喜聚坊

营业中

休息中

這家位於大角咀的中菜館「喜聚坊」已開業多年，由以前觀塘搬遷至現時大角咀。 每一道菜式都由大廚用心烹調，主廚「寶哥」有超過30年的下廚經驗，有部分是已失傳的秘製菜式，已經很難在一般中菜館吃到。今次到訪品嚐了多款拿手小菜，避風塘炒辣蟹$480（細蟹）雖然說是細蟹，但是也大大件，Size比想像中還要大，呈現方式非常美觀，下面有閃閃發光的燈，也有天鵝在旁，演繹得美輪美奐。小辣的炒辣蟹用上了海蟹，味道特別鮮甜，而且師傅烹調方式以蟹及蒜蓉同步進行炒起，相對於坊間現成炸蒜等等有過之而無不及，蟹味和蒜香相映成趣，令口味更添甘香。失傳醬脆皮生炒骨$148由於要開油鍋炸，一般都會到中菜館享用，以自家製蘋果醋製作，用上新鮮骨即炸，夠鑊氣之餘酸甜度適中，更有拔絲加持，外皮香脆肉質鮮嫩Juicy，味道一流！忘不了炒飯$168令人忘不了的炒飯，當然也需要不少秘訣，除了表面看到的蝦米，蝦仁，蛋，叉燒之外，當然最重要是秘密醬汁，非常鮮味！查詢師傅原來醬汁也很有學問，有大地魚，蔥蒜，紅蔥頭，頭抽等等，也需要一定製作時間淆出味 ，令整體炒飯有鮮味又不會太咸。緊記要趁熱食，味道特別香呢！川芎白芷魚頭湯$68 可以補腦去頭風

是夜晚餐有老朋友請客，趁限聚令收緊前最後一次見面一坐低姨姨就介紹話佢地d餸冇味精，全部都係真材實料，好好傾，一來到就上左個湯俾我地幾位飲，係青紅蘿白豬骨湯，熱辣辣既湯好甜，好多料，好濃，果然真係冇味精，我飲左一大碗都覺得唔夠，但打後仲要食飯留一留肚；水煮桂花魚，我地叫左小辣，真係唔係好辣，桂花係新鮮魚，師傅走出來問我地好冇食？我想講呢到既水煮魚暫時最深得我心，我地4個人ko晒 連d配料芽菜豆卜都食埋。魚冇腥味，冇乜骨，個湯頭唔係開出黎，食得出係用心整。拔絲咕嚕肉脆皮拔絲，姨姨話每日要用50個蘋果去整咕嚕肉，又係好好味既一道菜，下次返黎一定要再叫傳奇國寶鴨師傅話佢地用5小時既時間去做呢隻鴨，裡邊有蓮子，瑤柱，原來呢隻鴨係鄧小平命名，好威水咁外貌內軟，唔會好油，好好食，如果人多一定一定要試呢個！！！！白鱔煲仔飯新鮮白鱔加上飯焦係秋冬季必點，白鱔唔洗點樣調味，飯面加少少豉油已經好味瑤柱蓮子浸時菜食到呢碟我地已經超飽，但唔知點解都可以清碟😂 因為個湯底有雞湯味，d白菜仔食落又幾好味呢餐係超滿意，味蕾表示好開心，食到捧住個肚走 ，一定一定會介紹身邊人黎食，限聚令放鬆我會組隊再黎食過

大角咀多嘢食，相信好多街坊工友都唔會有異議，每次放lunch前諗揀食邊間餐廳都好苦惱，但聽講有間有得食黯然銷魂飯，就好想化身食神走去試凡幫襯都會有湯飲，從湯渣可見係好足料凍奶茶嗌少甜，又真係啱啱好喎作為OL嘅胃民係養生啲要飲熱檸茶呢個就係令家燕姐出現幻想嘅黯然銷魂飯嘩！佢啲蛋仲正過電影入面嗰碗撈埋底下嘅豉油同蛋汁，以後食唔到點算呀？佢地嘅咖喱係自家製，色水好吸引牛肋肉同牛根非常入味，份量仲要幾多㗎呢間吸引咁多名人幫襯，並唔係浪得虛名

呢間大有來頭，廚師非常有料，見到餐廳牆身貼滿相片，決定一試。店員都好友善親切，推介鮑魚金蒜排骨飯😻上菜速度都好快，賣相好可愛，原籠就見過，用竹筒真係少見。啲排骨都鋪滿曬，仲滲左少少味落飯到，排骨有少少肥，所以食落吾會鞋。呢間係主打冇味精，所以醬汁應該做左不少功夫！吾係個種甜醬油咁普通~幾滋味🤗而且個飯熱騰騰🤗冒出煙的🤩另一推介係川弓白芷魚頭湯飯。落足料燉左好耐，而且女士飲係好有益可以驅頭風，治頭痛！好香藥材味，而且絕無魚腥味🤪撈飯一流，平時撈汁食飯非常不健康，依家食完更養生，更滋補🤩午市套餐更會送上例湯，今日係以萬壽果為主，所以好清甜，老少咸宜！注重健康的你，去呢間包岩你心水，當中仲有好多古法失傳美食，下次一定要帶家人試吓🤪🤪🤪

大角咀呢間餐廳環境都幾好，座位舒服而且都有好多特色菜式。我哋今次叫咗一個老火煲雞骨草豬尾骨湯，完全係冇味精，而且啲料仲好靚。蘿蔔粟米都非常鮮甜，熱辣辣冬天飲起上嚟暖笠笠。而呢度嘅青瓜真係整得幾清新，鍾意食清淡啲嘅可以食面頭嘅青瓜，如果想濃味啲辣小小嘅可以食底嗰啲。食上面定下面都一樣咁開胃。呢度的煲仔飯可以話係整得非常出色，首先啲飯粒粒都好分明，而且好乾身，仲有啲金黃色嘅飯焦。佢嘅煲仔飯豉油亦都係精心調校過，用嚟撈飯真係一流。上面嘅配菜嘅份量都好多，有雞又有臘腸，足夠我哋兩個人食有餘。呢度嘅蟹都出名大隻同新鮮，炸得好有鑊氣，今次呢個係避風塘豆豉肉蟹，食起上嚟啖啖肉而且豆豉同埋避風塘嘅味道都分配得幾平均，各有千秋，亦唔會搶咗對方嘅味道。最後我哋叫咗個黃金脆脆魚腸，每舊都炸到金黃色，而且出面嘅蔥令到成個配菜更加香口，再加上少少鹹蛋味同埋魚腸嘅鮮味簡直係絕佳的配搭！

細心發現，原來奧運依頭都好多美食🤤 今日帶晒屋企人黎依頭食中菜🥢.🍽老火南北杏萬壽果豬尾骨湯 $168完全係家🏠既味道😝同呀媽煲既老火湯一樣🤣無味精！老闆娘話煲左4-5個鐘頭🔥又真煲好夠火喉，依啲天氣，飲依啲湯潤一潤就岩晒🤪.🍽醬皇麻辣幹鍋走地雞（半隻）$188走地雞唔係好多地方可以食到🐥相比起冰鮮雞啲肉會較硬同有口感多啲🤗走地雞唔係好多地方食到😇依個雞煲爆香晒啲材料💯令到啲雞同埋啲香菇好入味🤤可以叫多幾碗飯呀😋.🍽失傳醬鮮生炒骨 $148待應強烈推介❤️出面又真係未食過依種脆口既生炒骨😇外脆內軟🤗再配合埋甜酸醬😋正呀❗️每一粒生炒骨都痴滿左糖漿🤪加上香口既芝麻😍.🍽古法紅豆沙 $50紅豆沙要訂做先有🤗餐廳用左8年既陳皮🤤煲出黎果然唔同啲😋放入左口之後，要停一停放係喉嚨到🤣就會食真左啲陳年果皮既味道😇好足料💯

在大角嘴的一隅，我們遇上了觀塘私房菜的老朋友，聽說老闆是由開聯開到來大角嘴，但味道依然創新，非一般中菜餐廳可比餐廳的裝潢比較像一般茶餐廳，不算很特別，但牆上掛滿了跟明星的合照，也有味叫國寶鴨的菜聽說是鄧小平起名食物：老火煲老黃瓜扁豆紅蘿蔔湯 $168湯底夠濃郁也很清甜，扁豆完全出味，很久也未試過在外面喝到一碗完全沒有味精的湯，喝完一碗又一碗，這個湯完全不輸我最愛的粉葛赤小豆鯪魚湯！咖喱薯仔牛肋條$148香濃，微辣，不梗喉但極惹味，薯仔非常乾身，牛筋條含牛筋，彈牙卻不韌，洋蔥跟青椒還保持着半生爽脆的口感，相當不錯！土魷炒椰菜花$148調味完全放在煙韌的土魷，加上比較軟稔的椰菜花，不會太乾硬難消化，另一道簡單但出色的菜色竹筒荷香蒸水晶走地鴨 半隻$188以適量40年花鵰調出的醬汁加到以荷葉包住煮理的走地鴨，不似一般鴨肉肥但沒有香味，肉質彈牙，肌肉扎實香濃，加上花雕醬汁跟荷葉香味，絕對不是坊間的普通冰鮮鴨可比擬！旁邊有一台客生日，老闆娘把隔離枱的富貴夜明珠切了些給我們吃。話說這個其實就是大煎堆，不過外皮比較薄口感爽脆， 也不會太淋油，看色澤就明白了這裏的廚師跟老闆娘非常健談，所以很多熟客呢

這家隱藏於大角嘴舊區的中菜館，外表看似一家平常的小菜館，但當你踏進店內，看到牆上掛滿廚師「寶哥」的獎項和相片，牆的另一邊掛上了一系列古法失傳美食。主廚「寶哥」師承鄺炳均師傅，有「御廚」之稱鄺師傅，曾在港督府掌廚，接待過的客人不乏顯貴的名人，戴妃和鄧小平也曾嚐過鄺師傅的手藝。「寶哥」繼承了鄺御廚的衣缽，並將一系列失傳和懷舊美食重現。合掌瓜紅蘿蔔豬骨湯（HK$168)👍👍👍👍👍強調真材實料，百份百零味精的老火靚湯，天天不同。今晚的老火湯是合掌瓜紅蘿蔔豬骨湯，熟悉的材料，熟悉的味道，就似是家的味道。老火湯經過多過小時熬製，味道清甜，正好為乾燥的秋冬加添滋潤。避風塘炒蟹(HK$680)👍👍👍👍👍避風塘炒蟹分有三種價錢，價格以蟹的大小分為$480、$680 或$980。這裡的避風塘炒蟹絶對不遜色於一些專門吃避風塘炒蟹的食店，首先每隻蟹都經廚師人手挑選，烹調方法亦用了較繁複的程序，以生蒜粒、辣椒亁和蟹同炒，整個過程在火喉的掌握要十分到位。蒜粒和辣椒的味道不但沒有搶去蟹的鮮味，相反令蟹的鮮味更加突顯。薑蔥霸王雞（HK$168/半隻）👍👍👍👍👍看似普通的霸王雞，用了走地雞，雞味更濃，肉質亦更嫩。雞件上

大角咀多食肆就人所共知，但原來裏面都有隱世的私房中菜，除了散叫外，還有圍菜，款式很多，而且有多款古法美食，如京酥國寶鴨等。我們先點了一個冬瓜薏米南北杏煲豬尾骨，一大碟的煲湯料連湯一起送上，可見用料十足，加上大量皂山薏米眉豆等，令湯帶點杰身，味道清甜，完全無落味精。小食要了椒鹽豆腐，豆腐炸至金黃香脆，中間保持嫩滑，正好一口一粒，是一個不錯的小食。自製果醋果肉生炒骨酸味完全不嗆喉，味道天然，蘋果醋香味較清新自然，加上用了新鮮的黑毛豬骨，豬肉味濃郁而且無豬騷味，表面更炸至香脆，帶點拔絲的效果。黃金蟹以美侖美奐的托盤盛載，令整個黃金蟹更加高貴，蟹殼表面沾滿了自家調製的咸蛋王，蟹殼炸至香脆且易咬開，蟹肉鮮甜，蛋王香惹味。最後餐廳送上香甜的馬豆糕作甜品。

After a week of hectic work, my colleague asked me out for dinner tonight and he knew of a place that served quality Chinese cuisine, using ancient way of cooking dishes. Joyful Peace Restaurant was located at Li Tak Street, Tai Kok Tsui, where alot of good food can be found. Their menu was comprehensive, offering a wide range of Chinese cuisine ranging from seafood, meat, vegetables, rice or noodles and drinks etc. Mala century egg - We ordered a starter to start with, and it was appetizing and

老黃瓜南杏北杏豬骨老火湯去濕清熱， 湯頭清甜！ 非常足料而且冇味精，越飲越想飲，非常足料！脆皮黃金豆腐，外層香脆不油膩， 香酥脆口！ 內層綿綿細緻，入口綿滑！花雕酒精鮮肉餅膏蟹，華麗嘅賣相，高級嘅食材分愛滋味！ 蟹嘅高香融入喺肉餅之內， 有陣陣入花雕酒嘅清香， 份外醉人！ 花雕酒嘅介入，令到蟹肉更加鮮香！非常出色！水煮鮮桂花魚， 麻香陣陣 滲出嚟， 餘韻嘅辣勁辣得過癮， 桂花魚魚肉鮮味嫩滑， 吸曬香麻嘅味道， 配料再有豆卜芽菜，整體更加入味！8年紅豆沙，用上8年陳皮，再悉心烹調！ 甜到唔會過火， 甜得自然！ 紅豆沙在喉嚨內徘徊，再慢慢吞下，有種難以形容嘅特別口感！非常滋味餐廳用心製作，誠實可靠！用心小店！必定要多加支持！非常欣賞

呢日同朋友去大角咀到食dinner，好耐冇食中餐，我地搵左一間中餐廳，估唔到有好大既驚喜！呢間餐廳係由名廚親自主理，入面啲菜式都係認真製作既傳統中菜，有啲更加係接近失傳，出面好少見既！我地點左黃金脆皮小黃魚，色、香、味俱全既一道菜！小黃魚炸到好香脆，成條又頭到尾都可以食既，連入面既骨都脆到可以食落肚，外層沾滿鹹蛋黃醬，真係超級推薦既一道菜！另外仲有老火煲南北杏雞骨草豬尾骨湯，估唔到喺餐廳都可以飲到咁有誠意既湯，老火湯係煲左幾個鐘，一啲味精都冇落，但係超級鮮甜，想滋潤一下既一定要試下呢煲湯！呢個豉油皇新鮮鵝腸都超正，鵝腸係每日新鮮訂既，食落好好爽彈，同出面食到既冰鮮鵝腸係完全兩個層次。呢個避風塘茄子都唔錯！

朋友曾經介紹過呢間餐廳，話呢度可以食到傳統粵菜，仲話午餐非常抵食；今日喺大角咀，就特登行過嚟呢度試吓。叫咗$68嘅「海底椰紅棗豬骨湯」，連白飯，仲包當日例湯。今日例湯係「青紅蘿蔔雞骨草煲豬肉」，雖然係例湯，但係都落足料，好飲。「海底椰紅棗豬骨湯」好快就嚟埋，用個雞公燉盅裝住，賣相傳統得來又幾靚。個名叫豬骨湯，但係其實裏邊全部都係瘦肉，所以有好多肉可以食，兼有大量海底椰，仲有紅棗同杞子，咁多材料令湯味非常濃郁，後來師傅喺廚房出嚟話我知已經燉咗4小時，兼且用黑毛豬，唔怪得知咁美味，而湯底好清澈一啲都唔渾濁，亦都盡見師傅嘅技巧👍，仲配埋大大碗嘅白飯，食得好飽😋熱奶茶好香好濃好滑，正😋會再嚟試吓佢其它傳統廣東菜。仲有，我見到超多附近嘅工友嚟呢度食午飯，咁就已經可以估到呢度好味又抵食😋

今晚山長水遠帶媽媽去試一間特色中菜廳，本身以為係純粹特別中菜，但原來係一間碩果僅存既餐廳🍴！每款餸菜都好似就黎失傳難能可貴既食物😋<口水脫脂水晶肴肉>好有驚喜嘅一款小食，用口水雞汁煮辣辣地好香！佢層豬肉連皮係脫脂，食落去好似啫喱！睇落好高級咁🤩<老火煲薏米冬瓜豬尾骨湯>去濕清熱好湯！無味精！又足料！睇得出淆左好耐嘅老火湯！<金雲彩沙黃金蝦球>嘩！每隻蝦都好大隻之外，唔係得咸蛋黃嘅膩，一啖食落去好香、然後脆、再到鮮，3個層次感！<玫瑰煙熏乳鴿>煙熏味好特別好香口！同埋啖啖肉！肉汁鮮嫩，好入味！同一般乳鴿好唔同，呢個可以品嚐到成隻乳鴿每一寸肉😋<醬皇麻辣干鍋走地鴨煲>一開蓋時已經聞到陣陣醬料味，好香好辣，不過食落無想像咁辣，辣度適中👍🏻好意外嘅係鴨肉好新鮮，一d都唔韌！加埋個醬汁好錦上添花🥰而且配菜入哂味好爽脆！<羅漢果雪耳果凍>甜品完全反映到師父嘅細心❤️因爲餸菜味道相對濃郁，甜品方面用左羅漢果，味道甘甜，令喉嚨涼浸浸好舒服😌而且都唔係外面唔容易食到嘅糕點😛呢間碩果僅存嘅餐廳好適合帶長輩或者一大

大角咀食街有很多餐廳，喜聚坊算是最隱世的餐廳，其貌不揚與其它茶餐廳無異樣，不過食物質素好高，是出色的私房菜，大廚還上過好多次電視！.而且價錢合理，大約$50有個午餐，平民貼地又免費送湯，所以好多白領打工作來食。.今日的湯是冬瓜薏米豬肉湯，員工話無落味精，熬足4-5小時才熬出奶白奶白的色，好滋潤。.每次來都有好多人叫鮑魚金蒜排骨竹筒飯。賣相掂，放在竹筒內，見到都好吸引！又有原隻鮑魚，夠矜貴。排骨好稔，肉汁的精華完美滲入白飯內，連淨食白飯都好好味！.這裡的水煮魚也很出色，首先是選用新鮮鯇魚，賣完就無，鮮甜爽口，而且份量多，超抵。辣汁是正宗川味，不是死板的辣，而是好香好exotic 會令人上癮的辣。除了魚片，還有豆卜、豆芽、蘑菇等材料，好豐富。.每個餐送熱飲，加$5可轉凍飲。.食物出口特別，用心創作，是優質的小品！