唯一麵家

营业中

休息中

葵廣美食雲集，而且價錢大眾化，所以吸引咗年輕一輩經常嚟呢度掃街。以往都有嚟過葵廣好幾次，每次都只係幫襯「唯一」。因為十幾年前喺沙田區都有一間「唯一」，細個時經常都會自己一個人去食。今日就搵埋男友一齊嚟返尋味啦！午市過後相對地少人，我地唔駛等位就有位坐喇！我點咗我最鍾意嘅酸辣淨雲吞（正價），男友揀咗個下午茶餐酸辣麵。原來下午茶時段揀正價嘅食品，都係同下午茶餐餐牌一樣係會附送飲品一杯同埋一份葱油餅架！太開心喇！酸辣湯一如以往都係好多料，裡面嘅豬紅同豆腐絕不欺場，係大大舊，唔係切絲架！湯底杰杰的，味道酸酸辣辣，十分開胃！當然我一個人食唔曬八粒巨大菜肉雲吞啦，所以我俾咗幾粒男友試吓味。食完碗雲吞之後，我再享用我嘅葱油餅，雖然凍咗變硬咗，但係咬一口葱油餅，再送一啖熱豆漿，真係人生一樂也！以後都會經常嚟幫襯架！