喜滿樓菜館

营业中

休息中

我已經幾次到這家港式地道菜館，每次來都可以食得滿意。每次也食到新推出菜式，有新意。特式小菜多款，食材質素高，菜餐廳價格，所以似乎很受土瓜灣街坊歡迎。前天一行6人去食晚飯後, 驅使我登入比個讚。當晚叫了招牌欖角骨 、砵酒焗桶蠔 、濃湯藍青口浸菜心 、風沙鱔球，更叫了新出的黃金軟殼蟹及蜜椒脆涼瓜。每道菜是用心烹調, 用料上乘, 試過很多名店也跟這里一樣高水準，但喜滿樓價錢只是街坊價! 小弟不是食評家，但很欣賞喜滿樓的出品。可能好快，相信會收到更多讚。

原來食海鮮不一定去鯉魚門、流浮山、西貢，個度十幾人冇7千都唔得。朋友推介我去土瓜灣喜滿樓，呢度魚缸都冇個，真係有點懷疑! 但朋友話喜滿樓老板的朋友是海鮮入口商，要嘜有嘜，保証至靚海鮮貨，仲平過批發價。這次表弟來香港，就特地來喜滿樓食海鮮，選擇多，但要預定。我們12個人，選了肉蟹，聖子王，瀨尿蝦，海蝦，和老闆推薦嘅阿拉斯加長腳蟹。確定每個鮮的做法，肉蟹薑蔥炒，聖子王豉椒，瀨尿蝦椒鹽，海蝦黃金炒，長脚蟹凍食蝴。另外餐廳有送湯，再叫多兩個蔬菜，埋單三千多，比其他海鮮店平一半，這裡海鮮真抵食。

前晚，諗唔到食乜好，同朋友黎到呢間菜館，諗起上次食過覺得好食，所以決定再去試下其他小菜！ 今次食黃金蝦、家鄉咸魚煎肉餅、同欖角肉碎四季豆，樣樣都好食！ 特別係個煎肉餅，好香，食落唔會覺得油膩熱氣，超好食！ 今次都係揀佢既招牌小菜！小炒王有蝦乾，再加埋腰果少量紅椒青椒，好香好食！ 熱辣辣，好惹味！ 再黎沙拉骨配菠蘿。這裹有好多菜式可以預訂，包括芝麻雞、椒鹽飽魚、海鮮，所以下次再食預訂的菜式，尤其是芝麻雞，下次值得再去！

上個月搬到土瓜灣，通過身邊友人同我分享紅磡土瓜灣的美食，就同我推介左呢間新菜館，小弟同朋友上星期五就專登去試個究竟。首先叫左推介美食其中一道，風沙鱔球，鱔肉十分香口彈牙，冇骨淡淡肉，好食過鰻魚。蜜椒薯角牛柳粒，牛肉鬆軟，加上有少許蜜糖的味道，味道十分讚。菠蘿沙拉骨，味道佳量夠。黃金鮮魷，外酥內軟，口感甚佳。當然唔少得叫啤酒飲，再叫多幾個好菜送酒包括椒鹽茄子、南乳脆豬手、避風塘軟殻蟹等，這晚美食當前，一班朋友夠哂盡慶！

上星期，我和一班朋友飯局再次選擇到喜滿樓吃晚飯。我們一行八人，特意訂了這店的房間，方便我們高談闊論，暢所欲言。我們點了八個小菜和一碟炒麵。小菜包括預定的霸王雞、香宮腐乳蝦、小炒皇、蜜餞金蠔、蒜蓉西蘭花炒蝦、椒鹽鮑魚、孜然骨等。今次的小菜味道和上次一樣恰到好處，份量足。我和朋友們都吃得津津有味。特別係個蜜餞金蠔，做到皮脆蠔味濃郁，甜漿包住金黃脆皮，煮出最鮮甜金蠔。這裡用的真正金蠔又肥又厚，喜歡食金蠔的人不可錯過。

我最怕食野味精多又咸又油，喜滿樓除左有多款招牌菜例如芝麻雞、椒鹽鮑魚、黃金蝦、黑醋骨，更推行少鹽少油, 我鐘意! 食了上面幾道拿手菜，真的少鹽少油, 味道仍足夠。我最欣賞是推出多款涼瓜菜式和蒸類菜式，叫了涼瓜洋蔥炒蛋夠滑，叫了涼瓜炆大鱔夠新鮮! 芝麻雞更是獨有，食完才知道什麼叫脆。黑醋骨甜酸恰當，椒鹽鮑魚食過番尋味，外面鬆化，內面軟身又易咬，下次叫多一隻食。食完呢餐完全冇口乾冇味精反應，值得推介比各健康飲食男女。

尋日約了一班舊同事聚會去土瓜灣的喜滿樓菜館。我們一進入了店子，樓面就熱情招待，其餘待應都招呼週到，這點值得一讚。看餐牌，這裡有由58元特價小菜至幾千的龍蝦長腳蟹都有，所以我地便叫齊各款菜式，有58元西檸雞、椒盬豬扒、密椒薯角牛粒、原隻菠蘿咕嚕肉、百多元炸子雞和千多元上湯西澳洲龍蝦伊面。食物質素幾好，58元的小菜夠份量，真材實料，沒有將貨就價，好抵食。個西澳洲龍蝦更是鮮味，龍蝦球彈牙，平過去外面海鮮店，回味無窮!

今年母親節全家上下13人去了朋友推介在安徽街的喜滿樓菜館食飯，有點意外中的喜悅，值得我上Open Rice比個好評! 我們叫了龍皇杏汁燉白肺湯、椒鹽鮑魚、原隻菠蘿咕嚕肉、芝麻雞、椒鹽珍寶瀨尿蝦、薑蔥炒雞雜等、再加一隻4斤阿拉斯加長腳蟹涷食，款款味道能做到恰到好處，尤其是個龍皇杏汁燉白肺湯，杏汁和湯底味道中和平均。另外招牌菜椒鹽鮑魚、原隻菠蘿咕嚕肉、芝麻雞更是出色，三樣都做到皮脆肉嫩肉汁多，老幼都食得。款款菜都色香味俱全，最重要係這日的主角亦讚，呢餐為我地的母親節錦上添花。

對很多人來說,也許喜滿樓跟芝麻雞已經劃上等號。正如鏞記等於燒鵝,富臨阿一等於鮑魚，益新有琵琶鴨以及麥奀等於雲吞麵一樣。能夠令一個菜式聯想到這菜館,這定有異於他人的特色 。事實上,要找到一間粵菜食肆有芝麻雞已不容易,程序更複雜,至少用兩日時間製作。喜滿樓造出的芝麻雞皮脆肉嫩，芝麻鋪滿面，咬落芝麻加脆雞皮, 薄薄雞皮加上芝麻香，滋味無窮。再沾些日本芝麻醬，令到Juicy的雞肉更惹味，不油不膩，出色! 當晚另外點了豆腐支竹火腩炆大鱔、香宮腐乳蝦、煎封竹籤魚和奇妙沙拉骨, 廚師對油的控制很好, 不會筷子一夾就出油. 所以味道一流! 喜滿樓已是很多土瓜灣街坊的心水食店,原來這裡才開業幾個月，有這樣好味的出品，實在難得! 芝麻雞更是必食之選!

我家住香港島，鍾意開車周圍搵好野食，最好門口有得泊車。前晚一家五口去到土瓜灣浙江街，上Open Rice睇下有咩好食，見到隔離街安徽街有間叫喜滿樓既菜館，菜式相片睇落幾吸引，所以便泊在安徽街門口，入口試下是真是流。當晚經老板介紹點了炸子雞、蜜椒薯角牛柳粒、喜滿小妙王、蒜蓉粉絲蒸開邊蝦、珍寶蟹。樣樣都美味，鑊氣十足。原來呢度可以自來海鮮加工，更可自帶酒水，最值一提是這裡服務一流，店員充滿笑容，難怪咁多公公婆婆來買外買飯盒，充滿人情味的食店!

朋友飯聚，選了港式粵菜喜滿樓，門口格局有小菜館既感覺，但入內環境都唔錯，一行八人叫左梅子荔芋鴨，香蒜骨，喜滿小炒王，鴛鴦炒飯，椒鹽南非鮑魚，涼瓜炒牛肉，腐乳蒸滑雞，同埋叫左個皇牌椒盬軟殼蟹，軟殼蟹和食香蒜骨超正，推介梅子荔芋鴨，味道樣樣都唔錯，值得一讚係個梅子鴨，鴨肉沾上梅子酸汁，而且汁既味道調得唔錯，忍唔住起碼食左4，5件，不過醬汁才是精髓，伴白飯吃，相當美味。地理位置不算非常顯眼，幸好位於何文田地鐵出口附近，所以也比較容易找到。  對比一兩個月前光顧的那次，今次的菜式有新意, 味道有極大進步，樣樣都有水準!

人大了, 要約齊屋企人食生日飯真係唔容易, 原本想食西餐, 最後變左食晚飯小菜, 最緊要係齊人食飯! 好彩, 喜滿樓有晚飯供應既特式小炒和新鮮海鮮, 而且小菜仲有白飯同飲品送, 又幾抵WOR!今次一行8人一共叫左8個小菜。值得推介既係蒜蓉粉絲蒸北海道大扇貝同香宮腐乳蝦。兩個菜都整的好味, 超新鮮。肉類叫左蜜椒薯角牛柳粒，甜辣適中又脆口, 也叫了奇妙沙拉一字骨、熱噴噴的者者豬肚雞煲, 更預訂了芝麻雞和龍皇杏汁燉豬肺湯，電視節目就見過，終於係土瓜灣食到，真是好好味，個湯杏味香而不太濃，清潤可口。食到尾段見到隔離檯上了碟原隻菠蘿咕嚕肉，雖然要預訂，但店員話預多了一隻菠蘿，更係要試。原隻菠蘿咕嚕肉令我知道真正的<色香味俱全>! 咕嚕肉脆皮肉嫩，酸甜適中，令我這頓生日飯錦上添花! 更送上串串菠蘿贈慶, 這裡抵食又好味,喜滿樓很值呀!

早排係住在土瓜灣朋友既強力推薦下去左安徽街喜滿樓訂兩檯食團年飯，作為一間新開張才兩個月既飯店，喜滿樓既食物有相當既水準，性價比非常高! 訂檯時講了每位預算300元，老板娘便為我們度身寫了一個菜單，不用我煩腦。當晚頭炮是皇牌之一: 特級螺頭燉竹絲雞, 沒有味精, 很有Home Feel, 飲落很舒服，香醇滋補，對於我這愛湯之人，真是無得彈! 第一道菜：椒鹽南非活鮑 (才68一只) 鮑魚外皮酥脆內里彈牙，鮑魚肉鮮味軟嫩有點Juicy, 無得頂! 第二道菜：招牌欖角骨（朋友大推既）唔係浪得虛名既，第三道: 蜜餞煎金豪，鮮甜無比，蠔脆十足，其他菜有古法炆龍蠆(有火腩支竹, 魚肉外脆內嫩)、茄汁蝦 (鮮甜可口), 紅燒大元蹄, 濃湯藍青口豆苗, 全部菜好好食, 食到我們令我們刮目相看這小店! 老板娘得知我們一家團年, 更送上日本哈蜜瓜一碟, 爽甜入心, 這些菜式原來只要早一日預訂，三五知已也能品嚐。很高興能品嘗這樣的美食, 很多謝喜滿樓給我一餐難忘的團年飯!

土瓜灣處處都有平靚正的食物，喜滿樓是最有水凖的鋪頭。今天放假去土瓜灣高山道探我外公外婆，他們每次都指定要去安徽街的喜滿樓食晚飯。外婆至愛椒鹽南非鮑魚，估唔到她咁愛食香口食物，食落唔熱氣，薄薄的炸皮包住多汁南非鮑魚，再加上椒鹽，零舍不同! 我們10個人叫左10道菜包括: 椒鹽南非活鮑、日本北海道大扇貝、懷舊梅子荔芋鴨、黃金蝦、薑汁炒芥蘭、薑蔥桶蠔煲、炸子雞、臘味芋頭煲、黑椒茄子牛仔骨、和濃湯蟲草花豆苗等，全部菜好好食, 食到老人家很開心! 來了幾次, 越來越多客人，相信下次要訂檯才有位了, 值得讚這溫馨小店帶給我們一家人每次難忘的聚會!

第一次是老友介绍 ，去了幾次已愛上這間在紅磡安徽街的爆紅新店 喜滿樓 ! 我是海鲜超级擁躉， 這店是每日有街坊價海鮮推出：椒鹽南非鮑魚、 䜴椒炒聖子皇、 日本北海道大扇貝、 XO醬炒象拔蚌、 黃金脆蝦、 古法炆大鱔煲 、黑胡椒波士頓龍蝦、 薑蔥焗桶蠔 ，全部以特價推出 新鮮又抵食! 原来老板是直接從海鮮入口商買海鲜貨，比批發價和大酒樓更抵食!拿手小菜招牌㰖角骨、 蜜椒牛柳粒、南乳脆豬手也好掂！土瓜灣也食到抵食海鮮和小菜！以後唔駛咁遠去到流浮山食海鮮了