咖啡綠茶 (已結業)

一大班舊同學聚舊，經朋友介紹到哩間距離地鐵站好近既coffee green tea, 一入去見環境幾好有d意外，我地各自叫左個set dinner + 一人一個果茶、花茶再叫左d 小食，我就叫左個南瓜芝士焗長通粉，有d喜出望外，賣相唔錯味道亦好好食，因為我地冇飲過花茶、果茶，所以各自叫左d唔同口味既，結果有好有差，水蜜桃果茶比較推薦，另外，服務好好仲教我地摺花天PS: 可能當日多人，上野食時間比較耐

行得累累便想找個地方坐下來喝杯, 不想去Starxxxxx 或Pacixxx, 唯有openrice一下旺角的coffee shop, 看到這間評語不多但大多是好評的便試試.位置也算就腳, 店鋪門外已聽到悠然音樂, 很期待推門後看到舒適的裝潢.嘩! 很有驚喜, 雖然這不是男友的安排, 但店鋪有這些情人節佈置顯得特別有心思. 這裏有多少紙玫瑰呢??我們選擇了坐店鋪的中央位置, 因左邊近門口, 我不太想; 而右邊則是 ‘單身天地’(我改的~), 若獨個兒到訪, 面璧也是好選擇~其實只是想飲杯咖啡, 歇腳休息, 不過看到一系列的menu也即管看看, 價格可接受.自從愛上喝rose latte後已很久沒有喝mocha, 不過這裏沒有rose latte, 那我就順勢來杯mocha吧~ 挺大杯的, 咖啡與朱古力的比重頗平衡, 豐盈奶泡入口滑滑, 拉花圖案對稱, 美~ 男友點了凍飲, 貓貓杯墊很可愛.結賑離開時發現書架內有鹿, 雖然Xmas已過了很久, 但可愛的擺設沒有誰會抗拒.店員及客人大多是年青人, 沒有小孩們的叫嚷、沒有五音不全的高談闊論, 想要在這裏靜靜的過一個下午不難.

諗住同朋友試新野,見到係輕食, 餐牌食物選擇又唔多, 一開始無咩期望, 點知水準超出預期我們點了粟米濃湯、蒜香菠菜煙三文魚意粉、烤雞扒香醋沙律、岩鹽咖啡、菠蘿青檸蜜和甜品3款。粟米濃湯的粟米是磨溶了的,好濃好夠味和足料;蒜香菠菜煙三文魚意粉咸了少少,但係味道唔錯;烤雞扒香醋沙律, 烤雞扒的燒汁好好味,而沙律亦好新鮮;岩鹽咖啡咸度剛剛好, 不喜歡甜的可以一試;菠蘿青檸蜜味道好特別,甜甜的菠蘿味。最後是甜品3款, 我們要了美國cheese cake、冧酒提子雪糕和雞蛋布丁,由於頭兩款太好味,所有顯得雞蛋布丁有點失色, 但係整體水準比得上其他甜品店。

今日同妹妹一起到旺角購物，行到累搵間餐廳食飯，點知間間都好full... 行到西洋菜南街比我見到coffee green tea 既宣傳海報...老老實實初初都有d驚....間野好僻要上3樓。但一開門就好開心地見到棵好靚既聖誕樹，之後叫左2個set+1個甜品+1個小食，都係200蚊有找。。。晚餐來說超抵! 薑汁豚肉烏冬薑汁味好夠，豚肉又多又多汁，烏冬我就喜歡硬身d，但佢就軟身左 d la日式炸雞塊依個就超好味! 超級鬆脆，食完叫多碟。。最緊要係出面好多餐廳一咬係成舊粉，但咖啡綠茶就做到一層薄薄既炸粉，包住d肉!好正!焦糖布甸依個就無咩驚喜，不過不失，都幾好味既=)朱古力小紅莓嘩。。依個真無超級驚喜啦！我妹妹叫依杯既，事關我本身好怕野莓味，因為好似藥水味甘。但今次依杯就好正! 一d藥水味都無，莓味中帶有朱古力味，甜度各樣都配合得好好!最開心既係杯上仲有棉花糖可以食，真係好正!香蕉朱古力咖啡我自己就叫左杯咖啡，杯上既拿破倫做得好鬆脆!但咬開時又唔會散哂! 配合咖啡一齊食用，開心到跳起!咖啡中亦有淡淡既香蕉味，香蕉味亦唔會比咖啡味搶哂!配合得超水準!唔記得影個蕃茄海鮮意粉 海鮮意粉都做得好

睇openrice搵到依個地方，見到啲相好吸引，好難得有樓上cafe會咁光猛，而且又咁闊落。因為我真係好驚cafe黑蚊蚊，覺得好污糟同有蚤。仲有呀，原來佢11點係未開架，我諗住1:45上去可以有得食，點知老闆話唔好意思要等到2點，所以大家記實唔好咁早上去。我哋真係行左一陣街再上去，好彩果然冇揀錯。依度嘅環境真係好舒服，好悠閒，一啲都唔覺得自己係旺角。我影咗好多相，俾大家睇下。食物都唔錯，最緊要係佢嘅飲品唔過甜，平時啲cafe甜到飲唔到，依度岩岩好。有一樣嘢令我覺得好窩心，佢每張枱都有插頭，大家想hea一曰又叉電都得。除咗呼吸，依度係另一個我會推介黎嘅cafe。

因有網友推介，特意過黎試下，呢度環境相當舒服 : 乾淨、整齊、木質地板木桌木椅木櫃配以小裝飾、桌椅配置唔擠逼、柔和燈光，印象中旺角Cafe環境最好當屬呢間，真係坐坐下唔捨得走(桌面有告示繁忙時間只可以坐兩粒鐘)Cafe定律係環境好d o野就會難食(笑)，所以我叫左最安全既炸雞韓國芝士泡麵，賣相唔錯，食落d炸雞都炸得唔錯(比起樓下龍津)，芝士泡麵都OK環境好，只要食物質素合格，成個坐Cafe既體驗就會好愉快，而呢間係做得到呢點，加上地點方便(響body shop斜對面)，我很樂意帶朋友上黎幫襯~~

無意中發現了這個地方，上來感覺與別不同，似收藏在城市中一片小綠州。看出來地方花了心思，很舒服，覺得在一家歡迎你來傾計或工作的地方。因為見到有貼心的充電座在桌的附近。我們點了花茶，窩夫和小食胎茶，不甜，舒服，易入口小食:.番茄芝士青瓜，健康小食，加上酸汁。開胃之餘，又不怕胖。女士下午茶首選。窩夫，我們選擇了蘋果味道，加上青檸雪芭,十分誘人, 不太甜, 理想的味道。會推介給朋友的好地方

由於有位好友住旺角，佢有一日經過樓下見到哩間cafe有個廣告牌，所以佢就提議我地可以喺度gathering一番 是日best friend 3人行，提早幫其中一位好友慶生，所以就打電話去book table, 當日staff已經好好禮貌！！ 地方唔算難揾，但係樓上cafe嚟嘅！位置都幾方便！入到間cafe，好舒服，好乾淨，每位staff都好好笑容，仲同我地講話可以坐邊都得！！由於我地3個有自知之明，會嘈到拆天，所以我地就坐較入嘅地方 Meun上嘅菜式唔算多，但有分小食，salad，soup，包同甜品！可以散叫 or set，我地3人就叫左2個set再加snack！ 1個set係soup+ salad / bread + drink of the day，另一set係 snack+ dessert + drink of the day！ 我地分別揀左西蘭花cream soup，烤雞扒香醋沙律，3味香炸雞翼(9隻係一隻切一半的，所以即係4隻半 )，心太軟，薯角同2杯花茶！全部都share的！西蘭花cream soup好夠熱，放上枱已經聞到香味！真係有好重西蘭花嘅味道，但一啲都唔青，

喺人來人往嘅旺角，有時想飲杯野，Tea一Tea，坐一坐，但又唔想等太耐位，今日終於俾我搵到個好地方 - 咖啡綠茶早幾日俾我發現左佢，所以襯住今日星期日，一於拉老公黎試一試。下晝4點幾，唔知係咪因為「佔中」定「新開」嘅關係，人比較少，唔駛等就有得坐。舖面清潔，擺位寬敞，半開放式廚房，無油煙味👍 Menu清晰，食物款式雖然唔算太多，但絕對適合有選擇困難症嘅我！今次order左一個snack + 一個dessert + 兩個drink。Snack - 蕃茄芝士青瓜配香草汁 👍👍👍👍👍 簡單嘅材料，配上可口嘅香草汁，實在齒頰留香 Dessert - 蘋果雲喱嗱窩夫 👍👍👍1st Drink - Drink of the day 梅子綠茶 👍👍👍👍 十分清新，不過綠茶味可以再濃D 2nd Drink - Iced Mocha 👍👍👍👍👍 朱古力與expresso比較完美，飲到尾仍然有好濃咖啡味美中不足：兩杯飲品都係喺我地食完晒所有野先上，梅子綠茶一早已經做好，放左喺廚房出野位，但無及時上枱，結果係要等埋杯mocha先一齊上。建議如果想一齊出嘅話，綠茶唔應該俾客人見到。鬧市中嘅綠洲，絕對可以再