唯一麵家

营业中

休息中

去得葵芳廣場食嘢，都係貪佢夠平民，價錢應該點都平過市區。喺地下發現呢一間餐廳，晏晝時間座無虛席，見佢裏面座位間隔都幾好，好多一人座位，咁就坐低食個午餐先繼續做嘢吧。叫咗酸辣雲吞麵，再加$4有一杯凍或者熱嘅豆漿。熱豆漿都幾香，好似真係自家製咁，不過就偏甜。酸辣雲吞麵都幾大碗，雲吞超級大粒，總共有四大粒，好彩面唔係超級多，再飲埋豆漿個肚真係差啲爆炸。酸辣湯好得意，未見過啲材料係咁大舊，師傅嘅刀工😆😆👍🏼👍🏼冬菇又係非常大片。一個午餐$50加$4 ，性價比都算非常高。

呢度係主要食上海菜，但係呢度嘅上海菜嘅味道同我出邊食嘅唔同。例如佢個擔擔麵，食落去唔係平時嗰種花生味，而係有一浸鹹鹹地嘅味，似係豬手味。呢度嘢食嘅份量都幾大碗，值得一試。

好掛住北京餡餅，但呢間嘅餡餅未如理想，唔夠熱真係大打折扣。北京餡餅 $17餡餅係好多料好爆餡，但唔多汁又唔熱，味道大打拆扣，而且食到好重韭菜味，無咩肉味，皮夠哂薄，但就唔香脆。以係煎熟好耐，番熱再給客，但番熱又整得唔夠熱。北京煎餃（5隻） $26個皮有麵粉香，都煎得香口，但都係唔夠熱，餡料同北京餡餅一樣，份量都算多。上海湯年糕 $53個味幾溫和，有少少鑊氣味，年糕好軟燸煙韌，配冬菇、椰菜、肉絲，味道都幾好，抵食飽肚。

通常年輕人去到葵涌廣場都係會掃街，但係計過數其實不停掃街嘅話分分鐘仲貴過食餐飯，哈哈，所以就搵少少嘢墊一墊底先，再慢慢掃街! 葵涌廣場其實都有唔少餐廳，不過我自己本身好鍾意食唯一麵家嘅餡餅，所以就入去食咗個餡餅同一個麵再加多個蔥油餅，落咗單之後上菜速度都好快，北京餡餅會預先幫你分開四份，個皮都好脆，而且入面亦都有肉汁仲有滿滿嘅韭菜香， 所以食完之後好彩有個口罩，如果唔係都唔係好敢同人講嘢，蔥油餅都係好香都好脆口，仲好熱喇，所以一上到菜就唔好即刻食，如果唔係好易辣親。

我與朋友叫了酸辣麵,水餃麵和蔥油餅，首先望睇一眼就D唔太想食了，酸辣麵嘅味道就好似落左半支醋嘅碗仔翅加，一啲彈性都冇嘅面。而水餃麵就基本上可以用冇味黎形容。蔥油餅更加係粉漿嘅味道。所叫嘅食物全部都好難食得落口。🤢總之一句講晒，真係好鬼難食🤢🤮

今日夜晚嚟咗葵涌廣場嘅唯一麵家度食晚餐。其實以前見到呢間舖頭都想入去試吓，入到去坐低望吓餐牌見到啲嘢食價錢都幾平民化，咁就叫咗幾樣嘢食。叫咗個北京餡餅個餡餅味道好香韭菜味，肉汁好濃郁。北京煎餃煎到外皮香脆，熱辣辣好好食，咬開餃子外皮有好多肉汁漏出嚟，仲有好香韭菜味。天津烤豬肉菜飯個烤豬肉有驚喜，豬肉有好香嘅香料味，味道調得啱啱好，非筆墨能所形容。小籠包皮厚咗少少但味道唔錯嘅。凍豆漿好香豆味甜到啱啱好。呢間舖頭食得好滿足，而且CP值好高，有機會會再去食。

今日路過葵廣俾我發現原來入邊有唯一麵家😱實在開心到唔識點樣形容 以前成日都會去尖沙咀食 但執下執下就得番好小間 好可惜 難得有得食真係第一時間衝左入去坐低叫咗天津烤牛肉配菜飯 仲飲酸辣湯 老實講 真係同以前嘅味道一模一樣 仲係好好食😋份量仲要唔細 烤牛肉好多味道dd甜但又有d燒烤味咁配埋洋蔥🧅撈埋d汁食 真係好好送飯 酸辣湯入面好足料 仲有木耳豆腐果d 絕對唔係好似台灣果d酸辣湯咁水 另外想推介一下無錫小排骨 呢個又係必食 好似糖醋排骨咁 配飯或者麵都冇問題

葵芳好多美食，係人都知！突然心血來潮，想食唯一麵家個餡餅，咁就去食啦！過咗午飯時間，依然都好多人，去到等一陣就可以入坐！一坐低已經可以落單今次食咗餡餅、香茅豬扒麵、牛腩麵同豆漿！餡餅仍然保持水準，D肉好多汁，姐姐好細心，預先幫我哋剪開，唔會食到好污糟！個香茅豬扒麵，豬扒夠林又夠入味，值得推薦牛腩麵就一般啦！牛腩凍咗D！整體價錢都算合理又抵食！另外，見到牆上面D海報話，下午茶時段會有飲品送！要再去食

平時夜晚行過呢間舖頭，都見到好多人排隊，今日晏晝行過見到有少少人喺度等緊，諗都冇諗就即刻入去嘗試，點知有意外嘅驚喜。首先佢最出名嘅就係北京餡餅，韭菜味10分濃厚如果係韭菜控嘅朋友一定會好鍾意。而且佢豬肉味10分濃厚。對上一次食到咁好食嘅餡餅，我諗應該係早幾年喺北京食嘅餡餅。之後我食咗一個上海炒年糕，碟上海炒年糕，我咁講係我成世人食過最好食嘅炒年糕，因為超級有鑊氣，而且咸味剛剛好，再加埋店舖入邊嘅辣椒油簡直令到成個味道昇華。另外見到佢新出左一個四川小窩米線，我覺得麻辣當中嘅麻味10分夠。而且，配上呢間舖頭自製嘅酸菜有酸辣嘅感覺令到口感，以致味覺都10分豐富。絕對令人一試難忘。

葵廣美食雲集，而且價錢大眾化，所以吸引咗年輕一輩經常嚟呢度掃街。以往都有嚟過葵廣好幾次，每次都只係幫襯「唯一」。因為十幾年前喺沙田區都有一間「唯一」，細個時經常都會自己一個人去食。今日就搵埋男友一齊嚟返尋味啦！午市過後相對地少人，我地唔駛等位就有位坐喇！我點咗我最鍾意嘅酸辣淨雲吞（正價），男友揀咗個下午茶餐酸辣麵。原來下午茶時段揀正價嘅食品，都係同下午茶餐餐牌一樣係會附送飲品一杯同埋一份葱油餅架！太開心喇！酸辣湯一如以往都係好多料，裡面嘅豬紅同豆腐絕不欺場，係大大舊，唔係切絲架！湯底杰杰的，味道酸酸辣辣，十分開胃！當然我一個人食唔曬八粒巨大菜肉雲吞啦，所以我俾咗幾粒男友試吓味。食完碗雲吞之後，我再享用我嘅葱油餅，雖然凍咗變硬咗，但係咬一口葱油餅，再送一啖熱豆漿，真係人生一樂也！以後都會經常嚟幫襯架！

疫情之下，冇晚市堂食。今日星期日，人山人海等外賣。叫了清炒菜心，吉列豬扒小食，酸辣湯(大碗),回鍋肉加菜飯及凍檸茶一杯。大大碗好抵食!味道亦很不錯，只是味精比較重少少，食完會幾頸渴。而家外賣仲有八折優惠，好抵食!叫了咁多東西都只是$150,不錯。

香港疫情期間其實出去食飯都危險架不過見呢間午市冇咩人，台與台之間隔好遠，而且一個人坐一張4人枱，都叫坐得舒服😌我好想食擔擔麵雖然一碗成800卡！照食！叫左五香牛肉擔擔麵～湯底濃郁有鮮味，牛肉大大塊係幾正撈埋豬肉碎食，辣辣地咁好惹味係賣相唔好睇架姐😂😂😂超大碗，一餐食唔哂！於是打包走由於本身上海麵索汁索得快，而且湯本身量唔多就黎變撈麵咁，於是叫姐姐加湯點知姐姐話，呢個牛腩湯底係真材實料、新鮮熬製，要加$5～為咗醫好我個胃我就梗係加啦！埋單$58 ～🤪配一杯豆漿！

今天同家人去了葵芳 👻食完下午茶後就過去看中醫找了這家麵店 之前經過睇過個餐牌 想試吓個香煎餡餅 今次第一次來吃 😊叫了個$39下午茶常餐 個人覺得煎蛋餐肉分開上的話會較好 價錢也合理，但環境有時有蚊之仔飛過來個餡餅食完後覺得普通 不是很特別

其實唯一麪家都算我學生時代的回憶，不過回憶嗰間已經結左業了，今日嚟葵芳行街，想不到男朋友選左依間食。我地2個人，叫左3個餐😁因為咩都想試下，最後點左一個麪餐（雞扒上海幼麪）加兩個小食餐（肉餡餅和葱油蛋餅）。個面依個價錢都算ok , 面質係有口感的，雞扒幾好味，好入味🙂；而個肉餡餅，男朋友食到讚不絕口（佢極少會讚d野食好味的），皮靚肉汁香，熱騰騰 👍👍而且價廉，佢話下次來一定會再食😁至於個葱油蛋餅呢，我地覺得佢d粉比較多，厚身左，應該店內自己推介的葱油餅（無蛋）會好d😆下次試下～依間做左咁多年嘅店……售價都真係無點大增…都算係良心商店，好評！

葵廣真係一個又多野買又多野食嘅好地方~今次行完街見餓就去左食親民價上海菜😆.📍唯一麵家.🍜酸辣香茅雞翼粗麵($52)-酸辣湯好足料有好多豆腐豬紅荀絲肉絲冬菇絲🥰酸同辣都啱啱好!香茅雞翼醃得好好食!!仲會好細心咁分開上以免浸到淋左~配上有咬口又好似烏冬嘅粗麵😆好完美啊!!下午茶時段仲送豆漿添👍🥟北京煎餃($26/5隻)-皮脆汁多🤤餡料係好香嘅韮菜同豬肉~味道又調得好好!價錢親民仲要即叫即煎🥰