唯一麵家

营业中

休息中

再次光顧小時候成日嚟嘅「唯一麵家」，希望能夠回味往昔的美味。今天我點了幾道招牌菜，包括吉列豬扒配唯一擔擔面、豬膶拼豬頸肉麻辣米線和北京餡餅。這次的用餐體驗再次證明了「唯一麵家」的獨特魅力，讓我重拾過去的美味時光。唯一擔擔麵帶有微辣的口感，最緊要，就係佢嗰陣好濃郁嘅蝦乾味，真係其他地方食唔到，為整道菜增添了一種獨特的風味。美中不足嘅，就係佢塊豬扒已經冇以前咁好味。豬膶拼豬頸肉麻辣米線。米線本身煮得爽滑，搭配豬膶和豬頸肉的組合，為整道菜帶來了豐富的口感和層次。呢度絕對唔會慳住慳住咁樣俾餸，啲豬膶同埋豬頸肉多到食唔晒😂最後北京餡餅，雖然佢係一個小食，但係可以算係成餐飯嘅主角，嚟到呢度一定要食。餡餅的外皮酥脆，內餡則是以豬肉和韭菜為主。我特別喜歡這道菜的口感和味道，酥脆的外皮與豐富的內餡完美結合，每一口都充滿了滿足感。「唯一麵家」再次讓我重拾了過去的美味時光。

好耐之前在尖沙咀也食過唯一上海麵，但唔知係咪同一間來呢🤔，這間位於葵涌廣場地下，午飯時間好多人食，座位比較迫，這裡得下午茶餐無午餐的，散叫加錢配飲品，叫咗北京水餃麵$49，價錢也合理，麵嘅份量也不少，餃子🥟好飽滿，多肉多汁，裡面啲肉有別於平時食嘅肉，這裡的肉係有用醬油醃過，味道調較得剛好，入味但唔會過咸，麵上放了一些雪菜吊味，令個湯嘅味升華咗，麵有彈性，服務方面就無咩特別，都係正常水準，整體來講不錯，值得支持.#餃子#🥟#麵#葵涌廣場#葵芳#午餐#lunch#搵食#ランチ#上海菜

今日叫左三樣食物，一碗燻魚麵，魚超大舊，味道可以濃d，麵質可以，另外一碗酸辣淨雲吞，酸辣湯夠酸又晤太辣，雲吞都凢多粒，另外一份北京餡餅，好似係韮菜餅，好味又唔油

今日同朋友去左葵芳行街，諗唔到食咩好，經過見到呢間食上海嘢嘅餐廳，就入去試吓！平時食開上海菜，見到有嫩雞煨麵，我都會嗌嚟食，可能食過其他出色嘅嫩雞煨麵，一向都覺得好好食，但呢間有啲失望，味道冇咁香，不過不失朋友嗌嘅清湯米線，亦都普普通通，冇咩驚喜總括嚟講，我諗試完今次都唔會再嚟食～

偶然一次去葵廣搵食仍是去最喜歡的唯一食酸辣淨水餃一碗大大碗有八粒粒粒分量都唔弱咬落去韭菜和豬肉嘅比例啱啱好而且食落非常香酸辣湯味道偏酸對於喜歡酸味嘅我黎講啱啱好而且都好足料豬紅豆腐荀分量都好多雖然我唔食豬紅唔小心食左一小舊都覺得好滑惟一美中不足係唔夠熱天寒地凍都係想食熱野暖下肚

本身好肚餓，好有期待諗住叫個四川雞球菜飯點知黎到一打開竟係只係幾舊炸到老曬加d泰式辣醬既雞球痴線有無搞錯四川原來係得個名，你叫泰式辣醬雞球都無咁嬲永遠唔會再幫襯希望大家都唔好中伏

今日打八號風啦，咁呀一兩點嘅時候個個知道可以返屋企就有好多OL打工仔衝左出黎搵食，所以呢我個朋友過到嚟葵芳搵我聚餐都要提早到午餐，但我地就好難搵到一間可以即刻入去嘅餐廳食飯。所以我哋行運成個葵涌廣場，就去咗呢一間唯一麵館，由於我朋友其實中午係禁食嘅，所以只有我一個嗌咗個小窩米線，我仲加咗佢哋面館嘅招牌唯一腩肉，而我朋友就叫咗杯咖啡。其實知道咁多間餐館都入唔到，而得呢一間餐館有位，都知道係伏伏地，但估唔到真係咁難食，我嗰碗小窩米線嗌咗酸辣微辣，所以加咗杯豆漿緩解辣味，但係嚟到嗰個腩肉真係肥到一個點，而果啲酸菜係有浸防腐劑嘅味道。最後就係佢哋啲服務都有啲差，可能因為太多人叫外賣嘅關係，但係收銀嗰時嗰個收銀員態度都唔好，連單都冇俾返我就趕咗我哋走，而且唔知點解收左我七十蚊，所以真係要俾個負評。

係葵廣行開街既唔會唔識唯一麵家，就算未食過點都見過呢間上海/北京麵店因為實在太肚餓想食少少正餐先掃街，就入左黎唯一食啲小食同飯餐蔥油煎蛋餅🤯$27呢碟上枱果陣嚇親我😨😨利申我未食過唯一，所以腦海想像中既煎蛋餅應該係蛋做主角，但其實呢碟係蔥油餅加煎蛋2塊疊埋一齊😨而且底果塊蔥油餅唔太熱，好硬同好油膩，麵粉感幾重，食左幾啖已經唔想食，唯有撕起塊蛋就咁食仲好😢北京煎餃 🥟$28餃子皮偏厚，肉餡豬肉味唔突出，又唔係難食既，普普通通，唔值得再食😅天津烤豬肉 🐷👍🏻$55本身好驚啲豬肉會好柴好韌，不過竟然又幾好食喎，豬肉切到超薄片，入口即化，而且有好重香料味，調味比較濃味，未去到好咸既，送飯岩岩好

個面係軟趴趴既；正常嘅上海麵係有輕微彈性嘅；佢係發咗嘅上海麵；個湯係冇味嘅好似滾水加小小鹽啩；雪菜肉絲得個鹹字冇任何鮮味；個香茅豬扒係正常嘅；好痛苦咁食咗兩啖食曬個豬扒；走人…唯一細個成日食係好好食嘅；而家難食到不能接受；但凡有用少少心機煮都唔會可以難食到咁………………………………………………………………………………

每次做完嘢，經過葵涌廣場，我都會去唯一麵家 ，食北京餡餅$18和香茅豬扒上海菜飯$55。北京餡餅外脆內嫩， 皮薄餡多 ，一個圓圓嘅餡餅開四份，方便食，記得趁熱吃啊， 凍咗就冇咁好食。香茅豬扒用一個小碟裝，下邊配小棠菜 ，豬扒的香茅香味很濃，又入味 。上海菜飯裡的菜好新鮮，飯也很好吃，配上嫩滑惹味 的豬扒，簡直食到停唔到口。

每次去到葵廣都好似會患上選擇困難症咁因為太多嘢食，唔知食邊樣好咁啱大家今日都想食啲粉麵類所以就嚟咗呢間度食Lunch時間真係好多人不過好彩都唔係等咗好耐就已經入得炸饅頭 -28/5pc其中一樣我最鍾意食嘅嘢咬第一啖係好食嘅但再咬深啲就唔係好搞得掂因為佢唔係全粒炸，淨係炸咗半粒底個塊膠紙都未搣所以食落個感覺係岀面脆同熱，但入面就凍同油有少少傷心擔擔雲吞麵 -52同想像中嘅擔擔麵有啲岀入本身諗住係乾啲，好似撈麵咁但點知原來係咁稀不過花生味都香嘅雲吞大大粒平時少食幼麵同埋好耐無食過兒時回憶返晒嚟🤣🤣雖然啲麵唔係特別彈牙，不過都唔算太差，唔會太淋雙併牛腩水餃麵 -54麵量十足牛腩都整得淋水餃係韭菜餡，好食的但如果消化唔係咁好嘅朋友如果食晒咁多粒就可能有啲辛苦蔥油餅 -15係失望嘅因為睇相好吸引所以先叫但咬落好乾好硬中間好粉同無味☹️-豆漿 -加$4唔太甜，都滑幾好飲

真係超級耐冇食過上海嘢，同朋友去葵廣冇掃街🤣🤣入咗去唯一食麵同菜飯呀🤩🤩🤩你睇我哋叫幾多嘢😂就知我哋餓咗好耐😂😂一人一碗，我叫咗豬扒菜飯😍😍碗飯都算大兜，都多菜粒喺入面，好耐冇食，我覺得好好食🤣🤣🤤🤤豬扒份量亦算多，都幾入味，唔韌，口感都唔錯，底下仲有堆菜墊底🤤朋友叫咗排骨擔擔麵，係招牌嗰隻，個幼麵好食👍🏻👍🏻👍🏻撈堆佢個擔擔醬，好味🤤🤤排骨亦炆到好淋，好入味，唔錯🤩🤩另外朋友介紹我食北京餡餅，佢極推介😂😂又真係幾好食，個皮唔厚，勁爆餡🤣🤤入面個肉餡好食👍🏻👍🏻我都推介🤣餃王嘅我，點會唔叫餃食🤣🤣🤣碟煎餃子冇令我失望，初頭未食以為個皮好厚，但食落係好薄皮🤩好好味👍🏻👍🏻👍🏻-無錫排骨拼唯一擔擔麵 $50 加$6 凍檸茶-香茅豬扒上海菜飯 $52 加$6- 凍檸茶-北京餡餅 $17-北京煎餃 $26

晚餐想食上海炒年糕, 喺葵芳食上海嘢, 但去到新都會啲餐廳比較貴, 行行下去到葵涌廣場食唯一麵家, 坐呢係諗住散叫或者嗌叫晚餐, 姐姐幫落單時同我地講仲有下午茶! 🤫原來下午茶去到夜晚七點👍🏻我地叫咗個香茅豬扒上海麵, 煎餃, 雪菜肉絲炒年糕香茅豬扒上海麵冇乜特別!😗 煎餃老公話好好食😋$28有五隻, 煎得好香脆.。雪菜肉絲炒年糕冇下午茶, 我散叫$72一碟, 好大碟, 好好味, 年糕好煙韌!👍🏻😋 麵都好大碗! 如果習慣早食飯可以試下, 真係抵食。

今天吃熏魚豬扒上海麵， 熏魚炸得剛剛好，不會油膩，很有魚味，我喜歡吃。豬扒煎得很香，很有肉味，配上雪菜上海麵，非常之夾，再加一點生菜，健康之選！價錢非常平，生意非常好。

晚上吃上海晚餐，點了京蔥牛肉菜飯和滑蛋蝦仁菜飯。牛肉很新鮮，味道比較重，幸好有生菜洋蔥薦底，令到味道剛剛好，好吃！份量很夠，一個人吃超飽！蝦仁炒蛋，都有好多蝦，炒蛋非常嫩滑，不油膩，好吃！份量非常之大，吃完絕對感到很滿足。難怪每次去都有很多人。下午茶時間，還有飲品送，非常抵吃！但是我嫌豆漿味道太甜，如果可以選擇無糖就更加好。現代人都不喜歡吃太甜的東西，對身體不好。店舖不是太大，座位都是比較狹窄，但價錢絕對是超值。