唯一麵家

营业中

休息中

葵廣多好野食眾所皆知啦，估唔到呢度都有咁高質既北京菜 先講講佢既北京蔥油餅 聞到好正既蔥香 唔油而且餅鬆化 現加再諗返 都流曬口水正呀 個餡餅好食 main pt 係咬落皮連餡係食到 皮係超鬆化 真心覺得鋪頭整到幾有誠意👏🏻麵質可以，牛肉多筋難咬 不過不失咁菜飯真心覺得麻麻 麻婆豆腐同菜飯分開上既 麻婆豆腐既醬汁甜多過辣 比較冇咁正宗😂感覺似甜酸豆腐非麻辣帶甜個隻

成日行葵芳都唔知食咩做晚餐好呢日見唔係咁餓就去唯一度試下呢應度有面食有菜飯食又有小食睇落唔錯，就叫左一粉一飯一小食份量唔太多，但夠哂味上海粗炒油比較多，但相對惹味炸豬排炸到岩岩好，脆卜卜好好食煎雲吞其實係椰菜豬肉好好食！加埋兩杯豆腐就夠哂飽

每次想食北京餡餅時，就會自自然然黎到呢間店幫襯。今次同朋友一齊黎食晚餐，就點了北京煎餃，北京餡餅，煎蛋餅，油豆腐粉絲，同豆漿煎餃- 佢既煎餃皮脆，肉汁多，加上差韭菜豬肉，配埋豆板醬更好食餡餅-佢煎到個皮脆，餡料既肉同韭菜又多汁，咬落去時，仲非常之熱辣辣，全個餡餅都非常之足料。所以如果食晒全個都幾夠飽煎蛋餅-說真的有點失望，首先成塊餅都好油，然後又淋，又甜甜地，咬落去又多粉咁，唔見議食。油豆腐粉絲。- 非常難食、湯底已經係淡，豆卜成個上又無味，粉絲好似用完熱水滾散就擺上碗。完全無味又一舊舊咁。豆漿- 太甜

每次行葵廣都見到唯一麵家坐滿人, 但每次黎到都比樓上既小食填飽個肚, 今次終於試下呢間上海野。坐低一望menu就有選擇困難症, 實在有太多麵/飯可以揀, 揀到麵又要揀要咩餸, 最終要左個雙拼上海粗, 一份小籠包, 同蔥油餅。豬排拼上海雲吞粗, 一黎到已經覺得碗麵好大碗, 雲吞有4大粒, 好多餡好好食, 個人好喜歡厚皮既雲吞同水餃所以上海呢就好岩我食豬排都煎得香脆, 唔會太咸, 好味! 蔥油餅1份有4塊, 都係$12, 都幾抵, 但味道就麻麻地, 好油, 感覺翻煎左好多次, 所以外皮已經變到好乾硬, 可以唔試小籠包等左好耐, 成20分鐘都未有, 見個呀姐拎住一籠野搵緊邊枱, 搵搵下又去左收錢, 問一問先知係我地既, 小籠包既皮比一般既厚, 不過入面都有湯汁, 餡都幾多, 唔錯! 呢個埋單都係$93, 都算幾抵食

$41 連飲品既大大碗酸辣湯其實可以加餃或麵，如果加左價錢當然有所不同啦，本人覺得咩都唔加係最好味，因為加左味道會唔同左，同稀左。入面有冬菇，筍，木耳，豬紅，豆腐，豬肉絲由於人流比較多，所以落完單好快就有得食👍🏻

琴晚去左葵芳行左陣街之後就諗住平平哋食係地下果層gei唯一麵家 甘我地兩個人就叫左兩個下午茶餐 一個係雪菜肉絲炆米另一個係豬扒出前一丁凍檸茶少甜同走甜好平一個$44 另一個＄35 個米粉好多油同咸左小小 不過都ok ge豬扒都幾好食 出前一丁就係普通嘅出前一丁冇咩好講啦 哈哈不過唔知係咪佢冇落晒包粉個面都幾淡下個舖位其實有啲細同埋有少少逼但係食物質素係唔錯嘅總括而言 係幾好的 下次去開葵廣可以一試...........

餸算大碟獅子頭(如果有2粒就好)size 都算大粒肉算鮮嫩冬菇煮得軟身入味魚塊(無魚骨)肉質鮮味醬汁酸酸甜甜(好入味)菜飯(菜鮮綠色，新鮮)飯粒口感剛好酒味濃烈(小小苦澀味)雞肉唔嫩口，肉好實(失望)豆漿好飲(味道清甜)

今天去葵芳行街！行咗好久消耗左好多腳骨力，第一時間梗係搵好嘢食啦！雖然夜晚習慣唔食飯，但係來到了唯一麵家梗係要食佢嘅菜 飯🤣，不過今晚只係一個人，我只係叫咗我至愛嘅，回鍋肉客飯套餐，已經令我回味無窮，酸辣湯足料酸辣適中👍🏻，回鍋肉中豬肉肥廋剛剛好，多椰菜味道濃郁帶一點甜，不過菜飯大大碗，真的不可能食得哂😂，不過唯一不止回鍋肉好味，都好多選擇：煎餃丶北京餡餅丶上海小籠飽丶四川擔擔麵丶炒年糕等，不過今晚只有一個胃😂！期待下一次☺️

葵涌廣場星期六日真係好旺場，成個商場多左好多小食店再加上大量嘅舖頭，確實成個場都有好多野食，但係到左食飯時間都係想正正經經坐低食番個晚飯。場入面都有唔少食肆，好多間都見左好多年，今次揀左地下嘅唯一麵家！一早聽聞呢間麵家嘅野食係大件夾抵食，兩個人都唔敢叫咁多。叫左獅子頭菜飯、蔥油餅煎蛋餅另加紅油抄手。獅子頭菜飯碗飯都幾多，我地每人一半，至於獅子頭都係好大粒，仲有d菜同冬菇，好足料。蔥油煎蛋餅都唔錯，不過由於加左蛋，煎得無想像中咁脆，如果想食香口d應該就咁叫蔥油餅會再脆d！至於紅油抄手一碟6隻，大大粒好多餡好足料，食完獅子頭再食抄手覺得個餡有d似，下次叫抄手就應該唔好叫獅子頭！

店面平凡，但味道非凡。最值得讚是「北京餡餅」，肉汁美味，皮薄餡靚，簡直可比美《九龍城清真牛肉館》的「牛肉包」吖😋😋😋「餃子」味道也相當好，喜歡濃味的朋友不容錯過。👍🏻👍🏻👍🏻仲有一個「擔擔醬炒年糕」都好好味道🤗🤗🤗雖然，年糕容易飽肚，但是，一夾入口，已經停不了手，吃個不停，因為味道特別，非一般上海店舖吃到的喔😝😝😝並非擔擔面般，好多花生醬味，應該像XO醤惹味🤔下次一定再encore🤤

同事最愛的午餐之選 - 唯一麵家，貪它便宜又大份，男同事也絕對飽肚。唯一的不好就是等候人數太多，對於只有一小時吃飯的我們，每次都吃得很趕急。而我最愛的是上海客飯類，大大碟餸，小炒絕對夠誠意，鑊氣十足。這次點的回鍋肉飯，值回票價。去過不同的餐館吃過不同的回鍋肉，每間餐廳總有自己的獨門秘籍，所以看似一樣，實際味道卻各有千秋。唯一的回鍋肉，肉切得厚薄適中，爽而不膩，濃濃的醬香味，配上大口白飯，人生一樂也。

又到每星期出去覓食嘅日子，今日同老公，加埋我妹一齊去葵涌廣場行街，順便覓食，呢間唯一由我好細個時已經係度啦。有時想食上海菜但又想食平d嘅時候就可以黎食啦。先講我叫嘅回鍋肉菜飯套餐：回鍋肉十分惹味，肉都有好多，唔會出現多菜少少肉嘅情況，辣味剛好，唔會太辣。入面有2條豆腐乾。菜飯：反而比較一般，食得出係先煮白飯後放小唐菜落去撈埋。我比較喜歡放先炒過嘅小唐菜再加雞湯煮嘅菜飯，但我都明咁樣係需要好多步驟同時間，平食嘅話係唔應該太高要求。但個飯勝在夠大大碗，男士食都夠哂飽！吉烈豬扒：炸得夠脆口，味道都十分好。但就肉比較少。因為佢係揼到好平，所以比較少肉。天津牛肉：開頭望落去以為黎左碟吉野家牛肉飯，但真係好味，好香濃嘅醬油味，牛肉又唔會穌，但就碎左少少。酸辣湯係跟餐嘅，真係超好味！夠哂辣，酸味適中，亦都夠足料，有豆腐 荀 豬紅 肉！實在太正了！蔥油餅：呢個就反而麻麻啦，蔥唔夠多，又十分厚粉，仲唔夠熱Tim.咁多樣野都只係171蚊，實在係太抵啦！不過唯一唔好係舖頭細細，所以座位比較窄，撘檯就一定要架啦，不過咁平食到好野又有咩所謂呢？

呢排工作都要經常出沒係葵芳一帶今日黎介紹庬係葵芳一帶發現既美食啦今次我就食左個下午茶唔想咁飽肚,所以我叫左碗北京水餃面,再配我最喜愛既上海幼面!正!咪睇佢睇3隻水餃睇落唔係好夠喉咁, 但佢大大粒,加埋咬落去發現非常足料,唔錯!加埋上海幼面份量好多 食完已飽到上心口個水餃再加少少豆板醬一齊食辣辣地好惹味,唔錯唔錯飲品就係凍豆漿,無錯!又係我最愛既豆漿!哈哈埋單都只係35蚊我已經飽到郁唔到,下次應該中午時間黎就比較好D !

出親葵芳次次都係向葵涌廣場搵食, 貪佢又近地鐵站, 選擇多, 食店夠集中又夠美而廉經過唯一聞到餃子香就忍唔住入去叫左個水餃擔擔麵頂肚先, 個麵普通啦反而餃子就真係幾好食喇, 皮脆又大粒食一客加埋碗麵十分滿足!

唯一麵家都算係我地經常幫襯嘅其中一間餐廳，不過每次晚飯時間都要等位。真心講，佢一定唔係最好食嘅上海菜，但係佢價錢算平，同埋出菜速度快，冇得要求咁高。正所謂一分錢一分貨，我覺得佢算係值嘅。平時我多數食梅菜扣肉飯，不過今日叫咗天津烤豬肉飯，可能都有兩個月冇黎，豬肉好似份量少咗，不過都夠食，而菜飯就冇分別，當然有人會覺得，出面啲菜飯唔係咁架喎，但係出面轉菜飯多數要加錢，呢度就唔洗，連埋杯豆漿都係五十蚊有找，冇加一，其實都真係抵食。