜~ 實力派果然名不虛傳, 功架水準完美保持到,果然係30年經驗老師傅!一坐低老闆娘即推介佢地既新作「凍檸茶」，唔好以為普通料，查實因為寶哥特別用幾種花茶一齊煲黎做茶底，所以第度係飲唔到架，好清新花香味，岩好解滯打個底~飲完檸茶就來一個老火靚湯啦！ 「去濕冬瓜豬尾骨湯」大熱天時去濕消暑絕好!煲足5個鐘夠晒火喉，香濃超甜但完全唔落味精，落足料湯渣都有一大碟！一煲夠4個人飲, 2個人每人飲到2.5碗, 咁先夠喉！「蜜椒雞翼」好惹味， 甜甜地，面頭有好多芝麻粒同蜜糖，而且炸得香香的，單骨好多肉又容易handle，完全係開胃小食～「 失傳醬脆皮生炒骨」老闆娘透露話點解甘好食，秘訣係除左用上浸泡多日嘅蘋果醋醃味，加埋新鮮豬排骨即炸用料新鮮之外，仲因為師傅好手勢夠鑊氣，酸甜度適中，仲有拔絲效果，外皮香脆內裡鮮嫩多汁，做到呢個效果唔易架！「喜聚坊小炒皇」係次次必點既，因為材料極之豐富，其他地方好少食到，有腰果﹑三色椒﹑韮菜花﹑魷魚﹑珊瑚蚌﹑蝦球﹑蝦乾﹑白飯魚同菜脯等，味道鹹香，用黎送酒好適合~最後仲有甜品「 腐竹薏米糕」，有腐竹味，微甜，

大角咀有一間精緻中菜，一於同朋友一齊嚟食個飯！裏面貼滿左總廚寶哥嘅相片同埋唔同嘅合照，亦都有好多唔同嘅電視或報章雜誌推介，相當厲害。海底椰青紅蘿蔔粟米湯味道清新清甜，冇味精，清熱氣！雲彩海參汁千層脆相當特別，三角形嘅形狀，響鈴口感，而且佢個海參汁味道鹹香獨特，提升鮮味。秘製回味脆皮牛肋骨超級好食！牛肋骨D肉真係全部片晒出嚟，厚薄平均，外皮香脆，裏面鹹香入味，仲配搭芝麻，蔥花等，香味突出。濃湯雞煲翅（六兩）就有好大窩！裏面真材實料嘅雞煲翅，雞都有成大半隻，最緊要就係有好多翅，整體非常補充骨膠原。花香奶茶/花香凍檸檬茶都係令人值得試同埋令我有啲上癮！因為平時奶茶同凍檸茶好少有花香，佢加入呢種花香成分，仲有清熱氣功效，建議可以飲咗之後先至篤檸檬。另外午市餐牌

咁啱係大角咀做完嘢，又見落大雨，行行下見到呢間餐廳，就決定入去食嗰午餐同避一避雨。🔎 秘制咖喱牛肋飯（$60）一上枱，聞到勁香~職員話咖喱膽用三十種香料煲左6個鐘。咖喱食落甜甜地，辣度對我黎講辣左少少，不過好惹味，送飯一流～牛肋粒炆得好冧，配菜有薯仔🥔同紅蘿蔔🥕🔎 竹筒馬友蒸豉汁鮮排骨（$60）呢個絕對有驚喜～竹筒既飯食落軟硬適中，馬友帶鹹香，不會淨係得嗰鹹字，連平時少食鹹魚既我都覺得正～排骨係鮮排骨，醃得好入味，食落唔會嚡口～🔎 金銀菜豬骨湯職員話煲左6個鐘，睇落非常足料，味道十分濃郁，好飲~🔎 港式花香奶茶（跟餐+$6）花香奶茶係呢間餐廳既特色之一，奶茶飲落真係有花香味，好特別~