唯一麵家

营业中

休息中

雖然我住呢區，但平時去葵廣通常都係食小食，未試過呢間平時行過見好多人幫襯，今次同同事上瑜伽堂前去食個麵先！我地去到仲未到7pm，都已經差唔多滿座，而且仲有下午茶 (2pm-7pm)，餐牌幾多選擇，北京天津上海四川都有，各自叫左個麵再加個小食share，下午茶時段仲送飲品。上海雲吞麵 - $37個湯都幾清，味精唔重。我揀左上海幼麵，麵質爽滑，都唔錯的。但個雲吞皮真係極厚！完全扣哂分！！！四川麻辣小鍋米線 - $37同事叫左兩款餸：唯一腩肉＋蘿蔔蘿蔔都ok香甜多汁，辣油幾香，腩肉就正常無咩驚喜。上海小籠包 - $32個皮就好似圖中咁，一個字：厚！餡都幾多但無咩汁，唉普通街坊小店無咩太大期望。另外送的熱豆漿，唔算話太甜中規中矩啦！總括而言質素普通， 麵的份量都幾足不過唯一唔好係舖頭細細，所以座位比較窄，多數要撘檯去開附近趕住醫肚都可以一試嘅。

係葵廣附近返工，平時都鍾意來呢邊搵嘢食，唯一係同事大家都愛既餐廳之一，今日lunch又來食。一大碗酸辣湯，夠曬過癮，可以share一齊飲！我鍾意佢酸辣度調得好好，料都好多，最鍾意筍絲，正！

聽朋友介紹嚟到呢間唯一麵家食晚餐，朋友話呢度最有特色嘅係酸辣湯底嘅面，所以就叫左雙拼麵：五香牛肉配酸辣湯同上海幼麵（$52）。同我預期中嘅酸辣麵好唔同，佢嘅酸辣湯底原來係用左羹湯中嘅酸辣湯，湯底有用生粉勾芡，質地黏稠，有豬紅、豆腐、雞蛋同荀等配料，自己就唔算特別喜歡個湯底。不過佢個五香牛肉煮得好軟身同入味，好食！最意想不到嘅係餐枱上面的小配角：辣油表現相當出色，辣油非常之香，辣度唔算太辣，令到碗麵生色不少！

同姊妹們行葵涌廣場買平嘢，行到咁上下要坐下嘢回一回氣。街坊小店醫醫肚 唔可以抱咁大期望。小鍋米線酸菜夠多！魚幾大舊 質地咬落去唔鬆散，只是食出還有魚腥味。餸同菜飯都好大碟，蝦雪藏味係有嘅。

呢間唯一麵家 係葵廣已經開咗好耐🧡依然好多人幫襯！而我每次黎都會黎食佢地既煎餃😍暫時未搵到第二間取代佢一份有5隻煎餃 每隻都漲卜卜 煎成金黃色💛餃子皮勁香脆 非常吸引😍✨餡料係韭菜、豬肉，塞滿入餃子 好飽滿 咬落去肉汁滿瀉 口感豐富😋肉同韭菜比例適中 韭菜爽口新鮮 豬肉唔會太肥點埋呢到既招牌豆瓣醬🤤餃子控表示大大大滿足啊！！！.下午茶時段仲送豆漿啊！好抵食😋而且呢到既餡餅、蔥油餅都好出名又抵食😆黎葵廣下次可以黎試下 唔洗次次黎都掃街🤪

想當年讀書時，最鍾意去荃灣行街，行到攰就去唯一買個熱辣辣嘅餡餅邊行邊食，一直都冇留意佢响葵芳原來有分店，今日一於去回味吓！唯一除咗餡餅外，麵食、餃子、客飯都好有水準！今日點咗梅菜扣肉（配菜飯）、蘿蔔牛腩（配菜飯）、回鍋肉（配湯麵）、紅油抄手、北京煎餃。梅菜扣肉 - 扣菜唔太鹹，扣肉好淋好入味，入口即溶，非常下飯！蘿蔔牛腩 - 蘿蔔正值當造期，香甜多汁，牛腩用柱侯醬炆得入味，非常可口，可惜份量較少。回鍋肉 - 盡顯上海菜濃油赤醬嘅本色，牆汁偏甜辣口味，配飯最好！今次配麵（+$6）亦有驚喜，麵條可以揀幼麵/粗麵，份量超大碗，湯底較清淡，配濃味回鍋肉就最啱喇！北京煎餃 - 係餡餅以外最熱賣嘅點心，餃子煎到脆卜卜，韮菜豬肉餡又香又多汁，一客5隻實在太少喇！紅油抄手 - 相對係比較失色嘅，紅油唔辣，醬汁太淡帶唔起肉餡嘅鮮味，只係一粒冇湯嘅肉肉雲吞 葵涌廣場分店，人流唔算多，所以坐得幾舒服！服務員姐姐個個醒目勤快，仲幾貼心咦？突然間又好想再去食回鍋肉添！😅

每日Lunch都唔知食咩…跟大隊話去葵廣, 以為係掃街點知同事介紹食上海野.首先推介出面餐廳少有既天津烤牛肉, 配上海幼面, 上菜速度都幾快..岩哂趕住返工既同事啊~個湯都幾清, 無味精, 不錯, 面質爽滑, 第一次試呢隻面都幾好食喎…後尾先知原來仲有面係好似烏冬咁, 都幾得意, 下次要試試佢~ 烤牛肉隻味好特別, 甜甜地, 撈飯撈面都咁好食~~見到餐廳其實仲有好多小菜簡, 以後又多間飯堂俾我地簡啦.

今日諗唔到食乜嘢，見好耐冇食過唯一麵家緊就試吓叫嘢食啦，每次都係食佢嘅酸辣湯水餃， $49下午茶有埋豆漿，其實價錢都偏貴，水餃皮越來越厚酸辣湯唔好飲，個豆漿好似一達達咁，好似變壞左。

自沙田唯一結業後，只光顧過葵芳唯一，每次我都只會叫酸辣淨水餃，因為水餃真係有水準，大大粒多汁而且好香，酸辣湯足料，食落酸辣有至，層次分明但今次食真係好唔得，水餃好乾，冇肉汁，用酸辣湯點水餃仍覺得乾，酸辣湯偏甜，而且冇左豬肚絲，整個配搭失晒水準

呢間唯一已經唔係第一次幫襯，今日lunch time出咗葵芳，因為想食北京餡餅所以嚟咗呢間叫左一個酸辣湯麵同餡餅，餡餅皮薄， 裡面嘅餡料正常，份量都幾多， 但係塊皮好似食緊麵粉。。。唔脆不但只仲粉粉地。。。🤦🤦跟住試下個酸辣湯麵， 雖然啲麵浸落個湯度，但係啲面係完全冇味道，同埋太淋。。啲麵唔好食就諗住食多啲配料， 點知啲冬菇係未發完仲係硬嘅，乜料🙄🙄唯一可以讚嘅就係啲豬紅整得幾滑不過好後悔入咗嚟，早知係商場掃街算， 唔會有下次🤦

我地8點幾黎到都仲有唔少座上客因為大家餓左勁耐所以極速叫左野食最後叫左五香牛肉麵、雞排拼牛腩菜飯、北京餡餅同埋凍豆漿五香牛肉麵早前有朋友介紹黎呢度必食牛肉煮得夠林身而且夠入味麵既口感剛好唔會話太林食落都有一定水準下次食可以叫多啲蔥花XD”香矛雞排拼牛腩菜飯份量都幾大菜飯係慣例健康之選雞排好重香矛味煎得夠香之餘唔會話乾哂身而牛腩煮得夠林都夠入味北京餡餅煎得夠香有少少似胡椒餅既感覺肉餡既脂肪比例剛好唔會話太油膩食落唔會太鹹而且有肉汁亦加哂分必食！凍豆漿中規中矩唔算話太甜可惜唔夠凍如果再凍啲會更好

今日好忙, 但又想整吓自家煮, 於是就偷懶去咗葵芳唯一麵家買新鮮水餃同埋蔥油餅, 去到啱啱過咗七點鐘下午茶時段，如果趕到就賺多杯飲品添! 我買咗盒生水餃，42蚊有12隻，粒粒有湯匙咁大隻，有圖為証!用料十足，皮薄淡淡肉，唔鞋口，咬開仲啜到濃濃嘅肉汁!自己再加d生菜，就變咗個半成品住家煮啦! 不過今日個葱油餅失哂水準，可能煎完再番煎，外油內乾，好失望呀! 希望下次可以食番平時嘅水準!

我今日去諗住買個外賣翻屋企食啦!就點左個麵同小籠包!問題嚟啦!我等左半個鐘，見有啲耐就叫姐姐幫手催催，點知個姐姐轉個身，走入廚房度話咁後生就咁心急....我坐係門口都聽到佢話我!全場吾好話全部，都起碼有一半人望住我，認真尷尬!!!過一陣個姐姐就攞俾我，我話你試下等半個鐘呀！個姐姐腦筋轉得好快，即刻話都要煮熟呢嘢架!!!!語氣太理直氣壯啦!態度惡劣到咁....所以我決定左，以後都吾會再幫襯!

係呢度食過兩次。第一次叫北京餡餅同蔥油餅同加一杯凍豆漿。點知，北京餡餅內面係凍🌚蔥油餅還可以。第二次晚餐去。叫了回鍋肉飯，上海粗炒，小龍包。上海粗炒ok既小龍包皮厚無汁。最大獲係回鍋肉飯。。一黎到食左兩口。。比我發現條好長既黑色頭髮。。。即刻咩胃口都無。。只能說，去兩次，兩次都有問題。呢間鋪頭到底有幾吾得。真心，吾會再去！

上次來左葵涌廣場的鄧媽媽，咁今日就去一間同樣好食同樣經典的麵店-唯一麵家。葵芳呢間唯一麵家位於葵涌廣場最底層，有D唔起眼，第一次去可能要揾一陣，店的坐法有d似大排當，都係預左要同人答台啦。呢度除左麵出名，菜飯都好出名，仲有係多有中國特色的野食你都會揾到，而且做得都好有中國的風味。我之前每次來係試擔擔面，今次就轉下新意思，叫左梅菜扣肉菜飯。菜飯並唔係菜加飯咁簡單，飯本身已經好好食，可能係混左菜汁，加埋d菜成個飯就變得好香菜味，淨係食個飯都會滿足，梅菜扣肉好厚好多汁，有少少肥，但係用來送飯真係無得彈。