咖啡綠茶 (已結業)

我好喜歡既旺角cafe，係一個非常就腳既位置，而價錢亦唔算貴，但又無咩人排隊，唔知點解。叫左兩個snacks + dessert 餐，姐係兩樣snacks加兩樣dessert，我地再叫多兩杯嘢飲，勁豐富，埋單一人一百左右，好抵。三色雞翼真係好好好好好好好好好好好好好好食，佢好細心咁將每隻雞翼剪開，一條骨一啖肉，唔洗咬黎咬去，三隻味分別係唐辛子，蒜味同一隻唔記得咩味，非常入味，而且又炸得juicy，真係一啖一件唔想分俾女朋友食呀！不過一隻雞翼分到2件，但一碟得9件，咁仲有1件呢？個廚師相當有嫌疑。而我既cappuccino亦相當唔錯，上面既奶泡比一般既杰，冬冰冰天氣飲一口真係舒服，呢啲先係正常咖啡室應該出到既水準囉！係旺角好多樓上cafe飲杯咖啡仲慘過飲屎水。我唔太鍾意食甜嘢所以dessert我唔評價，不過女友話心太軟好食，球雪糕亦唔係一般貨，雲呢拿雪糕有雲呢拿籽，已經代表係好嘢，好似係。

旺角越開越多樓上cafe但其實好多都係開咗比較耐好貴之餘 食物質素都算中下但呢間都算係較新嘅樓上cafe質素都算幾好同埋我諗應該係最近地鐵站嘅一間樓上cafe?餐廳好新正 而且望落都算寬敞座位多而且賣點係啲果茶 花茶 或者 咖啡類小食方面都算多選擇 反而主菜方面比較少啲選擇所以應該係比較適合俾大家hea下吹水嘅地方白汁黑松露煙肉意大利麵 $68好多人會誤以為係Cabonara意粉但係其實無芝士味 係真係普通白汁本身比較濃味嘅黑松露都算配合得ok煙肉同意粉方面都係無乜特別好似以上所講 可能呢度比較注重飲品同小食所以主菜算係比較普通 算係比較自家制啲嘅味道香炸雞塊配韓式芝士泡麵 $58香炸雞塊有四舊 都炸得幾脆幾好味雞肉唔會太乾身 炸得岩岩好 但份量唔大韓式芝士泡麵就都係同意粉一樣 比較普通普通芝士泡麵然後加咗粒生蛋同芝士

好耐都冇見既朋友朝早臨時決定黎依間上到去環境唔錯野食偏細份 男仔唔係好夠但野飲就唔錯好岩同朋友黎坐下HEA下～～～～但唔好太期望野食好好食，只是一般水平

這是第二次來,第一次只order小食,但已經留下印象,想再試主食是日中秋,很多cafe都提早收,事先打來一問,好彩...畢竟在旺角想搵個地方慢慢坐不是易事......今日點了生薑燒豚肉烏冬,慢工出細貨,一點都不馬虎,在cafe應該不會要求稻庭烏冬吧,不是噹噹已經加哂分。香炸魚柳粟米青瓜沙律,擺盤用心,食落都開心D。魚柳即炸非常脆口,青瓜粟米亦見到廚房即煮。在cafe,你當然諗住慢慢食,慢慢傾,繼續慢工出細貨吧。非繁忙時間來這裡hea係一個非常好的選擇

今日難得可以同女朋友吃晚餐，當然即諗不如2個女仔去CAFÉ，但好多其實味道真係一般。而每次行過旺角都會見到一個易拉架叫咖啡綠茶，可能因為本人做設計關係，一些比較漂亮的易拉架都會特別記得，因而今次決定去這間CAFE。今次大約9點到，其實上去到見到桌不是很多，我地因早幾小時打去留了2人位。不用等已可入座。原來這店舖是以日本食品作餐，也有全早餐之類。甜品不是很多選擇，飲品都以花茶和咖啡作主打。今次我和朋友叫了2個餐（咖哩炸物烏冬和意粉，飲品叫了花茶和一個甜品）花茶味道都濃吾係比少少和可以加水，最後我地加了一次水味道還很濃同花茶來時還有少許蜜糖另外放好，加了蜜糖之後有花茶和淡淡的蜜糖味更加吸引。甜品最後只叫了一個，餅底濕左少少，味道偏淡，整體有點失望，可以不用叫甜品可以慳返＄12左右。黑松露意粉：黑松露味好香，意粉口感可以，但醬汁偏杰所以令到意粉睇落好濕。但其實整體不錯，配料如更多會更好。咖哩烏冬：醬汁係日式咖哩但有少少辣味道不錯，配料紅蘿白和薯仔都好淋，炸物炸得好脆口吾油係驚喜，份量正常。烏冬有口感吾多水，所以撈咖喱可以更原汁原味。最後我們差不多吃到12點才離開，待應都沒有趕我地走，其實最後

食物足足等了45分鐘，催了又催，連餐具都沒給我們，店員不足，叫極佢都唔會得閒應你我點的是菠菜煙三文魚意粉，意粉上到枱立刻食，都竟然是冷的....我明明唔係叫冷麵喎...意粉的中心亦只有一點點暖，意粉好乾，好涸喉，味道就係沒有什麼味道....我地一行4人都決定以後都絕對絕對不會再來，<<<<<兩個字：中伏>>>>>

3點鐘左右帶左自己隻狗去沖涼接受唔到旺角周圍推喼既自由行諗住搵個靜靜地既地方 所以誤打誤撞去左「咖啡綠茶」坐左係一個好特別既單人位 類似自修室既感覺 唯一空間比較窄叫左一個韓式炸雞芝士泡面 一杯岩鹽咖啡咖啡味道唔差 咸味適中唯一可改善地方就係上菜速度比較慢 等左接近半個鐘先上杯咖啡可以推介比想感覺休閒享受既人

嚟緊去旅行，我哋當然要搵一個地方，可以慢慢坐低來商討行程，第一個浮現腦海當然係一間咖啡室。咁係眾多咖啡室入面，我哋憑啲乜嘢揀咗呢一間呢？原來係睇中左佢每一個位附近，都有一個插頭可以俾我哋差電，岩曬無尿袋既我地低頭族。呢個湯烏冬最惹味，湯底濃，生薑甜甜帶酸好開胃，烏冬都食多幾條!香草白汁三文魚意粉,好杰身既汁，香草味超強，不俗!咖喱炸蝦薯餅烏冬，個咖喱汁幾好味，似係咖哩磚開個d，薯餅同埋炸蝦都炸得香脆，烏冬稔左d都爛，一夾就斷。呢個沙律好簡單，真心自己係屋企都可以整到。只係將蕃茄片上面，加一塊夾麵包嘅芝士片，再加一片青瓜，林啲橄欖油、黑椒同埋黑醋，完成。成品出黎都幾好味，清新醒胃。呢個三色雞翼實在無得頂,係單骨雞翼，有三隻味，左邊嘅先係胡椒粉，之後係紅椒粉，最後咖喱粉。雞翼炸得好脆，充份吸曬d調味粉。cafe好少去，高質素的更小撞到，呢間很不錯，繼續支持！！

約了朋友聊天，想到無限時又舒適的Cafe坐坐，當然也要挑食物質素ok的。朋友選了咖啡綠茶，西洋菜街Giordano樓上3樓的Cafe，食評不錯，地點方便，便去一試。Book 7點，門口有點怪怪，有一道布簾... 行入一點點就看到廚房跟L型的格局。店內都是年輕人，燈火通明，當時大約只剩2張枱都是Reserved留枱的。坐好就看看Menu，晚餐食物選擇不多，但飲品選擇超多，很多飲品都想試一試。最後點了菠菜忌廉煙三文魚意粉跟黑松露煙肉意粉，半價加飲品榛子朱古力跟曲奇沙冰。另加了焦糖芝士蛋糕和咖啡布甸拼Crème Brulee拼雪糕。全單約二百七十蚊。晚餐食物份量女生OK，男生的話應該不太夠，因咖啡綠茶Cafe為輕食店，食物份量會相對少一點點。不過我們另點了甜品，所以是足夠的。菠菜忌廉煙三文魚意粉 － 味道很好，意粉很QQ，很夠味，煙三文魚也有三大塊，一點都不吝嗇!!! (這個我很喜歡)黑松露煙肉意粉 － 味道不錯，很濃味很Creamy，相信老闆沒有吝嗇那些黑松露醬! 哈 － 用碎冰，夠凍但冰不會過多，飲到最後還很有味道!曲奇沙冰 － 曲奇味不太夠，頭幾口味道夠濃但其後有點淡。焦糖芝士蛋糕 －

Monthly birthday gathering 黎左MK呢間cafe，貪佢可以坐得耐~Broccoli soup, 好creamy但不杰身, 淡淡的，以cafe standard 尚可咁喇Peter bread with grill chicken meat, 個Peter bread有些涼，味道淡及好starchy... , 不過chicken meat 夠熱同埋味道好好~又入味呢個Fish Salad的確好好味，好新鮮，好熱，出面係超級脆又唔oilly, 入面就好滑同埋啲汁都鎖到係入面，真係好爽架!!青梅汁都不錯。

週末o係旺角搵一個少人又靜o既地方都幾難,上網見到呢間野d相幾靚就即刻試下9點鐘上到去都唔係好full,大部份都係d文青情侶o係度hea時間,環境唔錯叫左杯green tea latte,飲咖啡時見到個拉花其實會特別開心~ 但係杯野我認為略為淡左少少,而且出黎o既時候唔係好夠熱,熱咖啡唔夠熱的確係差左D野咁,但以個環境黎搭救,都不失為一個旺角好HEA o既地方

雖然旺角有不少食店，甚至可以話係收工聚腳好地方，但其實到要選擇時就會出現嚴重選擇困難症。會黎咖啡綠茶，都只是在開飯app隨便搵一間，近來越來越注重用餐環境，睇相發現這間環境光鮮企理，就選了這間。其實今次已係第二次黎，對上一次完全被依度既食物征服，今次依舊有水準。先唔講食物，講間格，店仔細細但照顧周到，當然有兩人四人枱，但最特別係有單人卡位，即使自成一角都非常安心。店員服務態度依然非常好，當然可能因為開業唔太耐，但每位店員都態度親切有禮。食物方面上菜速度較慢，但食物既味道絕對可以彌補所花費等待既時間。三色雞翼當然有三種味道（廢話），上菜時店員有介紹的但冇留心聽（-_-），其中兩種係辣味同咖哩味，係將一隻雞翼開兩邊的，方便進食但比較唔滿足，不過整體黎講十分入味。黑松露意粉係驚喜之作，送到時已聞到陣陣黑松露香味，食落亦有濃濃既香味，醬汁夠濃非常開胃。另外韓式辛辣麵都係推介，用鐵鍋裝住，賣相已值得加分，裡面有一隻生蛋，打散後蛋汁包住麵條，加埋芝士食落好滑，湯底濃得黎不會太辣，唔好辣既朋友都食到。野飲有梅子梳打同薄荷茶，薄荷茶上次都有飲，貪佢夠清新，仲可以去左油膩的感覺。水任refill的，店員

其實曾經在假期下午來過一次喝茶，感覺幾舒服，新淨，又不太貴，今次book左星期六晚，7:30pm，12位，居然前一日訂都有！不過去到坐就有點逼。試左有個炸雞小食，好味又juicy，無厚粉！薯角籃子內不知為什麼有2款形狀的，不過熱辣辣好正！呢度飲品又係幾有質素，睇得又飲得，不過無相。main dish 我叫左個雞沙律，顏色鮮豔，菜都新鮮，雞的調味也不錯，仲有套餐的西蘭花湯都正，不會成陣粉味。最尾埋單每人90,坐左2.5個鐘，旺角區，去邊度搵？有機會會再去~

晚餐明太子雞翼+心太軟+是日特飲（洛神花茶）$86個花茶好似唔好飲 所以加廿蚊 要牛奶抹茶$86+20=$106雞翼好好食 好新鮮牛奶抹茶熱飲極正 放涼左就差d咖喱雞肉烏冬$58+雜莓朱古力$24烏冬好彈牙 雞肉都好食雜莓朱古力 勁勁勁好飲 十級推介

同朋友食完晚餐，想搵個地方傾計，見到「咖啡綠茶」易拉架，新開的cafe，就上樓試下啦！叫一杯飲品就可以加$換購甜品，大家都選擇cheese cake！朋友話飲品不錯，而我order青蘋果泡沫綠茶及柚子芝士蛋糕。飲品內真係有青蘋果的，味道不太甜；柚子芝士蛋糕味道較清香；焦糖芝士蛋糕在比較之下就較濃味。