唯一麵家

营业中

休息中

今日去了葵芳逛逛就不會放過食，太多選擇，有高價，有外帶，有平價。行了兩個廣場最後選了唯一麵家，可以坐下休息午膳。環境不會太迫，進入前先量體溫，確保無燒才進，夠安全。坐下來又不知吃什麼，但見到眼前食物相片很吸引，特別見到北京餡餅更想吃，因為童年就喜歡吃韭菜餅，還有選了牛腩麵配豆漿。北京餡餅：熱燙燙，碎豬肉滿滿，葱花多多，肉汁美味，外皮煎香脆口，回味。牛腩麵：上海幼麵條及牛腩分上，令牛腩保住味道，不錯！而且牛腩炆得軟腍腍，腩汁味濃郁，令肉質非常入味，只是若果牛腩夠熱就更好，因為我喜歡餸菜是熱的，冷吃有點不習慣。

Lunchtime黎左葵廣但又唔想掃街😳就揀左係地下嗰層近𨋢口嘅唯一麵家食因為lunchtime時間 成間餐廳都坐滿人仲有啲人等外賣🥡餐牌都有幾多選擇最後叫左小鍋米線🍜加左佢哋招牌腩肉餸嘅種類選擇都幾多落單時店員已經講左小鍋米線會比較耐因為要逐碗煲😳但都ok嘅如果想快嘅話就要叫水餃雲吞之類嘅食物即刻就上🤣都見好多人食佢嘅水餃雲吞麵下次都可以試吓🥳等左20分鐘後一碗滿滿嘅小鍋米線上枱🙆🏻‍♀️雖然我叫左走青但黎到係冇走到但都唔緊要啦 我自己夾返走😂😂湯底叫左小辣😂真係有啲辣腩肉應該係佢哋招牌嘅餸因為係寫住唯一腩肉腩肉上到黎係有啲厚度嘅唔係譚仔嗰隻薄身食落都幾肥😛下次過嚟可以試吓佢嘅水餃🥟雲吞麵啦

講起葵涌廣場，最出名既應該就係掃街食d小食，不過今日行到累累地就搵間餐廳坐低慢慢食啦呢間<唯一麵家>一直都有幫襯開，每次都係叫個幾樣嘢，水準都保持住，價錢亦都好貼地大眾化，所以間唔中都會黎開餐餐廳係商場地下個層既中庭位置，靠近扶手電梯好易搵到，非常當眼成間鋪頭唔算太大間，應該得拾幾張檯但坐低左都唔會覺得好迫，食飯時間有時都要等下位餐牌上面都有好多選擇，有湯麵，客飯，炒粉麵，點心，小菜。。。北京餡餅呢個我每次嚟都一定要食，好香又多汁，見到都流曬口水呀酸辣淨雲吞咁就可以又飲到酸辣湯同時又食到大大隻嘅雲吞回鍋肉粗炒我嘅最愛炒得好惹味，又係每次黎必食item梅菜扣肉菜飯 我自己覺得個扣肉係整得好好食嘅，但係個菜飯就失色咗啲囉，好似碗白飯加幾舊菜係面到咁，可以改善下3個人食左$202 蚊，抵到爛啦，非常貼地既餐廳

每次黎都一定要飲佢地既細酸辣湯，唔會好辣唔會好酸，味道啱啱好，最中意食佢湯裏面嘅豆腐🤤仲有佢地既回鍋肉炒年糕好有鍋氣，d年糕好有咬口，每舊年糕都好入味，不過怕油既朋友可能未必中意，但我就覺得已經算炒得唔油😂佢地既豆漿我就麻麻地啦，因為覺得太甜無乜豆味

今日黎到食下午茶，叫左個套餐，香茅豬扒米線跟杯豆漿！杯豆漿勁難飲,陣味勁怪完全吾似係豆漿！咁就算一杯野飲，但係另外叫左小籠包，個皮又厚又粉個底又穿左，入面冇汁，都吾知食緊乜！

呢間唯一係葵廣已經開左好多年，但係基於葵廣實在太多美食，終於可以黎試下佢啦，果然有料到 價錢係葵廣黎講唔算平的，周圍都有好多係食上海擔擔麵既舖頭，我叫左個雙併既，五香牛肉 + 四川擔擔上海幼麵，唔包飲品，要 $52 其實真係有 d 貴。所有飲品都要另加加錢先有得飲，叫飯餐就有飲品/酸辣湯跟。不過勝在牛肉夠淋，好入味，又勝在麵量好多，我都食唔曬，而且麵質好好，唔會麵糊一團團咁，條條都好分明既感覺同事叫左香茅豬排 + 唯一擔擔，我試左半塊豬排係淋既，好食既，但略嫌唔夠香茅味，可以做得再好 d ...而另一位同事叫左既回鍋肉都好惹味 整體而言，都值回票價既，味道品質都交足到貨！

There are plenty of restaurants in Kwai Fong. We have lunch in 唯一麵家because one of our foreign colleague would like to try something in Hong Kong style and 唯一麵家has a English menuThe restaurant is a bit crowded but not dirty. I ordered a spicy noodle. It is unexpectedly good. The ingredients are sufficient and the soup is not oily or too salty. In addition, the price is reasonable.

平時葵廣掃街掃得多都終於攰 想搵間野坐低慢慢食同男友亂入左間上海野🖤酸辣麵 $45 送凍豆漿酸同辣比例很好 份量又十足喎最怕個湯好水 呢個夠潔 😝🖤無錫排骨 拼北京水餃 上海粗麵 $52 送豆漿個排骨好驚喜呀 豬腳薑味咁架仲要好大舊 係軟骨添個水餃係9菜 好足料呀 個皮又唔薄 又煮得熟下次又多個地方食野lu

剛剛周末到葵廣行街，諗住下午茶食少少野，再黎唯一試好西，點知質量差左好多好多，叫左個煎蛋蔥油餅，等左十分鐘到，諗住應該新鮮整，點知一入口係熱嘅，但原來根本未熟，係唔熟，葱油餅未熟即係麵粉黎架，叫個靚姐黎睇，佢竟然話係甘，豆漿又清又過甜，退哂步，好可惜。

黎到葵涌廣場，其實真係好多選擇，唔知食咩好。見到呢間唯一麵家，上網睇下食評，都好多like , 就入去試下。叫左吉烈豬扒香芧雞翼河粉，加多杯熱檸茶，都係56蚊，好抵食。吉烈豬扒都都好食，不過未至於話好特別；香芧雞翼超正，仲好味過D越南餐廳整個D；河粉份量多，食完好滿足。本來見到對面個個人食煎餃，我都好想叫，無奈已經好飽，惟有下次再去食過。（原來可以叫三隻）環境方面都好乾淨，又唔迫。服務員都好有善，感覺良好。

今日經過葵芳又冇咩胃口，所以去了唯一麵家食上海麵，家人叫了酸辣麵，佢哋食到胃口大開，自己因食中藥關係唔可以食咁辣既味道，所以揀咗香芧豬排麵，因為碗麵有雪菜既關係配合得好match令到我有返胃口，豬排煮得好琳和入味，因我哋喺食下午茶套餐$39+1杯野飲都十分抵食，我哋叫咗熱豆漿，好香豆味都值得推介給大家。因胃口大開關係，我哋仲叫咗葱油餅，因即時製作等侯需時，到咗熱辣辣香脆可口，啱晒因天氣熱冇胃口既大家一試。

同朋友行葵廣，買到大包小包，想歇歇腳， 不如早啲食晚飯，望咗幾間食肆，係唯一麵家坐得最鬆動，就食呢間啦星期六都有下午茶餐不特止，仲到七點，都幾多選擇，店家又幾慷慨喎我哋點咗酸辣幼麵同香茅豬扒幼麵，餐飲揀豆漿酸辣幼麵 - 湯嘅味道調配得幾好，朋友覺得偏酸，但我呢個愛酸之人覺得剛好，而且辣味好出，又唔會煮到太杰；餸方面就係常見嘅豬紅、豆腐、肉絲、冬菇、荀絲、蛋花，豬紅同豆腐切到大大粒，反而更加食到食物嘅原味。雖然麵煮得有啲淋，唔夠掛湯，但事前應該有過冷河洗走啲粉漿，先能夠保持湯嘅清澈，應記一功香茅豬扒幼麵 - 豬扒肉質有彈性唔會死死實實，湯底清清地，配雪菜嘅咸味同口感，唔錯成個餐份量都唔少，本來諗住食完未必夠飽要再去掃街，點知就餵飽咗我哋兩個正常食量嘅女仔，最緊要係坐得舒適，價錢經濟，醫完肚再去血拼！臨走見到幾枱都食緊餡餅，賣相好吸引，下次再試！

唯一麵家葵芳店是眾多分店水準最好的一間。雖然地方細細，但清潔和感覺舒服。店員不多，但大部分侍應都很有禮貌，值得欣賞的專業服務態度。就算是繁忙時段，亦從未遇到趕客的情況。我每次吃完麵餐，都可以慢慢飲完杯豆漿，才結帳埋單。不像有些食店為了多做生意而催促你埋單。坦白說，你可能多做一臺客，但亦失去了一個有可能經常光顧的忠實客人。我完全攪不懂為什麼香港人那麼喜歡被人作賤自己，因為我實在遇見太多服務差劣的食店，依然有大把人爭住排隊幫襯。我覺得，花錢雖然不代表你是大爺，但不是什麼都照單全收吧。再好吃的餐廳如果被人當屎糟蹋，我是會永久把它列入黑名單的。唯一麵家價錢相宜，保持一貫的食物水準。下午茶2-7時段還奉送飲品。我經常點的菜式有：- 豬手麵- 酸辣湯- 北京餡餅雲吞則略遜一籌，雖然大大隻但味道偏淡。雖然上海麵湯底亦很清淡，但絕對沒有加味精，抵讚。整體而言，是街坊經常幫襯的食店之選。

餃子狂人 我本身勁鍾意食餃子，嚐遍港九新界餃子，呢間店都係我覺得好好食嘅，皮脆肉汁多，啖啖肉，好味嘅我比8.7分。如果想試埋其他嘅面，可以試下牛腩麵，佢嘅牛腩同埋牛筋煮到啱啱好，平時食牛筋硬，呢間煮得夠哂淋，牛腩香口唔會太淋太硬，入哂味。#葵涌廣場#煎餃#美食推介#上海美食#cteateat#唯一麵家人均消費：$40-60好味指數： 1️⃣2️⃣3️⃣4️⃣5️⃣6️⃣7️⃣8️⃣ 8/10分回頭指數： 89%地址：葵涌廣場地下

每次去葵涌廣場，除左掃街，我都會必食「唯一麵家」。貪佢容易搵位，真的唔好介意要搭檯，因為人真的比較多，但他們上菜速度頗快，一個人去食也幾好，幾快捷。環境都算乾淨，職員都好好，如果你有袋，他們都會比張椅子你放東西，或可以主動要求他們給椅子。「香茅豬扒粗麵」是我的首選，（如唔轉粗麵就會係幼麵），我鐘意食粗麵，因為好似烏冬咁有口感，加上雪菜好開胃，香茅豬扒味道不錯，唔會有太多肥膏既豬扒，so good! 如果唔夠飽，大家可以叫小食，等我下次又試多幾款小食先🤣