喜滿樓菜館

营业中

休息中

新開張久，因為好食又抵食，已經和家人和朋友食過10次晚飯以上。 好似食到上咗癮咁。 點解呢? 因為老闆選購嘅食材海鮮黎講，好新鮮,肉類肉質亦十分幼嫩。同埋 煮工一流! 有鑊氣嘅有鑊氣, 香脆嘅香脆。最正嘅係椒鹽鮑魚, 佢哋用南非鮑魚， 隻隻肥嘟嘟脹卜卜， 軟熟得呢係彈牙嘅。 而且食落去係有清甜味嘅， 唔係大連鮑魚硬掘掘。仲有 麻辣雞煲可以打邊爐, 都好好食。老闆又超好人, 我哋兩枱枱做冬, 食美國桶蠔, 有兩種食法, 薑蔥蠔煲, 同酥炸生蠔。 有啲人唔想咁熱氣食酥炸， 我哋就舉手計人頭煮兩種唔同嘅煮法。另外， 老闆有乜嘢新鮮材料會whatsapp畀我哋， 例如東星斑 ，蜘蛛蟹等等。 仲有會花時間做一啲懷舊又有特色嘅菜式， 例如芝麻雞， 製作時間係兩日， 要風乾嘅， 好特別，從來冇食過。 但係佢又唔係淨係懷舊菜式， 仲有啲創新菜式。 例如拔絲薯仔牛柳粒， 啲薯仔外脆內軟 甜甜地 ， 食完第一粒就想食第二粒 ， 轉一圈已經畀人夾曬。 我哋再order一蝶淨係薯仔， 老闆都ok喎。 啲牛柳其實亦好靚， 好冧。 仲有一味好值得講嘅係黃金蝦。 真係做到連蝦殼都可以食埋， 炸得都算乾身， 十分

機緣巧合下發現呢間在土瓜灣高山道附近的中菜館，我同朋友都不約而同愛上，依家間唔中都會去食。雖然已經食左幾次，但今次先記得寫食評。食過好幾樣小菜都好好食，包括蜜椒薯角牛柳粒(好足料，好有穫氣),水煮東星班片(辣辣地，好耶味), 南乳脆豬手(好多舊，脆皮卜卜，送酒食一流),蒜香骨(又係好多，好耶味，炸蒜疊高高，最岩送酒食)，來一客清淡的豉汁蒸大鱔(鮮味清爽) ，仲有我地每次都特別要求嘅黑松露瑤柱蛋白炒飯和砵仔焗魚腸，太多美食數不完! 所有小菜價錢都唔貴，但好好食，好有誠意，所以呢間餐廳星期六日通常都要等位，但都無阻我地山長水遠去食(話說我地都係住沙田)😂😂

小弟一向喜歡周圍搵好野食, 可謂食遍港九新界, 唔需要太高級, 亦要求乾凈衛生企理, 香港每區都有代表食店, 如太子的容記小菜王, 深水步金豪, 灣仔星記, 大角咀高高酒家等等。而紅磡土瓜灣呢？現在終於找到了! 上星期經老友推薦下, 一行7人去了試下新開冇幾耐喜滿樓菜館，因為訂了檯,  不用門外等, 坐低便看到牆上貼有喜滿樓菜館熱賣排行榜, 當然要試下是否值得熱賣!  叫了招牌欖角骨, 喜滿小炒王, 芥末牛仔骨, 黃金脆蝦, 古法生炆龍躉, 啫啫豬雜雞砂煲, 另加一個每晚廚司推介-豉椒炒聖子皇。豬牛雞魚海鮮樣樣齊! 小弟不是食評家, 不用每道菜品評。吃完這道晚飯, 感到很高興, 很 “喜滿”! 難得有人可以這樣有心和有水準廚藝, 價錢超合理, 烹調食物出眾! 現在紅磡土瓜灣也有代表餐館了!

我一家人最喜歡小炒有鑊氣香噴噴，的確有其吸引之處，這店之前幫襯幾次，就係小菜鑊氣夠所以留到客，我鍾意黃金鮮魷同埋椒鹽豆腐這類脆卜卜的食物， 他們的調味不太咸，但有准鹽嘅惹味送酒一流。另外我都鍾意食這裏的咕嚕肉酸酸甜甜，外脆內軟又是送飯嘅極品。今晚, 店的老板友善地介紹一道很稀有的菜式 {芝麻雞}  並講這道菜是功夫菜,花上幾個鍾將雞上芝麻及封乾,技巧也流失了! 土瓜灣也食到芝麻雞, 即管叫來吃下! 食完這道菜, 皮脆肉滑, 芝麻香味入口即溶, 黑白芝麻均勻, 色香味俱全, 比炸子雞好味多多聲! 太好味了,既傳統, 有懷舊, 香港已很難食到! 小弟敢講, 未食過芝麻雞, 唔好話自己食過雞!喜滿樓在土瓜灣區剛立足，有一定的捧場客，也在何文田站高山劇場附近， 食物質素高，所以間中都會約朋友嚟聚一聚。

好友在半個月前光顧了位於土瓜灣安徽街的喜滿樓，評價很好，特別是招牌菜之一的「菠蘿咕嚕肉」，讓人很驚艷。結果在他一直推崇的情況下，在我滿滿的收藏夾中脫穎而出。晚上六點半到達，沒有訂座的情況下也不用等位，直接入座。這間喜滿樓係免茶免加一，食幾多俾幾多都化算啲，我最鍾意呢度嘅新意思 包括玉桂香蘋牛柳粒, 牛柳粒帶著蘋果和玉桂香味, 不肥不留，食在口中清甜交融的感覺就係呢種，很不錯的。仲有是新意思 紅菜頭汁帶子炒飯, 很清新健康, 才68元! 其實今餐計起條數每人100頭，晚餐來說是幾抵的。

大家都知道我喜歡吃懷舊菜式。所以今天長輩提議，帶我吃最好吃的梅子鴨, 去了土瓜灣的喜滿樓 -食其 "懷舊梅子荔芋炆鴨"。 一進去，服務員都超好服務來招呼我們，個個都老友鬼鬼甘介紹招牌給我們，叫了幾道美食排行榜的招牌菜, 當然有預訂了的 "懷舊梅子荔芋炆鴨"。 酸甜汁適中, 鴨肉香濃有鴨味, 芋頭鴨肉連汁更可口, 正到唔知點講千萬別錯過，然後我們又叫了其他招牌菜，哇哈哈！上菜速度真不錯。 一口咬下酥炸美國桶蠔，哇哈，好大塊，啖啖肉，外香內嫩，真係好好味道 。不愧是“土瓜灣好吃的食店”！ 我很享受大吃大喝的時光，他們家價格公道，食物也很地道很美味，泊車也方便。家庭，朋友，同學聚會的好地方哦！ 一杯冰啤酒下肚，更是滿足。。。

是晚嘗試了椒鹽鮑魚，非常新鮮非常美味， 另外一味是黃金蝦， 海蝦亦非常新鮮 ，黃金非常鬆化很好食， 店員服務一流， 老闆亦非常親切， 本人比較喜歡到一些舒服的地方食飯這裏就畀到我這個感覺， 價錢亦相當合宜。

前日去完高山劇場 附近找野食 沒有什麼期望 看到一新開喜滿樓菜館 門口貼上一張什麼善心派飯的獎狀 看完餐牌全是特式小菜 精選火鍋 像容記小菜王 58元特價晚餐有鈑有老火湯食了菠蘿咕嚕肉 嘩！未食遇咁好食 問老板原來是用秘製酸梅醬製成 豬肉是上等肉青 朋友叫了㰖角骨 蜜椒薯角牛柳粒 黃金蝦和薑葱桶蠔 也是頂瓜瓜 比美名店的味道 全單才三百多元 意想不到土瓜灣有好野食 店內有大枱可坐10人以上 環境比附近店衛生得多 下次叫多些朋友一起去食 難忘的好店！