咖啡綠茶 (已結業)

今天約朋友見面傾計，選左一間旺角的小店。沒想到今日行人專用區好大聲歌聲，在樓上店也聽得清楚，令環境嘈吵。可能八月殺街後應重拾安靜。吃了濃濃的牛奶味的「3.7牛乳湯拉面」，拉面都入味，份量都夠，湯底黏稠。飲品點了凍綠茶朱古力，沖得唔錯嘅，但點了少冰但有好多冰。坐咗三個半鐘，今個晚飯都係愉快的經驗。最初有個小插曲，店員指老闆六點半出咗去成個鐘做採購，我地坐著等，有啲搞笑，而店員服務態度幾好。

為朋友慶祝生日 簡左呢間樓上cafe 因為有畫碟服務😍無諗過d野食都幾好食 賣相仲幾好 個黑松露意大利粉好正 醬汁十分濃郁😋小食好有特色 服務員姐姐好好人 成日同我地傾計問我地好唔好食💁🏻環境好靜 好有文青味道

不過提提大家先，佢地人手好短缺，所以野食上得比較慢，所以大家唔坐得耐嘅話就未必岩啦🙈因為我地都等左接近大半個鐘先有第一碟意粉😅.1. 香辣烤雞扒漢堡(微辣)（$78）🍔🍟厚嫩嘅烤雞扒只係好微嘅辣，但足已微微嘅調味🧀仲有芝士嘅鹹味同蕃茄酸味互相融合🍅多重口味集於一身🍟薯條都幾香脆👍🏻彤樂評分：8/102. 蒜香波菜煙三文魚意大利麵（$68）少少嘅蒜片已經好有香氣👏🏻煙三文魚就普通啦，但意大利麵嘅腍度同濕度岩岩好，每一啖都沾滿波菜👍🏻彤樂評分：8.5/103. 煙三文魚牛角包（$68）牛角包非常香脆，又夠大份，中間又有唔少煙三文魚，口感豐富，鹹淡中和，不過配菜就中規中距啦😂彤樂評分：7.5/104. 鮮茄拿破侖海鮮意大利麵（$68）🍝份量都幾多，意粉沾滿薄薄一層嘅蕃茄醬🍅但已經好有鮮茄味，酸度岩岩好，海鮮就還可以啦彤樂評分：7/105. 白汁黑松露煙肉磨菇意大利麵（$68）外表雖然平平無奇，但食落有好濃嘅白汁黑松露味，意粉沾滿濃濃嘅醬汁連煙肉同磨菇同鎖住醬汁，口腔滿滿白汁黑松露味彤樂評分：8.5/10

咁啱搵到依間樓上店於是同朋友上去試下環境都舒服 唔算多人所以佢侍應都得一個個侍應幾好禮貌既不過一個人忙啲惟有等下我叫咗份五品料理飯我朋友叫咗份吉列魚柳漢堡評論吓個五品料理啦個糙米飯幾有咬口 我幾鍾意個烤鯖魚就普普通通個溫泉蛋就麻麻地 似食生蛋😕個煙三文魚薯仔沙律唔係唔好味 不過我以為會有成塊煙三文魚起啲薯仔上面 點知得幾粒 基本上冇個蔬菜蛋批就好好食 好鍾意 ！佢有冬菇、青瓜丶紅蘿白丶粟米粒丶西蘭花起泠盤入面算係最抵食嗰個早知叫兩份 然後唔要溫泉蛋🙈如果去食一定要試 !總體黎講算好食同抵食 (如果揀啱啲熱食同冷盤)冇加一食完之後會有張印花咭叫任何一份主食就有一個印花夠4個可以半價享用主食一份夠6個就免費享用主食一份(每人最低消費係一份正價主食/飲品)

如果你話幾個人上黎呢度傾計，我覺得可以推介。想點食野醫肚，各位就真係要三思。話說上到去，都幾快有枱，不過落左order後，45 mins後先有野食！！我叫左個(試餐)五品料理，燉五花腩，燒鯖魚，溫泉蛋，沙律x2,跟四穀飯。十五鐘左右話無米飯，下！？無問題，轉烏冬。等多十五分鐘都未有野食，連水都無杯就真係有啲問題。等多幾分鐘見廚房隊碗面出黎，以為有野食啦，原來係隔離枱既，點解人地遲黎仲可以出餐快過我！？哥哥仔話唔好意思，等多陣。甘又等左十五分終於有野食啦，不過又話鯖魚仲整緊，唔通要出海釣？隔離枱客遲黎食完走埋我先有得食，咩玩法？埋單叫你送杯野飲比我都話唔得，收錢就9秒9,唔駛催甘醒目喎。其實餐廳環境唔差，食物味道都過得去，可惜輸在服務上。個女仔話有張大枱，不過呢45 mins內，我淨係見到廚房出左六，七碟野。有三碟我地枱既。 如果做唔掂就唔好搞試餐啦，連落單個妹妹都要入埋廚房...食物幾好食都好，無服務就連下次想再光臨既意欲都無

唔講唔覺，旺角咁既鬧市竟然有間咁休閒咁慢活既cafe可以kill time~佢地個五穀飯配菜可以揀3冷菜，2熱菜，我中意佢地個紫薯青蘋果沙律，好fresh好特別。佢地個炸雞韓式拉麵同農心個款一樣味，不過加左雞蛋同泡菜落去，因為無曬雞件，職員問我可唔可以換雞翼，上菜發現無單骨雞翼，真係有驚喜，因為食起黎方便好多！間野既飲品係好出色，奇異果綠茶係好好飲～仲有佢地既鮮奶焙茶係我每次去必叫，亦都係香港比較早期有焙茶野飲既店～

阿林：近一年前已說要來這裡，結果還是最近才首次踏足。那一層，就只有這家cafe。環境簡潔寧靜，適合與朋友促膝長談，或獨佔「自閉位」思考人生。說實話，食物平庸，若以為可以「食好嘢」，就真的找錯地方；但上去「飲杯嘢」，就大概不會失望。飲品選擇良多，也別具誠意。是次試的皆為「焙茶系」，包括鮮奶焙茶及焙茶朱古力 (各$42)。鮮奶與焙茶比例合適，每一口都先現茶味，再回一下奶香。焙茶與朱古力則融合一起，帶出相對濃郁的味道。兩款口味其實有點相似，都以茶味比較突出。一整杯下來，濃度和質感consistent，貫徹始終。總體感覺十分舒適，唯獨出菜節奏可能會叫人抓狂。

因為要同一班朋友傾嘢，想搵個地方可以用電腦，又可以坐耐啲，有其中一位朋友就介紹咗呢一間Cafe，話之前嚟過嘢飲唔錯，價錢唔算太貴，而且又可以坐好耐。餐廳坐立既大廈離地鐵站好近，好方便就到，不過個棟大廈就無關於呢間Cafe既任何廣告，所以唔係有人介紹，真係唔知有呢間餐廳係度。一入到去已經覺得好文青，全部裝修都係走木系路線，俾人感覺好舒服。我地坐既四人位仲可以有兩個插頭位用，要用電腦傾好耐嘢都無問題！見到枱面有一個餐牌係一個日式五品料理，好似某餐廳既款式，有得分別揀冷盤同熱食，我就分別揀咗熱食：烤鯖魚+ 豆腐雞肉漢堡；冷盤：煙三文魚薯仔沙津+北海道溫泉蛋+蔬菜蛋批，全部既味道都唔錯，最鐘意係蔬菜蛋批，而溫泉蛋就咁溝飯食都好好味，而其他幾樣菜式都十分唔錯。會配一碗紅米飯呢個餐可以另外半價加嘢飲，我自己就加咗$2X叫咗個香蕉鮮奶，呢杯個味道真係好香，渣又唔會太多，奶加香蕉啱岩好！朋友再另外叫咗個雞軟骨，都好好食！

當我從旺角「西洋菜南街」進入「萬高商業大廈」，再徒步走上三樓的時候，我首先看到的東西，不是休息飲品店「綠茶咖啡」的店門，而竟然是「綠茶咖啡」本身的燈箱跟裝飾擺設。反而「咖啡綠茶」的店門，相對我預期的效果來得簡單和低調。「咖啡綠茶」把它們店名四個大字，只是印成一個細小尺寸的小招牌，簡單地掛在店門，下面再掛一個小裝飾品就算。之後我進入「咖啡綠茶」樓面，才發現「咖啡綠茶」窗戶對出的位置，貼上她們店名稱四個大字上去，做法顯得十分樸素。「咖啡綠茶」的店舖樓面也是十分樸素跟簡潔，由餐檯餐櫈，到廚房外圍的裝修，都是採用木材作為原材料，整間餐廳都給我簡約休閒小廬的氣派。之後我在「咖啡綠茶」選擇座位的時候，「咖啡綠茶」對個別單人座位的設計構思，更鞏固加強了我對「咖啡綠茶」休閒文青小店的想法。原來「咖啡綠茶」刻意設計了，以近乎「學生自修室」模式的「面壁單人位」，讓包括我在內的食客，可以一個人不受外界滋擾地，不用擔心有人搭檯的情況下，自己享用食品飲品。等我正式選擇了，跟確認了「咖啡綠茶」的「面壁單人位」之後，「咖啡綠茶」的侍應隨時取出所有餐牌，端着一大疊餐牌送到我的面前。「咖啡綠茶」之所以超出預計，有「一大

事先聲明，呢間咖啡店係有最低消費同埋莫名其妙的切餅費，還要索價100蚊，高級餐廳酒店我理解，但今次⋯⋯仲有，真係好奇怪餐牌上面完全無寫，我食咁多間cafe都未試過未能豁免如果可以修正/豁免一下，我想可以彌補一切美中不足除咗以上嘅問題之外，其實整體來講呢間餐廳都幾好食，而且地理位置非常好👍🏻非常好👍🏻係旺角二出口轉左直行，不用5分鐘上3樓便到了。個人我喜歡Cafe的間格和微調音樂，music不會太大聲，所以我哋傾計非常smooth! 食物方面我哋每個人都各自點了自己的主菜，由於自己唔肚餓，所以我只係叫咗一份雞扒沙律🥗，先講烤雞肉，麻油雞肉烤焗得非常嫩滑，肥膏亦不多，只有雞皮一塊，沙律份量嘅頗多，全是新鮮沙律菜！最驚喜的是畫龍點睛的醬汁～香醋汁，風格有點像不辣的泰式醬汁，非常合襯！友人個個食咗都大讚！除了沙律值得大大推薦之外，五品飯也是十分令人滿意，一碗紅米飯🍚，拼上三種冷盤，和兩種主菜，味道相當特別！每樣菜式各有千秋！至於意大利粉，我就覺得不過不失⋯⋯飲品方面，跟餐可以半價享用所有正價飲品！煙燻朱古力，是些此店的新產品新搞作，今次凍熱也有機會一試！凍飲的比較像是酒調朱古力（但絕無酒精成份

同女朋諗住去旺角搵間嘢食，最後喺Openrice 現到依間cafe，真心一入到黎其實覺得成個環境都唔錯，佈置又幾舒服，睇到真係想坐低食下野。當坐低之後，同女朋友點左兩個餐，本身其實都覺得OK嘅，雖然餐牌上面嘅選擇唔多，但睇落其實都幾吸引，所以起未黎餐之前我都係覺得非常滿意。但之後就等...等...等....等左成30分鐘有多，都未上到個烏冬...我自問自己已經好有耐性，但係依個moment我真係忍唔住好想問究竟佢哋廚房係咪得一個人做嘢，真心真係等到差啲訓着。。。至於味道方面我就唔想再多講因為我已經等到對住盤野都冇咗感覺。。依家過咗45分鐘終於有嘢食唔想再打啦食嘢先

總括：時間唔趕，又唔算好餓既，不妨一試！環境絕對係促膝講心事既勝地～無論十個人定小圈子，都無問題！加分位：埋單送草印仔Card仔~可改善地方：等食物時間或工作人員人數需增加．４個人等左都有45分鐘先有第一碟食物到．．．同第二碟都要再等．．．之前食過都係半個鐘左右，可能是次有枱10人以上的客人吧．要求：同運動朋友s第一次Dinner，希望搵個唔趕人既地方慢談生活~~中選原因：我之前幫襯過，朋友推介我，食物品質同環境都感覺良好．故今次我推介比大家．服務：工作人員都幾有禮貌ge~食物：款式不算多，但味道就好好，質素食左幾次都無變，份量十分足夠！我最愛係個煙三文魚面～賣相亦唔錯架～飲品： 款式就超多，飲過幾次都係COFFEE特色類，飲品佢一般都要多時間調配，凍熱都好飲，凍飲既份量非常大杯，而且唔會係多冰淡味，絕對係真材實料，同有落心機～今次有一杯好獨特既"煙薰朱古力"杯子反轉，內裡都是白煙，朋友話味道濃香，唔只係綽頭野～另一杯，朋友點左爆炸奶，都幾特別架～仲有好香好健康既花茶飲添！環境： 我同朋友都係因為個環境乾淨同夠寬倘而黎～侍應亦唔會理會用膳時間．我地太高興既關係，都坐左有兩個幾鐘，都係因

近期食太多放題，又遇流感高風期大家都冇乜意慾食啲太大味熱氣嘅嘢。諗起之前試過Green Tea Coffee印象不錯所以帶左朋友黎試。今次試左天婦羅蝦南瓜餅咖喱烏冬，咖哩香而不太辣，天婦羅同南瓜餅都炸得夠脆而唔燶。味道各樣都滿意，只略嫌整個菜式稍為單調。辣椒朱古力係聖誕限定，但見餐牌仲有就叫黎試，本身對辣味朱古力有興趣。辣味入口頗為特出，大啖飲會略為乸喉，但慢飲感覺不差。辣味略似TABASCO辣椒仔，飲落有微微辣椒仔汁酸味，但出到黎味道效果不錯餐廳有時會略為繁忙，可以先致電留位

約了朋友兩個人傾下計講下公事，哩道幾好！可能因為樓上cafe..唔算多人知，當晚人流不算多，我們兩個人食左兩個幾鐘，飲左唔知幾多杯水😂😂😂我黎過幾次，多數會叫五品料理，因為可以有三個冷盤同兩個熱盤。蛋餅好豐富，係有啲份量，但發現熱盤份量比較少，唔係好夠餸黎送飯，相反冷盤好滿足，可能因為天氣比較凍，想食熱野多啲🤣而另外要求多飯也可以，對大食的人係恩典lol 結帳仲要無加一，非常好👍🏻整體環境簡潔舒服、店員和店長好友善，係會再去的小店☺️

同朋友兩個人去呢間餐廳食嘢餐廳人手不足上菜好慢，半個鍾先上到菜，落單都要等好耐。份量對女生而然只是剛剛好，男生一個餐必定吃不飽。多人才可叫多啲。味道可接受但不是特別好食。嘢飲價錢貴，一杯價錢可以夠你飲Starbucks 。