唯珍上海麵家 (已結業)

下午五點多經過此店，見有水餃食心思思入去點了個北京水餃加杯豆漿，最後因為杯豆漿出事。水餃只是普通的質素，韭菜份量足夠豬肉欠奉，明知個餡是一樣的都還是忍不住加了一個北京餡餅，味道也不比水餃好到哪裡去，加了醋及辣椒油感覺上好吃了許多。豆漿拿上手沒有留意凍與熱就喝了一口，奇怪的是這杯豆漿不冷也不熱，再喝一口覺得味道不對勁就放了下來。埋單回家，晚飯也之後也沒有再吃過其它東西。十點多已經頂住個胃之後最後痀又痀唔出，嘔又嘔唔出，老婆大人拿出他的偏方「7up+鹽」喝了一大杯十一點才開始痀，之後來回洗手間及長沙發輾轉反則至凌晨三時才能人入睡。 此店永遠不會再幫襯！

經開佐敦, 想食餡餅, 上openrice查到呢間, 於是去幫襯下。12點半未到, 得幾個客, 坐低就叫咗北京餡餅同凍豆漿, 點知亞姐話餡餅要等, 星期六有的是時間, 等就等啦~~店內通風不良, 油煙好勁! 令到鼻敏感既我好唔舒服!未有得食又肚餓, 於是又叫多個酸辣湯。酸辣湯當然唔洗等啦, 細細碗份量剛好。有好多葱花晌面 (好少見有葱花的酸辣湯), 好足料, 但入面有紅蘿蔔 (都好少見有紅蘿蔔的酸辣湯, 我見識少), 食一啖, 嗯, 偏酸偏稀, 如果有多D木耳同豆腐粒粒會有更豐富的口感。熱辣辣食完碗酸辣湯, 冷氣唔夠, 已經成身汗! 呢個時候, 已經坐滿哂人, 等多5分鐘度, 餡餅終於煎好! 個樣好誘人呀~~上枱已切開兩半, 碟上面已有好多汁, 下次我會記得叫佢唔好切! Yummy!! 不會太咸, 超juicy~~~~下次唔會再叫酸辣湯, 飲完好口渴

普通廣東口味的上海炒粗$32竟然加入牛肉, 芽菜,紅蘿蔔,火腿,青豆,只吃到豉油味,仲要有鑊撈味,味道完全是一般茶餐廳的乾炒牛河,講真仲相差過好多,干炒牛粗...哈哈酸辣湯都唔知點形容,唔知出自邊度家鄉...有好多蔥粒--$12北京餡餅番煎唔熱...$8

超餓既一日,成日冇食野,睇完戲2點原本6點去食放題.諗住食D小食頂突然諗起有同事介紹依度,可以叫D小食頂一頂.一入黎見到北京餡餅,好清真果度D JUICE.即叫左黎試.韮菜非常好食,但一分為2,大部份汁已流出來.之後豬扒雲吞幼麵就上黎雪菜肉絲已自動加入,不知為什麼,上海野係想有雪菜肉絲.雲吞也是韮菜,加上豬肉,著實不錯,而且份量不少.看一看鐘,原來已5點...不知不覺行左一段時間先到唯珍,仲有一個鐘就食放題,唯有食埋先算.麵也軟硬適中,豬扒超薄,我覺得冇咩口感,但係一張紙咁薄都有DD肉汁,可視為另一個特色.下次想試下粗麵,同其它小食.

剛剛行到去佐敦，又到了晚飯的時間，去到這個地區可以選擇的食肆非常之多，有時反而多到眼花撩亂，所以到了最後只是簡簡單單的選擇了幫襯多次的唯珍上海麵家去食上海麵了。晚飯時間去到，入面仍然是人山人海，好不容易才找到一個近門口的位置坐下了，本來想食上海粗炒但伙計說暫時不能有炒的食物，可能要等半小時，沒有辦法之下就叫了個雪菜肉絲雲吞粗麵和一個肉汁白菜，心想健康感應該會好過炒的食物。雪菜肉絲雲吞粗麵($24)雖然沒有了心愛的上海粗麵，但這店其他的湯麵類好像是雪菜肉絲雪吞粗麵水準一直都是不錯的，所以在今天沒有炒物的情況下叫了這一個湯麵也是一種新的嘗試，由於個人的喜好是粗麵，所以湯麵也是叫了粗麵，上面有四個大小適中的雲吞，食落上面的雲吞不是十分之厚，厚薄度都是ok的，而入面的餡料菜和肉的份量適中，兩種材料韮菜的濃香味和豬肉的肉香味也是十分的，下面的粗麵彈感一流，所以食落口感十足，水準之內的食物。肉汁白菜($12)上海食店的油菜類多數都是用黃芽白來做，這類北方的蔬菜很少會在廣東菜的麵食店用來食油菜的，但來到這些上海食店就可以食到，食落每條的黃芽白都煮得十分之淋，而且上面放了一些肉汁，令味道多了一種層次，

不算太肚餓，上網見呢間食評唔錯，所以黎試下。兩個人食晚餐，叫咗：豆沙窩餅 $8 芝蔴很香，但有點硬；北京餡餅$8， 九菜豬肉很香，很多汁，好似一個大煎餃咁，抵食；水餃細麵$24，麵幾好食，水餃有點咸；雲吞粗麵$24，原來上海雲吞無蝦，但好似好食過水餃；豆漿$6。總括來說，咁既價錢，味道算唔錯，有機會都會再黎食

唯珍是較經濟實惠的美味店內座位比較擁擠也沒有清潔感和笑容滿面的服務可是只要用餐後滿足地步出門口就是好店最重要是一家店的平衡點唯珍的食物比較重口味酸辣湯重酸重辣材料實在韮菜餃也是口味, 餡料在肉汁和比較濃味上海炒年糕有香口的醬油味配菜材料實在有穫氣, 十分可口最後的豆沙鍋餅煎得太過火表面焦焦的, 是失敗之作總而言之唯珍是平價有質素的小餐館

終於又從中環回到佐敦上班，繼續是每個星期一都不帶飯，除非有人陪，否則我很少會在Element裡的餐廳午餐 (大快活除外)，所以今天我決定搭車到佐敦吃。上個星期行經佐敦的時候發現唯珍搬了，搬到街尾，亦都翻新過。其實我只是過唯珍兩次，但對她的上海幼麵印象很深刻，因為小時候媽媽還會煮飯的時候就是會煮這種幼麵，味道很相似，感覺親切。本來是打算叫一碗幼麵，再配一份煎餃，不過看到別人的酸辣湯好像很吸引，臨門轉軚叫了一碗酸辣湯和煎餃，後來才驚覺為什麼不叫個酸辣湯幼麵啊!!真蠢。這裡的酸辣湯跟平常在上海菜館喝到的不同，顏色比較淡，而且有蛋花，比較像台式的，還記得那時候去台南第一次接觸到台式的酸辣湯，覺得好好喝，反正是好喝的酸辣湯我都喜歡。湯的配料有紅蘿蔔條、豆腐、木耳、荀絲和蛋花，剛開始喝的時候還不錯，但後來越喝越覺得味道太濃之餘，來自豆瓣醬的鹹味有點重，喝完有點口渴，整體水準只屬一般。煎餃一份四隻，煎成金黃色的，熱辣辣的咬下去，裡面的肉汁不斷流出來，相當juicy，難怪每次未打烊就已經賣完。午餐時間人頭湧湧，店裡的檯又密，坐著的時候幾乎要背對背，所以大家吃完都匆匆離開。雖然今天喝到的酸辣湯好像失準了

同老豆兩個人去食晚飯，叫左一碗淨水餃，一碟煎餃同一個蔥油餅，２杯豆漿以價錢同份量黎講，２個人夠飽環境都算乾淨，係ｄ枱太細，同ｄ埋空間太窄，坐得辛苦ｄ，成日都同後面果個人撞背同批肘首先上的蔥油餅，比較硬同埋乾，老豆話因為係翻煎，麻麻地如果比我再選多次，我會選饀餅黎試，頭沙窩餅我會選做甜品，唔想佢第一道就上跟住上的係煎餃，煎得外皮好脆，但有點硬，內裡亦有肉汁但我係大角咀太子果頭食過一間煎餃，佢地ｄ餃係會落少少水煎同埋焗一焗，成隻金黃色，入口香脆又不致過硬相比之下，因為我有心水煎餃在心中，唯珍的煎餃只能排在我的心水後面啦，平均黎講，對於鐘意食香口野的人，都ｏｋ第三碗上的係淨水餃，我個人比較喜歡，餃皮還可以，不算太厚，內饀有肉汁味道適中，不會過咸湯底清清地，唔油，唔搶味，ｏｋ同埋豆漿唔太甜，飲落味道清爽，亦唔會好似一ｄ好失敗的豆漿咁有渣或者粉狀物，NICE

有次係QE覆完診諗住去這間食，點知搵唔到今日放工同事問我有無街去，我話無，之後佢話帶我去黎lee到佢話以前個舖位唔係係lee到，係要再行前D, 邊行邊講她的美食店舖6點半前去度，差唔多張張枱有人，好彩仲有位但枱與枱之間好窄，可以話係背貼背坐，肥Ｄ個Ｄ人都唔知點算由於唔知lee間野有咩好食，所以由我同事作主叫了煎餃，豬扒粗炒，豆沙窩餅，３杯豆漿煎餃，即叫即煎，熱辣辣，外脆內熱，足料豬扒粗炒，睇落細細碟，但原來份量都幾多，不過好油，Ｄ豬扒就唔算油膩豆漿，甜度剛好，夠凍豆沙窩餅，同出面個Ｄ好唔同，好薄，有芝麻係面食唔晒要打包回家

昨晚，到了佐敦的唯珍​麵店吃晚飯，是好友極​力推介的。我們三人先​來一碗大的酸辣湯，入​口先是酸妹妹的感覺，​再喝兩三口便慢慢滲透​出辣味，湯料也十足！​北京陷餅，皮香，陷料​用了菜和豬肉。無錫骨​用了很香的黑醋烹調，​很入味，還未吃已經刺​激了口水分秘：p。煎​餃外皮金黃香脆，如果​可以多些肉汁便更美味​，大家急不及待也忘了​拍照；也叫了雲吞，用​了白菜豬肉做餡料，鮮​味；皮厚度適中，略欠​麵粉味，但比起很多北​方餐廳連鎖店也好味，​真的物超所值！最後，​吃了豆沙窩餅，外皮香​脆、充滿紅豆香，薄薄​的、作為飯後甜品,一​點也不飽滯，為這餐幸​福晚飯劃上完美句號^​_^

這一餐是今晚第二個晚餐, 因之前個餐未飽, 又醒起唯珍就係左近, 知道搬了新舖但都是和舊舖同一條街所以不難找的. 時間大約七點, 已差不多滿座, 格局跟舊舖差不多, 只是整個裝修都是新的.($6)好大杯一杯滿滿的, 凍凍的, 真是一流的~~豆味很重雖然覺得偏甜但都可接受($12)酸辣湯味道適中很適合我口味, 重點是...很足料啊..有蘿蔔絲, 木耳, 豆腐, 葱花等等..而湯又未會太稀差不多每枱都叫煎餃, 餡餅等等... 阿姐真係煎過不停呢~~~~~($12)新鮮煎起就上碟所以比較油, 餃子大大隻, 皮很薄望真些可以隱約見到內裏的餡料, 咬開口有很多肉汁啊~~~~~~~~~~~~雖然地方比較窄, 坐得不太舒服. 但勝在食物取勝一切, 本以為搬了新舖加上物價上脹, 一定會加價. 誰不知望望餐牌是跟以往一樣的. 真有人情味呀~..會繼續支持唯珍!!!!!!!!!加油啊~

天氣太熱, 唔想煮飯 唯有同呀媽出街食 醒起依度介紹過佐敦有間食麵既OK 於是就黎食下一入黎覺得坐位唔太闊落, 但又未算迫, 不過以麵鋪黎講都尚可以接受到而且冷氣都覺得幾夠 唔會話因為廚房係開放式而令到DINNING ROOM都熱埋我同呀媽就食左 蔥油餅, 煎北京餡餅, 煎餃, 豆沙鍋餅, 雪菜水餃粗麵, 榨菜雲吞粗麵. 豆漿兩杯蔥油餅: 麻麻, 唔夠蔥香北京餡餅: 好味, 個餅入面好多肉同菜 大大啖咬落去有肉汁豆沙鍋餅: 同香港普遍既上海菜館有別, 依間豆沙較多, 同埋食落覺得似用蔥油餅既餅底做, 我覺得麻麻雪菜水餃麵: 水餃就菜多肉少, 湯底飲落唔覺有多味精, 粗麵似烏冬 幾好味榨菜雲吞麵: 雲吞就肉多菜少, 除左榨菜外其他一樣豆漿: 我覺得幾好, 夠解渴見到人地有個抄年糕好似幾好味, 下次會去試抄年糕總括味道幾好, 服務我對小店要求唔高, 落單同埋單我估都係老闆同老闆娘, 佢地同客人既對答幾到肉, 有時會覺得好好笑

聽朋友說佐敦後街有一間平價抵食的食店，食物選擇雖不如真正的上海食店這樣多但是有的選擇食物水準都唔錯，就是想証明同事的口味就來到了白加士街頭的 : 唯珍上海麵家。唯珍上海麵家是在白加士街和西貢街的附近，附近的食肆真是非常的多，差不多附近幾條街的地鋪都是食店來，所以來到這一頭食野有時真是眼花撩亂，不過也是一個好處是互相的競爭能令食店的水準保持才能在這一帶生存到，不過既然決定來到這店食野都會下定了決心入去店內試下。來到時大約是六時多一些，店內已經坐滿了客人，真是非常厲害，若不是有一枱人剛剛離開，我想還要等一些時間才能可以入內進食，入內見到枱不是太多，只有一排在一邊，每一張枱迫迫地都可以坐到四個人，位子和後面的位子也十分之迫，非常易碰到對方，而廚房就在位子的另外一面，店子看來是裝修過的，感覺都比較新淨。看看餐牌食物的種類主要是麵食，另外還有飯類但選擇不是太多，其他的還有一些餡餅類的食物，飲品只有豆漿了。來當日試了雪菜肉絲水餃麵、上海粗炒、酸辣湯、蔥油餅和豆漿。雪菜肉絲水餃麵($24)好像是上海店湯麵類的主打來，叫菜時是叫了粗麵，來到時見到四隻水餃和一些雪菜在麵的上面，水餃的size都幾大，入面

第一次食係做完野 肚餓程度係連成隻牛都食得落粗麵真係好似烏冬咁粗, 都係幼麵好D!湯底下, 飲得出唔係行貨! 配埋雪菜, 簡直都食完再食, 次次經過呢邊都想去食豆漿就so so有次專程同男朋友係金鐘放工過去encore仲試過水餃(韭菜)& 雲吞 又係正