哥哥添飯•妹妹泡茶 (已結業)

好耐無去旅行好耐無飛過啦😞😞好掛住台灣既美食啊！不過好在香港都有得俾我食番個台灣風味，果然無令我失望呢！同朋友特登去食呢一間舖頭門面好靚個名亦都好特別🤣食完你都會覺得好似去咗台灣咁岩鹽咸豬肉拼皮蛋醬生菜包以為俾佢個名呃咗真係會好鹹但味道又唔會喎！仲好夾個皮蛋醬 令啲豬肉既味道昇華晒，加埋生菜同包一齊食 好正呢！完完全全台灣風！避風塘風沙排骨酥配椰菜絲＋沙律及魯肉飯排骨炸得勁勁勁似台灣個啲啊好酥脆食落去又唔會好油🥹好爽啊，仲有好多炸蒜香😍至旅滷肉飯好多肉粒 好肉肥亦好多汁，每啖飯都有一定既水準以上2 set我都配左小菜，好好好好好食，我最愛食醃苦瓜 甜甜的，仲有牛蒡西好爽脆呀✌🏻好想成條拎番屋企！乳酪芝芝鮮芒＋乳酪芝芝水蜜桃今次無叫珍珠奶茶，就叫左2杯飲品新鮮嘢食都好大杯，芒果同水蜜桃用新鮮生果去做，超多果肉既亦唔酸，建議飲微糖，更加突顯啲乳酪味😍

岩鹽咸豬肉拼皮蛋醬生菜包 $108升級定食3小碟＋滷肉青菜$10雖然話係岩鹹 但味道都唔會好鹹🤤👍🏻配埋皮蛋醬 令豬肉既味道再昇華，加埋生菜同包一齊食 好有口感 避風塘風沙排骨酥配椰菜絲+沙律及魯肉飯 $108+升級定食3小碟＋杞子青菜 $10排骨炸得好酥脆，仲有好多炸蒜🤤 滷肉飯好多肉粒 好香蠔油味，肉肥瘦適中👍🏻以上2 set都配左小菜，好好食 最鍾意食醃苦瓜 甜甜的 完全冇苦澀味，仲有牛蒡😍好爽脆呀🤤🤤😍青菜好新鮮，有杞子好養生😳乳酪芝芝鮮芒 $48+ 乳酪芝芝水蜜桃$482杯飲品都好大杯，芒果同水蜜桃都真材實料，超多果肉，唔酸，建議飲微糖，一黎健康啲，二黎可以飲到最原始茶底味道👍🏻

餐廳名好特別！哥哥添飯、妹妹泡茶，好有畫面，立即想像到舊台灣家庭式經營嘅餐廳小店。餐廳環境都幾文青、小清新。紅燒牛肉牛筋湯麵$88- 非常推介！好耐冇食過我覺得好好味嘅台灣牛肉麵！首先牛肉牛筋份量好多，而且煮得入味，牛𦟌入口即化，有牛油香。流心蛋配上偏硬嘅麵，非常合我心意。仲有比較少喺牛肉麵出現嘅蟲草花，都幾驚喜，好滿足！哥哥招牌塩麴雞(中)$88- 塩麴雞望落相對冇咁靚，似家庭式嘅雞。味道重蒜香，肉質幾滑。朋友話墊底嘅青瓜好爽口，好味。碳焙烏龍茶王$13- 食完比較重口味嘅紅燒湯同埋塩麴醬，飲番一啖烏龍茶，好舒服！

每次搭地鐵穿過觀塘同牛頭角之間，都會留意到呢一間個名咁特別既台灣餐廳，今次係附近返工終於走左去試！避風塘風沙排骨酥配椰菜絲沙律及滷肉飯 $108台式餐廳避風塘同我地平時食開既避風塘原來有種差別，排骨炸得酥脆，再沾啲秘製醬汁令食物較為濕潤，再配搭椰菜絲多一種層次！另外再配合傳統台式滷肉飯，還好的選擇。岩鹽咸豬肉拼皮蛋醬生菜包 $1086片豬肉鋪在岩鹽磚上送餐，好有創意！然後兩件刈包自行包上皮蛋碎、生菜、豬肉，嗯，挺好。跟兩款主食強烈建議加多$10升級定食3小碟+杞子青菜，會比較滿足。乳酪芝芝六重天綜合奶茶 $44乳酪芝芝水蜜桃 $48📸 Credit to Instagram: @mroolong

過開觀塘買珊瑚，順便約左fd食飯～朋友講左去食「哥哥妹妹」～我仲諗係食乜，仲咩個名咁得意🤣原來係食台灣野🥢🥢仲要佢地嘅食物同佢地個名一樣咁得意咁有特色～「🐷岩鹽鹹豬肉拼皮蛋醬生菜包」超惹味之選🌟🌟鹹豬肉嘅鹹主要源於佢地下面塊「🧂岩鹽板」岩鹽味道唔會死鹹，有效提鮮豬腩肉嘅味道～仲有個皮蛋醬，好有層次嘅鹹香味，非常獨突～而混合曬所有材料夾落個包度，係勁好食呀！👍🏻有軟綿綿嘅包同生菜仲可以中和返呢啲食材嘅肥膩感添～「💜紫芋地瓜球」鍾意軟糯軟糯質感嘅朋友必點呢個呀！外脆內軟，淡淡紫芋番薯甜香～又唔會過甜，食多幾粒都唔怕濟👍🏻「🦀軟殼蟹·蟹膏·蟹肉 柚子乾拌麵」🙌🏻屬於蟹迷嘅我係超鍾意呢個麵呀！多得蟹膏醬，蟹味係極濃郁～配埋柚子嘅酸酸甜甜，非常開胃～🔥夏天熱辣辣，食佢就啱曬喇～

平時時經開𝗮𝗽𝗺都會見到哥哥添飯•妹妹泡茶 呢間台灣文青木系小店😌今日就同雨神嚟試吓🤞🏽問咗店員冇咩好介紹，佢就介紹咗以下2個🌮岩鹽咸豬肉拼皮蛋醬生菜包 𝗵𝗸𝗱$𝟭𝟬𝟴係𝗩𝗶𝗲𝗻𝗻最愛既肥豬肉—— 五花腩🥓放係岩鹽板上，食既時候夾係生菜同包中間，最重要搽多d皮蛋醬‼️皮蛋醬簡直係精粹‼️就算食完個包，再用生菜包住五花腩同皮蛋醬食都係超級好味😋🦀軟殼蟹.蟹膏.蟹肉 柚子乾拌麵 𝗵𝗸𝗱$𝟭𝟮𝟰 超級推薦俾蟹友🦀呢個價錢有滿滿的蟹膏撈麵🙀🙀雨神話好正‼️配埋柚子好啱咁熱既天氣食，唔覺意就食晒！炸軟殼蟹仲相當之有份量‼️🌟升級家食3小碟+杞子青菜 𝗵𝗸𝗱$𝟭𝟬3小碟中有漬物𝗩𝗶𝗲𝗻𝗻最愛「話梅涼瓜」運雨神都話👍🏽👍🏽 另外仲有個醬爆泡芙😻勁醬爆，得2粒仲想𝗲𝗻𝗰𝗼𝗿𝗲🍠𝗤𝗤紫薯地瓜球（6粒）𝗵𝗸𝗱$𝟯𝟴煙煙韌韌既糯米皮，入面滿滿紫薯蓉🍠超級足料又唔甜，食完好滿足😌🍹黑枸杞檸檬胎菊 𝗵𝗸𝗱$𝟯𝟴（走甜）原本檸檬🍋同胎菊可以咁夾，食咗咁多熱氣野啱晒降降火🧋海鹽愛玉檸檬起泡茶 𝗵𝗸𝗱$𝟯𝟮呢個又係夏天必點𝗢𝘃𝗲𝗿𝗮𝗹𝗹 真係勝價比好高，冇諗過蟹膏可以多到咁，五花腩同皮蛋醬好夾！攪到下次想試埋滷肉飯同其他小食

今日同朋友喺觀塘行街，晚餐時間見到呢一間台灣店，見到menu價錢唔貴 所以就入去試下。閒日去六點左右，人都唔會好多， 坐得幾舒服。 有好多個set可以揀，有牛肉麵，特色撈麵，魯肉飯套餐等等。我自己就叫咗一個魯肉飯同埋兩個小食同朋友share。鹽酥雜菇：分量好多，啲菇咬落有好多汁，外皮炸得好酥脆 椒鹽鮮魷魚：鮮魷好驚喜，炸得一啲都唔會乾，仲係彈牙嘅，唔會好似其他餐廳一樣炸到硬咗又韌。 台式魯肉飯：魯肉飯係單叫嘅，20蚊唔使，但係都好大碗 ，味道夠濃郁，肉都多， 不過重口味嘅我覺得醬汁可以多啲，前就可以更加惹味啦！最後跟餐我叫咗一杯重碳培桂香烏龍奶茶加仙草，因為最近戒緊糖，所以走甜，好欣賞呢間店因為走甜真係唔甜，飲得出好重嘅炭焙味，仙草份量都好多好滑。整體嚟講呢間店坐得舒服，價錢都唔貴，味道都好食，唔錯唔錯！

最近轉咗喺觀塘返工，見附近有間台灣嘢所以今晚一於去試一試。餐廳名非常特別令人留下深刻嘅印象。餐廳有好多唔同嘅選擇。由於近排天氣真係好熱所以我就叫咗一個軟殼蟹柚子蟹肉蟹膏醬乾拌麵，仲加咗十蚊升級套餐包括以下嘅食品，時令前菜三小碟，滷肉青菜加少甜品，當然唔少得閒杯台式飲品呀跟餐叫佢話仲有十蚊嘅折扣添，咁最後我就揀咗特選水果玫瑰花茶。主菜乾拌麵入面軟殼蟹炸得非常之脆而且唔油膩,配埋柚子蟹肉同埋蟹膏撈埋一齊非常之清新夏天食一啱啱好。時令前菜3小碟分別有苦瓜，漬物，花生魚仔，三樣都做得十分之好味，前菜令人十分開胃。滷肉青菜就好大份，。滷肉調味啱啱好而且撈上青菜十分之惹味。小甜品係泡芙兩粒，味道正正常常。最後水果茶茶味好出，生果非常之新鮮，呢杯係消暑之選。

餐廳：哥哥添飯•妹妹泡茶 (觀塘)地址：觀塘觀塘道388號創紀之城一期地下6號舖觀塘創紀之城一期地下呢間主打台灣嘢食嘅哥哥添飯•妹妹泡茶 @gorgormuimuitw 喺由一家人開，有兩間分店，另一間喺火炭主要做外賣🥡，而觀塘店就開咗一年左右，佢哋最近推出咗新Menu📃，設計咗多款新穎嘅晚市堂食精選，都幾多選擇，甚至連素食系列嘅食物都有，啱晒唔同需要嘅人😜✝️台風三杯醬燒豬肋骨配薯條 $148燒豬肋骨用鐵板上，切開有八條骨肉，味道香濃惹味，皆因有洋蔥🧅、紅椒、辣椒🌶️、蒜頭🧄、九層塔等材料組成嘅台風三杯醬去調味，豬肋骨肉鬆軟易咬開，薯條香脆可口帶有鹽香🍟，份量都幾多，鍾意香口食物嘅人一定鍾意😎每款晚市堂食精選加$10可以升級定食套餐，包括時令前菜三小碟、魯肉青菜或者杞子燙青菜🥬、一款小甜品，是日嘅三小碟有苦瓜、漬物同魚仔花生🥜；青菜就揀咗後者，喺杞子燙油麥菜，油麥菜浸喺清湯裏面，仲見到唔少杞子同粟米🌽；甜品喺兩粒卡士達醬(Custard)泡芙✝️乳酪芝芝六重天綜合奶茶 $44跟餐加配台式飲品可減$10，即喺$34就飲到，呢杯特大嘅綜合奶茶有成700ml🧋，用咗胚芽、乳酪芝芝奶蓋、黑糖珍珠、

一見到店名已經俾佢吸引左入去，原來係由一個家庭創辦嘅👨‍👩‍👧‍👦 觀塘呢間係第二間分店，另一間位於火炭，佢地主打台灣菜，尤其推薦知名嘅牛肉麵同埋手搖飲品🧋This family owned business focuses on Taiwanese food and drinks, with another shop in Fo Tan.餐廳裝修以白色為主，加上木系傢俬感覺好溫馨，感覺非常和諧❤️觀塘返工時間人來人往，一入到呢到就可以唞一唞，舒舒服服咁嘆返餐飯The atmosphere in the shop feels comfy, decorated with white walls and wooden furniture.岩鹽咸豬肉拼皮蛋醬生菜包配蒸刈包（兩件） $103Rock Salt Pork and Thousand Year Old Egg Sauce with Buns呢道每個餐都包主食，配菜同甜品，擺盤好有家庭料理嘅感覺，非常豐富😍 前菜有花生，漬物同埋苦瓜，清清地幾開胃☺️Each set comes with a variety of sides and th

本橘係一個24小時入面有10個鐘都係到聽緊歌嘅人，台灣歌就係每次親故們提起台灣嘅時候會諗到嘅野，以至台灣野食都係其中一款MY FAV-經過觀塘見到一間好文青嘅台灣cafe 就忍吾住同親故坐低，找尋仲夏的台灣黃昏一餐--純白原木嘅裝修，友善嘅職員，台灣嘅背景歌，一切一切都讓本橘彷彿返到去那年在台灣窮遊的夏天-點左：1/ 椒麻脆炸雞拚魯肉飯升級定食3小碟＋滷肉青菜（$108+10）先上菜嘅人炸到熱辣辣嘅椒麻脆炸雞，認真，都係台式炸雞，又真係同街邊廿幾三十蚊有天淵之別，哥哥添飯嘅炸雞好乾身，入面好juicy ，有肉汁但係吾會油淋淋，雞本身吾肥，肉質好實淨，係Lean 嘅，吾係催肥果種化學雞，好正。-魯肉是正宗的！ 好夠料，肉碎好夠豬味就不再話下，蒜香，醬油香，脆卜卜嘅配料，加上油菜，仲有吾可以吾提佢嘅飯好好食，台灣米嗎？ 粒粒分明，好香飯味，飯控一流，伴埋魯肉同青菜，match 得泥又消滯-2/ 岩鹽咸豬肉拼皮蛋醬生菜包升級定食3小碟＋杞子青菜（$108+10）親姑點嘅係生菜包，好足料！五花腩有成8塊咁多，仲座係玫瑰岩鹽磚上面，連埋皮蛋醬特有嘅咸香同蒜香，新鮮嘅脆口生菜，熱辣辣嘅甜包，一咬入

淺木色拼白色既木系文青感裝修,一入去個環境就令人覺得好舒服。服務都不錯，有台灣親切感覺🥰呢度比其他賣台灣菜既云云食店中，突出的是，呢度既菜色，正宗台式得黎，選擇好多，亦好特別！例如明太子蟹肉蟹膏蛋餅、墨西哥nacho牛油果蛋餅等等...大腸包小腸都有！真係望住個menu都覺得超級吸引，樣樣都想食！岩鹽鹹豬肉 拼 皮蛋醬生菜包☆☆☆☆☆真係不得了！！一個set已經精彩到咁！！皮蛋醬好正宗台灣菜色，但真係好少地方有...配生菜包黎食。另外仲有6大塊鹹豬肉，用成塊岩鹽板上菜，好精緻，擺盤一流，配2塊刈包。成個set好食又大份！椒麻脆炸雞 拼 魯肉飯☆☆☆☆☆大大份辣辣的椒麻脆炸雞，配大大碗魯肉飯。炸雞皮脆肉嫩多汁，好正加10蚊升級套餐，仲有3小碟配菜（花生， 醃青瓜，醬瓜）（醬瓜超對味！好食！）一碗魯肉青菜（以為好少jei，原來都好大碗！）同甜品（2粒泡芙）套餐配野飲可以減10蚊。水蜜桃果粒愛玉☆☆☆☆☆水果茶好ig-able！靚靚的，味道又好乳酪芝芝六重天綜合奶茶☆☆☆☆因為想飲乳酪芝芝奶蓋，所以叫左呢個，但其實呢個超飽😂又有芋泥又有芋圓全部野真係超級大份抵食又好味！真心推介！值得再訪！

餐廳位於 #創紀之城一期 入面木系簡約裝修 好舒適配有三款 #前菜 #漬物#苦瓜漬完全打破我對苦瓜嘅反感食落先係一種甜味 然後再慢慢散發出苦瓜嘅苦味另外仲有 #牛蒡黃瓜漬 #銀魚仔花生#花膠·小卷·鮮蚵仔湯麵條 配 脆米窩巴 $128留意返💁🏻‍♀️ 呢款逢星期一、三、五先有得供應小卷即係魷魚鬚 抽抽都大大條 🦑 而且肉質肥美 煮嘅時間剛剛好 啲蚵仔🦪又肥美 又鮮甜 #正👍🏻湯底偏清淡 而且加咗薑片同芹菜 所以劈除咗腥味 再由於用料新鮮 所以帶點鮮甜不過小篇就覺得配泡飯就更出色😋#脆米窩巴好脆口 建議浸一陣湯🤔30 秒咁上下 令窩巴索入湯汁食落又脆 粒粒脆米索入湯汁 🤤🤤#杞子燙青菜清清淡淡嘅湯底加上油麥菜 👍🏻飲食均衡之餘又夠健康🥬#珍珠氣泡咖啡 跟餐+$22簡單嚟講即係sparking + espresso + 珍珠本身sparking coffee 就冇甜但加上珍珠 不單添上一點甜 仲增添一份口感🧋甜點有兩粒 #忌廉泡芙 為整餐畫上完美句號好滿足🤤P.S. 女士的話 🤫建議叫少麵 因為真係好大碗😅而且仲有前菜、窩巴 真係唔知食得邊樣好🤣🤣

時時係apm都諗唔到食咩，於是行前少少去到創紀一期，地舖有間隔局幾靚既文青台灣野食，餐廳名都好有趣，哥哥添飯妹妹泡茶，一定唔會唔記得。嗌左個晚餐套餐椒麻脆炸雞拚魯肉飯$108 加10蚊仲可以升級前菜定食3小碟同一個卥肉青菜另外有各式飲品都好吸引，揀左個水蜜桃果粒愛玉（跟餐$25）椒麻脆炸雞有台灣既味道，炸皮薄加脆，上菜時夠熱出煙，一睇就知新鮮炸，非常吸引。有兩大件雞件，雞腿加雞翼雞胸，好大份，食到好飽哈哈。揀左椒麻味、有另一款係唔辣的，其實椒麻味都真係有d辣，本身雞又熱，係食完不停想再食。魯肉飯通常魯肉飯都係細細碗，呢度既魯肉飯係平常既兩倍，魯肉汁唔算多，都夠撈飯，味道不錯。另外再加左個3小碟同菜，菜有椰菜花同西蘭花，只係加$10但份量好多。水蜜桃果粒愛玉水蜜桃茶茶味剛剛好，桃味唔會係加左好多糖水既假甜，味道清新，加埋愛玉，好清爽，好味道。套餐仲有兩泡芋送，full set既套餐，價錢又唔貴，下次係apm諗唔到食咩，可以黎呢度，坐得舒服，又可以慢慢傾計，好地方。

今日lunch係公司樓下買咗個外賣“哥哥招牌塩麴雞拼傳統台南香菇蝦米油飯“返到公司一打開就已經講咗句粗口....d雞斬到好似係垃圾桶執返上嚟是但掉落飯盒咁!睇見都已經唔開胃!d飯仲離譜....本身係油飯但變咗一舊舊又硬骨骨好似食緊糯米飯咁!好唔掂.......仲要係招牌有晒手指公真心忍唔住要比個負評，之後都唔會食，help點解會賣得出個敢嘅飯盒......really need to bad list 佢......