喜滿樓菜館

营业中

休息中

上個月去過喜滿樓三次，這店位於土瓜灣安徽街，交通也方便，門口有很多車位，所以生意特别好。吃過令人回味無窮的水煮龍躉，揀了少辣，龍躉滑中帶辣，味道一流，比用果皮蒸更美味。前天是母親生日飯，再次來這裡，今次只得六個人，薑葱粉絲羔蟹煲是百吃不厭。這晚再來個啫暏大鱔煲，份量夠大，加入了肉片和葱頭，不油不膩夠惹味。咕嚕肉的酸甜汁是亮點，香脆的外表包著鬆化的肉質，的確是高水準的煮法。花甲蒸滑蛋，花甲的鮮甜夾雜住香滑的滑蛋，新鲜易入口。

成班同事收工之後，帶我去公司附近一間半新菜館叫喜滿樓食晚飯，口碑唔錯，一直都好想試。我們一行8人都叫了8個菜。首選就是招牌菜芝麻雞，皮脆肉嫩，芝麻香噴噴，見到都口水流，食落更滋味無窮。另外叫了果皮蒸龍𧄌腩，用的是新會果皮，龍𧄌夠新鮮，配搭一流。也叫了椒鹽鮮魷 ，但我怕熱氣，只食了一件。西蘭花炒帶子，帶子肥大肉厚，夠鮮味。水煮牛肉用料正宗，牛肉夠滑夠惹味。我本身好鐘意食麻辣，但是又唔食得太辣，這𥚃的味道很適合我，下次要試下水煮魚。這𥚃除了芝麻雞出色之外，其他食物也令人流口水。

上星期六專程再去紅磡試下喜滿樓菜館，尤其是要食芝麻雞同冰鎮鮑魚。老實說,，以一間坐位不到100個的小菜館來講，所有餸菜都算出色，不過不失，而且價餞亦算合理。今次老板介绍了一個新菜羔蟹蒸肉餅。以前未食過，便叫來試下。上到枱賣相一流，蟹羔滲入肉餅一齊食，真鮮味。最正是肉餅汁加了蟹羔味，色香味俱全，有新意又好味。另外也叫了味菜炒鮮魷。這𥚃用的是火箭魷，夠厚身又夠爽，非常新鮮，未食過這麽鮮甜的鮮魷。每次來水準都是穩定的，沒有多大分別。但幾位朋友一致認為價錢合理，因為份量足夠又夠多，材料夠新鮮，足以令大家有驚喜。

前晩在喜滿樓訂枱食晚飯招呼台灣來的朋友，喜滿樓一直係平靚正之選,，而且交通方便。之前每次都會預訂芝麻雞，今次也一樣，因為個人認為芝麻雞比較惹味。其餘點了小菜包括西蘭花炒東星斑、鮮花甲蒸滑蛋、瑤柱蛋白炒鈑、酥炸美國桶蠔、喜滿小炒皇、蜜椒薯角牛柳粒、原隻菠蘿咕嚕肉和南乳豬手煲。全部係高水準好食。最特別是新菜鮮花甲蒸滑蛋，例牌有20隻花甲，加埋滑蛋一齊食，滑上加滑，超鮮甜。最重要是台灣朋友也讚賞喜滿樓的食物，他們更說有香港特色，我跟他們介紹這就是香港菜。

同班中學舊同學飯聚，我們有11人，雖然話隱世，但其實識路就好易去到何文田站出口高山道直行，好快就見到喜滿樓的招牌。入到去座無虛席超旺埸，大大聲講野都唔驚。食物方面，芝麻雞和炸子雞外皮夠脆唔油膩，肉質嫩滑唔膩。西蘭花炒東星斑片，大大件東星斑。招牌欖角骨絕對值得一讚，一字骨肥瘦適宜。黑椒茄子牛柳，蒜頭配料太多 ，可以改善。椒鹽蝦係我最鍾意，外脆內軟，脆得唔油。黄金凉瓜更是香口，食落唔覺苦。最後食了新加坡炒蟹，味道無得彈，酸辣恰到好處。今次飯局各位都滿意，下次再來。

差不多每天都落雨，但也帶來好處，不用等位就食到啦 ，喜滿環境舒服又乾淨，門口多錶位任泊車，一落車就是門口超方便。南乳脆豬手豬手炸得乾脆，沾上南乳酱更加惹味，一點油膩感也沒有，反而覺得自己似食乳豬的回感。芝麻雞半隻都已經好大隻，好滿足。皮夠薄又脆，肉質十分嫩滑，比起酒樓好得多，加碗白飯慢慢嘆。家鄉咸魚煎肉餅，肉餅煎得香香夾著咸魚香味，非常惹味可口，別處食不到，比泰式咸魚煎肉餅更好食。

逢星期二9點左右在教會開完會，就慣例來喜滿樓菜館食宵夜。8個人來到，今日好多食物已沽清，因為好生意，我地就叫了芝麻雞和炸子雞雙拼、涼瓜黃立䱽，上湯蝦伊麵、咕嚕肉，薑蔥桶蠔、黃金蝦，全部都做得不錯，芝麻雞和炸子雞必吃，涼瓜黃立䱽煎得香，味道不錯，只是涼瓜稍為少了點，咕嚕肉皮脆肉汁多，整體是滿意的，如肉能再切細件一點會更好。薑蔥桶蠔味道沒有問題。所有食物溫度都很好，來得也很快，喜歡慢慢吃的朋友就稍嫌效率太快，這家餐廳基本上是小炒餐廳跟茶餐廳的結合。

喜滿樓的佈置是典型的中式餐館，賣的食品是以特色小菜為主。今次點了原隻菠蘿脆皮咕噜肉、冰鎮鮑魚、新加坡酸辣炒蝦、黄金蝦、花雕疍白蒸花蟹等。冰鎮鮑魚採用南非活鮑，食落凉浸浸，好鮮甜，沾上鮑魚汁更鮮味。黃金蝦是連整條蝦炸，再沾上咸蛋黃醬。蝦的外殻炸得十分脆，我是連殻吃了，可吃到很香的咸香蛋醬。蝦肉方面也新鲜，吃到蝦的甜味，口感尚算彈牙。菠蘿脆皮咕噜肉，份量頗多有十幾粒，夠脆皮多肉汁。總括款式多、價錢合理和味道十足！

前晚提早同老婆食生日飯，喜滿樓一直係平靚正之選。呢度成日搞新意思，推出新菜式，客人唔會悶。老板娘介绍下預訂了菠蘿樹影、芝麻雞、九層塔葛薑葱炒蟹、乳香骨、黑松露蛋白炒飯等。全部係90分以上水準，最特别係個菠蘿樹影，用雞用夾住菠蘿件，淋上麻醬，燒得雞皮脆脆，味道似日式燒雞卷，最有新意係毎件装在一勺子上，造型十足，非常有創意！8個人食左1500元，人均消費大約200元，一如以往性價比極高，其實上星期三晚先食完，相同既係兩餐都滿意，喜滿樓係值得返轉頭既餐廳。

有幾個月無去過高山劇場了，更加好耐無幫襯過喜滿樓菜館，所以上星期五去開高山道就好想再返去食喜滿樓。原來喜滿樓可以訂位，或者好似我地咁，肯搭枱好快有位。場內好多人叫小菜同煲仔菜，份量十足，不過我地預定了幾個新菜: 古法焗魚腸、原隻菠蘿咕嚕肉、黑胡椒炒蟹同支竹豆腐炆東星班球。最正係個黑胡椒炒羔蟹，夠火喉，真材實料，唔太辣，味道啱啱好，比係新加坡食嘅黑胡椒珍寶蟹更好味，香港其他地方少有。估唔到咁耐無嚟，喜滿樓仍然都係保持高水準的出品。

係喜滿樓食過兩次，第一次食覺得真係好有驚喜，而且價錢同味道都係性價比高。今次朋友想食小菜，就再黎試下其他菜，平日有9折夜晚都好多人，最好訂定位。我地叫了四個小菜，黃金蝦、椒鹽軟殻蟹、粉絲什菜煲同埋金牌麻辣雞煲。黃金蝦，鹹蛋黃味夠濃，椒鹽軟殻蟹外脆內嫩，粉絲什菜煲略嫌淡左少少，但有住家味道。麻辣雞煲味道剛好，口感岩岩好，唔會太韌。呢度送埋白飯同老火湯，真係飽到上心口，食得好滿足。人均100元有找，同大牌檔差唔多，都算抵食又好食。呢度有太多野食, 真係有排才食完。

一直看見喜滿樓菜館這個名字還以為係好傳統的老菜館，原來卻一點也不老，反而菜式係有特色，味道不錯的餐廳。平日晚上到來，已經見到餐廳內人頭湧湧。與女友被安排到二樓卡位就坐，揭開餐牌望一望，發覺有多款好合口味的特色小菜，順道問職員有甚麼推介，職員推介最受客人歡迎的芝麻雞、蜜椒鱔球、水煮魚東星斑片及豉油王炒蝦，點了三個招牌餸菜有芝麻雞、蜜椒鱔球和水煮魚東星斑片，樣樣好有水準，食過番尋味。最好味係蜜椒鱔球, 食鱔無骨淡淡肉,，沾了蜜糖在面,，好食過蒲燒鰻魚。個水煮魚東星斑片有薯粉底，只可惜有點辣，下次要叫少辣了。

大學同學飯聚，選了紅磡高山道附近的喜滿樓，門口格局有些茶餐廳感覺，但入內環境都唔錯，一行五人叫芝麻雞同炸子雞各半隻，西檸煎軟雞，黑胡椒炒蟹，海鮮什菜煲，黄金脆蝦、涼瓜京蔥炒什錦，同埋叫左個梅菜炒菜心，芝麻雞同炸子雞超正，分不出高下。黑胡椒炒蟹更是惹味，黑胡椒汁用來送飯更是一流, 味道樣樣都唔錯，不過黄金蝦有些熱氣要飲涼茶清熱氣。值得一讚係個西檸雞，才58元,雞肉滑之餘唔會太乾，而且個西檸汁既味道調得唔錯，忍唔住起碼食左5件。原來這裡可自來海鮮加工, 下次買些蟹來試埋其他煮法。

前日老爸牛一講明要去喜滿樓，他老人家特別指定要食芝麻雞，一早便訂好了菜。這裡的芝麻雞造得非常岀色，雞皮加上芝麻炸得脆口，顔包有光澤，而雞本身肉質也嫩滑多汁，再沾上特製芝麻醬，更加入味，比起沾薑蓉或豉油更有特色，食落唔會肥膩，係香港唔見其他地方有得食。豉油王大蝦 ，炸得香脆可口又彈牙，必吃之選！我最愛是南乳脆豬手，本身我不是豬手粉絲，但這個確是香脆得不油膩，更可沾多些南乳醬。濃湯蟲草花浸菜心苗夠翠綠嫩滑。其實我的確很少去香港的中式酒樓，主要是不少酒樓做得越來越馬虎苟且，我寧願選擇傳統舊式菜和特色粵菜館，而這裡的芝麻雞，算是最好食的雞之一。今餐最重要老爸滿意。

之前在Openrice見過好幾次這間菜館，都有人讚，亦有朋友推介比我，於是我們一行8個就訂好位來試過究竟。門口有好多錶位，泊車好方便。上到2樓，燈光明亮環境都唔錯，坐得頗舒服。然後食物方面,我們叫了幾個小菜，包括有出名的芝麻雞、棋子豉汁蒸大鱔、家鄉咸魚煎肉餅、小炒王、椒鹽軟殻蟹、砵酒桶蠔煲，其中令我印象最深刻是黑胡椒炒蝦，蝦味十足，炒得惹味之餘，而且咬落口感真係好，食得出有落足料。最尾埋單，每人一百多元，食物同環境都對得住個價錢，可以再次光顅，鑊氣和味道都很好。