影片
港铁土瓜湾站C出口, 步行约2分钟; 土瓜湾地铁站C出口沿马头围道向红磡方向走两个街口）
继续阅读
电话号码
23331448
开饭介绍
传统老粤菜馆，供应不少怀旧小菜，菜式都在水准之上，是一家吃到回忆味道的菜馆。
继续阅读
附加资料
门口有多咪标 附近乐民新村有停车场
营业时间
今日营业
07:00 - 22:00
星期一至六
07:00 - 22:00
星期日
全日休息
以上资料只供参考，请与餐厅确认详情
有关奖赏计划
相关文章
试咗喜满楼怀旧宴嘅几道小菜，性价比极高。首先讲爵士炖汤，火候够，材料足，好啱依家天气。百花酿鲍鱼系鲍鱼𥚃面酿入弹牙虾滑，口感非常。跟住试镇店芝麻鸡，鸡肉嫩到爆，芝麻香好浓，咬落仲嫩滑。黑松露虾多士都好有惊喜，黑松露味劲出，虾多士外脆内软，口感层次丰富。西兰花炒龙趸都唔错，龙趸够新鲜。最后食甜品家乡糯米糍，软糯香甜，甜度啱啱好。整个套餐抵食夹大件，传统风味好正宗，约埋朋友一齐食，下次仲想试埋其他𩠌！
继续阅读
琴晚同成家陪阿妈去喜满楼贺寿，呢间老字号果然冇失水准。头盘芝麻鸡拼风沙鸡劲有惊喜。芝麻鸡皮脆肉嫩，啲芝麻香到癫；风沙鸡嘅蒜酥炸到金黄，咬落索索声，佐酒佳品。油泡笋壳鱼够晒架势，条鱼成只手臂咁长，外皮炸到透薄，雪白鱼肉嫩到好似豆腐，阿妈直竖拇指话好味。最过瘾系怀旧锦卤云吞，啲炸云吞大过乒乓波，蘸埋酸甜汁仲有叉烧粒。蜜椒脆鳝球咬落香口，蜜糖甜同黑胡椒辣撞到正，连平时唔食鳝嘅细妹都抢食。压轴招牌榄角骨香到离枱三米都闻到，排骨松化仲带榄角咸香。埋单人均二百几，但睇住阿妈笑到见牙唔见眼，不枉此行。
继续阅读
去土瓜湾喜满楼试咗几味，整体都满意。芝麻鸡即叫即炸，热辣辣上枱！层皮脆到好似食薯片，啲芝麻多到泻，香口到呢...送啤酒一流呀。梅子鸭系阿妈至爱，鸭肉焖得够冧，啲梅子酱酸咪咪又带少少甜，完全冇鸭臊味，最正系垫底嘅芋头。怀旧菜古法焗鱼肠，鱼肠洗得超干净，冇腥味㗎，焗出嚟好似炖蛋咁滑，入面仲有脆脆哋嘅油条粒，可以加啲胡椒粉食。新菜都唔输蚀，冬瓜蒸肉饼夏天食啱晒，冬瓜片又厚又清甜，中间嘅手剁肉饼仲有咬口，肉汁渗落冬瓜度。千丝虾球卖相赢晒，大大粒虾球俾金丝雀巢咁嘅脆丝包住，外脆内弹牙，点少少沙律酱，香口唔油腻。
继续阅读
今次喺喜满楼嘅用餐体验可以话系令人极之失望🤬🤬夜晚去食，点咗三个𩠌，但足足等咗20分钟先上第一款，第二个都要再等多5分钟，最夸张系第三个，等到成碗白饭食完都未有，讲紧系第二个𩠌过咗15分钟之后都仲未有。期间问咗店员进度，佢好唔耐烦咁答一句「整紧」，完全冇打算去查证，连厨房都冇入过。语气唔耐烦又冇礼貌，好似我哋问多几句就系滋扰。再问收银员，佢摆出一副不屑样，同样答一句「等等啦，𩠌系顺住做」，语气冷淡，好似我哋催单系做错晒。整体感觉就系冇人真心想帮你解决问题，只系想揾机会敷衍你走。隔篱枱迟过我哋落单都已经有两三个𩠌上枱，对比之下更加显得问题唔系流程，而系佢哋根本冇认真处理我嘅单。餐厅唔止要食物质素好，服务态度更加重要。一间好餐厅系要令客人愿意再返嚟，而唔系令大家食完只想走。拣餐厅嚟食之前，睇食评好重要，睇负评更加重要。一句讲晒不可一不可再‼️
继续阅读
超水准榄角骨：想不到以亲民价钱便吃到水准很高的这道菜。最喜欢到不同中菜馆点这道菜，因为很考功夫之余又好吃，在家很难吃得到。榄角味很香浓，不会过呛，而是酸酸甜甜的，很开胃，像小菜小馆的专业味道，味道非常细腻，肉质有光泽，卖相又精致。吃起来啖啖肉之余骨位的肉特别的嫩，所以用一字骨是明智之选，大爱。这个酱汁也用了很多榄角，拌饭一流，单呐也不过咸，浓淡得宜，想不到不用去酒楼都吃到如此高难度兼好吃的菜色，令人喜出望外。
继续阅读