唯珍上海麵家 (已結業)

原本是來買一個韭菜餅豆漿。。。但可惜已冇師傅做了。。。停產了。。唯有改食湯麵啦。。簡單的一個無錫排骨麵🍜 ，有著多年的味道👄仍是家爺仔乸生意👵🏻👦🏻👩🏻仍是一家人嘈嘈吵吵。。。但就是喜歡這種小店。。午市比較多人，搭枱等食也需時，就是每個坐著乖乖地等🤗🤗

唯珍這店在油麻地永安旁已經開了很久。是市內我覺得是頭五位好吃的上海麵店。今天很想吃豬扒就放棄了平日吃的上海水餃麵。豬扒很脆但我的那份有點薄，厚一點會更好味! 我見對面姐姐那份就厚一點。所以可能要看運氣! 麵和湯頭永恆無可挑剔! 份量也足。。下次去試鎮江骨。。。肉汁白菜19元是香港市區茶餐廳價錢，份量還好，有豬手汁，牛腩汁和鎮江汁的選擇。因是淋在剛用滾水灼過的大白菜上，所以不要期待入味! 我點的豬手汁蠻淡的，很油。。豆漿的甜味剛好!好味!這家其實麵真的做得很好，不糊有口感，麵吸了湯汁很好味! 難怪是一家每次去也是滿坐的小店!

由舊舖已經開始食，以前舊伙記同，老闆及老闆娘都態度好好。搬到新舖後，不知是否老闆仔接手，舊伙計已經全部離開，味道已經大不如前，餡餅豆沙餅又永久停售，服務更是非常之差。今天吃完後，後加一杯豆漿，等了一段時間都未有，便再提醒，換來的是後生男老闆的咆哮：咪叫左你等，得我一個人做。我們當下氣憤，立即結賬，換來是另一次咆哮和將找回的錢擲下來。今時今日，這樣的服務，真是不可取。本想繼續支持香港小店，但這樣的服務，令人失望，暫不考慮再次幫襯。

無錫排骨麵🍖所謂既無錫排骨姐係糖醋豬軟骨但唔係舊舊都有軟骨 無軟骨既位係勁瘦勁硬不過個汁係好食既 酸酸甜甜 撈飯一流👍🏻--------------價錢:$35

🍝酸辣雲呑粗🍝配料好多 木耳 筍 豆腐 肉絲 湯夠酸 有少少辣味 幾好味又唔會落勁多生粉搞到一patpat👍🏻雲呑就好麻麻 雖然好大粒 菜亦好多但肉好肥 又好重麻油味 唔鍾意下次會試鎮江排骨同豬扒😃------------------------------呢到個男員工態度超爆差 大開眼界💩

由細細個同屋企人黎食到大個仔自己一支公即使呢間舖頭唔近屋企我每個月都總會黎食一次未搬來新舖之前已經開始幫襯緊鋪面好細坐得廿幾人右手邊係開放式廚房無論係佢哋包雲吞定係煮麵都可以望到佢哋做諗返起八年前中學時期一個餡餅都仲係賣緊六蚊最近幫襯呢幾次佢哋都無再賣餡餅煎餃同豆沙餅唔知係咪人手唔夠餡餅同雲吞係我最鍾意嘅食物冇咗其中一樣真係有啲失望眼見住佢哋鋪頭老一輩嘅員工相繼離開舊伙記淨係淨低一個接手嘅唔知係唔係舊老細個仔佢啲態度真係麻麻豬扒雲吞幼麵清淡嘅湯底配上雪菜同白菜豬肉餡嘅雲吞天氣凍嘅時候食一碗真係全身都暖曬麵可選粗或幼麵感覺上幼麵份量較多炸豬扒另上外層沾上麵包糠即炸豬扒香脆又入味怕熱氣將豬扒放入湯中又係另一食法足料雲呑食上海野又點少得豆瓣醬諗起上次黎食嘢嘅時候同隔離個食客吹左兩句水佢都覺得個新老細啲態度唔係太好但係食物嘅味道真係冇得輸老舖食下又少一間食下又少一間消失左就唔會搵得返希望佢哋快啲整返餡餅將味道承傳落去

夜晚同朋友食飯加送我返學，朋友突然想食麵類，上網見到尼間好似唔錯，就決定食尼間。我地叫左無錫排骨幼麵同水餃幼麵無錫排骨好“un”，完全唔淋。。。我咀嚼左好耐都未吞到，朋友見狀同我交換。原本朋友叫既水餃幼麵同我交換左，水餃既韮菜比平時更加多，就算晚上11點，我的口氣仍有韮菜味，如果不喜歡食韮菜的話，記住唔好叫。全間店最好食，我覺得只係幼麵，其他真係唔好食，特別係無錫排骨，勁“un”食唔到，希望你地能改善下。謝謝。

人及食品已有分別，可能轉了手。食物冇以前好。不能接受。星期四中午一時多，人流已經不多，以前是要等位。坐下招待的人已經不是以前的人。等食物等了好久都冇，先我來的人的食物都未出。廚房特然走個人送食物出來，但是好不禮貌及在嘈住話，忙死人呀。跟以前是兩碼事。以後不會再去。

平時少食上海野，有時要過九龍，見附近有間外表及裝修都好古舊嘅，就入去食酸辣水餃麵加豆漿。叫完坐低等，未到lunch hour都要等一陣，因為係即整。好大碗！配料有紅蘿蔔絲，酸菜絲，湯好杰，好似好多生粉咁...係上海幼麵，份量好多，煮到好林，一堆野咁份量好大！4粒水餃，全部都好飽滿，九菜豬肉餃黎！好正~酸多過辣，要飲返杯豆漿中和返。

之前外賣食過豆沙餡餅、煎餃，今次係店內食可以配埋豆瓣醬，更好食！韮菜餡餅個皮煎得好脆，而且薄皮，餡多，一咬就有汁走出呢～酸辣湯雖然吾係好大碗，但係都好足料，裡面都放左豆瓣醬落去煮，同平時係街食到既吾同，吾係死咸死酸咁，呢間係帶啲甜，所以好好味～豆沙餡餅吾係間間上海店有，而呢間整得好都係在於個皮唔厚，餡亦唔太甜如果想食呢間野，最好避開午餐時間，一係提早或Tea time食，因為佢地方吾大，而且好多野會賣晒咖～

老字號唯珍上海麵家屹立佐敦多年由舊式狹窄的小店裝修成現在的舒適寬敞的食店不知水準如何呢有日下午路經此地就試下啦店舖裡頭有不少附近讀書的學生也有不少來這裡吃午餐的office員工真的稱得上為大眾食堂呢餐牌主要有水餃 雲吞 雪菜肉絲等上海麵食我叫了一碗酸辣水餃粗麵 一份北京餡餅和凍豆漿凍豆漿（$7）挺香醇濃郁 不是很甜可惜個人較喜歡重豆味如果可以的話 我想叫無糖凍豆漿呢可惜這店只有凍豆漿賣 沒有熱的有糖沒有糖都無得揀北京餡餅 （$12）一進門口就見到有師傅正左做餡餅感覺很吸引 於是就叫了一份原來它們的餡餅是即叫即做上桌的時候發現餡餅幾乎與手掌一樣大只是$12 就有個咁大個餡餅 真係幾抵食咬開時 酥薄硬脆的口感 別有一番滋味裡面的韭菜切成長條狀 韭菜豬肉餡的咸味控制得剛剛好 不會太咸因為之前有係荃灣一間出名賣韭菜餅的店舖食過類似的餡餅 覺得口味太重 太油膩 食完會好口渴但這裡卻沒有這種感覺酸辣水餃粗麵 （$35）酸辣湯有竹筍 豬肉絲 木耳絲 紅蘿蔔絲 豆腐絲等材料不是太酸 又不是太辣以湯底來說 算是材料貨真價實 因為很足料 價錢又經濟實惠這裡的餃子全都是手工包的 每粒都包滿了韭菜豬肉餡略嫌餃

今日一心諗住去食上海餡餅 坐低叫左之後等左好耐都未到，而其間不斷見佢地將啲已整好既餡餅俾晒外賣，我等左大約十五分鐘到便問其中一個侍應，點知換來惡劣既語氣講 ：未熟吖嘛。之後我就話：唔係未熟係你俾曬外賣。之後佢又好惡劣咁講：唔鍾意唔好等囉。我當然即刻離開上海餡餅唔係得你先有得食，今時今日甘既服務態度。。。

呢日黎到佐敦搵食，見呢間家庭式小店咁多好評就一於決定食佢啦！12點零鐘黎到，未有人排隊但店入面已經坐滿8成。自己搵個位坐低後就叫嘢食，店員好忙碌，叫幾次都點唔到菜。最後叫左北京餡餅、豬扒麵、酸辣湯雲吞麵同凍豆漿。北京餡餅($12)新鮮即製嘅北京餡餅熱辣辣，好吸引。可以見到開放式廚房入面，廚師密密煎緊北京餡餅同蔥油餅。本來猶疑食蔥油餅好定北京餡餅好，但見到對面枱個餡餅啲餡咁豐富就揀左佢。一如所料餡餅嘅餡料好多，入面係韮菜豬肉餡，餅皮亦煎得金黃香脆。由於餡餅已事先切開兩份，上枱時已見到碟上有唔少肉汁。雖然已經有一部分肉汁流走左，但餡料唔會乾爭爭，依然濕潤。韮菜豬肉餡好香，調味剛剛好，亦可加少量辣椒醬，食得更過癮。由於成個餡餅比較厚(足料)，食嘅時候會論盡小小，小心滴汁呀！酸辣湯雲吞麵($35)一上枱就見到色彩豐富，證明配料出手大方。麵底揀左粗麵，份量亦唔少。先試一啖湯底，略嫌層次單一，只有酸味，唔多夠辣。雲吞共有4粒，粒粒都大大粒，餡料係豬肉同菜。整體黎講都唔錯，食落皮唔過厚但應該唔係手磋，餡料亦豐富但味道偏淡。豬扒麵($35)豬扒上枱時剛剛炸起，齋睇已經知道佢夠晒酥脆。細心啲睇發現佢同一

店外有透明玻璃可以看到叔叔在煎餡餅和葱油餅看見小小的舖頭裏面座得滿滿的，就決定一試。 餐牌只有一個，選擇亦不多。兩個人，點了一客北京餡餅，一碗酸辣湯水餃粗麵，一碗酸辣湯雲呑幼麵。看到好多人都吃葱油餅，本來就想多叫一客，不過好像太多了，麵來到後，真的，好彩沒再點！不然真的飽死酸辣湯水餃粗麵（$35） 酸辣湯雲呑幼麵（$35）就這樣看都看得出湯料是有多足！有豆腐、紅蘿蔔、木耳、冬菇和荀⋯⋯蘿蔔夠淋又甜，豆腐沒太爛，湯不過辣不過酸，但就稍為稀了點。雲呑吃了一隻，其實有點像水餃，內裏好像是混了小白菜吧。水餃的餡料也很足，跟北京餡餅的餡一樣，是韮菜豬肉，大大隻，皮厚度適中難怪不少人都來外帶生雲呑或水餃雲呑和水餃每碗4粒粗麵吃來有點像烏冬呀～餡餅比麵其實更快上店家好像會按人數幫你分，好甜心呢餡餅大大個 皮不會太厚，韮菜好香，不油膩是重點！！兩個人分來吃就差不多了。 吃飽才見每枱桌上都有兜蒜蓉辣醬，是自制的嗎？？不知道～就留下次試試吧！ 不用加一，賣單82蚊，好飽！

星期四復活節假期前一晚，7點來這上海老店食碗正宗上海麵，剛好有1一2檯吉位，與朋友即坐下點菜。我叫了豬手云吞粗麵，上海云吞典型傳統手法及味道，4隻大大隻，用上海云吞皮，皮又薄又滑，豬肉肥瘦比例適中，不肥膩不嚡口，豬肉鮮嫩滑口，加上新鮮韮菜及醬料，云吞包滿美味，整體的口感及味道層次豐富。豬手肉夠林夠軟，也非常入味，斬開有2小件上，只嚴份量少了點，冇乜肉食到。識食一定叫粗麵，粗麵略過熟，太軟林，失去粗麵應有的咬口，啱無牙的長者多D，配上酸菜夠惹味，份量夠多，男仕也夠飽。朋友要豬扒排骨幼麵，湛江排骨味道一流好夠惹味，可惜略為瘦了點，有點嚡口柴皮。豬排隔了很久差不多食完才上，豬排尚鬆軟，外表的旦炸醬己放涼不是剛炸起的。幼麵配酸菜，大大碗夠份量味道也很配合不錯。食物是傳統上海味道，服務招呼也傳統上海風格，侍應要理不理，落錯單仲好大聲叫人等多陣，廚房裡面煮麵的上海師父走出來幫手，就大大聲話客人整亂晒擺住太多餐牌，收錢個上海太太又會好大聲咁叫入廚房幫手落外賣單……