唯一麵家

营业中

休息中

今個週末與好姊妹及新朋友，組成新組合一齊參加香水班🫰🏻香水班在葵芳站的工廈，上堂前要先填飽個肚，就相約在葵涌廣場的唯一麵家，呢間麵店係小妹好姊妹由細食到大🫶🏻有地膽帶路，品質自然有保證😃小妹都好耐無食過上海菜式，好姊妹推介「煎餃子、北京餡餅、上海粗炒、上海麵、酸辣湯、炒年糕 都好食！」，因小妹喜歡炒年糕，於是乎揀了以下四款及兩杯凍豆漿：▫️北京煎餃（5隻）好姊妹強烈推介，唯一麵館必點小食‼️煎餃🥟皮薄餡厚，即叫即煎、熱辣辣😍😍▫️北京餡餅馳名北京餡餅，雖然內餡同煎餃一樣，但做法唔同，餡餅做到餅皮超薄多汁美味😋▫️香茅豬扒拼四川擔擔麵（上海幼麵）小妹一直以為擔擔麵係會辣到飲水，點知原來係可接受嘅程度，配搭上海幼麵又相對唔錯👍🏻，香茅豬扒肉質很好，下次小妹再嚟就可以選擇呢度的四川擔擔麵☺️▫️雪菜肉絲炒年糕哇好大碟🤩，年糕口感煙韌，味道係傳統上海風，又有菜又有肉絲，食一碟已經足夠😂好滿意🥰下次再嚟葵廣終於都有掃街以外嘅選擇😊多謝好姊妹介紹咗間咁傳統咁美味嘅好嘢比小妹😙😙

   午餐到葵芳葵涌廣場地下，見唯一麵家無需等位，入內試咗兩樣：紅燒獅子頭及凍豆漿。獅子頭為單件上桌，體積中等，外層有紅燒醬汁包裹。醬汁屬偏甜路線，鹹味輕，稠度正常，無明顯油層。肉餅鬆散，入口時可以咬開，屬非紮實型，內部無筋位或硬塊，主要為碎肉構成，無內餡。未附飯，若非另配主食，份量偏單一。豆漿屬凍飲，應為無糖版本，入口偏淡，豆香味輕，不厚。無額外冰粒，無甜味。整體食物出餐快，約5分鐘內上枱。餐廳為小型快餐店，枱與枱之間距離緊湊，但有冷氣，整潔度屬可接受範圍，適合附近街坊或上班族短時間用餐。服務方面無特別表現，整體流程順暢。結帳金額合理，價位屬常見港式快餐水準。食品口味走簡單穩定路線，冇重口味或驚喜設計。適用情境包括：短時間進食、需要快速處理午餐、不追求菜式豐富或味道層次。總結為一間適合簡單處理一餐嘅快餐式滬菜小店，主食以實用為主，無大伏點。

平日下午經過葵芳，原本只想快快醫肚，朋友即刻推薦「唯一麵家」，話係佢心目中最好味滬菜之一。我見喺地舖轉角位，舖頭唔算大，但門口飄出陣陣肉香，加上見有熟客帶位，感覺靠得住。店內座位約十多個，格局企理，唔侷促。午市時間人流穩定，雖然唔算爆場，但都有幾位街坊等緊外賣。我當時約等了 ，非常合理，坐下冇耐就可以落單，等菜時間亦唔長，效率好高 👍今次叫咗兩款主菜＋一杯飲品：香茅豬扒菜飯（HK$58）、紅燒獅子頭（HK$70）同豆漿。豬扒煎得色澤金黃，外脆內嫩，肉味香濃，唔鞋口，香茅味唔會過火，只係淡淡地提香，幾有驚喜 🤤 菜飯炒得乾爽唔油膩，口感好貼地，有家庭飯堂風味。紅燒獅子頭係重頭戲，大大粒鬆軟肉丸，一咬啖啖肉汁爆燈，滷汁鹹甜適中，入晒味，拌飯一流 😋 視覺同味覺都照顧到，真心有誠意。豆漿黃豆味香濃，無加太多糖，飲完解膩又唔會口乾，畫龍點睛 🍽️結帳共 HK$128，以地區午市價來講非常抵食，尤其係睇住質素。服務親切、環境清潔，整體感覺超出預期。呢間街坊滬菜小店真係值得 bookmark，之後會想再試佢其他主食（聽講生煎都唔錯）。推介指數：★★★★☆再訪率：📈 95%

店員話做咗18年，經過幾次葵芳次次都好多人，但係冇一次入過去。 夜麻麻差唔多11點，唔叫飯麵。 外賣咗個北京餡餅$20 。 1個好抵食，超大個圓形，食一個都飽但係唔夠喉🤣啲汁好似小籠包咁多，流哂落去我個連卡佛袋🤣嗰包皮脆卜卜又唔會好油膩好漏，真係食三個都可以。 啲肉濕潤潤，肉味唔會太濃郁，剛剛好。

午市到葵芳唯一麵家，試咗香茅豬扒菜飯同凍豆漿。店舖位於葵涌廣場地面，屬街坊小店，座位緊湊但有冷氣，環境整潔，出餐時間大約5分鐘內。香茅豬扒菜飯•主食：白飯底，配青菜＋香茅豬扒•豬扒：即煎，厚薄正常，無明顯肥邊•味道：香茅味道輕，屬淡味路線•油度與口感：不油膩，豬扒外皮微脆，肉質唔柴凍豆漿凍飲，冇加冰粒，入口滑整體環境與流程•訂單處理快，堂食枱距一般•無主動推銷或多餘對話•適合需要短時間內完成用餐者•餐點份量屬中等，不偏多，適合午餐簡餐使用

已幫襯多年的唯一麵家葵芳分店，以樸實的街坊小店為主。踏入這間葵涌廣場的街坊小店，撲鼻而來是酸辣湯的辛香氣息。招牌「酸辣湯水餃」湯底濃郁醒胃，醋香與胡椒的辛辣平衡得宜，可惜辣度稍嫌保守，若能提供辣度調整更佳。水餃皮薄卻帶韌性，內餡豬肉白菜飽滿多汁，沾附酸辣湯汁後更添層次。 「凍豆漿」豆香清新，甜度適中，冰涼順口，恰好中和酸辣湯的刺激感。整體而言，以$56的消費而言性價比極高，餐點選擇多，吸引很多街坊回頭。

早前，我出荃灣 shopping，醒起 <唯一麵家> 葵芳店，原先想走到荃灣站搭地鐵過去，順便行吓綠楊坊，原來荃灣店尚未執，我還告訴好友，荃灣 <唯一麵家> 原址仍有營業，當晚，我走到荃灣店食；好友還告訴我，其實，葵芳店較好食！有見及此！恰巧！10月尾至11月頭，葵涌運動場有個美食嘉年華！美食嘉年華有限入場時間，平日收 9:00，8:30 後不准入場！我好奇兜個圏就算嘞！當他在新都會廣場泊車後聯絡我，他建議食 <唯一麵家>，所以，我便請他食飯！餐牌：美食多元化，比較荃灣店還要多好多美食及飲品選擇呢！上海雲吞幼麵 $49有4粒，飽滿的上海雲吞，菜少肉多，味道鮮美！淨水餃 $49有8粒，好似元寶外型的水餃！豬肉比例相對較多，食落較 juicy！熱豆漿 $15豆味濃郁而少甜，不算太熱，尚算易入口！北京蔥油餅 $16即叫即煎，連賣相都好過荃灣店，金黃香脆！熱辣辣好香口，散發陣陣蔥香！每人兩件，不會太飽又不會太熱氣吧！

點了一份燻魚菜飯燻魚很夠味 對我來說太濃味。特別想說的 是這家店的菜飯 是菜還菜 飯還飯 跟我平時食的絕不一樣 跟以往的菜飯相俾 完全不一樣 是白飯 旁邊放了烚菜。感覺很敷衍了事！

以前不嬲有食開荃灣店，昨天幫襯葵涌廣場分店，發覺此分店的出品特別難食，雲吞涵肉好鬼咸，雲吞皮好厚，擔擔麵d湯無味，唔知自己食緊乜，希望佢地注意下食物質素，話晒呢個品牌都好多年了

今日又係同同事去葵芳搵野食，葵涌廣場出名多野食啦，經過地下見到間唯一麵鋪, 入面都好多人食, 咁就去試下啦呢間主要食上海野, 款式都好多，菜飯，上海麵，酸辣麵，小食都好多選擇咁我就揀左佢地出名既香茅豬扒，加菜肉餃上海麵同事就揀左豬頸肉大辣，佢形容大辣唔算好辣，似平時出面既中辣，但辣味都好香香茅豬扒又真係幾出色，口感岩岩好，菜肉餃都大隻有料再加左兩杯熱豆漿總括黎講， 價錢唔算太平，但味道的確唔錯，下次會黎再試唔同款式

今日來到葵涌廣場, 去唯一吃下上海野, 比較喜歡食麵的我, 揀左酸辣上海雲吞湯麵加凍豆漿, 等左一陣送上🤩份量都好多, 賣相幾靚仔, 飲啖湯先, 少少酸味無乜辣味, 但味道唔錯😍食啖上海幼麵, 麵質好滑再加上浸左d湯, 覺得幾好味😬再食啖雲吞, 皮厚左少少😅但饀料都好食🤭一啖湯一啖麵😁唔錯, 酸辣湯底亦好多配料, 幾豐富😍 飲下杯凍豆漿, 幾夠凍亦有d豆味, 唔算好甜🤗下次再來食過, 整體味道唔差, 價錢都算實際😋😜

中午經過這店，見到食品款式多，又多人光顧，就試試。叫了吉列豬扒菜飯及鹽焗雞菜飯，還有紅油抄手。等了十幾分鐘，吉豬先來，相信剛炸起，味道正常。但那碗菜飯真差。鹽焗雞再等久了，雞件都不吸引，表皮少許鹹味，雞胸肉質淋淋的。那碗所謂菜飯真的一點誠意都沒有。紅油抄手，不辣沒有味道，像是圓圓的雲吞。這餐約$160。實在唔明點解座位常滿。或者是麵食好過菜飯啩

大家早咗做完嘢見時間有啲鬆動就走咗去搵嘢食，既然本身響葵芳區當然就會先走去睇吓葵芳廣場有啲乜嘢食啦。去到葵芳廣場因為真係午飯時間，所以好多餐廳都大排長龍，咁啱見到唯一麵家好似唔使等好耐位，朋友又覺得好耐冇食過唯一，所以就響嗰度等咗一陣就即刻可以坐低食。其中一個叫咗個雲吞湯麵，響另外一個朋友去咗廁所嘅時候返到嚟嗰碗湯麵已經嚟咗，真係快到一個點，味道方面可以話用穩陣你形容，食完唔會記得，但係唔會難食。另外叫咗個酸辣湯麵，以前個酸辣湯麵最大問題，佢會用埋個冬菇定，但係好多時個冬菇定係咬唔到嘅，今次唔知係咪佢哋改善咗，食晒成碗都冇呢個問題，感覺好咗好多。

再次光顧小時候成日嚟嘅「唯一麵家」，希望能夠回味往昔的美味。今天我點了幾道招牌菜，包括吉列豬扒配唯一擔擔面、豬膶拼豬頸肉麻辣米線和北京餡餅。這次的用餐體驗再次證明了「唯一麵家」的獨特魅力，讓我重拾過去的美味時光。唯一擔擔麵帶有微辣的口感，最緊要，就係佢嗰陣好濃郁嘅蝦乾味，真係其他地方食唔到，為整道菜增添了一種獨特的風味。美中不足嘅，就係佢塊豬扒已經冇以前咁好味。豬膶拼豬頸肉麻辣米線。米線本身煮得爽滑，搭配豬膶和豬頸肉的組合，為整道菜帶來了豐富的口感和層次。呢度絕對唔會慳住慳住咁樣俾餸，啲豬膶同埋豬頸肉多到食唔晒😂最後北京餡餅，雖然佢係一個小食，但係可以算係成餐飯嘅主角，嚟到呢度一定要食。餡餅的外皮酥脆，內餡則是以豬肉和韭菜為主。我特別喜歡這道菜的口感和味道，酥脆的外皮與豐富的內餡完美結合，每一口都充滿了滿足感。「唯一麵家」再次讓我重拾了過去的美味時光。

好耐之前在尖沙咀也食過唯一上海麵，但唔知係咪同一間來呢🤔，這間位於葵涌廣場地下，午飯時間好多人食，座位比較迫，這裡得下午茶餐無午餐的，散叫加錢配飲品，叫咗北京水餃麵$49，價錢也合理，麵嘅份量也不少，餃子🥟好飽滿，多肉多汁，裡面啲肉有別於平時食嘅肉，這裡的肉係有用醬油醃過，味道調較得剛好，入味但唔會過咸，麵上放了一些雪菜吊味，令個湯嘅味升華咗，麵有彈性，服務方面就無咩特別，都係正常水準，整體來講不錯，值得支持.#餃子#🥟#麵#葵涌廣場#葵芳#午餐#lunch#搵食#ランチ#上海菜